زوجتي من الخيال
البارت الثالث
للكاتب المصري محمد مالك
بسنت متعجبة .. ايه ده !! دي ورقة جواز عرفي !!الام .. ايه ؟!! وريني كدا .. دا جوزك !! ومين نجلاء دي ؟!!
بسنت .. شفتي بقي .. يبقي الباشا كان فعلا متجوز عليا !! واكيد اللي هي اللي قتلته زي ما قالت للبواب .. يبقي كلام البواب كان صح .. شفتي يا ماما .. كريم طلع متجوز عليا !!
الام .. استني بس يا بنتي لما نشوف ايه الحكاية .. اكيد في حاجة غلط .. مش معقول كريم يعمل حاجة زي دي ابدا .. دا بيموت فيكي !!
بسنت .. ما هو دا اللي هيجنني !! ازاي قدر يخدعني بالسهولة دي ؟!! الخاين الغشاش
الام .. اهدي بس وافتحي الباب خلينا ندخل جوة ميصحش كدا
بسنت .. اغص عليك يا كريم .. بقي كنت متجوز قبلي وعرفي كمان ؟!!
الام .. انا مش مصدقة بصراحة .. ما ممكن يكون اللي ساب الورقة دي قدام الباب غيران منكم وعايز يعمل فيكم مقلب ..
بسنت .. مستحيل .. دا توقيع كريم .. انا عرفة خط ايده كويس .. ازاي يعمل كدا ؟!! وما دام متجوز ليه اتجوزني ؟!! ليه يخدعني ويقلي اني الحب الوحيد اللي في حياته ؟!! ليه يكسرني بالشكل ده ؟!!
الام .. يا بنتي الراجل دلوقتي بين ايادي الله ومينفعش نحكم عليه بأي شئ غير لما يقوم بالسلامة ونواجهه .. جايز عنده مبرراته ويطلع برئ ..
بسنت .. بس لو العقد دا صحيح .. يبقي صحبة العقد ده هي اللي قتلت كريم .. انا لازم اقول الكلام ده في النيابة واقول كمان الكلام اللي قالة عم محمد البواب
الام .. بس عمك محمد البواب رجع وغير كلامه وقال انا مقلتش حاجة
بسنت .. في لغز في الموضوع .. وحاسة ان عم محمد خايف علي نفسه او جايز اتعرض لتهديد وعايز يبعد عن الموضوع
الام .. جايز يا بنتي .. بقلك ايه .. قومي افردي طولك ع السرير ونامي .. انتي طول الليل صاحية وبتحرقي في دمك .. قومي يا بنتي واللي عايزة ربنا يكون
وفي الظهيرة يأتي فريق البحث الجنائي لرفع البصمات من علي باب المطبخ بقيادة الضابط صفوت
صفوت .. غريبة !! باب المطبخ ده بينفتح بمفتاح كمبيوتر من برة لان مفيش اوكرة
بسنت .. اها
صفوت .. يعني اللي دخل المطبخ عشان يقتل كريم معاه مفتاه الباب .. عشان كدت فتح ودخل
بسنت .. او جايز يكون خبط علي الباب وكريم فتحله
صفوت .. لا ما اظنش
بسنت .. ليه ؟
صفوت .. الاوكرة من جوة مكسورة .. يعني لازم برضوا الباب يتفتح بالمفتاح وانتي قلتي ان قبل كدا طلبتي من كريم مفتاح باب المطبخ عشان تنصفي السلم وانتم بتفرشوا الشقة فرد وقالك .. ان المفتاح ضايع مني .. ودا معناه ان الباب اتفتح من برة ومش من جوة
بسنت .. ممكن
صفوت .. دا اكيد .. ومعني الكلام ده ان اللي قتل كريم دا واحد يعرفة اوي ودخل شقته وممكن يكون هو اللي اخد نسخة المفتاح اللي معاه عشان ينفذ جريمته
بسنت .. قصدك تقول ان القاتل يعرف كريم ومقرب منه كمان ؟!!
صفوت .. اها .. ومخطط كمان للجريمة من فترة .. بس مين ده وليه ؟!!
ثم تقص عليه بسنت ما حدث من البواب وتعرض عليه عقد الزواج العرفي وبعد رفع البصمات يلاحظ الضابط دبلة من الذهب ملقاه علي الارض في المطبخ في مسرح الجريمة
صفوت .. مدام بسنت .. الدبلة دي تخصك ؟!!
بسنت .. لا !!
صفوت .. اها .. دي دبلة خطوبة او جواز حريمي ومكتوب عليها ..K .. N .. 23/10 يعني من ٨ شهور تقريبا !! ويا تري دي دبلة مين ؟!! بس احنا كدا اول الخيط .. ان القاتل فعلا ممكن يكون واحدة ست
بسنت .. وانها فعلا مراته !!
صفوت .. ايه ؟!!
بسنت .. ايوا.. اللي مكتوب علي الدبلة اول حرفين من اسمهم .. كريم و نجلاء ودا تاريخ خطوبتهم لأنه بيسبق التاريخ اللي هو موجود في عقد الجواز العرفي بشعرين بس .. اللي هو 22/8 .. يبقي كدا الصورة وضحت يا حضرة الظابط .. كريم كان متجوز الست دي عرفي ولما عرفت ان ناوي يتجوز عليها قتلته
صفوت .. مش عايز انفعالك وغضبك يخليكي تسرعي في الحكم علي الامور .. واحدة واحدة وهنوصل للحقيقة
وفجاة يأتي ل بسنت تليفون صادم ...
لو عايزين بارت كمان .. يبقي تفاعل ومشاركة .. تحياتي الكاتب والسيناريست المصري محمد مالك.
ياريت تكمل القصه وبسرعه ياحماده😍لأنها مشوقه وجميله جدا
ردحذف