رواية هو زوجي وانت حبيبي
البارت الخامس
للكاتب المصري محمد مالك
نوال تصر ان تركب سيارة الاسعاف مع مصطفي لدرجة ان المسعف يسألهاالمسعف .. هو حضرتك تقربيله؟!
نوال بمنتهي الحزن والاسي .. ايوا .. هو كل حاجة في حياتي
وفي نفس الوقت شلتوت مدير اعمال حسام يراقب نوال من بعيد ويشاهدها وهي تركب سيارة الاسعاف مع مصطفي فيقوم بالاتصال علي حسام لاخباره
شلتوت .. الو .. ايوا يا معالي الباشا زي ما حضرتك توقعت تمام .. سابت المستشفي وجريت علي بيته وركبت معاه كمان عربية الاسعاف .. اوامرك يا معالي الباشا .. سلام
شلتوت يستقل سيارته وينطلق مسرعا خلف سيارة الاسعاف .. يصل مصطفي الي المستشفي يتم اعلان حالة الطوارئ بالمستشفي ويدخل مصطفي غرفة العمليات ..ثم تحضر ام مصطفي سيدة عجوز مريضة تمشي علي عكاز تدعي اجلال وبصحبتها بنتها عواطف الاخت الصغري ل مصطفي وزوجها محمد محاسب بشركة الكهرباء فكانت وقت الحادث في زيارة لأبنتها وزوجها والكل في حالة من القلق والذعر الشديدين
اجلال .. فين ابني ؟!! ايه اللي جري له يا نوال ؟!! ابني فين ؟!!
نوال .. اهدي يا طنط .. مصطفي في العمليات
اجلال .. يا لهوي عمليات !! ليه ؟!! ابني ماله ؟! ايه اللي حصل لأبني بالظبط .. انطقي يا نوال
نوال .. خبطيته عربية وهو خارج من البيت
اجلال .. يا كبد امك يا ضنايا .. طب هو كويس ولا ايه بالظبط ؟!! عايش يعني ولا مات ولا ايه اللي حصلة .. عايزة اشوف ابني .. ودوني اشوف ابني .. اه يابني اه
اجلال .. ارجوكي يا طنط اهدي .. قلت لحضرتك هو في العمليات دلوقتي .. ادعيله
اجلال .. هدعيله.. ايوا هدعيله .. هدعيله وهدعي عليكي يابت عطيات .. انتي السبب من ساعة ما ظهرتي في حياة ولدي والواد ادهول وبقي حالة حال .. عايزة من ولدي ايه ؟! مش اتجوزتي !! ما تخليكي في حالك وابعدي عنه خليه يشوف مستقبله ومش بعيد تكون الحادثة دي مقصودة واللي مدبرها جوزك ما هو مش طايقة وعايز يزيحه من سكته بأي طريقة
نوال .. انا متأكدة ان حسام هو اللي ورا اللي حصل ل مصطفي عشان وقت الحادثة اتبعتت الرسالة دي من موبيل مصطفي ع الواتساب عندي
عواطف .. وريني .. وتقرأ عواطف الرسالة وعواطف تغضب بشدة .. يبقي جوزك فعلا اللي قتل اخويا طب وديني يا نوال لو اخويا جري حاجة مش هيكفيني عمرك وانتي جوزك الواطي ده وامشي غوري من هنا يلا .. انتي ايه اللي جابك اصلا ؟!
محمد .. عيب يا عواطف مش كدا
عواطف .. عيب ايه !! دي تعرف العيب ؟!! دي لو تعرف العيب متجريش ورا اخويا وهي ست متجوزة .. ما كان قدامك سيبتيه ليه ورحتي اتجوزتي
نوال .. غصب عني مش بإرادتي وانتي عرفة
عواطف .. بإرادتك او غير ارادتك .. اسمك في الاخر سيبتيه واتجوزتي واحد تاني .. ومن الشرع والاخلاق انك تحافظي علي كرامة الراجل اللي معاكي .. مش تبقي علي ذمة راجل وبتشاغلي غيره يا بنت الاصول!!
نوال .. انا بحب مصطفي ومصطفي بيحبني وانا خلاص قررت اني اطلق من حسام وارجع لمصطفي
اجلال .. ومين هيسمحله اصلا انه يرجعلك تاني ؟!! بس يعدي منها ويقوم بالسلامة وانا هاخد ابني ونغور من وشك خالص .. هنسبلك البلد ونمشي عشان ترتاحي يا بنت عطيات .. منك لله يا نوال منك لله انتي وجوزك .. يارب ما تحرق قلبي علي ابني يارب .. يارب نجيه برحمتك وعديه منها علي خير يارب ..
وفجأة يخرج الطبيب من غرفة العمليات ويبدوا عليه الحزن الشديد وتفهم اجلال ذلك وتقول
اجلال .. لا .. لا اوعي تقولها .. ابني مات .. صح ؟!
الطبيب يهز رأسه بمعني نعم ويقول .. البقية في حياتكم .. شدوا حيلكم
نوال .. لا .. مصطفي ما ماتش انت بتهرج .. مصطفي عايش .. مصطفي
واثناء ذلك نري حسام وخلفة اربعة من البودجاردات يراقب الموقف من بعيد ويبدوا انه قد اتي ليأخذ نوال ولكن عندما يسمع الطبيب يخبرهم بأن مصطفي قد مات يبتسم ساخرا ويشير للبودي جاردات للأنصراف ثم ينصرف وهم يتبعانه ثم تخرج الممرضة من غرفة العمليات وهي مندهشة وتقول للطبيب
الممرضة .. الحق يا دكتور .. قلب المريض رحع يشتغل تاني
الطبيب .. ايه !!! ثم يدخل مسرعا الي غرفة العمليات
نوال .. يارب .. انا ماليش غيره يارب .. خليه يعيش عشان خاطري .. يارب ارجوك .. مقدرش اعيش من غيره ولا ثانية
الاحداث ازدادت اشتعالا تابعوني والبارت السادس .. لو في تفاعل ومشاركة هنزل بالبارت السادس انهاردة .. تحياتي . الكاتب والسيناريست المصري محمد مالك.
تعليقات
إرسال تعليق