زوجتي من الخيال
البارت الثاني
للكاتب المصري محمد مالك
بسنت تصاب بالصدمة الشديدة والذهول عند روؤية زوجها بهذا المشهد المفجع تقترب منه بسرعة وتجلس علي ركبتيها وترفع رأسه علي فخذها قائلةبسنت .. كريم .. كريم حبيبي مين اللي عمل فيك كدا ؟!! كريم
كريم شبه فاقد للوعي وبسنت تصرخ وتستغيث حتي سمعها جيرانها الذين اسرعوا نحو شقتها لمعرفة ما سبب استغاثتها وطلبوا الاسعاف التي قامت بحمل كريم الي المستشفي وفي داخل المستشفي نري بسنت وامها والدها امام غرفة العمليات في انتظار خروج الطبيب وفجأة يخرج الطبيب ونري بسنت تتجه نحوه مسرعة كلها شوق وتلهف للأطمئنان علي زوجها
بسنت .. طمني يا دكتور .. كريم كويس صح ؟!! كريم لسة عايش ؟!! اتكلم يا دكتور ارجوك
الطبيب متعجبا .. اهدي من فضلك واديني فرصة اتكلم
ادهم والد بسنت .. اهدي يا بنتي خلينا نفهم من الدكتور حالة كريم .. اتفضل يا دكتور
الطبيب .. للأسف الحالة متطمنش ومش هقدر اطمنكم غير لما الحالة تستقر خلال ٤٨ ساعة .. ربنا يلطف فيه . ادعوله ..
الطبيب ينصرف وبسنت تنهار عند سماع تلك الكلمات
بسنت .. سامعة يا ماما الدكتور بيقول ايه ؟!! بقول ان حياة كريم في خطر !! يعني ايه ؟!! يعني كريم ممكن يموت ويسيبني ؟!! لا .. ازاي .. كريم مش ممكن يموت ابدا .. انا مقدرش اعيش بعده ثانية واحدة
ادهم .. اهدي يا بنتي من فضلك .. كريم هيقوم بالسلامة ان شاء الله وهيبقي زي الفل
بسنت .. يارب يابابا يارب
ثم نري وكيل النيابة رضا البدري وقد حضر الي المستشفي بعد اخطارة بالواقعة
رضا .. مساء الخير .. انا رضا البدري وكيل النيابة .. ممكن كلمتين بعد اذنك يا مدام بسنت؟
الام .. لو سمحت يافندم .. بنتي دلوقتي منهارة زي ما انت شايف فياريت تأجل التحقيق لوقت تاني
رضا .. مفيش مشكلة .. منتظرها في مكتبي الصبح.. بعد ازنكم
وبعد قضاء ليلة عصيبة وعند ظهور اول شعاع من نور الصباح تعود بسنت الي شقتها وتأبي ان تعود الي منزل ابيها واصرت علي ذلك وذهبت معها امها واثناء صعودهم الي الشقة ارادات بسنت ان تتحدث مع عم محمد البواب بسنت .. استني يا ماما
الام .. رايحه فين يا بسنت ؟!!
بسنت .. هخبط علي اوضة عم محمد البواب .. عايزة اسألة علي حاجة
وتتوجه بسنت الي حجرة عم محمد البواب وتطرق الباب بشدة فيستيقظ عم محمد ويفتح الباب ليجد بسنت فيتعجب
محمد .. ست بسنت !! اخبار الباش مهندس كريم ايه دلوقتي ؟!!
بسنت .. بين الحيا والموت .. حالته مطمنش
محمد .. يا حول الله ياربي .. ربنا ينجيه ويلطف بيه
بسنت .. قلي يا عم محمد انت تعرف توصف الست اللي جت وسألت علي كريم ؟!!
محمد .. ست مين عدم لا مؤاخذة ؟!!
بسنت .. الست اللي انت قلت انها جت وكانت عنيها بتطق شرار وسالت علي كريم وكان معاها مسدس كمان وقلت انها ناوية علي الشر عشان كريم اتجوز عليها
محمد .. انا قلت كدا ؟!! محصلش
بسنت .. محصلش !! انت مش قايل الكلام ده ل كريم قدامي واحنا راجعين امبارح بالليل من الفرح؟!!
محمد .. لا انا مقلتش حاجة زي دي .. وبعدين مفيش واحدة جت سالت ع الباش مهندس كريم من اصلة
بسنت .. انت هتجنني ؟!! ولا بتستهبل ؟!! انت قلت الكلام ده بعضمة لسانك امبارح بالليل وقدامي
محمد .. والله يا بنتي انا جايز اكون قلت كدا .. بس ده مش معناه انه حصل فعلا .. انا يا بنتي راجل كبرت خلاص وصحتي بقت علي ادي وشكلي ابتديت اخرف فعلا زي ما السكان بتقول وبيتهيألي حاجات محصلتش .. سامحيني يا باش مهندسة
بسنت .. لا بس انت مكنش بيتهيألك .. انا متاكدة ان دا حصل فعلا .. شكلك ساعتها كان بيقول كدا وانت لازم تحكي اللي حصل ده في النيابة
محمد .. نيابة !! يا ست هانم انا راجل عجوز وصاحب عيا ومش حمل بهدلة نيابات .. انا اصلا لا شفت حاجة ولا سمعت حاجة .. ارجوكي سيبيني في حالي انا راجل غلبان ومش حمل مرمطة
بسنت .. عم محمد .. انت خايف تتكلم ولا حد هددك بحاجة ؟!!
محمد .. وانا اخاف من ايه ولا اتهدد ليه من اساسة ؟!! انا لا شفت حاجة ولا سمعت حاجة وارجوكي يا باش مهندسة انا سهران طول الليل وعايز انام ساعتين قبل ما ابدأ مناكفة مع السكان .. بعد ازنك
ثم يدخل الي غرفته ويغلق الباب في وجه بسنت وبسنت تتعجب من فعل محمد ثم تصعد الي شقتها فتجد ورقة مطبقة امام الباب فتفتحها فتنصدم عندما تدرك انها عقد زواج عرفي بأسم سيدة تدعي نجلاء حسين محمود والزوج هو كريم حسني زوجها ...
ماذا حدث ؟؟؟ تابعوني والبارت الثالث من الرواية .. تحياتي ملك الروايات السيناريست المصري محمد مالك.
رواية جعلتني خائنا وقفت عند البارت ٩ اي حد عنده معلومات حصل فيها ايه ؟؟
ردحذف