رواية اغتصاب شرعي #الجزء_الاول #كامل

رواية انتقام شربات موسي كاملة 

للكاتب المصري محمد مالك

[٢٣/‏٥ ٥:١٣ م] محمد مالك: انتقام شربات موسي
للكاتب محمد مالك
البارت الاول
شربات موسي فتاه عشرينية غير متعلمة تعيش في منطقة شعبية مع امها لا تعرف شيئا عن والدها غير انه قد مات وهي صغيرة امها ترقد علي فراش الموت بعد انهكها السرطان دخلت علي امها لتنظر اليها نظرة الوداع والام تفقد الوعي من آن الي اخر انها سكرات الموت ..تقترب منها ثم تمسك بإحدي وتقبلها فتشعر الام بذلك فتفيق من غيبوبتها
الام .. شربات !! كويس انك جيتي يا بنتي.. اسمعي يا شربات عايزة اقلك علي سر كنت مخبياه طول عمري عنك .. عايزه اقابل ربنا وانا ذمتي خالصة من ناحيتك
شربات بتأثر شديد .. بعد الشر عليكي يا ماما متقوليش كدا .. ان شاء هتخفي وهتقومي بالسلامة
الام .. اسمعيني يا بنتي مفيش وقت افتحي الدولاب وهاتي الصندوق اللي فيه
تذهب شربات لاحضار الصندوق وتعود لتجلس بجوار امها
الام .. افتحي الصندوق وهتلاقي ورقة مطبقة افتحيها واقريها
شربات تفتح الصندوق وتخرج الورقة وتقرأها فتكتشف انه عقد زواج عرفي
شربات .. دا عقد جواز عرفي !! دا اسمك انتي اللي المكتوب !! ومين موسي الاسيوطي ؟!! هو انتي اتجوزتي حد تاني غير بابا؟!!
الام .. موسي الاسيوطي دا ابوكي يا بنتي
شربات .. ابويا !! انا مش ابويا اسمه فتحي سيد
الام .. لا مش ابوكي يا بنتي .. انتي ابوكي اسمه موسي الاسيوطي راجل غني اوي اتجوزني من ٢٥ سنه بعقد عرفي وحملت فيكي منه ولما عرف اني حامل خاف علي نفسه وسمعته وسمعة اهله واتبري من جوازنا ومنك وقام مطلقني واداني قرشين وهددني اني لو فتحت بقي بكلمة هيقتلني وانا كنت غلبانه واهلي ناس غلابه ودا من عيلة كبيرة وعندهم فلوس وسلطة فخفت وبعدها قابلت فتحي كان صرماتي وكان طيب اوي حكتله قصتي صعبت عليه قام متجوزني عشان يستر عليا وقام كاتبك بأسمه
شربات .. انتي بتقولي ايه ؟!! يعني انا مش بنت فتحي سيد ؟!!
الام .. لا .. انتي بنت موسي الاسيوطي وانا عرفت انه اتوفي من سنتين وعنده بنت اسمها جيهان اصغر منك بسنتين روحلها يا بنتي خديلها عقد الحواز وهتلاقي كمان في الصندوق كام صورة ليا انا وابوكي احكيلها اللي حصل واطلبي حقك في ميراث ابوكي
شربات .. يا سلام .. بالسهولة دي يا ماما ؟!! اول ما هروح واوريلها العقد والصور واقلها اني اختك من ابوكي هتقلي اهلا وسهلا بيكي وهتقوم واخداني بالحضن ومدياني حقي وماشية !! ايه اللي يثبت اصلا اني بنته؟!! واشمعني دلوقتي جاية تقوليلي الكلام ده ؟!!
الام .. يا بنتي انا خلاص مافيش بيني وبين الموت حاجة وعايزة اريح ضميري
شربات .. عايزة تريحي ضميرك تقومي تتعبيني انا ياريتك ما كنتي قلتيلي
الام .. روحيلها يا بنتي يمكن تطلع كويسة وتديكي حقك ولو رفضت اعملي اللي اسمه ايه ده التحليل اللي بيثبت البنوه وصدقيني هتطلعي بنته وهتاخدي حقك زيك زيها .. خليكي تنسي عيشة الذل والمرمطة اللي انتي عايشاها طول عمرك وتعيشيلك يومين حلوين .. انا اسفة يابنتي سامحيني اني مقلتليكيش الحقيقة من زمان لأنه طول ما هو عايش كان ممكن يئذيني ويئذيكي لكن دلوقتي هو مات روحي دوري علي حقك يا بنتي
ثم تموت الام وتمر الايام وتفاجأ شربات بأن الكل يطالبها بالديون التي عليهم حتي امها اشترت لها الكفن ومصاريف الجنازة بالدين وصاحب البيت الذي يريد ايجار عام كامل لم يتم دفعة والبقال وبائع الخضار واصبحت وحيدة ومطمع للكثيرين في الحارة وكانت تعمل ممرضه في مستشفي خاص ولكن راتبها لا يكفي لسداد الدين واصبح اصحاب الدين يتشاجرون معها من اجل الحصول علي مالهم وبعد تفكير قررت ان تذهب الي الفيلا التي تسكن بها اختها وتخبرها بالحقيقة لتحصل علي حقها في ميراث ابيها وكانت المواجهه ساخنة جدا ...
تابعوني والبارت الثاني من الرواية .. تحياتي الكاتب والسيناريست محمد مالك.
[٢٣/‏٥ ٧:٤٤ م] محمد مالك: انتقام شربات موسي
للكاتب محمد مالك
البارت الثاني
ذهبت شربات لتقابل جيهان واخبرت الخادمة انها تريد مقابلتها لامر هام ونزلت اليها جيهان لتقابلها..
جيهان .. تحت امرك .. الخدامة بتقول انك عايزاني في امر ضروري .. خير ؟!!
شربات .. طب مش اعرفك بنفسي الاول ؟!!
جيهان بعجرفة وتكبر .. مع اني وقتي ميسمحش بس اختصري .. اتفضلي
شربات .. انا اسمي شربات موسي الاسيوطي
جيهان .. مين موسي الاسيوطي ؟!!
شربات .. ابوكي
جيهان .. ابويا انا ؟!!
شربات .. انا اختك شربات
جيهان .. نعم يا ماما ؟!! انتي جاية تضيعي وقتي عشان تهرجي معايا ؟!!
شربات .. انا مش بهرج انا بتكلم جد .. انا اختك بس من ام تانيه وادي عقد الجواز العرفي
جيهان تقرأ عقد الجواز ثم تقول ..
جيهان .. أيه الورقة اللي انتي جايبهالي دي ؟!! دي حتة ورقة مكتوبة بخط يد ملهاش اي لزمة .. شكلك نصابة وجاية تلعبي لعبة عشان تاخدي قرشين .. امشي اطلعي برة عشان مخليش امن الفيلا يجوا ويرموكي في الشارع
شربات .. انا مش جاية انصب عليكي .. انا جاية اقلك الحقيقة وفعلا انا محتاجة فلوس .. من نصيبي .. من ميراثي في ابويا
جيهان .. ميراث ايه ونصيب ايه ؟!! امشي اطلعي بره با زبالة يا جربانه
شربات . . انا ماشية واهو عندك صورة عقد الجواز وكمان الصور اللي بتجمع بين ابوكي وامي في مناسبات كتير .. وهسيبك شوية وتكلميني علي النمرة دي عشان اجي ونتفاهم بالذوق بدال الشوشرة والفضايح وبرضوا هاخد حقي .. بعد ازنك
وبعد ان تخرج شربات من باب الفيلا تتصل جيهان علي مشرف الامن بالفيلا
جيهان .. اه يا حسن .. البنت اللي خارجة من باب الفيلا قدامك دلوقتي تبعت حد وراها يشوفها ساكنة ويجمعلي معلومات كاملة عنها .. وتجيلي انهاردة بالليل .. فاهم ؟!!
حسن .. تمام يا ست هانم .. علم وينفذ
جيهان .. سلام وتغلق الخط .. انا لازم اعرف مين دي وعايزة ايه ؟!
انتظروني والبارت الثالث .. تحياتي محمد مالك.
[٢٤/‏٥ ٣:٢٥ م] محمد مالك: انتقام شربات موسي
البارت الثالث
للكاتب المصري محمد مالك
وجاء المساء واتصل حسن ب جيهان ليخبرها بالمعلومات التي جمعها
حسن .. مساء الفل يا ست هانم
جيهان .. مساء النور خير يا حسن؟
حسن .. بصي يا ست الكل . . البنت دي اسمها شربات فتحي سيد من الطالبية ابوها صرماتي اتوفي وهي لسة كانت في اللفة وامها لسة ميته ملهاش اسبوع بتشتغل ممرضه في مستشفي خاص وحاليا واخده شبه بيات في المستشفي عشان متروحش البيت وتهرب من الديانه اللي قاعدين ليل نهار قدام باب الشقة عاوزين فلوسهم زي صاحب البيت اللي عايز ايجارة والبقال وغيرهم كتير .. تمام كدا سعتك ولا محتاجة معلومات اكتر ؟
جيهان .. لا يا حسن تمام كدا انت جيبت المفيد وانا لو عزت معلومات زيادة هكلمك
حسن .. تحت امرك يا ست الكل انا خدامك
جيهان .. مع السلامة ثم تغلق الخط وتحادث نفسها قائلة . بقي كدا !! يعني طلعتي شحاته ومش لاقية تاكلي !! عشان كدا جاية تعملي قصة عشان تطلعي بقرشين .. اه يا نصابة يا بنت الكلب .. وفجأة يرن تليفون جيهان والمتصل شوكت ذراعها الايمن في الشركة
جيهان .. ايوا يا شوكت .. خير طمني؟
شوكت .. للأسف يا ست هانم الورقة سليمة ١٠٠٪
جيهان .. ورقة ايه اللي سليمة ؟!!
شوكت .. الورقة اللي حضرتك اديتهالي بتاعة عقد الزواج العرفي وطلبتي مني اتأكد اذا كان التوقيع اللي عليها يخص المرحوم موسي والدك ولا لا .. انا وديتها عند اكبر مزيف فيكي يا مصر واكد ان دا توقيع المرحوم
جيهان .. طب والصور ؟!
شوكت .. سليمة ومفيهاش فوتوشوب
جيهان .. انت متأكد ؟!! شوف حد تاني يا شوكت
شوكت .. متأكد يا ست هانم وبعدين انا اسمع ان المرحوم ابوكي كان روميو زمان ومقطع السمكة وديلها واكيد دي كانت نزوة من نزواته .. هو في مشكلة يعني من ورا دي ؟!! ووقعت في ايديكي ازاي عدم لا مؤاخذة؟!!
جيهان .. مش وقته يا شوكت هتعرف كل حاجة بعدين .. سلام
وتغلق الخط ثم تتصل علي شربات
شربات .. الو .. مين معايا ؟
جيهان .. انا جيهان موسي
شربات .. اها .. اهلا بيكي
جيهان .. اسمعي يا بنت انتي انا قعدت مع نفسي وفكرت ولقيت ان جايز تكون ظروفك صعبه فعملتي القصة دي كلها عشان تاخدي قرشين .. ع العموم عدي عليا بكره هتلاقي مع الامن بره ظرف فيه ١٠٠ الف جنيه .. مبلغ طول عمرك ما تحلمي بيه ولا تعرفي تعديه .. خديه ومش عاوزه اشوف وشك تاني وانسي انك جيتيني او قابلتيني قبل كدا .. اتفقنا ؟
شربات بسخريه .. هو فعلا مبلغ كبير ومغري وعمري ما كنت احلم بيه زي ما بتقولي وكمان فعلا معرفش اعده لأني متعلمتش زيك .. لكن المبلغ دا وزعيه رحمه ونور علي روح ابوكي اللي هو ابويا .. انا مش جايالك اطلب حسنه انا جايه اطلب حقي في ميراث ابويا
شربات .. ابوكي مين يا جربوعة انتي !! بقي انتي يا معفنه بنت موسي الاسيوطي؟!!
شربات .. ايوا بنته غصب عنك
جيهان .. وايه دليلك ؟!!
شربات .. عقد الجواز العرفي اللي معاكي اللي بيقول ان ابوكي كان متجوز من امي
جيهان .. ولنفرض ان عقد الجواز سليم .. ايه اللي يثبت انك بنته؟!!
شربات .. ماما قالتلي كدا قبل ماتموت
جيهان بسخرية .. ماما قالتلك ؟!! وصدقتيها ؟!! روح يا شاطرة ارمي بلاكي علي حد تاني
شربات .. دا اخر كلام عندك؟!!
جيهان .. ايوا
شربات .. خلاص يبقي بيني وبينك المحكمة وهناك في مليون طريقة ممكن اثبت بيها اني بنت موسي الاسيوطي وان ليا في ميراثة زي ما ليكي بالظبط
جيهان .. اعلي ما في خيلك اركبيه .. بس عاوزاكي تعرفي ان لسة متخلقتش اللي تقف قصاد جيهان موسي انا ممكن امسحك من علي وش الدنيا واخلي الدبان الازرق ميعرفلكيش طريق .. فكري في موضوع القرشين دول وخديهم واحمدي ربنا وروحي سددي ديونك حتي علي الاقل تعرفي تروحي بيتك بدال ما انتي خايفة تروحي لا يقفشوكي
شربات .. اها .. انتي عملتي عني تحريات !! كنت متوقعة تعملي كدا
جيهان .. معنديش وقت اضيعه معاكي وعقلك في راسك وانتي حرة ..ثم تغلق الخط وتمر الايام وتفاجأ جيهان بحضور مُحضر الي الفيلا ومعه اعلان بدعوي قضائية من شربات تطلب فيها اثبات نسبها للمرحوم موسي الاسيوطي فيشتد غيظ جيهان وتتصل بشوكت
جيهان .. الو .. فينك يا شوكت ؟
شوكت .. في الشركة
جيهان .. تعالالي البيت حالا
شوكت .. اجي ازاي دا انا مستني الوفد الياباني والمفروض سعتك تكوني موجودة في الشركة دلوقتي
جيهان .. يتحرق الوفد الياباني .. اسمع الكلام وسيب اللي في ايدك وتعالالي البيت حالا
شوكت .. حاضر يا ست الكل مسافة السكة .. اكيد في مصيبة ؟!!
جيهان .. لما تيجي هتعرف .. سلام
ثم تغلق الخط وتحادث نفسها قائلة
جيهان .. ماشي يا جربوعة يا مقشفة ان ما جبت مناخيرك الارض وعرفتك قيمتك مبقاش انا جيهان هانم الاسيوطي ..
الاحداث اشتعلت تابعوني والبارت الرابع من الرواية .. تحياتي الكاتب والسيناريست المصري محمد مالك.
[٢٥/‏٥ ٣:٠٠ م] محمد مالك: انتقام شربات موسي
البارت الرابع
للكاتب محمد مالك
وصل شوكت الي فيلا جيهان
شوكت .. خير يا ست الكل ايه اللي حصل ؟!!
حيهان .. في مصيبة يا شوكت
شوكت .. مصيبة !! خير كفالله الشر؟!!
جيهان .. عقد الجواز العرفي والصور اللي انا اديتهملك وقلتلك اتأكدلي منهم وانت قلت انهم تمام
شوكت .. ايوه
جيهان .. دول جابتهوملي بنت مقشفة كدا اسمها شربات وبتقول ده عقد جواز عرفي بين مامتها وبين بابا الله يرحمه وجابت كمان معاها شوية صور وقال ايه ان موسي الاسيوطي ده يبقي ابوها وانها اختي وبكل بجاحة جاية تطالبني بنصيبها في الميراث
شوكت .. معقول !!
جيهان .. هو ده اللي حصل بالظبط
شوكت .. طب شفتي شهادة ميلاد تثبت كلامها ده؟!!
جيهان .. شهادة ميلادها بأسم واحد تاني خالص
شوكت .. خلاص تضرب دماغها في الحيط مادام معهاش دليل علي كلامها
جيهان .. بس البنت بتتكلم بكل ثقة وبعتتلي كمان اعلان اثبات نسب علي يد مُحضر
شوكت .. يا سلام!! وريني كدا .. طب ما تشوفيها يمكن نصابة وعايزة قرشين
جيهان .. عرضت عليها فلوس رفضت .. طمعانه في نص التركة بتاعتي
شوكت .. نص التركة !! دي اكيد اتهبلت
جيهان .. اسمع يا شوكت تاخد اربع خمس رجالة وعلي بيت البنت دي .. عاوزاها تاخد درس يخليها تقول حقي برقبتي وتختفي من حياتي نهائي .. سامع
شوكت .. اعتبريها اصلا لا شوفتيها ولا قابلتيها وان ده كان مجرد كابوس وراح .. بعد ازنك
جيهان .. تمام .. منتظرة تليفونك
وقرب الفجر واثناء ما شربات في نوم عميق واذ تفاجئ باربعة رجال اقوياء يقتحمون عليها غرفة النوم ...
ماذا حدث تابعوني والبارت الخامس .. تحياتي الكاتب والسيناريست المصري محمد مالك.
[٦/‏٦ ٢:١٦ م] محمد مالك: رواية انتقام شربات موسي
البارت الخامس
للكاتب المصري محمد مالك
شربات بفزع شديد .. مين انتوا ؟!! ودخلتوا هنا ازاي ؟!!
احد الرجال .. متخفيش يا حلوة .. هنلعب مع بعض شوية
شربات .. ابعد عني انت وهو .. الحقوني
الرجل الثاني .. عشان تبقي تتجرأي علي اسيادك تاني امسكها يا نمر
شربات .. بقلك ابعد عني انت وهو .. الحقوني يا ناس
الرجل الاول .. ههههه .. هتهربي علي فين يا حلوة .. ما احنا هنعلّم عليكي يعني هنعلّم عليكي .. حضّر الكاميرا ياض عشان هنبدأ تصوير حالا. تعالي يا حلوة متتعبنيش معاكي
شربات لم تجد مخرج من هذا المأزق الا انها تنط من شباك الغرفة الي الشارع وبالفعل قفزت شربات من شباك الغرفة فسقطت علي الارض وفقدت وعيها
الرجل الاول .. يخرب بيتك ؟!! البت انتحرت بينا ياض انت وهو
وترقد شربات في العناية المركزة لمدة شهر كامل حيث تعرضت لكسور متفرقة في جميع انحاء الجسد وكسر في عظم الجمجمة ونزيف بالمخ ظنت وقتها جيهان ان امر شربات قد انتهي وان لم تمت فسوف تعيش مشوهه وقد تعلمت الدرس ولكن عناية الله تدخلت حتي تبقي شربات علي قيد الحياه وبعد ان افاقت من غيبوبتها حضر وكيل النيابة لاخذ اقوالها
وكيل النيابة .. حمدالله علي السلامة
شربات .. الله يسلمك
وكيل النيابة .. لو الكلام فيه اجهاد بالنسبة لك انا ممن أأجل التحقيق لوقت تاني
شربات .. لا اتفضل
وكيل النيابة .. ممكن اعرف ايه اللي حصل بالظبط ؟!!
وتقص له شربات ما حدث اثناء نومها
وكيل النيابة .. بتتهمي مين يكون ورا الموضوع ده ؟!!
شربات .. جيهان موسي الاسيوطي
وكيل النيابة .. وايه دافع من قيام المذكورة بذلك ؟!!
شربات .. عشان انا اكتشفت اني اختها ورحت واجهتها بكل حاجة وطردتني فاضطريت ارفع دعوي اثبات نسب عشان اخد حقي في ميراث ابويا وبعدين هي هددتني وانا عندها وفعلا نفذت تهديدها وادي النتيجة
وكيل النيابة .. يعني انتي بتتهمي جيهان الاسيوطي انها هي اللي حرضت علي محاولة قتلك بهدف منعك من اخذ اي اجراء قانوني يثبت انك اختها شرعا وان ليكي حق في الميراث زيها
شربات .. ايوه بالظبط
وكيل النيابة .. هل لديك اقوال اخري ؟
شربات .. عاوزة حضرتك تاخد عليها تعهد بعدم التعرض ليا مرة اخري واني لو حصلي حاجة هتكون هي السبب
وكيل .. تمام .. اتفضلي وقعي
وبعدها يأتي استدعاء لجيهان الي النيابة لمواجهتها بأقوال شربات
وكيل النيابة.. انسة جيهان انتي متهمة بمحاولة قتل المدعوه شربات فتحي سيد وذلك بعد قيامها برفع دعوي قضائية لاثبات نسبها للمرحوم موسي الاسيوطي والد حضرتك والحصول علي حقها الشرعي في الميراث
جيهان .  محصلش .. دي بنت كدابة ونصابة .. جاتلي وحكتلي قصة مؤلفاها عشان تاخد فرشين
وكيل النيابة .. يعني مش انتي اللي اجرتي بلطجية عشان يروحوا شقتها في نص الليل ويعتدوا عليها؟!!
جيهان .. لا طبعا يا فندم .. مش جيهان الاسيوطي اللي تعمل كدا .. انا سيدة اعمال ومعروف عني اني بتقي ربنا في كل معاملاتي
وكيل النيابة .. تمام .. طب حضرتك وقعي هنا وياريت متتعرضيش بأي شكل من الاشكال للمدعوة شربات .
جيهان .. وانا عمري ما اعبر الاشكال دي ولو ليها حق زي ما بتقول تبقي تاخده بالمحكمة
وكيل النيابة .. قررنا نحن اسامة زياد وكيل النائب العام اخلاء سبيل المتهمة جيهان موسي الاسيوطي من سرايا النيابة بضمان محل اقامتها مع التنبيه عليها بعدم التعرض للمدعوة شربات فتحي سيد او ايذائها بأي شكل من الاشكال .. وقعي علي اقوالك
ثم تخرج جيهان من سرايا النيابة وتتصل ب شوكت مدير اعمالها
جيهان .. ايوه يا شوكت .. يعني البنت لسة عايشة وكمان متهماني اني انا ورا محاولة قتلها
شوكت .. معقول ؟!!
جيهان .. النيابة بعتالي عشان كدا واخدوا عليا تعهد بعدم التعرض ليها .. ودا بسبب انك باعتلي رجالة ورق معرفوش يعملوا معاها حاجة
شوكت .. البنت دي عاملة زي القطط بسبع ترواح
جيهان .. بس وحيات امها لأعرفها مين جيهان الاسيوطي والمره دي انا اللي هتصرف بنفسي لانك اثبت انك لا يعتمد عليك نهائي
شوكت .. معلش يا ست الكل قلشت معايا المره دي
جيهان .. ماشي يا شوكت سلام
وبعد ان تسترد شربات عافيتها يطلب محاميها من هيئة المحكمة بأخذ عينة من رفات المرحوم لتحليلها ل dna واثبات صحة النسب ويصل الخبر الي جيهان
جيهان تتصل ب شوكت
جيهان .. الحقني يا شوكت جايلي جواب من المحكمة عاوزين عينة من جثة بابا عشان يحللوها ل dna
شوكت .. اهدي يا هانم .. ياخدوا العينة اللي عاوزينها
جيهان .. انت بتقول ايه ؟!! طب ما كدا هتعرف تثبت نسبها البنت مالية ايديها اوي
شوكت .. اهدي يا ست الكل .. هما عاوزين ياخدوا عينة من الجثة .. طب مش لما يبقي في جثة الاول
جيهان .. ايه ؟!!
تالعوني والبارت السادس .. تحياتي محمد مالك.
[٦/‏٦ ٣:٤٤ م] محمد مالك: انتقام شربات موسي
البارت السادس
يقوم شوكت بنقل رفات المرحوم موسي الاسيوطي من المقبرة الموجود بها الي مقبرة اخري ويذهب اعضاء الطب الشرعي ومعهم قوة من الشرطة وشوكت مدير اعمال حيهان بإذن من المحكمة لأخذ عينة من رفات المرحوم ويطلبون من الفحار ان يفتح المقبرة
عضو الطب الشرعي.. هي دي المقبرة الي فيها المرحوم موسي الاسيوطي
الفحار .. ايوة يا سعت الباشا
العضو .. طب افتح المقبرة
ويفتح الفحار المقبرة ويسألة العضو
العضو .. هو في كام جثة في المقبرة دي؟
الفحار .. هي جثة المرحوم مفيش غيرها وينظر فريق الطب الشرعي الي داخل المقبرة ليفاجأوا بعدم وجود جثة
العضو .. ايه ده ؟!! دا مفيش جثث هنا
الفحار .. ازاي دي جثة المرحوم راقدة هنا من خمس سنين
شوكت بتصنع .. وديت الجثة فين يا متولي ؟!! بعتها ولا أيه؟!!
الفحار .. بعتها !! لا والله يا باشا المقبرة دي ما نزل فيها المرحوم محدش هوب نواحيها خالص
شوكت .. امال فين جثة المرحوم ؟!!
الفحار .. مش عارف!!
شوكت .. اعمل محضر رسمي بالكلام ده يا حضرة الظابط واثبت فيه ان متولي الفحار هو المسئول عن سرقة الجثة
الفحار .. وحيات عيالي ما سرقت حاجة ولا اعرف جثة المرحوم راحت فين
ويتم تحرير محضر بالواقعة وارسالة الي النيابة ومنها الي المحكمة وجيهان تفرح بما فعلة شوكت
جيهان .. لا عفارم عليك المره دي بجد
شوكت .. خدامك يا ست الكل حتي نعوض الكسوف بتاع المره اللي فاتت
جيهان .. طب ووديت جثة بابا فين ؟!!
شوكت .. المرحوم عندي في تربتي عشان ينولها الشرف
جيهان .. تمام وكدا هيشيلها الفحار
شوكت .. اكيد هو المسئول
جيهان .. وتبقي توريني بنت الكلب دي هتعرف تثبت انها اختي ازاي
شوكت .. لا حاسبي يعتك ممكن تثبت ده عن طريقك انتي
جيهان .. ازاي ؟!!
شوكت .. عينة دم بسيطة منك تعرف اذا كنتي اختها ولا لا
جيهان .. مش هتلحق تعمل حاجة
شوكت .. ناوية تعملي ايه؟!!
جيهان .. هتعرف بعدين
واثناء عودة شربات من المستشفي التي تعمل لها مساء واذا بسيارة بها ثلاث رجال يقومون بخطفها من الطريق ونقلها الي داخل مخزن قطع غيار سيارات في مكان بعيد وقاموا بتكتيفها ووضع شريط لاصق علي فمها وتحضر جيهان..
جيهان بسخرية .. انتي ايه يا بنتي مبتتهديش !! قط بسبع ترواح ؟!! شيلوا الزفت اللي علي بقها ده وتقصد الشريط اللاصق
شربات .. لا مبتهدش لأني صاحبة حق
جيهان .. حق ايه يا ام حق .. انتي حتة بنت جربانة ومقشفة وجاية ترمي بلاها عليا .. انتي يا معفنه عايزة تبقي بنت المرحوم الاسيوطي !! وتورثي ملايين بالسهولة دي
شربات .. حقي
جيهان .. جاكي كسر حُقك .. انتي عرفة انا ممكن اعمل فيكي أيه ؟!! انا ممكن امحيكي من علي وش الوجود .. امسحك بأستيكة ..
شربات .. اديني حقي وانا هبعد عنك خالص ولا كأنك شوفتيني
جيهان .. حقك تاني !! طيب اشرف اديها حقها وبزيادة كمان
اشرف رجل من رجالة جيهان قوي البنية يقوم بالاعتداء شربات ويمزق البلوزة التي ترتديها
شربات .. ابعد عني يا سافل .. ابعد عني .. خليه يبعد عني يا جيهان .. حرام عليكي
جيهان .. حرمت عليكي عيشتك .. خلص يا اشرف
ثم يقوم اشرف بنزع بنطلون شربات فيكشف عن النصف الاسفل من جسدها
شربات .. اوعي تقرب مني بقلك .. قليله يبعد عني ارجوكي
جيهان .. هتعملي اللي بقلك عليه ؟!!
شربات .. ابعد عني يا ابن الكلب .. خليه يبعد عني يا جيهان حرام عليكي
جيهان .. تاني !! هتعملي ايه اللي بقلك عليه ولا ندلع الفيس انهارده
شربات .. حاضر هعمل .. هعمل
جيهان .. خلاص يا اشرف سيبها .. اول هام هتروحي المحكمة وهتتنازلي عن قضية النسب اللي رفعاها
شربات .. بس انتي كدا عاوزاني اتنازل عن حقي
جيهان .. تتنازلي عن حقك احسن ما تتنازلي عن شرفك يا روح امك وتبقي فضحيتك دولية وساعتها الملايين اللي هتاخديها مني مس هتنفعك وبردوا مش هسيبك في حالك هروشك وهجننك وهطلعلك في كل حاجة زي عفريت العلبة .. يبقي احسنلك تتنازلي وانا برضوا مش هسيبك هديكي ٢ مليون جنية عمر امك ما كانت تحلم بيهم خديهم واختفي من حياتي نهائي .. وامضي هنا كمان
شربات .. دا ايه ده ؟!!
جيهان ..شيك علي بياض عشان لو سيبتك ومعملتيش اللي قلتلك عليه هسجنك بالشيك ده .. امصي يا بت
وتوقع شربات الشيك بكل اسي وتظن في تلك اللحظه ان جميع محاولاتها لاثبات نسبها قد بائت بالفشل وانها خسرت حربها مع جيهان ولكن فجاة يدخل شوكت ومعه رجال المباحث
شوكت .. اتفضل يا فندم .. جيهان هانم اهه
جيهان .. شوكت !!
تابعوني والبارت السابع والاخير من الرواية .. تحياتي محمد مالك.
[٦/‏٦ ٦:٢٣ م] محمد مالك: انتقام شربات موسي
البارت السابع والاخير
للكاتب المصري محمد مالك
الضابط .. ايه اللي بتعمليني ده يا جيهان هانم !! اختطاف انثي وتجريدها من ملابسها ومحاولة الاعتداء عليها كمان ؟!!
جيهان مرتبكة .. انا .. انا مختطفتش حد .. انا .. انا .. مش صح يا شربات ؟
شربات .. انتي كدابه .. امال جايباني هنا ومكتفاني عشان ايه ؟! تفسحيني !! ايوا يا فندم خاطفاني وكمان سلطت عليا الحيوان ده عشان يقلعني هدومي ويغتصبني .. وكمان مضتني علي شيك علي بياض عشان تسجني بيه لو متنازلتش عن القضية اللي رفعاها ضدها
الضابط .. هاتي الشيك ده .. هاتي
جيهان تعطيه الشيك
الصابط .. حرز الشيك ده يا امين وحرزلي الاسلحة اللي معاهم دي كلها
جيهان .. بقي كدا يا شوكت !! وانا اللي عملاك دراعي اليمين
شوكت .. انا متأسف يا ست الكل بس انا امبارح وانا في مكتبك ايدي وقعت علي ورقة بخط يد المرحوم قبل مايموت بيومين .. بيعترف فيها ان شربات بنته وان كان متجوز امها عرفي وانه ندم انه رماها في الشارع وانه دور عليها كتير اوي عشان يعوضها اللي فات وبيوصي انها تنتسب ليه لأنها بنته من صلبه وانها تاخد حقها في الميراث زيها زيك .. انتي الورقة دي خبتيها عني وانا لما قعدت مع نفسي حسيت بالندم .. لأني عشت نفس المأساه بتاعتها اخواتي من ابويا اكلوا ميراثي وبهدلوني ورموني في الشارع انا وامي عشان كدا قررت اساعد البنت دي عشان تاخد حقها منك
جيهان .. بجد انت انسان واطي .. اتفوه
ويتم القبض علي جيهان وتحاكم بتهمة خطف انثي والتحريض علي اغتصابها وايضا اضيفت اليها محاولة الشروع في القتل وتم الحكم عليها بعشر سنوات مع الشغل والنفاذ اما شربات فأستطاعت ان تثبت نسبها لأبيها وبالتالي حصلت علي ميراثها الشرعي وهي نصف التركة واصبحت من كبار سيدات الاعمال في المجتمع بالاضافة الي اعمالها الخيرية وبنائها مسجد ومستشفي ومدرسة ومساعدة الفقراء ولكنها لم تنسي طارها مع جيهان فأستطاعت ان تقوم بتوصية احدي السيدات التي معها بالسجن فقامت بضربها ضربا مبرحا نُقلت علي اثرة الي مستشفي السجن وتم عمل لها خياطة جرح قطعي بالرأس طولة ١٥ سم .. احست شربات بالفرح وانها قد ردت اليها جزء بسيط مما فعلته بها ولو ارادت قتلها داخل السجن لفعلت ولكنها لم تنسي انها اختها فرفقت بها رغم قسوتها وظلمها لها ..
انتهت قصتي ولم تنتهي محبتي .. تحياتي الكاتب والسيناريست المصري محمد مالك.