رواية سفاح الكوابيس
البارت الثالث والثلاثون
للكاتب المصري محمد مالك
ويمثل طارق امام وكيل النيابة للتحقيق معه في الاتهامات الموجهه اليه ومعه ثلاث محاميينوكيل النيابة .. اسمك وسنك وعنوانك
طارق .. طارق محمد فرويز .. ٢٣ سنه .. الزمالك فيلا ٢٣
الوكيل .. انت متهم بأختطاف همت عبد الحكيم درويش واحتجازها والتعدي عليها بالاغتصاب عنوه مما دفعها بعد ذلك الي الانتحار ؟!! ايه اقوالك؟!!
طارق مرتبك ويرتعش وينظر الي المحامين .. انا ..انااا .. انا معرفش حاجة عن الموضوع دا
الوكيل .. يعني مش انت اللي عملت كدا ؟!!
احد المحامين .. موكلي مالوش علاقة ابدا بالتهم الموجهة اليه من سيادتكم
الوكيل .. طب تفسر بأيه وجود جثة المجني عليها داخل حوش مقابر ملك المرحوم ابوك ؟!!
طارق .. معرفش .. معرفش حاجة عن الموضوع دا خالص
الوكيل .. طيب تفسر بأيه اعتراف التربي اللي اسمه عطيه ابو السعود واللي قال في اقوالة ان تم الاتفاق معاه عن طريق المدعو شوكت مدير اعمال والدتك انه يعترف بأختطاف وقتل المجني عليها مقابل رشوه قدرها مليون جنيه ؟!!
طارق .. قلت لسيادتك انا ماليش علاقة بالموضوع دا خالص .. اتكلم يا متر
محامي اخر .. يا معالي الوكيل سيادتك موكلي مالوش علاقة باتهامات النيابة ليه اورجو اذا كان لدي سيادتكم اية اثباتات مواجهة موكلي بها
الوكيل .. اثباتات !! اكيد في اثباتات يا متر .. متستعجلش علي رزقك .. قلي يا طارق انت متهم في القضية رقم ٣٤٥٦ لسنة ٢٠١٩ بحيازة ٥ ك هيروين بهدف الاتجار ؟! صح ،؟!!
طارق .. القضية لسة شغالة وانا ما ادانتش فيها لدلوقتي
الوكيل .. هي المخدرات لقيوها في العربية بتاعتك مش كدا ؟!!
طارق .. ايوا وانا راجع من الاسماعيلية
الوكيل .. وانت فعلا بتاجر في المخدرات ؟!
احد المحامين .. ارجو من النيابة الموقرة بعدم توجيه اسئلة لموكلي ليست لها علاقة بموضوع التحقيق
الوكيل .. ومين قالك انا بسأل اسئلة ملهاش علاقة بموضوع التحقيق ؟!! الاستاذ عنده جلسة بكرا في المحكمة ورئيس الجلسة هو المستشار عبد الحكيم درويش والد المجني عليها .. دا معناه ايه ؟!!
المحامي الثالث .. معناه ايه سعتك؟!!
الوكيل .. معناه ان الاستاذ قام بخطف المجني عليها عشان يضغط بيها علي رئيس الجلسة عشان يخرجوا من القضية ويحكملوا بالبراءة
المحامي الاول .. مستحيل موكلي يعمل كدا واتحدي ان يكون هناك دليل واحد علي هذا الاتهام
الوكيل .. ما انا قلتلك متستعجلش الاثباتات موجودة ..
ثم يقوم بتشغيل فيديو يعرض عملية خطف همت داخل سيارة سوداء بواسطة اثنان من الاشخاص ملثمين اثناء ما كانت تركن سيارتها بجراش العمارة وفي الكامير ظهر رقم السيارة
الوكيل .. دا الفيديو اللي سجلته كاميرات المراقبه الموجوده في الجراش اللي اسفل العماره اللي ساكنه فيها المجني عليها وطبعا واضح جدا ان هي اثناء ما بتركن العربية جم اتنين ملثمين من وراها وكتفوها وكمموا بقها وركبوها العربية الليموزين السودا وبالكشف عن رقم العربية اكتشفنا انها باسم طارق محمد فرويز
طارق يرتبك بشدة وينظر الي المحامين وكأنه يستغيث بأن يجدوت له مخرج
الوكيل يكمل حديثة .. ودا تقرير الطب الشرعي اللي بيؤكد وجود دماء غير دماء القتيلة منتشرة علي ملابسها التي كانت ترتديها ساعة حدوث الجريمة وبفحص الحمض النووي لعينة دم حضرتك تأكد ان هي نفس الدماء الموجودة علي ملابس القتيلة !! دي مش اثباتات برضوا يا اساتذة ؟!!
الوكيل .. قلي يا طارق الجروح اللي في رقبتك دي سببها ايه ؟!!
طارق .. دي بسبب القطة بتاعتي كنت بلعب معاها وخربشتني
الوكيل .. يعني مش سببها المجني عليها وهي بتقاومك اثناء محاولة التعدي عليها واغتصابها بالقوة ؟!!
طارق .. لا طبعا .. انا معرفش حضرتك ليه مُصرّ اني انا اللي عملت كدا ؟!!
الوكيل .. يعني بعد الاثباتات دي كلها لسة بتنكر ؟!
ثم ينهض الوكيل ويتوجه نحوه ويقول
الوكيل .. طيب والخرابيش اللي وراكك الاتنين دول سببهم القطة برضوا ؟!!
طارق .. ايوا
الوكيل يضحك .. هههههه .. طب مش تسألني انا عرفت ازاي في خرابيش علي وراكك ؟!!
الوكيل .. اعترف يا طارق بالحقيقة احسنلك
المحامي الاخر .. ارجو من هيئة النيابة عدم توجيه عبارات لموكلي تحمل في طياتها تهديد ووعيد
الوكيل .. وانت شفتني بهدده يا استاذ ؟!!
المحامي .. اتحفظ علي كلمة احسنلك .. لأن مثل تلك العبارات تؤثر علي تماسك موكلي ومن الممكن ان تجعله ينهار ويعترف بجريمة لم يرتكبها
الوكيل .. يعني مش انت يا طارق اللي خطفت المجني عليها واغتصبتها ؟!!
طارق .. لا مش انا
المحامي الاخر .. ارجو من هيئة النيابة الموقرة الافراج عن موكلي بضمان محل اقامته وذلك لأنه سيمثل باكر امام المحكمة
الوكيل .. ومين قالك اني هفرج عنه اصلا ؟!! .. اكتب يابني قررنا حبس المتهم خمسة عشرة يوما علي ذمة التحقيق مع مراعاة مثولة امام القضاء باكر في القضية رقم ٣٤٥٦ جنايات القاهره كما امرنا بأستدعاء المدعو شوكت محمود حسن مدير اعمال السيدة سهير المغربي للمثول امامنا باكر .. امضي يابني هنا
طارق يمسك القلم وهو يرتعش ويوقع علي المحضر ..
تابعوني والبارت التالي .. تحياتي ..
جميلة جدل... كمل بليييييز
ردحذف