رواية سفاح الكوابيس
البارت السابع والعشرون
للكاتب المصري محمد مالك
جميع الحقوق محفوظةشوكت .. يخرب بيتك !! حتي بنت امين الشحات اغتصبتها ؟!!
طارق .. وفي بيته كمان .. شفت فُجّر اكتر من كدا ؟؟!!
شوكت .. بصراحة انت عديت كل الحدود !! وبعدين ؟!!
طارق .. بس .. عملتله اسطوانه حلوة وبعتله رسالة علي الموبيل عشان يروح يتفرج عليها وزمانه اتفرج عليها
شوكت .. بعتله رسالة من تليفونك ؟!!
طارق .. هو انا عبيط زيك اخبي جثة القتيلة في حوش امي !! لا طبعا بعتها من رقم مش مسجل بأسمي وبكرا بقي هتصل بيه عشان بعد بكرا يبقي موجود في المحكمة عشان يدافع عني .. يا كدا يا اما هشير الفيديو والفضيحة هتبقي علي بوسائل
شوكت .. قصدك بجلاجل !!
طارق .. لا بوسائل .. بعني وسائل التواصل الاجتماعي اللي فييبوك وتويتر وواتساب وكدا .. اما جلاجل دي كانت ايام امك وامي زمان قبل ما يكون في انترنت .. فاهم يا ابو مخ تخين ؟!!
شوكت .. هو انت حد يقدر يفهمك !! صغير سن بس عليك مخ سم !! طب وقدرت توصل للبنت ازاي عشان تعمل معاها كدا ؟!!
طارق .. مش هتصدق لو قلتلك ان كل الظروف كانت متهيأه .. والبنت سلمت بكل سهولة
طارق .. طب مش خايف البنت تقول لأهلها انك انت اعملت معاها كذا وكذا؟!
طارق .. مش لما تبقي فاكره اسمها الاول عشان تفتكر مين عمل معاها كدا !!
شوكت .. ليه البنت فاقدة الذاكرة ؟!! ولا عملت زي كريم عبد العزيز في فيلم فاصل ونعود ذاكرتها بتفصل بعد كل مشهد يا عربي !!
طارق .. تصدق اني محتار في امر البنت دي !! حاسس فيها حاجة غلط ؟!! لكن مش عارف ايه ؟!!
شوكت .. طب احكيلي وصلت ليها ازاي ؟!!
طارق .. اسمع يا سيدي
ونذهب الي امين الذي يرقد هو وزوجته في احدي المستشفيات بعد تعرضهم للضرب من ولاء ابنته والتي اختفت بعد تلك الحادثة حيث اصيب امين بجرح قطعي في الرأس وارتجاج خفيف بالمخ .. اما خديجة فترقد في غرفة العناية المركزة
امين .. انا فين ؟!!
الممرضة .. حمد الله ع السلامة .. اطمن انت في المستشفي
امين .. انا جيت هنا ازاي ؟!!
الممرضة .. الجيران اتصلوا بالاسعاف وجت شالتك انت والمدام
امين يتذكر عند سماع كلمة مدام .. خديجة !! فين خديجة ؟!!
الممرضة .. في العناية للأسف حالتها خطيرة
امين .. خطيرة !! ليه عندها ايه ؟!!
الممرضة .. نزيف حاد في المخ وتهتك في الكبد والكلي
امين .. بنت الكلب هي السبب ( يقصد ولاء)
الممرضة .. تقصد مين حضرتك ؟!!
امين .. ايه ؟! لا مقصدش حاجة .. انا لازم اقوم اشوف خديجة
وعندما يتحرك يشعر بألم فيتأوه
امين .. اه ..
الممرضة .. من فضلك متتحركش من مكانك وكمان هي اصلا ممنوع عنها الزيارة
امين .. طب ولاء مجتش هنا ؟!!
الممرضة .. ولاء مين ؟!!
امين .. ولاء بنتي
الممرضة .. حضرتك لحد الآن مفيش حد من اهلكم .. بعد ازنك ابلغ الدكتور انك فقت ..
ونذهب الي وكيل النائب العام الذي يحقق في قضية امين وسهير المغربي حيث يدخل العسكري يقول له
العسكري .. سعت الباشا في واحد بره اسمه عطية ابو السعود عايز يقابل سيادتك
الوكيل .. مين عطيه دا ؟!!
العسكري .. بيقول انه شغال تربي
الوكيل .. تربي !! خليه يدخل
ويدخل عطية التربي
عطية .. سلاموا عليكم يا سعت الباشا
الوكيل .. نعم .. اي خدمة ؟!!
عطيه .. انا جاي لسيادتك عشان اعترف بكل حاجة
الوكيل .. تعترف بأيه ؟!!
عطية .. انا اللي قتلت همت بنت المستشار عبد الحكيم درويش
الوكيل .. نعم يا اخويا ؟!!
الاحداث مشتعلة وستزداد اشتعالا والبارت التالي .. تابعوني .. تحياتي ..
👍👍👍👍👍
ردحذف