رواية عائدة من الموت كاملة
[١٤/٦ ٦:١٠ م] محمد مالك: عائدة من الموتالبارت الاول
للكاتب المصري محمد مالك
اعلان حالة الطوارئ داخل المستشفي العثور علي سيدة ملقاه في نهر الطريق اثار تعذيب واضحة علي الجسد .. عدة طعنات متفرقة في انحاء الجسم .. الوجه قد اختفت ملامحه خلف نزيف الدم الذي يكسوه تماما .. النبض ضعيف جدا وهبوط واضح في الدورة الدموية .. توقف مفاجئ في عضلة القلب ثم عودته الي العمل مرة اخري .. محاولات متتالية ومستميتة لانقاذ هذه السيدة من الموت .. يتم ادخالها الي غرفة العمليات لمحاولة ايقاف نزيف المخ وبعض الاعضاء الاخري بالجسد وبعد مرور ١٢ ساعة متواصلة داخل غرفة العمليات لانقاذ حياة تلك السيدة يخرج الطبيب من غرفة العمليات ليجد امامه اللواء احمد حسان زوج تلك السيدة
اللواء .. طمني يا دكتور ؟!!
الطبيب .. مكدبش عليك الحالة حرجة جدا .. انا نقلتها العناية المركزة .. ممكن اعرف دي مين ؟!!
اللواء .. دي احلام عز الدين الهادي استاذ المحاماة مراتي
الطبيب.. وايه اللي عمل فيها كدا ؟!! دي مفيش حته في جسمها سليمة ؟!!
اللواء .. اسمعني يا دكتور .. المهم عندي دلوقتي ان احلام لازم تعيش .. لانها لو ماتت هيبقي مات معاها السر اللي لازم اعرفة .. احلام لازم تعيش يا دكتور .. فاهم ؟
الطبيب .. احنا عملنا ايه اللي علينا والباقي علي ربنا .. ادعيلها .. بعد ازنك
وترقد احلام في غيبوبة تامة طوال عام كامل لدرجة ان الاطباء طلبوا من زوجها رفعها من علي الاجهزة لأنها تعتبر ماتت اكلينيكيا .. ولكنه رفض بشدة آملاً في ان تعود زوجته الي الحياه مره اخري .. وبالفعل بعد مرور عام من الغيبوبة عادت احلام الي الحياه مرة اخري حتي تقص لزوجها سرا خطيرا .. تابعوني والقصة كاملة في الجزء الثاني .. تحياتي محمد مالك.
[١٥/٦ ١٠:٢٩ م] محمد مالك: رواية عائدة من الموت
البارت الثاني
للكاتب محمد مالك
وتدخل الممرضة الي غرفة العناية المركزة التي ترقد بها احلام فتجدها بدأت تتحرك انها بدات تستعيد وعيها وبدا التنفس يعود الي طبيعته .. الممرضة في دهشة وكأن الروح بدأت تتسلل الي جسد احلام مرة اخري بعد ان فارقته عام كامل .. الممرضة تراقب المشهد في دهشة شديدة .. احلام تفتح عينيها ببطء .. تنظر حولها ثم تنطق بلسان ضعيف وهزيل .. انا فين .. الممرضه تقول لها .. ارتاحي خالص متتكلميش اروح انده الدكتور.. وتذهب الممرضة الي الطبيب لتخبره ان احلام استعادت وعيها .. الطبيب يجلس مع زوجها اللواء احمد احسان مازال يقنعه ان يرفع الاجهزة عن احلام لأنها ماتت اكلينيكيا ولكن تدخل الممرضة لتغير كل شئ.
الممرضة .. الحق يا دكتور .. مدام احلام فاقت
الطبيب .. ايه ؟!!
ثم يجري الطبيب مسرعا نحو الغرفة التي تمكث بها احلام وخلفة احمد مباشرة
الطبيب يقترب من احلام للفحص
احلام .. انا فين ؟!
الطبيب .. انتي بخير متخافيش
احمد .. ايه الاخبار يا دكتور
الطبيب .. سبحان الله النبض رجع لوضعة الطبيعي والتنفس ممتاز .. امر عجيب فعلا
احلام .. انا فين يا احمد ؟!
احمد .. انتي في المستشفي يا احلام
الطبيب .. ارجوكي اهدي متتكلميش خالص
احمد .. مين اللي عمل فيكي كدا يا احلام ؟!! قولي
الطبيب .. مش وقته يا سيادة اللوا
احمد .. من فضلك يا دكتور بقالي سنة ونص وانا بتعذب ليل ونهار عشان اعرف مين اللي فيها كدا .. قولي يا احلام من الناس اللي خطفوكي وعذبوكي بالشكل ده !! وفي الاخر رموكي في الشارع شبه جثة ؟!!
احلام .. ااا .. ااا .. ااااشرف اخوك
احمد .. مين ؟!! اشرف اخويا ؟!! اخويا انا اللي عمل فيكي كدا ؟!! ليه ؟!! انطقي
الطبيب .. مش معقول كدا يا سيادة اللوا .. المدام لسة حالتها حرجة .. اتفضل من فضلك
اللواء يدفعة بعيدا
اللواء .. انطقي يا احلام .. اخويا عمل فيكي ليه كدا ؟!! ايه اللي بينك وبينه ؟! قولي ارجوكي
احلام بكلمات متقطعة .. اخوك .. هند
احمد .. هند !! هند مين .. هند بنتك ؟!! قولي يا احلام ايه اللي حصل من فضلك
احلام تعود الي الغيبوبة مرة اخري وتترك اللواء في حيرة اكبر وغضب شديد مما سمع ..
احمد .. احلام .. احلام
الطبيب.. من فضلك اخرج بره
احمد .. مالها !! كانت بتتكلم كويس حالا
الطبيب .. المريضة دخلت في غيبوبة تاني .. مش كويس خالص اللي انت عملته ده .. من فضلك بره لو سمحت
الاحداث اشتعلت تابعوني والبارت الثالث .. تحياتي الكاتب المصري محمد مالك.
[١٦/٦ ٩:١٤ م] محمد مالك: رواية عائدة من الموت
البارت الثالث
للكاتب المصري محمد مالك
اللواء احمد احسان يعود الي منزلة وقد اصبح في حيرة شديدة مما قالته له زوجته عندما فاقت في هذه الدقائق المعدودة ولكنها قالت تلك الكلمات في توقيت صعب ووقت حرج جدا فاليوم ليلة زفاف ابنته هند علي محمود ابن اشرف اخيه ونظرا للظروف التي تمر بها الام قرر ان تكون حفلة الزفاف عائلية ولكن الكلمات التي نطقت بها احلام جعلته يعيد حساباته ويفكر كثيرا لماذا ذكرت اسم اشرف اخيه وهند ابنته لماذا ربطت بينهما ؟!! وما علاقتهما بما حدث لها من اختطاف وتعذيب ؟!! اسئلة كثيرة تدور في عقله ولا يجد اجابه لها ودخلت عليه ابنته
هند .. يلا يا بابا المأذون جه عشان يكتب الكتاب
احمد .. مفيش كتب كتاب يا هند دلوقتي .. الفرح اتأجل
هند .. ليه يا بابا ؟!!
احمد .. الظروف دلوقتي متسمحش امك تعبانه وفي المستشفي
هند .. بس يابابا ماما تعبانه من مدة طويلة واحنا اتفقنا ان الفرح يكون ع الضيق يعني مفيش فرح اصلا مراعاة لظروف ماما وحضرتك صاحب الاقتراح ده واحنا وافقنا مراعاة لخاطرك انت وماما.. ايه الجديد؟!!
احمد .. ولا جديد ولا قديم .. الفرح اتأجل وخلاص
هند .. بدون سبب ؟!
احمد .. بدون سبب
هند .. طب اقول لمحمود ايه والناس اللي برة اقلهم ايه ؟! بابا لغي الجوازة
احمد .. انا قلت اتأجلت مش اكتر
هند .. طب ايه السبب اللي خلاك تقول كدا ؟!!
احمد .. من غير سبب اتأجل يعني اتأجل
هند .. براحتك .. وانا مش عايزة اتجوز خالص .. بعد ازنك
ثم تخبر هند محمود واعمها اشرف بما حدث فيدخلان ليقابلان احمد
اشرف .. ايه الكلام اللي بتقوله بنتك يا احمد !! انت فعلا لغيت الفرح؟!!
احمد .. اتأجل شوية بس
اشرف .. ليه ؟!!
احمد .. الظروف متسمحش ازاي نجوز الاولاد واحلام بين الحياه والموت في المستشفي ؟!!
محمود .. بس طنط احلام تعبانه بقالها سنه واحنا اتفقنا هنعمل فرح ع الضيق مراعاة لمشاعرها
اشرف .. وبعدين احنا لما اتفقنا كان الظرف دا موجود .. ايه اللي جد يعني ؟!!
احمد .. اتأجل لحد ما اطمن علي احلام هتقوم من رقدتها دي ولا لا
اشرف .. مش هتقوم
احمد .. ايه؟!!
اشرف .. اسف مقصدش .. انا قصدي ان بقالها سنه في الغيبوبة لو عاوزة تقوم كانت قامت .. دي تعتبر ماتت خلاص يا احمد
احمد .. طب ايه رأيك بقي انها فاقت
اشرف مرتبك .. فاقت ؟!!
احمد .. اه لمدة خمس دقايق واتكلمت كمان
اشرف .. قالت ايه ؟!!
احمد .. مالك مرتبك ليه كدا ؟!!
اشرف .. لا انا مش مرتبك ولا حاجة بس يعني اندهشت ان احلام فاقت بعد سنة غيبوبة
احمد .. هما خمس دقايق بس وللأسف رجعت تاني للغيبوبة
اشرف .. طب قالت ايه ؟!
احمد .. لا متاخدش في بالك قالت كلمتين مفهمتهومش
اشرف .. يعني دا اخر كلام عندك الفرح اتلغي
احمد .. ايوا
اشرف .. خلاص بس ما دام اخدت قرار زي ده اعتبر ان محمود وهند مش لبعض وعمرهم ما هيتجوزوا ابدا .. اتفقنا
احمد .. براحتكم
اشرف .. بقي كدا ؟!! طيب يا احمد .. يلا يا محمود
الاحداث اشتعلت تابعوني والبارت الرابع .. تحياتي محمد مالك.
[١٧/٦ ٥:٥٦ ص] محمد مالك: رواية عائدة من الموت
البارت الرابع
للكاتب محمد مالك
اللواء احمد احسان يحاول جاهدا الوصول الي الحقيقة وكشف اللغز ولكن من اين يبدأ؟ فكر في ان يدخل مكتب زوجته داخل الفيلا يبحث فيه عن شئ لا يعرف ولكنه سوف يبحث لعله يجد شيئا يوصله للحقيقة واثناء بحثة وتفتيشه في اوراق احلام عثر علي ملف قضية مكتوب عليه من الخارج قضية السيد مهران وهو رجل اعمال تم قتله في ظروف غامضة وابنته قامت برفع دعوي ضد احد الاشخاص يدعي سليم الابيض رجل اعمال منافس وكان علي عداء دائم ب السيد مهران وانه المشتبه الاول في قتله وتولت القضية احلام ولكن لاحظ احمد ان احلام قد كتبت اسم اخيه اشرف احسان في نهاية احدي اوراق القضية وبجوارها كلمة بنتي هند واصطدم عندما رأي ان احلام قد كتبت انه تم التنحي عن القضية في ٢٠ /٥ .. تعجب احمد من ذلك فهذا التاريخ ملازم للتوقيت الذي تم فيه اختطاف زوجته وما علاقة اشرل وهند بالقضية ؟!! اسئلة لابد من العثور علي اجابات لها ولكنه علم انه قد عثر علي اول الخيط الذي سيوصله للحقيقة ..
ماذا فعل تابعوني والبارت الخامس من الرواية الاكثر تشويقا ومتعة .. تحياتي الكاتب والسيناريست المصري محمد مالك.
[١٧/٦ ١٢:١٧ م] محمد مالك: رواية عائدة من الموت
البارت الخامس
للكاتب المصري محمد مالك
قرر اللواء احمد الذهاب الي ابنتة القتيل الذي يدعي السيد مهران لعله يحد عندها اجابة للأسئلة التي تدور في رأسه
نها .. مين حضرتك ؟!!
احمد .. انا اللواء احمد حسان ابن الاستاذة احلام عز الدين الهادي المحامية
نها .. اهلا وسهلا .. اتفضل يا فندم .. والاستاذة ايه اخبارها دلوقتي عاملة ايه ؟!!
احمد .. مفيش جديد زي ما هي في غيبوبة .. الحمد لله علي كل حال
نها .. مش قادرة اصدق اللي حصلها ده !! عرفتوا مين اللي عمل فيها كدا ؟!!
احمد .. لسة
نها .. منهم لله اللي عملوا فيها كدا طول عمرها ست صاحبة حق وواقفة دايما جمب المظلوم مع اني كنت واخدة علي خاطري منها لما سابت القضية بتاعة بابا بدون مبرر مع انها في الاول قالتلي انا همسك القضية ومش عاوزة اتعاب وفعلا حاولت اديها اتعاب رفضت ولكن فجأة لقيتها بتقلي شوفي محامي غير يمسك القضية
احمد .. من فضلك ممكن تحكيلي اللي حصل بالظبط ؟!!
نها .. انا بابا راجل اعمال معروف واكيد اي راجل اعمال ناجح ليه منافسين منهم الكويس ومنهم الوحش وحظ بابا انه وقع مع انسان وحش جدا اسمه سليم الابيض محدش يقدر ينافسة او يقف في طريقة لأن نهايته بتكون معروفة .. المهم بابا جه في مرة دخل مناقصة وكان هو منافس فيها وجت تهديدات كتير بالانسحاب من المناقصة لأن فيها سليم الابيض ودا راجل مبيرحمش والكلام ده .. لكن بابا صمم يدخل المناقصة وبالفعل اخدها لأنه كان احق واحد بيها وبعدها بيومين
[١٨/٦ ١٢:٣٦ م] محمد مالك: رواية عائدة من الموت
البارت السادس
للكاتب المصري محمد مالك
احمد شاف الورقة .. الورقة كانت بخط احلام عبارة عن جدول مقارنة من صفين .. الصف الاول بعنوان الحق والصف التاني بعنوان الباطل ..
ولقي مكتوب في الصف الاول ..أ = المبادئ + القيم + الاخلاق + القسم.. ولقي مكتوب في صف الباطل مكتوب.. س= القوة + النفوذ + المال + البطش وفي اخر الورقة مرسوم ميزان بكفتين .. كفة منهم ارجح من التانية ومكتوب فوقيها س+ أ+ ه والكفة التانية مكتوب فوقيها أ فقط
وفي الاخر مكتوب لا سبيل الا الاستسلام سحقا عندما ينتصر الباطل ..
احمد حسان .. ممكن اخد الورقة دي ؟
نها .. اكيد يا فندم اتفضل
احمد .. وايه اخبار الشركة دلوقتي بعد وفاة والدك ؟!!
نها .. اهوه الحمد لله ماشية والفضل يرجع لربنا واشرف بي
احمد .. اشرف بي مين ؟!!
نها .. اشرف بي اخو سعتك
احمد .. وايه علاقة اشرف اخويا بالشركة بتاعتكم ؟!
نها .. ما هو بعد حادثة اغتيال بابا انا عرضت الجروب كله للبيع وعملت اعلان بكدا بس لقيت الاستاذة احلام بتتصل بيا بالليل بعد ما قرت الاعلان وبتقلي ان اخو سعتك عارض يشتري الجروب وبالسعر اللي انا عاوزاه ومالوش لزوم الاعلان ده قلت ماشي انا ليا المصلحة وحددت مقابلة بيني وبينه في مكتبها وبالفعل اشتري الجروب مني وبسعر خيالي وعيني كمان نائب رئيس للجروب وغير الاسم بتاعة من مجموعة شركات مهران للأستيراد والتصدير الي مجموعة شركات اشرف احسان للمقاولات العامة واعمال البناء
احمد .. غريبة !! اول مرة اسمع الكلام ده
نها .. ازاي !! هي مدام احلام ولا مستر اشرف قالولك ؟!
احمد .. لا محدش قالي علي حاجة زي دي .. ع العموم ربنا يوفقك في حياتك العملية ولو عزتي شئ اعتبريني والدك
نها .. شرف كبير يا سيادة اللوا وارجو سعتك ان لو فاقت مدام كلمتي علطول عشان ازورها لأنها بجد وحشتني
احمد .. ان شاء الله .. بعد ازنك
ويعود احمد الي المنزل محاولا حل رموز هذا اللغز المرسوم في الورقة فهو يعلم ان احلام عندما تحتار بين امرين تقوم بعمل مقارنه بينهما من ناحية المكسب والخسارة وترسم ذلك علي الورق ولكن بتوضيح اكثر مما فعلت هذه المرة ومما جعله في حيره ايضا ما علاقة اشرف بشركات السيد مهران ؟!! ولماذا توسطت احلام في هذا الموضوع ؟!! ولماذا لم يخبراه اشرف واحلام بذلك ؟ ولكن الشئ الوحيد الذي تيقن منه الان ان اشرف يخفي سرا كبيرا عنه ويا تري هل فعلا اشرف له علاقة بما حدث ل احلام ؟!! ويا تري لماذا ربطت احلام بين اشرف وهند عندما ذكرت اسمهما معا ل احمد في المستشفي وما معني تلك الرموز التي في الورقة واثناء تفكيرة العميق وتركيزه الشديد لحل تلك الرموز يأتيه تليفون من المستشفي ان احلام قد فاقت مره اخري فأخذ الورقة وذهب الي المستشفي مسرعا ..
ماذا حدث ؟ تابعوني والبارت السابع .. تحياتي الكاتب والسيناريست المصري محمد مالك.
[١٨/٦ ٤:١٦ م] محمد مالك: رواية عائدة من الموت
البارت السابع
للكاتب المصري محمد مالك
يدخل الي للمستشفي مسرعا كالثور الهائج متوجها الي الغرفة التي تمكث بها احلام ونري الطبيب في استقباله
الطبيب .. هي فاقت بس ياريت متعملش حضرتك زي ما عملت المرة اللي فاتت .. ممنوع الاجهاد نهائي للمريضة
احمد يدفع الطبيب بعيدا ثم يدخل الي الغرفة ويغلق الباب من الداخل
الطبيب منزعجا .. عيب كدا يا سيادة اللوا .. افتح الباب لو سمحت
احمد يقترب من احلام بخطوات بطيئة ويخرج الورقة التي كتبتها بخط يدها من جيبة واحلام مازالت شبه فاقدة للوعي فلم تفق تماما
احمد .. احلام
احلام بصوت مجهد ومنخفض.. احمد ..فين هند ؟!
احمد .. سيبك من هند دلوقتي .. مين اللي عمل فيكي كدا ؟!! انطقي
احلام .. مش عرفة
احلام .. مش عرفة مين اللي خطفوكي وعملوا فيكي كدا ؟!!
احلام .. مش عرفة اقلك ايه !!
احمد .. قولي كل حاجة .. اتكلمي يا احلام .. انتي قلتي المرة اللي فاتت اشرف وهند .. ايه علاقة اشرف اخويا وهند بنتي بالحادثة بتاعتك .. انطقي يا احلام
احلام لا تجيب واحمد يعرض عليها الورقة التي بخط يدها
احمد .. الورقة دي بخط ايدك كانت في ملف قضية السيد مهران اللي اتقتل غدر قدام شركته وانتي كنتي ماسكة القضية وقبل احتفائك باسبوع اتصلتي ببنته نها واديتيها ملف القضية عشان تشوف محامي تاني يمسكها وهي لقيت الورقة دي في قلب الملف .. فسريلي الكلام اللي فيها .. فسري يا احلام .. وايه معني الجملة الاخيرة دي اللي انتي كتباها .. لا سبيل الا الاستسلام سحقا عندما ينتصر الباطل .. هو انتي حد هددك عشان تتنازلي عن القضية ؟!! سليم الابيض خصمك في القضية ليه علاقة بالحادثة بتاعتك ؟!! جالك تهديد منه او من اي حد ؟!! انتي مبتتكلميش ليه ؟!! انتي سمعاني يا احلام ؟!
احلام .. سمعاك يا احمد ارجوك تسامحني
احمد .. اسامحك علي ايه قولي .. انتي مخبية ايه عني يا احلام ؟؟ وليه اتوسطتي لأخويا عشان يشتري شركات السيد مهران ويغير نشاطها بأسمه ؟!! ليه مقلتيش علي حاجة زي كدا ؟!!
احلام .. انا غلطت سامحني
احمد .. عمالة تقولي سامحني !! عايزاني اسامحك علي ايه .. انتي ليه مش بتجاوبي علي اسئلتي .. ساعديني اوصل للحقيقة واعرف مين اللي عمل فيكي كدا .. طب اخويا ليه علاقة باللي حصلك دا ؟
احلام تهز رأسها بمعني نعم
احمد يندهش .. ايه ؟! اشرف اخويا ليه علاقة باختطافك وتعذيبك بالشكل ده ؟!! طب ليه انطقي
احلام تبكي وفجأة نسمع صفارة جهاز نبض القلب وينظر احمد علي الشاشة تخطيط القلب توقف .. احمد ينزعج بشدة قائلا
احمد .. احلام .. احلام اوعي تسيبيني قبل ما تجاوبي علي الالغاز دي كلها .. ثم يفتح الباب وينادي الطبيب .. الطبيب يدخل مسرعا
الطبيب .. انا غلطان اني اتصلت بيك من فضلك اخرج بره ثم يقول للمرضه جهاز الصدمات بسرعة ويحاول الطبيب انعاش القلب بالصدمات عدة مرات الي ان يعود النبض مره اخري واحمد يراقب ذلك من الخارج ثم يخرج الطبيب
احمد .. ماتت ؟!!
الطبيب .. الحمد لله القلب رجع يشتغل تاني .. قلتلك بلاش اجهاد للمريضة يا سيادة اللوا .. حالة المريضة غير مستقرة نهائي وانا من اللحظة دي منعت عنها الزيارة نهائي .. احمد ربنا انها بدأت تفوق دي لوحدها معجزة
احمد .. حط نفسك مكاني يا دكتور .. انسان مراته اتخطفت وبعد ست شهور لقيها في الشارع ملقحة بين الحيا والموت ومفيش حته في جسمها سليمه وسابتلي شوية الغاز والمفروض اني احلها عشان اوصل للجاني وخايف تموت قبل ما اوصل للي عمل فيها كدا .. انا عايش في نار يا دكتور انا عاوز حق مراتي فاهم ؟!!
الطبيب .. انا مقدر اللي انت فيه بس صدقني بطريقتك دي هتجهد المريضة ومش هتوصل لحاجة لأن هي مفاقتش ١٠٠٪ واحتمال اصلا تكون فقدت الذاكرة ..
احمد .. فقدت الذاكرة !! بس هي سألتني عن بنتنا هند
الطبيب .. عادي ممكن تكون متذكره حاجات وناسية حاجات .. الاصابة كانت جامدة جدا واكيد اثرت علي المخ .. اصبر من فضلك لحد ما المريضة تفوق وتستعيد وعيها تماما وساعتها نقدر نقيم الحالة ..
الاحداث ما زالت مشتعلة .. تابعوني والبارت الثامن .. تحياتي الكاتب والسيناريست المصري محمد مالك.
[٢٠/٦ ٤:٢٧ م] محمد مالك: عائدة من الموت
البارت الثامن
للكاتب المصري محمد مالك
ظل احمد احسان طوال الليل في حيرة شديدة محاولا فك الغاز تلك الورقة وبالفعل بعد اجتهاد شديد استطاع ان يتوصل الي ان تلك الاحرف هي رمز لأسماء معينه فمثلا حرف س يرمز الي سليم والتي اشارت اليه احلام بالقوة والنفوذ والمال وحرف أ ويرمز الي احلام نفسها والتي عبرت عنه بالمبادئ والقيم والقسم الذي اقسمته عند التخرج من الكلية بمناصرة الحق والوقوف ضد الباطل .. وفهم من ذلك ان احلام قامت بعمل مقارنة بينها وبين سليم الابيض لحسم استمرارها في العمل بتلك القضية من عدمه .. اما الميزان الذي به كفه راجحة وبها ثلاث احرف .. فالحرف الاول س وهو سليم الابيض وحرف أ وهو اشرف شقيق احمد وحرف ه هي هند بنت احمد واحلام .. اما الكفة التي لم ترجح وبها حرف واحد وهو أ ويعني احلام وفهم من ذلك ان هناك علاقة قوية تربط اشرف ب سليم الابيض ب هند وانهما اجتمعا ضد احلام وحدها فرجحت كفتهما وتأكد ايضا ان احلام قد تلقت تهديدا للتنحي عن تلك القضية بدليل الجملة التي كتبتها في اخر الصفحة .. لقد استطاع احمد ان يحل تلك الرموز ويصل الي بعض الخيوط التي ستصل به في النهاية الي كشف الحقيقة ولكن ما هي تلك العلاقة التي تربط بين هؤلاء الثلاثة .. سليم الابيض و اشرف احسان واحلام ؟!! وما نوع التهديد الذي تلقته احلام وهل سليم واشرف لهما علاقة بخطف احلام وتعذيبها بهذا المشهد الفظيع ؟!! ولماذا احلام قالت له سامحني ؟!! اسئلة اخري لابد من الاجابة عليها واثناء ما هو غارقا في التفكير للوصول الي اجابات منطقية لتلك الاسئلة جأة تليفون من الطبيب المعالج لأحلام يخبره بأنه تم ملاحظة اشرف شقيقة خارجا متسللا من غرفة العناية المركزة لأحلام وعندما تم استيقافة افتعل مشكلة مع ادارة المستشفي وحدثت مشادة بينه وبين مدير المستشفي حيث قد تم ملاحظة قطع خرطوم التنفس عن احلام مما استدعي الامر الي حضور الشرطة..
الاحداث تزداد اشتعالا .. تابعوني والبارت التاسع بعد قليل .. تحياتي الكاتب والسيناريست المصري محمد مالك.
[٢٥/٦ ١٠:٢٧ ص] محمد مالك: رواية عائدة من الموت البارت التاسع
رواية عائدة من الموت
البارت التاسع
للكاتب المصري محمد مالك
ذهب احمد احسان مسرعا الي المستشفي ليعلم ما حدث ليخبره الطبيب بكارثة احدث له صدمة مفاجئة وجعلته يتأكد ان اشرف شقيقة له علاقة بما حدث ل أحلام زوجته
احمد .. فيه ايه ؟!! حصل ايه ؟!
الطبيب .. الاستاذ ده شافته الممرضه خارج بيتسحب من اوضة مدام احلام وعمال يبص يمين وشمال زي ما يكون عامل عمله .. فشكت فيه ودخلت الاوضه بسرعة ولقيت خرطوم الاكسجين مقطوع .. فاتصلت بأمن المستشفي ولما مسكناه قال انه اخو حضرتك .. هو فعلا اخوك يا سيادة اللوا ؟!!
احمد .. ايوا اخويا .. انت بتعمل ايه هنا يا اشرف ؟!!
اشرف .. انا جاي اسلم علي احلام .. انت مش قلت انها فاقت !!
احمد .. ايوا انا قلتلك انها فاقت خمس دقايق ورجعت تاني للغيبوبة
اشرف .. انا ما اخدتش بالي .. انا فكرت انها فاقت خلاص قلت اجي اسلم عليها وبالمرة اقلها علي حكاية جواز محمود من هند .. الاولاد تعبانين جدا من ساعة ما انت لغيت الفرح .. توصيك علينا يا اخي
احمد .. اها .. بس انت مقلتليش انك جاي تزور احلام ؟!!
اشرف .. مرات اخويا وجاي ازورها .. مش لازم اقلك يعني .. انت عارف ان احلام اكتر من اختي
احمد .. لا من الناحية دي انا مطمن وعارف معزتها عندك كويس
الطبيب .. واللي جاي يزور عيان يقطع عنه خرطوم الاكسجين ؟!!
اشرف .. محصلش واحترم نفسك انت مش عارف بتكلم مين
الطبيب .. امال يعني مين اللي قطعه سيادتك وبعدين حضرتك الممرضة شايفاك وانت خارج من الاوضة بتتسحب وكأنك عامل عملة
اشرف .. بقلك احترم نفسك لأحسن وديني اقفلك المستشفي دي خالص
الطبيب .. متقدرش ..
احمد .. خلاص يا دكتور جايز يكون خرطوم الاكسجين اتقطع لوحدة
الطبيب .. استحاله طبعا .. دا اتقطع بفعل فاعل ولولا ان الممرضة دخلت في الوقت المناسب كانت المريضة ماتت .. دا شروع في قتل وانا اتصلت بالبوليس
احمد .. قلت لحضرتك خلاص يا دكتور .. اشرف بي دا اخويا واستحالة يعمل حاجة زي كدا .. دا بيعز احلام اكتر مني .. مش صح يا اشرف ؟!
اشرف .. اكيد طبعا وربنا وحده يعلم معزتهت في قلبي اد ايه
احمد .. ف مالوش لزوم حكاية البوليس ده عشان متحصلش شوشرة للمستشفي وكدا وفي الاخر يقلك اهمال طبي
الطبيب .. حاضر عشان خاطرك بس يا احمد باشا بس لو سمحت الزيارات ممنوعة خالص للمريضة وانا وسبق قلت الكلام ده .. مفهوم ؟!؟ بعد ازنكم
ويتركهم الطبيب ويرحل
اشرف .. انا بشكرك جدا يا احمد عشان اللي عملته ده والكلام اللي انت قلته في حقي
احمد .. وانا مقلتش غير الحقيقة .. انت مش فعلا بتعز احلام ؟؟! وعمرك ما تفكر تؤذيها ولا أذيتها قبل كدا ؟!!
اشرف يفهم ان احمد يرمي بالكلام .. احم .. انا طول عمري بعتبر احلام زي اختي
احمد .. عارف .. بس رجاء لما تحب تيجي عشان تزور اختك ابقي قلي قبلها علي الاقل اقول لإدارة المستشفي عشان يسمحولك بالزيارة
اشرف .. اكيد طبعا وخصوصا بعد اللي حصل ده
احمد .. وشكرا لاهتمامك
اشرف .. طيب كنا عايزين نتكلم في موضوع الاولاد لحد امتي هنأجل الفرح؟!! محمود تعبان حدا بسبب الموضوع ده .. وبنتك كمان تعبانه .. عاوزين نفرح الاولاد بقي
احمد .. ان شاء بالليل نقعد نتكلم ونصفي كل حاجة
اشرف .. تمام .. اتفقنا اشوفك بالليل سلام
ثم يدخل احمد الي غرفة الطبيب
الطبيب .. اي خدمة يا سيادة اللوا .. زي ما توقعت فعلا زيارة اخوك لمراتك .. ادي شريط التسجيل للي حصل جوة اوضة المدام .. بس انا اعندي احساس كبير ان اخو سعتك متورط في الحادث اللي لمراتك
احمد .. هنشوف انا قربت اوصل للحقيقة ولو في اي تطورات في حالة احلام كلمني
الطبيب .. اكيد
ويرجع احمد الي المنزل ليشاهد التسجيل الذي تم تسجيلة صوت وصورو ل اشرف عندما دخل غرفة احلام ويفاجأ بشئ صادم ..
تابعوني والبارت العاشر والاخير من الرواية .. تحياتي الكاتب والسيناريست المصري محمد مالك.
[٢١/٦ ٧:٥٠ م] محمد مالك: رواية عائدة من الموت
البارت العاشر والاخير
للكاتب المصري محمد مالك
احمد احسان جلس ليشاهد الفيديو الذي تم تسجيلة داخل غرفة العناية المركزة التي ترقد بها زوجته احلام وكله امل في ان يشاهد شيئا يجعله يصل للحقيقة وبدأ تشغيل الفيديو ونشاهد اشرف يدخل متسللاً الي الغرفة وهو يراقب المكان بالخارج ثم يغلق الباب وينظر الي احلام نظرة غضب وانتقام ثم يسمعها تقول ..
احلام .. احمد انت جيت ؟
اشرف .. ايه يا شيخة زي القطط بسبع ترواح !! ما تموتي بقي وخلصينا .. احنا فكرناكي موتي وغورتي في ستين داهيه !! اتاريكي لسة عايشة عشان تقرفينا
احلام .. اشرف ؟!!
اشرف .. ايوا اشرف ياختي
احلام .. انت عايز مني ايه تاني ؟!! مش مكفيكم اللي عملتوه فيا ؟!!
اشرف .. ما اللي انا مستغربه بعد كل اللي عملناه فيكي ده ولسة عايشة!!
احلام .. ربنا كتبلي عمر جديد عشان افضحكم واكشفكم علي حقيقتكم
اشرف .. مش لما تقومي الاول وتقفي علي رجليكي تاني وبعدين تبقي تفضحينا !! انا اللي غلطان اني مفضحتكيش قدام جوزك وقلتله ع الحقيقة اللي مخبياها عنه طول السنين دي كلها عشان كان قتلك بنفسه ووفر علينا اللي عملناه فيكي وفي الاخر ممتيش برضوا !!
احلام .. انا اللي هقوم وافضحكم كلكم واوصلكم بنفسي لحبل المشنقة
اشرف .. ههههههه.. طب مش لما تقومي الاول
ثم يقطع لها خرطوم الاكسجين ويترك الغرفة وينصرف .. احمد في غاية الصدمة يكاد لا يصدق اتصل علي اشرف وطلب مقابلته
تكملة البارت بعد قليل .. تابعوني
[٢٥/٦ ٩:٢١ ص] محمد مالك: ويتقابل احمد واشرف في مواجهة شرسة.. احمد ينظر لأشراف نظرات تعبر عن الغضب الممزوج بشئ من العتاب واللوم والدهشة الشديدة ..
اشرف .. ايه يا سيادة اللوا بتبصلي ليه كدا ؟!!
احمد .. بحاول اقنع نفسي ان اللي قاعد قدامي دا اخويا الصغير ابن امي وابويا .. اللي طول عمري كنت بخاف عليه اكتر من نفسي وعلي استعداد دايما اني اضحي بكل ما املك واغلي ما املك عشانه
اشرف مرتبك .. ايه لزمته الكلام دا دلوقتي .. هو انا زعلتك في حاجة لا سمح الله ؟!!
احمد يشغل شريط التسجيل ليشاهده اشرف واشرف يصاب بالذعر عند مشاهدة الفيديو
اشرف .. انا .. انا ...
احمد .. انت ايه ؟!! انت اوطي انسان قابلته في حياتي !! انت لا يمكن تكون اخويا من لحمي ودمي !!
اشرف .. لا متقولش كدا .. انا طول عمري اخوك حبيبك انا عملت كدا عشان ادافع عن نفسي واسمي وسمعتي .. مراتك هي اللي استفزتني واضطرتني اعمل كدا
احمد .. اتكلم .. عايز اعرف الحقيقة كاملة
اشرف .. هقلك .. انا اتعرفت علي سليم الابيض في حفلة من الحفلات وعرفت انه راجل اعمال ناجح والكل بيعمله الف حساب وبيعرف يكسب من الهوا قلت اتشارك معاه اتعرفت عليه وطلبت ادخل شريك معاه في مشاريعة الجديدة .. الراجل وافق اني اكون شريك من الباطن وكان في مناقصة كبيرة وكان عايزها ترسي علينا بأي تمن لأن مكسبها هيكون اضعاف لكن فجأة ظهرلنا واحد اسمه السيد مهران كان ليه اسم وسمعة طيبة ومعارف كتير .. يعني كان منافس قوي ليا انا وسليم الابيض .. وسليم معروف عنه انه عنيد ومينفعش حد يقف في طريقة او ينافسه .. كلمه عشان ينسحب مرضيش .. هدده مخافش وفي الاخر المناقصة رسيت عليه فقرر سليم انه يزيحه من طريقة للأبد وفعلا قرر انه يقتله وكلفني انا بالمهمه دي وانا مكدبتش خبر لأني كنت عاوز اكسب ثقة سليم واوطد العلاقة بينا اكتر لانه كان مكسب كبير بالنسبة لي وبالفعل خليت واحد من رجالتي قتله وهو طالع من الشركة والموضوع كان هيتقيد ضد مجهول وفجأة عرفت ان احلام مراتك مسكت القضية وبدأت تحفر وتدور عن القاتل انا استغربت وخفت في نفس الوقت .. ومن حسن الحظ ان بنت السيد مهران عرضت شركات ابوها للبيع .. سليم الابيض عرف بالموضوع وقرر يشتري الشركات دي وكلفني انا اللي اشتريها بأسمي بفلوسه هو طبعا .. اتصلت باحلام وعرفتها القصة واني جاهز ادفع اي مبلغ تطلبه وفي نفس الوقت نعين البنت نائب رئيس مجلس الادارة للشركة وبكدا نبقي ضمينا البنت لصفنا ونعرف بتفكر ازاي وجايز نخليها تتنازل عن القضية لأنها اتهمت سليم الابيض بأنه ورا قتل ابوها .. احلام برضوا مسكتتش فضلت تحفر وتدور لحد ما وصلت للواد اللي قتل السيد وعرفت انه من عندي قامت متصلة بيا بتهددني وتقلي اني انا ليا دخل في الموضوع وان الواد اللي نفذ الجريمة من عندي .. وانها مش هتسكت .. في نفس الوقت انا جاتلي معلومة بتقول ان السيد مهران ده كان محامي اصلا وانه كان بيدرب زمان في مكتب محاماه مع احلام مراتك وانها كانت علي علاقة بيه ولما دورت ورا المعلومة عرفت ان هند بنتك مش بنتك اصلا
احمد .. ايه ؟!!
اشرف .. ايوا .. هند مش بنتك .. هند بنت السيد مهران .. مراتك كانت علي علاقة بالسيد مهران وحملت منه ب هند
احمد .. اخرص يا حقير
اشرف .. اسمعني للآخر .. هي دي الحقيقة ودا اللي خلي احلام تمسك القضية بتاعة السيد مهران من غير ما بنته تطلب منها اصلا وبدون مقابل كمان .. قلت كويس تهديد قصاد تهديد اتصلت بيها وطلبت منها تتنحي عن القضية يا اما هروح واقلك كل حاجة .. انكرت في البداية لكن في الاخر استسلمت وتنحت عن القضية .. ساعتها اتأكدت ان المعلومة فعلا صح .. قلنا كدا تمام .. نضغط بقي علي البنت وتتنازل عن القضية وبالفعل كانت هتتنازل لحد ما عرفنا ان احلام بتزن علي البنت عشان متتنازلش عن القضية وانها هتقلها علي معلومات مهمه توصلها للجاني .. قلنا بس دبور وزن علي خراب عشه قررنا نخطف احلام وبالفعل خطفناها وفضلنا نعذب فيها عشان تبعد عن البنت لكن دماغها كانت ناشفة ومصممة انها تقف في وشنا ومن كتر التعذيب اغمي عليها فكرناها ماتت .. اخدناها ورميناها في الشارع وفضلت في غيبوبة لحد ما انت قلتلي انها فاقت واتكلمت .. قلت بس هتقول كل حاجة وهتودينا في داهية .. لازم اخلص منها ودا اللي خلاني رحتلها المستشفي .. مراتك اللي حطت نفسها في طريقنا يا احمد .. انا حذرتها كتير تبعد عننا لكن هي كانت مصممة تتحدانا .. عاملة نفسها صاحبة مبادئ وصعبان عليها خيانة القسم بتاع الكلية .. لكن مصعبش عليها خيانة جوزها .. هي دي الحقيقة كاملة .. واللي عاوزة اعمله .. انا راضي بأي شئ ما دام هيريحك
احمد ينهض ولا يتفوه بكلمه فدمع عينيه كافٍ ان يعبر عن ما بداخله من آلام .. عاد الي المنزل بعد ان عرف الحقيقة كاملة وتوصل لحل تلك الالغاز وفجأة يأتيه تليفون يخبره ان زوجته قد ماتت بعد ان توقف القلب نهائيا .. فرح وحزن في نفس الوقت.. اصبح في حيرة هل يخبر الشرطة بما حدث ويعيد فتح التحقيق من جديد وساعتها ستعرف هند الحقيقة ومن المؤكد انها ستتدمر نفسيا بعدها وهو لن يكسب شيئا سوي خسارة ابنته التي رباها حتي اصبحت عروس .. قرر ان لا يتكلم حرصا علي مشاعر ابنته وقرر ان يقاطع اخاه للأبد وان يذهب وابنته الي بلد اخري لا يعرف فيها احدا ولا يعرفه احد ويعيش حياه جديدة مع ابنته التي تقبلت رفضه من الزواج بابن عمها فقد علمت ان ابيها لا يريد لها الا الخير وان هناك سببا حقيقيا جعله يقرر ذلك ولكن لا يريد ان يخبر به احدا فأحترمت ذلك .. وبالفعل عاشت البنت مع ابيها حياه جديدة فكان لها دائما وابدا نعم الاب والصديق .. وقرر احمد احسان ان يطوي صفحة الماضي بكل آلامه ... انتهت قصتي ولم تنتهي محبتي .. تحياتي الكاتب والسيناريست المصري محمد مالك.
اخيرا نهاية قصه.... شكرااا
ردحذفقصة مشوقة
ردحذفجميلة جدا تسلم
ردحذفرائع رائع
ردحذفحلوة كتيررر
ردحذف