عشقت زوجة ابي كاملة

رواية سفاح الكوابيس

البارت الرابع والثلاثون

للكاتب المصري محمد مالك

جميع الحقوق محفوظة
ويعود امين الشحات الي مكتبه بعد ان فقد زوجته وضاعت ابنته ولا يعرف طريقها حيث يجد علي مكتبه ملف طارق محمد فرويز فينظر الي الملف ويفتحه ويقلب صفحاته ثم يغلق الملف ثم يتأفف ويقول
امين .. لا حول ولا قوة الا بالله
ثم يفتح الملف مره اخري ويبدأ قرآة ما يحويه من اوراق
ونذهب الي المستشار عبد الحكيم درويش الذي يجلس هو الاخر داخل مكتبه يقرأ في اوراق القضية الخاصة  ب طارق يقلب في صفحات القضية ثم يتوقف فجأة ويغلق الملف وينزع النظارة من وجهه ثم يقول
عبد الحكيم .. استغفر الله العظيم
ثم ينظر بكل اسي وحزن الي صورة ابنته همت الموجودة علي مكتبه بضع ثوان ثم يعود ويلبس نظارته مره اخري ويفتح ملف القضية ويعاود قرآته مره اخري
ونذهب الي وكيل النيابة الذي يجلس امامه شوكت للتحقيق معه
الوكيل .. قلي يا استاذ شوكت انت بقالك كتير شغال مع مدام سهير ؟!!
شوكت .. حوالي ١٥ سنه من ايام المرحوم محمد فرويز
الوكيل .. الواضح انك الكل في الكل هناك ؟!!
شوكت .. الحمد لله الواحد بيشتغل طول عمره بذمة وضمير
الوكيل .. بذمة وضمير !! فعلا .. قلي انت تعرف تربي اسمه عطيه ابو السعود ؟
شوكت .. لا سعتك
الوكيل .. ولا عرضت عليه مبلغ مليون جنيه عشان يقول انه هو اللي خطف بنت المستشار عبد الحكيم درويش ؟!!
الوكيل .. انا لا اعرف عطية ولا اعرف عبد الحكيم درويش !!
الوكيل .. يعني لا رحتله ولا قابلته ؟!!
شوكت .. لا طبعا
الوكيل .. غريبة !! بس هو بيقول انك رحتله المقابر وعرضت عليه مبلغ مليون جنيه قبض منهم ٢٠٠ الف جنيه مقدم عشان يشيل التهمه عن الجاني الحقيقي
شوكت .. محصلش سعتك
الوكيل .. طب ايه تفسيرك وجود جثة المجني عليها داخل الحوش الخاص بالمرحوم محمد فرويز جوز سهير المغربي ووالد طارق فرويز ؟!!
شوكت .. الله اعلم سيادتك
الوكيل .. لا انا عاوز اعرف تفسيرك .. ايه اللي انت توقعته ساعة ما عرفت بحاجة زي دي ؟!!
شوكت .. احتمال كبير يكون موضوع مدبر لتوريط مدام سهير في مشكلة الهدف منها هز اسمها وسمعتها في السوق وخصوصا ان شركتنا اكبر شركة استيراد وتصدير في الشرق الاوسط
الوكيل .. جايز .. وجايز يكون ليها علاقة فعلا باللي حصل للمجني عليها ؟!!
شوكت .. ما اظنش مدام سهير ست ليها اسمها وسمعتها اللي تخاف عليهم وبعدين عمر الشر والانتقام ما كان طريقها ابدا حتي مع الد اعدائها
الوكيل .. طب ممكن يكون ابنها طارق هو اللي ورا الحادثة دي ؟!!
شوكت .. وطارق هيعمل كدا ليه ؟!!
الوكيل .. كارت يضغط بيه علي المستشار عبد الحكيم وخصوصا انه هو القاضي اللي هيقف قدامه عشان يتحاكم في قضية المخدرات
شوكت .. قصدك تقول ان طارق هو اللي خطفها ؟!!
الوكيل .. ايوا
شوكت .. لا ما أطنش
الوكيل .. طب ايه رأيك ان هو اعترف انه فعلا خطفها ؟!!
شوكت .. معقول !! طارق اعترف بكدا ؟!
الوكيل .. كان قاعد قدامي هنا مكانك ومعاه ٣ محامين وبعد ما خلص تحقيق ومشي طلب يقابلني تاني هو في الاول انكر كل حاجة لكن لما قابلني تاني كان منهار جدا و اعترف بكل حاجة
شوكت مرتبك .. اعترف بأيه ؟!!
الوكيل .. اعترف انه خطف همت من الجراش اللي تحت بيتها وانك انت اللي اغتصبتها
شوكت غاضب .. كداب .. دا هو اللي اغتصبها
الوكيل يفرح ويبتسم في وجه شوكت .. انا قلت كدا برضوا !! خد ولع السيجاره دي واهدي كدا واحكيلي علي كل حاجة
شوكت يرتعش وهو يمسك السيجارة والوكيل يشعل له السيجارة
ونذهب الي قاعة المحكمة حيث محاكمة طارق فرويز في قضية الاتجار في المواد المخدرة .. القاضي يقول ..
القاضي .. دفاع المتهم يتفضل
فجأة نري امين يدخل الي قاعة المحكمة  ويقول
امين .. امين الشحات حاضر عن المتهم
جميع من في القاعة ينظر اليه في ذهول واولهم القاضي حيث ظلا الاثنان يتبادلان النظرات وكأن عيناهما اصبحت وسيلة للتعبير عن ما بداخلهما من اسي وحزن ..
تابعوني والبارت التالي ودا هيكون ساخن جدا وشيق .. تحياتي ..