رواية اغتصاب شرعي #الجزء_الاول #كامل

رواية هو زوجي وانت حبيبي 

البارت الاول 

للكاتب المصري محمد مالك

حسام منزعج وقلق بشدة لما حدث ل نوال حملها بسرعة في سيارته وذهب بها الي المستشفي وهو الآن في انتظار الطبيب وهو صديق له ايضا يدعي امجد
حسام .. خير يا دكتور ايه الاخبار؟
امجد .. عندها ارتجاج بسيط في المخ وخيطنا الجرح .. لكن الحمد لله الجمجمة سليمة كدمة بسيطة بس
حسام .. يعني هتعيش ؟!!
امجد .. هتعيش ان شاء الله بس انا عاوز اعرف مين اللي عمل فيها كدا ؟!! هي وقعت لوحدها ولا حد زقها ولا ايه الموضوع بالظبط؟!!
حسام .. بصراحة يا امجد انا زقتها وقعت علي الارض فأتخبطت في الكرسي
امجد .. وقعتك سودا دا المفروض نبلغ البوليس ويتعمل محضر بالواقعة دا شروع في قتل يا استاذ
حسام .. لا وحيات ابوك يا حسام انا مش حمل بهدلة وانت عارف انا ليا اسمي وسمعتي في السوق واعدائي اللي متربصين بيا كتير ومستنين غلطة عشان يهدوني دا غير الصحافة والاعلام .. بلاش حكاية البوليس دي ارجوك
امجد .. انا عن نفسي هسكت بس ياريت مراتك هي كمان تسكت ومتطلبش تقرير وتروح تشتكيك
حسام .. مش هتقدر تعمل كدا
امجد .. يا جبروتك يا اخي وكمان مغرور ؟!! يا راجل يا ابو قلب حجر في حد يعمل في مراته حبيبته كدا ؟! اشحال لو مكنتش بتحبها!!
حسام .. ساعة شيطان بقي .. انا ندمان بجد
امجد .. طب روح يا عم الندمان اقعد جمب مراتك واسيها .. عليا الطلاق خسارة فيك يا صنم
حسام .. كفاية تقطيم بقي يا امجد ؟!! انا فيا اللي مكفيني
امجد .. معلش مفروس منك .. حد يكون معاه الجمال والرقة والشياكة دي ويعاملها بالطريقة الهمجية دي !! يابني دا انت المفروض تدلعها وتهشكها كمان
حسام .. اسكت يا امجد انت مش فاهم حاجة
امجد .. طب روح ياخويا بص علي مراتك وطيب خاطرها بكلمتين حلوين .. انت لسة واقف اتحرك يا صنم
ويدخل حسام الي الغرفة التي ترقد بها نوال ويبدوا ان رأسها مربوط عليها شاش ثم تراه فتدير وجهها بعيدا ويقترب منها حسام ويبدوا عليه الاسي والندم محاولا الاعتذار
حسام .. انا .. انا اسف يا نوال .. بجد مكنش قصدي .. انا مش عارف زقيتك ازاي بالطريقة الهمجية دي .. بس انا معذور برضوا انتي اسلوبك كان مستفز جدا .. سامحيني
ثم يحاول ان يمسك يدها فتسحب يدها بقوة
حسام مندهش .. انت ليه بتعامليني كدا ؟!! مع انك عارفة اني بحبك وبموت فيكي ومبستحملش حتي نسمة هوا تعدي من جمبك!!
نوال .. طلقني يا حسام وكفاية لحد كدا
حسام .. تاني يا نوال ؟!!
نوال .. طلقني يا حسام ارجوك لاني مش هقدر اعيش معاك تاني
حسام .. ازاي اطلقك وانا روحي فيكي انتي عايزاني اموت؟!!
نوال .. وانا موتي في قربي منك .. يبقي ايه الحل ؟!!
حسام .. استهدي بالله يا نوال تعالي ننسي اللي فات ونبدأ صفحة جديدة .. بصي .. انا هفتحلك شركة الديكورات اللي انتي نفسك فيها وهحطلك في البنك ١٠ مليون جنيه ٢٠ مليون لو حبيتي عشان تأمني مستقبلك بيهم وكمان هكتبلك الفيلا اللي احنا قاعدين فيها .. بس ارجوكي متقليش كلمة طلقني دي تاني .. انا بحبك ومقدرش استغني عنك ابدا .. ابدا يا نوال
نوال .. وانا مش بحبك ومش عاوزة منك حاجة خلي فلوسك في جيبك .. انا عايزة اطلق يا حسام يا اما هتضطرني اني اخونك بجد .. هو انت ايه مش راجل ؟!! مش غيران علي عرضك ؟!! واحدة بتقلك مش بحبك وهخونك باقي عليها ليه ؟!!
حسام .. تاني الكلمة دي يا نوال ؟!! طب مش هطلق يا نوال ووريني هتخونيني ازاي وبالنسبة لموضوع ابني اللي انتي قتلتية بأيدك قدام شهرين بالكتير لو مسمعتش انك حامل في ابن غيره انا هدمر عيلتك كلها وهخليكي تتفرجي عليهم واحد واحد واولهم امك وابوكي واختك .. فاهمة ؟!! وعقلك في راسك تعرفي خلاصك ..ثم يتركها وينصرف ويعود حسام الي المنزل ليجد المحمول الخاص بزوجته فيدفعه الفضول الي تفحصه فيراجع سجل الواتساب ليتفاجئ بشئ صادم ...؟!!
تابعوني والبارت الثاني بعد التفاعل والمشاركة .. تحياتي الكاتب المصري محمد مالك.