عشقت زوجة ابي كاملة

رواية رضوي والجني العاشق كاملة

للكاتب المصري محمد مالك

[٢٤/‏٧ ١٠:٠٦ م] محمد مالك: رواية رضوي و الجني العاشق
البارت الاول
للكاتب المصري محمد مالك
تدخل نعيمه غرفة النوم الخاصة بأبنتها ضحي عبد الغفار فتاه عشرينية جميلة خريجة كلية الخدمة الاجتماعية تعمل اخصائية اجتماعية بإحدي المدارس الخاصة معروف عنها الخجل الشديد وقلة الكلام والوجه البشوش المبتسم والحلم الشديد ولكن سرعة ما تلك الصفات تغيرت منذ عامين فأصبحت عبوس .. سريعة الغضب والانفعال .. حادة الطباع .. ثرثارة .. قليلة التحمل دون ان يعرف المحيطين بها سبب واضح لهذا التغير الشديد والمفاجئ .. والام تظن ان ابنتها قد ارتدت ملابسها لمقابلة العريس الذي ينتظر بالخارج ولكن تفاجأ ان ضحي لم تغير ملابسها مطلقا.
نعيمة .. ايه ده يا ضحي ؟؟! انتي لسة ملبستيش !! العريس مستنيكي برة من بدري ؟!
ضحي .. يا حول ياربي .. تاني يا ماما !! عريس تاني ؟! احنا مش كنا قفلنا الكلام في الموضوع دا خلاص ؟!!
نعيمة .. انا مش قلتلك امبارح ان في عريس جاي انهاردة يطلب ايدك وقلتيلي ماشي ؟!
ضحي .. ايوه قلتيلي .. وانا قلتلك ماشي كدا وخلاص
نعيمة .. يعني ايه كدا وخلاص ؟!! بتاخديني علي اد عقلي يعني ولا ايه يا ضحي ؟!!
ضحي .. يا ماما ارجوكي افهميني بقي .. انا مش عاوزة اتجوز .. بعد ازنك اتفضلي قليله ان العروسة مش موافقة خليه يمشي
نعيمة .. ويمشي كدا من غير ما تشوفيه ؟!! طب اخرجي واقعدي معاه .. دا انسان مهذب جدا ومستعد لكل طلباتك دا غير انه مهندس في شركة بترول
ضحي .. ارجوكي يا ماما راعي مشاعري من فضلك .. انا مش عاوزة اتجوز
نعيمة .. يعني ايه مش عايزة تتجوزي ؟؟! هتفضلي طول عمرك كدا من غير جواز ؟!
ضحي .. ايوا هفضل لحد ما اموت من غير جواز
نعيمة .. من امتي ينفع الكلام دا يعني ؟!! مفيش بنت بتقعد من غير جواز
ضحي .. لا .. انتي غلطانة في دي بقي .. البنات اللي قاعدة من غير جواز كتير دلوقتي
نعيمة .. ايوه .. بس دا غصب عنهم لسة مجاش نصيبهم .. لكن مفيش بنت منفسهاش تتجوز وتكون اسرة وبيت
ضحي .. اعتبريني انا يا ستي غير البنات كلها .. واحدة شاذة عنهم
نعيمة .. يعني ايه شاذة عنهم !! معقدة مثلا ولا حكايتك ايه بالظبط ؟!!
ضحي .. ايوا اتعقدت .. ارتحتي بقي ؟!! من ساعة ما الانسان اللي كنت بحبه وبنيت معاه احلام كتير وفجأة سابني وبدون مبرر .. انا اتعقدت من الجواز وسيرته
نعيمة .. دا نصيب يا بنتي
ضحي .. والعريس اللي بعدة .. اللي ليلة فرحنا قام سايب الكوشة وفضلت يجري قدام الناس وساب الفرح وهرب .. برضوا نصيب ؟!!
نعيمة .. ما احنا اكتشفنا بعد كدا انه عنده حالة نفسية
ضحي .. مع انه طول عمره كان بيتعامل معانا طبيعي جدا ومكنش في حاجة ظاهرة عليه !! والمرض النفسي ظهر فجأة يوم الفرح !! وبقيت في نص هدومي قدام الناس والكل قعد يتغامز عليا ويقول سابها ليه وهرب .. وكل واحد بكلمته وتخمينه .. عرفتي بقي انا مش عايزة اتجوز ليه ؟!! مش عاوزة نفس السيناريو يتكرر معايا تاني .. فهمتي يا ماما ؟!!
نعيمة .. لا يا بنتي .. انا مستبشرة خير المره دي .. قومي يا بنتي الله يهديكي الناس قاعدة من بدري وزمانها قلقت
ضحي .. حاضر يا ماما .. عشان ترتاحي بس .. انا هخرج وهقابلهم .. اتفضلي حضرتك وانا هغير هدومي وجاية وراكي
وبالفعل ترتدي ضحي اجمل الثياب وتضع الميكاب وتخرج في ازهي زينتها لمقابلة العريس واهله وفجأة عندما ينظر اليها العريس تتغير معالم وجه فجأة ويرتبك ويرتعش
سمير .. مين دي ؟!!
الام .. دي ضحي العروسة يابني
سمير .. لا مش دي العروسة اللي انا شفتها
الام .. لا هي دي ضحي اللي انت شفتها في فرح نوال وقلت انا معجب بيها
سمير .. مش عارف
نعيمة .. خير يا بني هي ضحي مش عاجباك ولا حاجة ؟!!
سمير .. بصراحة .. مش عجباني طبعا ..
الام .. بردوا القمر ده مش عاجبك يا سمير ؟!
سمير .. قمر ايه ؟! انتي مش شايفاها كويس يا ماما دي كأنها عفريت قدامي واول ما شفتها قلبي انقبض .. انتي متأكدة دي اللي انا شفتها في فرح نوال ؟!!
ضحي .. امشي اطلع برة يا حيوان .. انا غلطانه اني سمعت كلامك يا ماما وطلعت اقابل الاشكال دي
ثم تتركهم وتدخل الي غرفتها وتنهار من العياط وتقول لنفسها .. تعبت ياربي.. تعبت والله .. وفجأة تلمح كلمة بحبك مكتوبة علي الحائط بخط كبير لونه احمر تندهش وتقترب من الحائط وتضع يدها علي الخط فيختفي وفجأة يعمل الكاسيت ونسمع اغنية بحلم بيك انا بحلم بيك ل عبد الحليم حافظ فتندهش اكثر فهذه الاغنية ليست علي الفلاشة الموجودة بالكاسيت وكيف دار الكاسيت مع نفسه ؟!! فتقترب منه فيتوقف عن الغناء ثم تلفت فتجد شيئا غريبا يصيبها بالصدمة ويجعلها تسقط علي الارض مغشيا عليها ..
الرواية في غاية التشويق والاثارة والغموض .. تابعوني والبارت الثاني .. تحياتي الكاتب والسيناريست المصري محمد مالك.
[٢٤/‏٧ ١٠:٠٩ م] محمد مالك: رواية رضوي والجن العاشق
البارت الثاني
للكاتب المصري محمد مالك
الام والاب يدخلان مسرعين الي غرفة رضوي بعد سماعها تصرخ فيجداها مغمي عليها وملقاه علي الارض
نعيمة .. رضوي !! مالك يا حبيبتي ؟! رضوي .. الحق يا عبد الغفار البنت مبتنطقش خالص
عبد الغفار .. رضوي .. فوقي يا حبيبتي ..
رضوي تفوق تدريجيا
رضوي .. اه .. الحقيني يا ماما
نعيمة .. بسم الله الرحمن الرحيم .. متخفيش يا بنتي انا جمبك اهوه
عبد الغفار .. مالك يا حبيبتي في ايه ؟!!
رضوي .. شبح مخيف كان فارد ايدية وعمال يبتسم وكان عاوز يضمني لحضنه وسمعته بيقلي بحبك
عبد الغفار .. ايه الكلام الفاضي ده ؟!! قومي يا بنتي بطلي هزار .. شبح ايه وكلام فاضي ايه !!
رضوي .. صدقوني دا اللي حصل والله
نعيمة .. اعوذ بالله من الشيطان الرجيم .. ايه الكلام اللي بتقولية ده بس يا رضوي !! ..
رضوي .. صدقيني يا ماما دا اللي حصل انا مش بكذب
عبد الغفار .. قومي بس وبلاش تخاريف ولا انتي بتقولي كدا عشان تاخدينا في دوكة وتداري علي اسلوبك الغير مقبول تماما اللي اتعاملتي بيه مع ضيوفك
رضوي .. انت مشفتش كان بيتكلم ازاي ؟!!
عبد الغفار .. ولو .. الناس في بيتنا وواجب علينا نحترمهم .. وبعدين عايزك تفهمي ان احنا مش هنعيشلك انا وامك العمر كله .. فحتما لازم تتجوزي .. عشان يبقالك زوج تعتمدي عليه ويرعي شؤونك ويبقي عندك بيت واسرة
رضوي .. وايه المطلوب مني اكتر من اللي بعمله ده ؟!! قلتوا اطلعي شوفي العريس واقعدي معاه .. اتنيلت وسمعت الكلام وقعدت معاه .. فضل يغلط فيا ويقول عليا عفريته قدامكم وانتم ساكتين .. ناقص كمان اقوم ابوس ايده ورجله عشان يتجوزني !! .. هو انتم للدرجة دي فرفانين مني وعاوزين تخلصوا مني بأي طريقة .. امال لو مكنتش بشتغل وبصرف علي نفسي .. كنتوا عملتوا فيا ايه ؟!!
عبد الغفار .. اتكلمي بأدب يا بنت ..
ثم يترك الغرفة وينصرف ونعيمة غاضبة من اسلوب رضوي مع ابيها
نعيمة .. فيه ايه يا رضوي ؟!! مالك ؟! دا اسلوب تكلمي بيه بباكي برضوا ؟!! ايه اللي جري لك انتي مكنتيش كدا ؟!! فين رضوي الوديعة الطيبة اللي كانت متعرفش تقول كلمتين علي بعض ؟!
رضوي .. والله يا ماما ما عرفة ايه اللي جري لي ؟!! حاسة اني اتلخبطت فجأة ومش عرفة ايه السبب .. علطول مضايقة ومتوترة واحلام مزعجة وكوابيس لدرجة اني بقيت اخاف انام عشان ميجليش كابوس مزعج يضايقني ويتعب اعصابي
نعيمة .. بعد الشر عليكي يا بنتي .. متخفيش يا حبيبتي انتي زي الفل .. اكيد اعصابك تعبانة بسبب مواضيع الجواز اللي مبتمش دي .. بس هنقول ايه كل شئ نصيب ومحدش عارف الخير فين .. يلا روحي اغسلي وشك واتوضي وصلي ركعتين لله خلي ربنا يشرح صدرك وادينا طالعين المصيف وان شاء الله هتتبسطي وهتنسي كل اللي مضايقك
وتسافر رضوي مع اسرتها الي المصيف واثناء تواجدها بالماء تري نفس الشبح وكأنه يمعن النظر لها ويبتسم ويقول بصوت خافت بحبك .. ثم يعلو صوته مره واحدة ويقول بحبك محدثا صدي للصوت ثم يعوم متجها الي رضوي .. رضوي ترتعد وتحاول الجري هربا لتخرج من الماء ولكنه يلاحقها بسرعة شديدة حتي تلتفت فتجدة امامها فيغمي عليها مرة اخري وتكاد ان تغرق فينقذها الكابتن مدحت الشاب الوسيم الشجاع يعمل ضابط شرطة برتبة نقيب ويخرجها من الماء والام والاب في حالة قلق وخوف شديدين ومدحت يقوم بإفاقتها ....
ماذا حدث ؟؟ تابعوني والبارت الثالث .. تحياتي الكاتب والسيناريست المصري محمد مالك.
[٢٤/‏٧ ١٠:١١ م] محمد مالك: رواية رضوي والجن العاشق
البارت الثالث
للكاتب المصري محمد مالك
مدحت يقوم بإفاقة رضوي وسط ذهول وقلق من ابيها وامها وبعض الناس الذين التفوا حولها
مدحت .. يا انسة .. فوقي .. يا انسة .. هي اسمها اية؟
عبد الغفار .. رضوي
مدحت .. يا انسة رضوي .. فوقي لو سمحتي انتي بخير
رضوي .. انا فين ؟!!
مدحت .. انتي هنا علي الشط متخفيش
رضوي .. هو راح فين ؟!!
مدحت .. مين هو ؟!
رضوي .. الشبح اللي كان بيطاردني في المية
نعيمة .. شبح تاني يا بنتي !! هو انتي ايه حكايتك مع الاشباح بس ؟!!
مدحت. . شبه ايه بس يا انسة رضوي !! مفيش اشباح ولا حاجة .. البحر قدامك اهوه مليان بناس بتلعب وتزقطط
رضوي .. لا كان في شبح بيجري ورايا وقالي بحبك بصوت عالي .. هو انت مسمعتوش ؟!!
مدحت .. لا للأسف مسمعتوش .. وبعدين لو قال فعلا بحبك يبقي مفيش داعي للخوف .. لأن اللي بيحب حد عمره ما يفكر يؤذيه ابدا
رضوي .. هو انت بتتريق عليا حضرتك ولا بتاخدني علي اد عقلي؟!!
مدحت .. لا دي ولا دي .. انا بعلق علي كلامك مش اكتر
رضوي .. طيب ع العموم شكرا انك انقذتني من الغرق .. اتفضل بقي
نعيمة .. برضوا كدا يا رضوي !! انا اسفة يا بني .. معلش بنتي اعصابها تعبانة شوية اليومين دول
رضوي .. قصدك ايه يا ماما !! مجنونة انا مثلا يعني ولا ايه ؟!
مدحت .. يا ستي انتي زي الفل .. حمد الله علي سلامتك
عبد الغفار .. شكرا يا ابني انا ممنون ليك بجد
مدحت .. لا شكر علي واجب يا عمي
عبد الغفار .. متعرفناش بحضرتك
مدحت .. مدحت ابو العزم نقيب شرطة مش متجوز ومش خاطب ومش مرتبط نهائي يعني
رضوي .. اظن هو بيسألك عن اسمك مش عن حالتك الاجتماعية ؟!!
عبد الغفار .. يا بنتي اسكتي .. هو انتي علطول كدا ؟!! فيها ايه يعني الراجل عاوز يعرفنا بنفسه
مدحت .. سيبها براحتها يا عمي .. الواضح ان الانسة رضوي مشاغبة حبتين
نعيمة .. لا والنبي يابني .. دي كانت زي النسمة .. مش عرفة ايه اللي لخبط كيانها بالشكل دا؟!
مدحت .. انا بهرج .. بالعكس انا شايفها انها ما زالت زي النسمة الجميلة الهادية .. واضح انها رقيقة وحساسة شوية
نعيمة .. دي حساسة اوي وحياتك
مدحت .. يبقي عشان كدا عصبية
رضوي تنظر له بغضب ويحاول معالجة الموقف
مدحت .. قصدي عصبية شوية .. شوية صغننين مش كتير يعني
عبد الغفار .. انا بقي عبد الغفار مرسي موجه سابق بالتربية والتعليم
مدحت .. اتشرفت بحضرتك يا عمي
عبد الغفار .. احنا اللي اتشرفنا بمعرفتك يا كابتن واضح انك انسان شهم وشجاع اكيد عشان ظابط شرطة طبعا
مدحت .. لا لا ابدا والله .. اي انسان مكاني هيعمل كدا واكتر
عبد الغفار .. كتر خيرك يا بني
مدحت .  بعد ازنكم
عبد الغفار .. اتفضل
وبعد ان ينصرف
عبد الغفار .. انتي علطول لسانك متبري منك ؟!! دا الراجل لسة منجيكي من الغرق !!
رضوي .. وانا قلت اية يعني ؟!.
ويحل المساء وتخرج رضوي من الشالية لتستنشق الهواء النقي فتفاجأ ان مدحت يخرج من الشالية المجاور
مدحت .. ايه ده معقول !! هو انتي ساكنه في الشالية ده ؟!!
رضوي .. مش انت اااا ... !!
مدحت .. ايوا . انا اللي انقذتك من الغرق
رضوي .. خلاص يا عم هو انت هتزلني ؟!!.
مدحت .. لا خالص ..
رضوي .. ايوا احنا نازلين هنا .. وانت نازل هنا؟
مدحت .. ايوا .. يعني احنا جيران
رضوي تبتسم .. للأسف طلعنا جيران
مدحت .. وليه للأسف ؟!! انسة رضوي .. هو انتي علطول لسانك كدا ...
رضوي .. متبري مني .. صح ؟!!
مدحت .. للأسف اه .. علطول ردك حاد وجاف .. مع انك باين عليكي بنت رقيقة ولطيفة جدا .. ولا انتي بتحاولي تظهري عكس حقيقتك ؟!!
رضوي .. ههههه .. مش هتصدقني لو قلتلك انا نفسي مش لاقية تفسير للتغير المفاجئ لأسلوبي .. انا فعلا زي ما انت قلت رقيقة وهادية .. لكن اتغيرت ليه وازاي ؟!! معرفش
مدحت .. عادي .. اي انسان بيمر بفتره صعبة او محنه في حياته اكيد بتأثر علي شخصيته وبالتالي اسلوبه بيتغير تبعا للتغير الطارئ علي شخصيته
رضوي .. كلامك صح .. انا درست ده في الكلية
مدحت .. انتي خريجة ايه؟!!
رضوي .. خدمة اجتماعية
مدحت.. انا مدحت ابو العزم نقيب شرطة مش متجوز ولا خاطب ولا مرتبط نهائي باي واحدة
رضوي .. علي فكرة انت عرفتنا بنفسك الصبح!!
مدحت .. بجد ؟!! اه ممكن اكون نسيت.. الا بالحق انتي رايحه فين ؟!!
رضوي .. رايحة اتمشي شوية علي الشط
مدحت .. طب اسمحيلي اجي معاكي لأحسن تقوم في دماغك وتنزلي المية تقومي تغرقي تاني فمش هتلاقي حد غيري ينقذك لأننا للأسف بقينا نص الليل
رضوي .. هو انت حد قالك قبل كدا انك ظريف شوية؟!!
مدحت .. بجد ؟!! طيب كويس اني ظريف مش غلس وكدا
رضوي تنظر له في تعجب
مدحت .. ايه ؟!! في حاجة يا انسة رضوي
رضوي تتركه وتنصرف ومدحت يركض خلفها
مدحت .. انسة رضوي .. هي هو انتي اتضايقتي من كلمة غلس ولا اية ؟!! خلاص نخليها رزل .. انسة رضوي ؟!!
ماذا حدث بعد ذلك تابعوني والبارت الرابع .. تحياتي الكاتب والسيناريست المصري محمد مالك.
[٢٤/‏٧ ١٠:١١ م] محمد مالك: رواية رضوي والجن العاشق
البارت الرابع
للكاتب المصري محمد مالك
مدحت .. ايه !! شكلك زعلتي ؟! انا بهرج معاكي علي فكرة
رضوي .. عرفة
مدحت .. ممكن اسأل سؤال بعد ازنك ؟
رضوي .. اتفضل
مدحت .. ليه دايما شايفك حزينة علطول وحتي لما بتفرحي .. الفرحة مبتكنش كاملة بيبقي برضوا الحزن مسيطر عليها ولما بتضحكي وشك بيتبدل بسرعة وبتروح ملامح الضحكة في ثواني ويرجع وشك حزين تاني زي ما تكوني خايفة ان الضحكة تفضل علي وشك اطول مدة ممكنه او تكون عنوان ليه ؟!!
رضوي .. بص انا من سنتين بالظبط كانت الضحكة مبتفارقش وشي .. وعمري ما عرفت حاجة اسمها حزن او خوف..  كنت عايشة حياتي بالطول والعرض .. ضرباها صرمة زي ما بيقولوا لحد ما نادر راح وسابني
مدحت .. مين نادر ده ؟!!
رضوي .. كان خطيبي .. او بمعني ادق كان كل حاجة في حياتي
مدحت .. مات ؟!!
رضوي .. لا .. عايش .. بس قرر يسيبني فجأة
مدحت .. قرر يسيبك ليه ؟!!
رضوي .. معرفش ولا هو كمان يعرف
مدحت .. مش فاهم ؟!! في حد بيسيب حد من غير اسباب ؟!!
رضوي .. للأسف دي الحقيقة .. فجأة اتقلب عليا ومبقاش طايق يشوفني او حتي يسمع صوتي مع اني كنت كل حاجة في حياته زيي تمام .. ولما سألته ايه السبب قالي مش عارف في حاجة فوق ارادتي قهراني علي كدا ومش قادر اقاومها
مدحت .. مش معقول !! جايز يكون في واحدة تانية في حياته ومرضيش يقلك فاتحجج بكلامه دا
رضوي .. شكيت في دا طبعا .. بس لو في واحدة في حياته فعلا كان علي الاقل اتجوزها
مدحت .. ليه هو ما اتجوزش لدلوقتي ؟!
رضوي .. لا
مدحت .. يعني لسة في امل انكم ترجعوا لبعض
رضوي .. مستحيل نرجع لبعض .. لسببين
مدحت .. اللي هما؟!
رضوي .. السبب الاول انه مبقاش طايق يشوفني او يسمع صوتي زي ما قلتلك .. اما السبب التاني بقي انه حاليا في مصحة نفسية بيقولوا انه دخل في اكتئاب شديد وصلوا للأنتحار مرتين وحاليا لا بيكلم حد ولا بيشوف حد والسبب .. مجهول!!
مدحت .. طب وانتي لسة بتحبيه ؟
رضوي .. مكدبش عليك اني ساعات بحن للحظات الجميلة اللي كانت بينا .. وممكن اعيط لما افتكر الكلام اللي كان بيقولهولي والوعود اللي وعدني بيها واللي طلعت في الاخر .. فنكوش !! لكن ما اظنش اني لسة بحبه لأنه هو اللي باعني واتخلي عني وبدون سبب وسابلي جرح كبير اوي جوة قلبي ما زلت بعاني منه لدلوقتي
مدحت .. طب ليه مجربتيش تحبي تاني .. الدنيا مبتقفش علي حد
رضوي .. حب تاني مجربتش او ممكن تقول خفت اجرب اني احب تاني وفي الاخر انجرح من جديد .. لكن خطوبة حصل مرتين واخرها كان من يومين ومحصلش نصيب
مدحت .. جايز يكون اللي حصلك دا كله لحكمه معينه .. واكيد دول كلهم مكنوش هما نصيبك اللي مكتوب عند ربنا .. جايز يكونوا مجرد فترة عابرة في حياتك مجرد اختبار مثلا   .. لكن نصيبك الحقيقي لسة مجاش .. بس اكيد في يوم هتقابلي الانسان الحقيقي اللي هيحبك بجد وعمره ما هيتخلي عنك مهما كانت الاسباب وجايز تكوني قابلتيه فعلا بس لسة متعرفيش ان دا نصيبك
ثم ينظر اليها بحب ورضوي تقرأ ذلك في عينيه
رضوي .. احم .. احنا واقفين ليه ؟! مش خرجنا اصلا عشان نتمشي ؟!!
مدحت .. اه والله احنا وقفنا ليه فعلا ؟!!
رضوي .. طب يلا بينا نتمشي
مدحت .. انا اسف اتمشي لوحدك .. بصراحة انا تعبان وعايز ارجع الشالية انام
رضوي تنظر له بتعجب ويبدوا انها غضبت
مدحت .. متزعليش .. بهرج .. مقدرش اسيبك طبعا تتمشي لوحدك
رضوي .. بجد رزل
مدحت .. اها .. زي غلس كدا .. صح ؟؟
رضوي .. ههههه .. ايوا
مدحت .. حلو اوي الضحكة دي .. الزقيها بقي علي وشك متخلهاش تفارقوا ابدا
رضوي .. الزقها ازاي بقي ؟!!
رضوي .. يعني .. بشوية غرا .. شوية صمغ .. ولا اقلك .. معايا امير حلو اوي هيخلي الضحكة تلزق علي وشك متطلعش منه ابدا
رضوي .. هههههههه
وفجأة يُسمع صوت غريب وكأن شخص يزوم من الغضب
رضوي .. ايه ده !! ايه الصوت ده ؟!!
مدحت .. مش عارف !! صوت غريب اول مرة اسمعه
رضوي .. طب يلا بينا نروح
مدحت .. طب والمشي؟!
رضوي .. لا انا خفت يلا بينا .. لو سمحت امسك ايدي ومتسبنيش انا خايفة بجد
مدحت يمسك ايد رضوي ويشعر بأحساس غريب يتسلل الي قلبه فيجعله يدق بسرعة يبدوا انه احب رضوي
مدحت .. متخفيش انا جمبك يا رضوي
الجن العاشق ازداد غضبه بعد ان حدث استلطاف بين مدحت ورضوي فقرر ان يفرق بينهما .. ماذا فعل ؟؟ انتظروني والبارت الخامس .. تحياتي الكاتب والسيناريست المصري محمد مالك.
[٢٤/‏٧ ١٠:١٢ م] محمد مالك: رضوي والجن العاشق
البارت الخامس
للكاتب المصري محمد مالك
تعود رضوي الي الشالية خائفة مرتعشة من الصوت الغريب الذي سمعته .. تجلس علي سريرها تحاول ان تهدأ قليلا ثم يرن التليفون المحمول الخاص بها والمتصل مجهول ورضوي تتعجب
رضوي .. الو مين ؟!!
مدحت .. ايه يا بنتي مالك خايفة كدا ليه انا مدحت
رضوي .. ايه ده ؟!! وانت عرفت نمرة تليفوني منين ؟!!
مدحت.. يا بنتي انتي مش لسة مدياهولي لما سألتك عليه من شوية واحنا قدام الشاليه!!
رضوي .. اه نسيت
مدحت .. اهدي وبطلي الرجفة اللي انتي فيها دي .. رعشتك واصلة لحد تليفوني وحاسس بيها
رضوي .. مرعوبة بجد بجد يا مدحت .. اول مرة اسمع صوت بالبشاعة دي
مدحت .. يا ستي تهيآت متشغليش بالك
رضوي .. اوك .. تصبح علي خير
مدحت .. وانتي من اهله .. خلي بالك من نفسك .. سلام
رضوي تغلق الخط وما زالت خائفة تضئ اباجورة علي يمينها ثم تغطي وجهها بالكامل وتنام وفجأة تسمع صوت باب الحجرة يُفتح ببطء فترفع الغطاء من علي وجهها وتنظر ناحية الباب فلم تجد شيئا ..
رضوي .. مين ؟!، مين ؟! انتي يا ماما ؟ ماما
وفجأة ينطفئ نور الاباجورة فترتعب رضوي اكثر
رضوي .. بسم الله الرحمن الرحيم .. النور قطع ولا أيه ؟!!
تحاول ان تضئ الاباجورة مرة اخري ولكن الاباجورة لا تضئ .. رضوي تبحث عن الموبيل لتضئ الكشاف الموجود به
رضوي .. فين الموبيل الزفت ؟!!
وفجأة يُغلق باب الغرفة بشدة .. رضوي ترتجف اكثر
رضوي .. مين هنا ؟!!
رضوي تعثر علي الموبيل ثم تضئ الكشاف فتجد شبحا ماثلا امامها .. انه الشبح الذي ظهر لها قبل ذلك وهو نفسه الذي كان يطاردها في الماء .. رضوي ترتجف اكثر وتكاد تموت من الخضة
رضوي .. انت مين ؟!!
الشبح .. انا العاشق الولهان .. انا المجنون بحبك يا رضوي
رضوي .. انت انسي ولا جني ؟!!
الشبح .. انا زعبور امير من امراء الجان .. انا العاشق الولهان
رضوي .. انت عايز مني ايه ؟!! ابعد عني يا شيطان
الشبح .. مش هبعد عنك مهما كان .. انتي حبيبتي وحياتي كمان .. واللي هيفرق بينا نهايته الموت .. ابعدي عن مدحت ليموت
رضوي .. مدحت !! انت مالك ومال مدحت عايز منه ايه ؟!!
الشبح .. مدحت بيستلطفك ومش بعيد مني يخطفك .. وانا اللي ياخدك مني يا اما يصير مجنون يا اما يتوه في الكون يا اما يشوفك ميت لون يا اما يموت مبطون يا اما يكون ويكون ويكون ....
رضوي .. انا مش فاهمة بتقول ايه ؟!!
الشبح .. اللي عايزك تفهميه انك ملك الامير زعبور .. برضاكي او من غير رضاكي .. انا قررت اعيش جواكي وحياتي هتبقي معاكي .. انا العاشق الولهان مجنون بيكي واوعي تخليني ائذيكي ... ابعدي عن مدحت احسنلك واحسنله
رضوي .. مش هبعد عن مدحت ولا هو كمان هيبعد عني .. انا انسانه وهو انسان وانت طلعت نزلت شيطان ..
الشبح .. اسمعي الكلام ومتعصبنيش واحذري شري ومتنرفزنيش
رضوي .. امشي اخرج برة يا ملعون .. انا هحرقك بأسم رب الكون
الجن يزداد غضبه ويزوم بشدة وفجأة تجد رضوي النار تشتعل في مكان في الغرفة .. رضوي تصرخ بصوت عالي والشبح يقول
الشبح .. هههههههه .. ابعدي عن مدحت يا رضوي ودا مجرد انذار ...
رصوي تفقد الوعي ..
ماذا حدث تابعوني والبارت الخامس .. تحياتي الكاتب المصري محمد مالك.
[٢٤/‏٧ ١٠:١٢ م] محمد مالك: رواية رضوي والجن العاشق
البارت السادس
للكاتب المصري محمد مالك
وفي الصباح تدخل الام الي حجرة رضوي لإيقاذها
نعيمة .. رضوي .. اصحي يا حبيبتي احنا بقينا العصر .. رضوي
رضوي تستيقظ مفزعة
نعيمة .. بسم الله الرحمن الرحيم .. مالك يا بنتي في ايه ؟!!
رضوي تنظر الي كل مكان بالغرفة ثم تنظر الي جسدها ويداها فتفاجئ انها سليمة ولم تحترق
رضوي .. الحمد لله انا سليمة ما اتحرقتش !!
نعيمة .. اتحرقتي ؟!! بعد الشر عليكي من الحرق يا بنتي .. ايه الفال الوحش اللي علي الصبح ده ؟!!
رضوي .. كويس انكم لحقتوني وطيفتوا الاوضة الا كان زماني اتحرقت يا ماما
نعيمة .. اوضة اللي احنا طفيناها يابنتي ؟؟!
رضوي .. الاوضة دي .. الشبح خلاها كلها نار امبارح
نعيمة .. احنا مطفناش حاجة والاوضة سليمه قدامك اهه .. وبعدين شبح ايه تاني يا رضوي احنا مش نسينا الحكاية دي خلاص ؟!!
رضوي .. صدقيني يا ماما الشبح ظهرلي امبارح وهددني وقالي ابعد عن مدحت احسنلك انا العاشق الولهان وكلام كتير انا مفهمتوش ولما قلتله مش هبعد عن مدحت قام ولع في الاوضة وقعد يضحك
نعيمة .. ايه الكلام اللي بتقوليه ده يا بنتي !!
رضوي .. صدقيني يا ماما دا اللي حصل .. هو نفس الشبح اللي ظهرلي قبل كدا في البيت ولما نزلت المية حتي اسألي مدحت سمع معايا صوته وهو بيزوم واحنا ماشيين ع البحر امبارح بالليل
نعيمة .. اها .. هو انتي اتمشيتوا سوا امبارح علي البحر ؟
رضوي .. ايوا .. قابلني بالصدفة وانا خارجة اتمشي والا بالدين يتمشي معايا .. رزالة بقي
نعيمة .. رزالة برضوا !! علي امك حبيبتك الكلام ده ؟!! ع العموم انا شايفاه انسان مهذب جدا وشهم جدا دا غير انه ظابط شرطة يعني وظيفة محترمة ومستقبل جميل
رضوي .. ايوة .. بتقليلي الكلام دا ليه يعني ؟!!
نعيمة .. بقولة عشان شايفة ان في استلطاف بينكم
رضوي .. لا لا طبعا..  انتي مخك راح لبعيد اوي دا مجرد اخ مش اكتر
نعيمة . . مش كدا برضوا ع العموم هو بره قاعد مع ابوكي
رضوي .. مدحت برة وقاعد مع بابا كمان ؟!! ليه ؟!!
نعيمة .. جاي يطلب ايدك
رضوي .. ايه ؟!! جاي يطلب ايدي انا ؟!!
نعيمة .. امال ايدي انا ؟!!
رضوي .. بس مقاليش انه عايز يخطبني مع انه كان معايا امبارح وكلمني كمان بالتليفون !! لا انا مش موافقة
نعيمة .. خلاص اطلع اقله انك مش موافقة
رضوي .. ماما استني .. انتي ما صدقتي ؟!!
نعيمة .. يعني نقول مبروك ؟
رضوي .. ماما انا خايفة اوي .. خايفة مدحت يسيبني زي اللي قبله
نعيمة .. لا يا حبيبتي متخفيش مدحت انسان جدع وشهم وواضح جدا انه بيحبك اوي .. تعالي شوفي بيتكلم ازي عليكي مع باباكي ..
رضوي .. وانا صارحته بكل حاجة
نعيمة .. ربنا يتمم علي خير ويبعد عنك كل سوء يا قادر يا كريم
رضوي .. طب اطلعي بقي عشان اغير هدومي .. الا بالحق هو مش المفروض يتقدملي لما نرجع القاهرة ؟؟!
نعيمة .. هو جاي عشان يقري فاتحة مع ابوكي .. لكن الخطوبة والشبكة هيعملهم في نادي ضباط الشرطة لما نرجع القاهرة
رضوي .. ماما انا فرحانه اوي
نعيمة .. يارب دايما تكوني فرحانه ومبسوطة يا رضوي يا بنت بطني .. كفاية سنتين متلخبط كيانك واحنا مش عارفين ايه السبب.. لما احضر الغدا .. بس انتي شهلي والبسي بسرعة
رضوي .. حاضر يا احن واطيب واجمل ام في الدنيا
سيحدث شئ خطير بعد ذلك .. تابعوني والبارت السابع من الرواية .. تحياتي الكاتب المصري محمد مالك.
[٢٤/‏٧ ١٠:١٤ م] محمد مالك: رواية رضوي والجن العاشق
البارت السابع والأخير
للكاتب المصري محمد مالك
وتخرج رضوي وتقابل مدحت الذي تقدم لخطبتها بشكل رسمي وكانت في ابهي زينتها وقرأ الجميع الفاتحة علي اتفاق بعمل خطوبة بشكل رسمي بعد العودة للقاهرة ومنذ تلك اللحظة بدأت مأساة رضوي .. احلام مزعجة وكوابيس طوال الليل وبدأ الجني يظهر لها بشكل يومي ليصيبها بالرعب والذعر وذات مرة كانت تستحم فأحست بشي ما يتحثث جسدها دون ان تراه مما اصابها بالذعر حتي ظهر لها هذا الجني مرة اخري ..
زعبور .. انتي حلوة اوي يا رضوي .. فعلا تستحقي ان الواحد يخسر عشيرته من الجن عشانك
رضوي .. انت تاني ؟!!
زعبور .. انتي هتشوفيني كتير يا رضوي بعد كدا .. ما انتي خلاص بقيتي مراتي
رضوي .. مراتك ؟!! انت اتجننت امشي اخرج برة يا ملعون .. انت عاوز مني ايه ؟!
زعبور .. ما انا قلتلك .. ابعدي عن مدحت يا رضوي ودا اخر انذار .. انتي ملكي انا لوحدي وكلامي مش هزار
رضوي .. مدحت خطبني خلاص وكلها شهر ولا اتنين وهيبقي جوزي
زعبور ..  قصدك كلها شهر ولا اتنين وهتقري عليه الفاتحة .. ههههههههه
وفجأة تجد رضوي ان الدش فوقها اصبح يأتي بدماء بدلا من الماء فتنزعج وتصرخ بصوت عالي وتسقط مغشيا عليها .. والدة رضوي تقلق من تكرار هذا الموقف معها اكثر من مرة مما يدفعها الي الذهاب لأحد المشايخ الصالحين فيخبرها ان ابنتها وقعت ضحية لجني عاشق وهو الذي بدل حالها من الاحسن الي الاسوأ وانها لابد ان تتخلص منه باتباع برنامج علاجي من القرآن والسنة .. اما مدحت فشعر ذات مرة بألم شديد في بطنه فأضطر ان يذهب الي الطبيب ليخبره انه مصاب بسرطان في المعدة وحالته متأخرة جدا ولن يجدي معه علاج فالمرض ينتشر بسرعة البرق الي الاعضاء المجاورة يالها من حالة عجيبة لم يراها الطبيب من قبل ومن وقتها اصيب مدحت بالاحباط والاكتئاب وقرر ان ينفصل عن رضوي فاتصل بها ..
مدحت .. الو .. ازيك يا رضوي
رضوي .. ازيك يا مدحت .. برن عليك بقالي يومين مبتردش وبعتلك مسجات وبرضوا مبتردش ! فيه ايه ؟!
مدحت .. رضوي انا عاوز اقلك علي حاجة
رضوي .. قول عشان انا كمان عايزة اقلك علي حاجة
مدحت .. حاجة ايه ؟
رضوي .. قول انت الاول
مدحت .. رضوي .. انااا ... انا قررت اسيبك
رضوي .. ايه ؟! ليه ؟!!
مدحت .. بصي اناااا .. انا ورم خبيث في المعدة وعمال ينتشر في جسمي كله بسرعة كبيرة وللأسف مالوش علاج غير المسكنات ومش هعيش كتير
رضوي .. انت بتقول ايه ؟!! وجالك منين المرض ده ؟! انت كنت كويس من اسبوع
مدحت .. مش عارف صدقيني .. حسيت فجأة بألم في بطني ولما كشفت اكتشفت ان عندي المرض ده .. عشان كدا انا عايزك تنسيني وربنا هيعوضك اكيد بالافضل .. مش معقول هتربطي حياتك بحياة انسان فاضله ايام ويموت
رضوي .. ثواني يا مدحت .. كدا انا فهمت كلام زعبور
مدحت .. مين زعبور ده ؟!
رضوي .. دا الجني العاشق اللي بيظهرلي .. بس انا فهمت هو قالي اني لو مبعدتش عنك هتموت مبطون .. المرض ده ده سببه الجني الحقير اللي اسمه زعبور
مدحت .. انا مش فاهم حاجة ؟!!
رضوي .. انا هفهمك كل حاجة انزل قابلني دلوقتي حالا
وتقابل رضوي مدحت وتشرح له القصة بكاملها وتخبره بأنها تقوم الان باتباع علاج قرآني للتخلص من هذا الجني وانها متأكدة ان اصابته بهذا المرض سببها الجني اللعين وستنتهي معاناتهما بمجرد القضاء علي هذا الجني وانه هو ايضا سبب كل ما حدث لها سابقا والتغير الرهيب الذي طرأ علي شخصيتها وحياتها وطلبت منه الا يتخلي عنها مما حدث وهي لن تتخلي عنه ابدا وانهما في امس الحاجة الي بعضهما البعض لأجتياز تلك المرحلة الصعبة وبالفعل تعاهدا الاثنان علي عدم التخلي عن بعضهما البعض وان يتحدا سويا للتخلص من شر هذا الجني اللعين وحانت ليلة الزفاف واثناء وقوف مدحت امام المرآة لحلاقة ذقنه استعدادا للفرح اذ به يجرح خده فيخرج منه الدم ومدحت يتعجب
مدحت .. ايه ده ؟! ازاي اتعورت كدا ! المفروض ان مكنة الحلاقة دي مبتعورش فيدخل الي الحمام ليغسل وجهه فيفتح الصنبور فيخرج منه دم بدلا من الماء .. مدحت ينزعج من ذلك فيغلق الحنفيه فورا واثناء خروجه من الحمام يتزحلق فيسقط علي الارض فترطتم رأسه بالارض بشدة فيصاب بجرح في رأسه .. فينهض ويتوجه ناحية الثلاجة فيفتحها ويتناول زجاجة مياه ليغسل بها رأسه ووجه وهو يحدث نفسه قائلا ..
مدحت .. استغفر الله العظيم يارب ايه اللي بيحصل ده ؟! وفجأة ينقطع التيار الكهربائي فيقوم مدحت بأشعال شمعة فيدخل الي الغرفة ليرتدي بدلة الزفاف فيجدها ممزقة .. مدحت يدرك الان ان هذا من افعال الجني الحقير
مدحت .. اها .. طب انا هتجوزها غصب عنك ولو اضطريت اني اروح الفرح بالفانلة والشورت .. سامع يا ملعون
وفجأة يظهر له الجني ..
مدحت .. اخيرا ظهرت يا ملعون مستنيك من زمان
زعبور .. ابعد عن رضوي يا مدحت والحق نفسك لأن بينك وبين الموت يدوب ساعات
مدحت .. هههه ولو يهمني كفاية اني هموت وانا في حضن مراتي حبيبتي
زعبور .. متستفزنيش يا انسي .. انت متعرفش انا ممكن اعمل ايه كمان .
مدحت .. انت خثيث جبان ومش هتقدر تعمل حاجة لأن النافع والضار هو ربنا سبحانه وتعالي وعشان كدا انا محضرلك مفاجأة ويضغط مدحت علي زر تشغيل كاسيت يعمل بالبطارية حيث قد وضع سماعات قوية في جميع انحاء الشقة والان يستمع الجني الي آيات التعذيب والحرق من القرآن الكريم والجني يتألم
زعبور .. اطفي الكاسيت ده يا انسي
مدحت .. ازاي اطفيه .. دا انا عايزك تسمع وتنبسط ..
زعبور .. اطفي الكاسيت احسنلك يا انسي .. اسمع الكلام
زعبور .. اسمع انت كلام ربنا عشان تعرف انك جني حقير وضعيف كمان .. يلا اتحرق وغور في ستين داهيه
الجني يزأر بصوت عالي من شدة الالم وبدأ وكأنه يحترق فأراد ان ينتقم من مدحت فقام باسقاط الشمعة المضيئة لتسقط علي السجادة فتشتعل .. مدحت ينزعج بشدة النار بدأت تنتشر في كل مكان يحاول اخمادها بكل الطرق حتي استطاع ان يسيطر عليها ويطفئها ثم يلتفت ولا يري الجني ولكن يجد علي الارض رماد اسود فيدرك انه قد احترق .. بعدها تشعر بنفضة شديدة تلاحظها الام
نعيمة .. مالك يا رضوي اتنفضتي ليه فجأة كدا ؟!!
رضوي .. زي ما يكون حاجة كدا طلعت من جوة جسمي بسرعة .. بس انا حاسة اني مرتاحة دلوقتي
فتعرف بعد ذلك ان الجني قد ظهر ل مدحت واحترق وحينها بدأت رضوي حياه جديدة مع شخص احبها واحبته وكان سببا في ان تتخلص من شر جني عاشق عذبها ثلاث سنوات متواصلة .. انتهت قصتي ولم تنتهي محبتي .. تحياتي الكاتب المصري محمد مالك.