رواية اغتصاب شرعي البارت العشرون والاخير من الجزء الثاني

رواية بأمر الشيطان كاملة 

للكاتب المصري محمد مالك

[١٠/‏٥ ٩:٥٥ ص] محمد مالك: طبعا كلنا قرينا رواية حفيدة الشيطان وعرفنا ان اشرف جوز سلمي مسك سيد الفاجر وسلمة للشرطة .. المهم ان سيد اتحاكم بتهمة النصب والاحتيال واخد حكم ٣ سنين سجن وخرج بعدها عشان يعيد نفس اللي كان ويجدد عقده مع الشيطان بس في بلد جديدة مع ناس تانيين وفي ظرف يومين اتنين صيته ذاع وانتشر في مكان وبقت سيرته واسمه علي كل لسان الصعب معاه سهل وميسور والحلم علي ايده هيشوف النور ومعاه دايما خاطرك مجبور بس انت نفذ امر الشيطان .....
رواية امر الشيطان
البارت الاول
مسعود عبد الموجود عمره ٣٦ سنه شغال نقاش وزي ناس كتير يوم يشتغل ويوم لا ارزاق وموزعها الخلاق ومادام بنسعي وبناخد بالاسباب يبقي لازم نحمد ربنا علي الرزق اللي جاي لكن مع مسعود الوضع مختلف دايما في حالة شكوي من ضيق الرزق مش عاجبه حالة ابدا ولا عمره قال الحمد لله دايما باصص للأعلي منه وعمره ما بص للي اقل منه دايما يقول اشمعني فلان معاه ومعاه وانا مش معايا حق الرغيف أأكل بيه ولادي متجوز من فاطمة وعنده ٥ بنات والسادس جاي في الطريق وفي يوم واحد اسمه خليل زميله في المهنه انسان فاسد بيضيع شقاه كله علي المخدرات والنسوان وليعوذبالله مش متجوز قاله ما تروح عند سيد الفاجر بيقوله سره باتع
مسعود .. وارحله اطلب منه ايه ؟!!
خليل .. قله عايزك تغيرلي حالي وتفك عني الفقر والنحس وتخليني غني ومعايا فلوس كتير .. مش دا اللي انت عاوزه؟!!
مسعود .. ايوه نفسي ابقي غني ومعايا فلوس ياما وانسي الذل والفقر اللي انا عايش فيه .. بس انت مىحتلوش ليه ما انت حالك من حالي فقري ابن فقري؟!!
خليل .. لا يا صحبي بيقولوا طلباته شديدة وميقدرش عليها غير اللي غاوي وانا مش غاوي
مسعود .. بس انا غاوي
خليل .. خلاص رحله مادام غاوي وشوف ايه طلباته بس خلي بالك انا سمعت ان دي طلبات الجان ربنا يجعل كلامنا خفيف عليهم
وبعد تفكير مش كتير قرر مسعود يروح عند سيد الفاجر
سيد الفاجر .. اسمك مسعود ورزقك ضيق محدود ومع الفقر دايما موعود
مسعود .. فعلا بركاتك يا سيدنا الشيخ
سيد الفاجر .. والمطلوب تغير من المكتوب .. مظبوط؟
مسعود .. ايوه .. نفسي يبقي معايا فلوس كتير واتخلص من الفقر والذل اللي انا عايش فيه انا ومراتي وولادي
سيد الفاجر .. بس ربك كاتب عليك تعيش ودا افضلك بكتير !!
مسعود .. وانا الفقر عدوي اللدود ومش عاوزه يكون موجود  انا عاوز ابقي غني وغنايا ملوش حدود
سيد الفاجر .. تمام ومادام اخترت وقررت يبقي هتنفذ المطلوب
مسعود .. وايه هو المطلوب ؟!!
سيد الفاجر .. ٣ طلبات لو نفذتهم هيتحقق حلمك في الحال ولو متنفذوش طلبك هيبقي محال
مسعود .. قول وانا هنفذ علطول
سيد الفاجر .. الطلب الاول يا مسعود .. انك تجيب المولود
مسعود .. مولود ايه ؟!!
سيد الفاجر .. الولد  اللي مراتك حامل فيه
مسعود .. انا مراتي حامل في ولد ؟!! ياه دا استنيته كتير وكل مره كانت بتحيب بنت.. طب وانت عاوز الولد ليه ؟!!
سيد الفاجر .. هنقدمه قربان
مسعود .. قربان ؟!! يعني ايه؟!!
سيد الفاجر .. قربان لملك الجان هياخد روحه لحفيد عيان وقرب يموت وعشان ميموتوش مطلوب روح انسان تكون قربان
مسعود .. يعني انت عاوز ابني عشان تاخد روحه لحفيد ملك الجان بتاعك عشان حفيده يعيش وابني انا يموت ؟!! ان شاالله عنه ما عاش
سيد الفاجر .. يبقي هتفضل طول عمرك نقاش
مسعود .. طب مفيش طلب اسهل من كدا ؟!! ازاي اعمل في ابني كدا؟!!
سيد الفاجر .. هو دا المطلوب .. لو عايز تغير المكتوب !! ابنك يكون قربان
مسعود .. طب وايه الطلبين التانين ؟؟
سيد الفاجر .. كل شئ بآوان .. نفذ الاول وهات القربان
خرج مسعود من عند سيد الفاجر وفعلا وي ما قاله صحبه ان طلباته صعبه ومش اي حد يقدر عليها غير اللي غاوي فعلا ومسعود غاوي بس ازاي دا طول عمره كان بيحلم بالولد وحاله بدال البنت خمسة وبعد ما جالة الولد يفرط فيه بالساهل .. قعد في حيرة كبيرة لحد ما اخد القرار ودخلت بنته الكبيره تقوله .. الحق يا بابا ماما بتولد ...
ايه اللي حصل بعد كدا ؟؟ دا اللي هنعرفه من البارت الثاني ... الرواية في غاية الروعه وكلها موعظة لا تدعها تفوتك .. تحياتي الكاتب والسيناريست المصري .. محمد مالك.
[١١/‏٥ ٥:٥٠ م] محمد مالك: رواية امر الشيطان
البارت الثاني
دخلت بنت مسعود الكبيرة عشان تقول لابوها الحق ماما بتولد .. مسعود اخد مراته وجري بيها ع المستشفي وهناك ولدت ولد جميل جدا طالما كان ينتظره مسعود بشوق ولهفه فضمه الي صدرة ليطفئ لهيب شوقه للولد الذي طال انتظاره ولكنه اتي في ظروف سيئة ف مسعود الان في حيرة من امرة اما ان يحتفظ بالولد ويظل علي حالة نقاش باليومية او ان يضحي بأبنة فلذة كبده من اجل تحقيق المطلب الاول لسيد الفاجر حتي يصبح غنيا كما يحلم .. عادت فاطمة الي المنزل ومسعود ما زال في حيرة ينظر الي الطفل الصغير وامه قد ضمته الي صدرها لأرضاعة تكاد لا تصدق انها انجبت الولد اذي حلمت به لكي تحقق رغبة مسعود الذي دوما كان يعيرها بخلفة البنات وتقول
فاطمة .. شايف يا مسعود الواد قمر ازاي
مسعود بحزن واسي .. شايف
فاطمة .. اديني يا عم جبتلك الولد اللي نفسك فيه عشان تبطل تعايرني بخلفة البنات .. مالك يا مسعود حساك مش مبسوط !! هو انا اخلف بنات مش مبسوط .. اجبلك الولد اللي نفسك فيه برضوا مش مبسوط؟!!
مسعود يقترب من الام ويتنزع الولد بقوة من حضنها ويبدوا انه قد اخذ القرار
مسعود .. هاتي الولد ده
فاطمة .. سيبه بيرضع من صدري
مسعود .. بقلك هاتيه
ثم يحمل الولد ويجري مسرعا متجها الي سيد الفاجر
فاطمة بدهشة .. طب قلي واخد الواد ورايح فين ؟!!
ويصل مسعود الي منزل سيد الفاجر ويضعه بين يديه ويقول
مسعود .. الولد اهوه
سيد .. تمام .. خلاص اخدت قرارك
مسعود بحزن شديد .. خلصني بقي
سيد .. يردد بعض الكلمات الغير مفهومة وفجأة يرتفع الولد الي اعلي ومسعود يراقب ذلك في اسي وتعجب ثم يهبط الولد علي الارض وقد اصبح جثة هامدة
مسعود يجري نحوه مسرعا ويرفعه ويضمه الي صدره قائلا ويبدوا انه قد شعر بالندم .. محمود .. محمود ولدي
سيد .. محمود خلاص مات
مسعود .. طب انا هقول لأمه ايه دلوقتي ؟؟!
سيد .. قلها عيل ومات واحسنلها تلتزم بالسكات ودا كان اول الطلبات
مسعود .. قول الطلب التاني وخلصني
سيد .. خليل صحبك
مسعود .. ماله زفت؟!!
سيد .. ينام مع مراتك ٣ مرات
مسعود.. نعم يا روح امك انت هتعبط ؟!! خليل ايه ده اللي ينام مع مراتي ؟! انت اتجننت؟!!!
سيد .. دا الطلب التاني ولازم يتنفذ يا مسعود يا اما طريق الجاه والمال هيفضل قصادك مسدود
مسعود .. طب انا عارف خليل عيل وسخ وعينه علي مراتي من زمان وممكن يعمل كدا .. لكن مراتي ست حرة وعمرها ما هتقبل ده علي نفسها دا انا مش عارف هتعمل ايه لما تعرف ان ابنها مات اقلها كمان نامي مع خليل صحبي في الحرام تلت مرات !!!! هتقول عليا ايه بس ؟!!
سيد .. مشكلتك وعليك حلها بالرضا بالغصب لازم تحلها ..  دا انا شايف قدامك بحر فلوس ملوش منتهي وفاضل علي احلامك خطوة فبلاش بإيديك تهدها .. سامع يا مسعود
مسعود ينظر ل سيد يفكر في كلامه ثم تركه وانصرف وعاد الي زوجته واخبرها بأن ابنها محمود قد توقف فجأة عن البكاء اثناء سيره به وعندما سألته اين ذهب به قال بأنه قد ذهب به الي سيدنا الحسين حتي يزور هذا المقام العظيم ويدعوا له هناك ليكوز له حصنا من كل سوء ولكن للأسف الولد مات فجأة وبدون مقدمات .. حزنت فاطمة علي ابنها حزنا شديدا ولم يستطع مسعود اخبارها بالحقيقة فأختلق قصة كاذبة ولأن فاطمة طيبة القلب حسنة النية صدقته ولكن كيف سيقوم بتنفيذ الطلب الثاني .. مسعود قرر ان يتخلي عن مبادئة واخلاقه وشرفة في سبيل الحصول علي المال وان يصبح رجلا ثريا صاحب مال وسلطان فاتصل ب خليل وطلب مقابلته..
خليل .. ايه يا عم جايبني علي ملا وشي وعمال تقولي عايزك في حاجة مهمة .. ايه بقي يا سيدي الحاجة المهمة ؟!!
مسعود بتردد وثقل لسان .. من الاخر عايزك تنام مع مراتي
خليل .. نعم !!! انت قلت ايه ؟!!
مسعود .. قلت اللي سمعته ومش هقدر اكررها تاني
خليل .. يخرب بيتك .. انت شارب حاجة يا مسعود ؟!
مسعود .. بقلك ايه انا اللي فيا مكفيني كفاية ابني اللي مات .. انا لا شارب حاجة ولا واكل حاجة من اساسه .. بقالي يومين مش عارف اتنيل اطفح
خليل .. امال ايه الكلام اللي بتقوله ده ؟!!
مسعود .. دا مش كلامي دا كلام سيد الفاجر ودي طلبات الجن
خليل .. دا جن سافل اوي .. هههههه
مسعود .. اضحك ما هي جاتلك ع الطبطاب .. ما انت طول عمرك عينك منها
خليل .. بصراحة يا مسعود ومن غير زعل .. مراتك دي صاروخ جو ارض وانا ياما استخسرتها فيك
مسعود .. خلاص هتنفذ امتي؟
خليل .. انت بتتكلم جد ؟!
مسعود .. ايه هتعمل نفسك شريف وعندك اخلاق وبتخاف ربنا !! طول عمرك قذر وديلك وسخ
خليل .. مش القصد .. انا اتمني بصراحة بس مراتك هترضي بكدا ؟!!
مسعود .. هي دي المشكلة .. انت وانا عارف قذر وهتوافق .. لكن فاطمة بنت ناس وحرة
خليل .. لا يا مسعود انا هوافق عشان انت صحبي وعايز اخدمك مش اكتر
مسعود .. هتقلي .. ونعم الصحوبيه...
الاحداث بدأت تأخذ ذروتها ايه اللي حصل بعد كدا ؟!!
تابعوني والبارت الثالث من القصة .. تحياتي الكاتب المصري محمد مالك.
[١٣/‏٥ ٨:٢٩ م] محمد مالك: رواية بأمر الشيطان
البارت الثالث
مسعود خلاص فقد شهامته ورجولته وحنيته من الاخر فقد قلبه وانسانيته واتحول لكائن تاني خالص وحش كاسر عديم الاخلاق والشهامة والرجولة والحنيه حتي الغيرة علي عرضه وشرفه مبقاش يعرفها دخل علي فاطمة وقعد جمبها وقرر انه يصارحها بكل حاجة وانه عند سيد الفاجر وطلب منه انه يكون غني جدا وعشان يكون غني لازم ينفذ  ٣ طلبات نفذ منهم واحد وفاضل اتنين فاطمة صرخت اول ما عرفت ان ابنها اتقتل ..
فاطمة .. بتقول يا مسعود .. ابني اخدته عند سيد الفاجر عشان يقتله ؟!! ليه يعني ؟!! انت بتهزر صح ؟!!
مسعود .. هو دا اللي حصل يا فاطمة زي ما حكتلك بالظبط
فاطمة . . يعني انت اخدت ابني ضنايا من حضني عشان تسلمه بإيدك للراجل الكافر ده عشان يقتله عشان بسلامتك عاوز تبقي غني ؟!! الله يلعن ابو الفلوس علي ابو اللي بدعها اللي تخليك تعمل في ابنك ضناك كدا !! ازاي هان عليك ابنك دا الكلبه لما بتولد بتاكل بسنانها اللي يقرب من عيالها وانت تضحي بضناك بكل سهولة مش دا الواد اللي كنت هتموت عليه ؟!! مش دا اللي قعدت تعايرني عشانه سنين وايام وتسم بدن اللي جابوني صبح وليل واهو ربنا رزقنا بالواد تقوم تعمل فيه كدا ؟!! يا عيني عليك يا ضنايا ... يا حرقة قلبي عليك يا بني
مسعود .. خلاص يا فاطمة اللي حصل حصل انا كان ممكن مقولكيش
فاطمة .. ياريتك ما كنت قلتلي .. ياريت فضلت مخبي عليا ومقولتليش انت طعتني في قلبي بخنجر مسموم يا مسعود
مسعود .. انا بعمل دا كله عشانكم عايز اطلعكم من الفقر والذل اللي عايشين فيه ونعيش حياة الملوك
فاطمة .. عشان تطلعنا من الفقر تقوم تقتل ابنك بايدك ؟!! وعمر الغني ما بيجي بالطريقة دي .. دي ارزاق وربنا مقسمها .. مكنش حد غُلب يا مسعود .. ولو حصل وبقيت غني هل ربنا هيباركلك ؟!! استحالة هيبقي زيك زي اللي جاب فلوسه من الحرام .. وبعدين راح فين كلامك مش طول عمرك كنت بتقول الغني غني النفس وان الستر اهم من الفلوس
مسعود .. خلاص الكلام ده كان زمان مبقاش يأكل عيش دلوقتي انا تعبت خلاص من الفقر والمرمطه وبعدين يا فاطمة لما يبقي معانا فلوس كتير هنخلف تاني وتالت ورابع وهنعوض الولد اللي راح دا دلوقتي العلم اتقدم والناس بقت تختار نوع المولود اللي عايزاه ..
فاطمة .. وانت منتظر اني احمل منك تاني ؟!! لا يا مسعود خلاص وحيات ضنايا اللي راح بطني ما هتشيل منك عيال تاني ولولا خوفي علي بناتك ليتبهدلوا انا كنت بلغت عنك البوليس
مسعود .. عايزة تحبسيني يا فاطمة وانا بعمل دا عشانك انتي وبناتك ؟!!
فاطمة .. وياتري ايه بقي باقي طلبات سيد الفاجر بتاعك قالك تقتل مين المره دي ؟!! انا ولا بناتك؟!!
مسعود بتردد وعيناه في الارض .. مقليش اقتل حد
فاطمة .. امال طلب منك ايه تاني اتكلم ؟!!
مسعود .. قالي خليل صحبي ينام معاكي
فاطمة .. نعم !!؟ بتقول ايه ؟!! مين دا اللي ينام معايا ؟!!
مسعود .. خليل صحبي
فاطمة .. عايزك تطلقني عشان يتجوزني خليل صحبك وينام معايا ؟!!
مسعود .. لا مش كدا .. عايزه ينام معاكي وانتي علي ذمتي
فاطمة .. ايه ؟!! وقبلتها علي نفسك يا دكر وجاي تقلها في وشي كدا عادي ؟!! عايز خليل صحبك الوسخ بتاع النسوان ينام مع مراتك يا مسعود ؟!! انت اكيد اتجننت انا استحالة اقعد معاك دقيقة تاني طلقني يا مسعود
مسعود .. بتقولي ايه يا فاطمة ؟!! وطي صوتك البنات هيسمعوكي
فاطمة .. بنات هو انت عامل خاطر لبناتك ؟!! دا انا اخاف عليهم منك لتعمل فيهم حاجة انت خلاص مبقاش ليك امان
مسعود .. اهدي بس
فاطمة .. مش ههدي .. طلقني يا مسعود وكلامك بعد كدا مع اهلي مش معايا انا سايبه البيت وماشية
مسعود .. استني بس هتروحي فين الساعة دي احنا بقينا نص الليل الناس تقول ايه ؟!! استني لحد الصبح واللي عايزاه اعمليه .. انا هسيبلك الاوضه وامشي من قدامك ويضع يده علي كتفها
فاطمة .. اوعي تلمسني .. انا هستني للصبح يا مسعود لكن وحيات شرفي اللي ماحد قرب منه غيرك لأوقفلك رجالتي ويشوفوا بقي اللي عملته واللي عاوز تعمله فيا
مسعود غادر الغرفة وبعد دقائق خطر علي باله حيله ماكرة هو انه احضر كوب من اللبن ووضع فيه نسبة كبيرة من المخدر وطلب من ابنته ان تقدمه لامها وتخبرها بأنها هي التي اعدته لها حتي تشربه وبالفعل قدمت البنت اللبن لامها وشربته فغابت عن الوعي وفي الصباح بعد ان ذهبت البنات الي مدارسهم استيقظت فاطمة لتجد نفسها مكتوفة الايدي والارجل وفوق رأسها خليل يضحك ضحكة خبيثة فتحاول ان تصرخ ولكن دون صوت فقد وضع مسعود شريط لاصق علي فم فاطمة وفجأة ....
ماذا حدث ؟؟ تابعوني والبارت الرابع من القصة .. تحياتي الكاتب والسيناريست المصري محمد مالك.
[١٧/‏٥ ١٢:٢١ م] محمد مالك: رواية بأمر الشيطان للكاتب المصري محمد مالك
البارت الرابع
استيقظت فاطمة لتجد نفسها مكبلة بالقيود وامامها وحش مفترس وذئب بشري يدعي خليل ينظر اليها نظرات الذئب الجائع الذي ينتظر الاذن ليلتهم فريسته ولما لا فتلك الفرصة التي ينتظرها خليل منذ زمن وحان وقتها الآن والعجيب ان الذي وهب له تلك الفرصة هو زوجها مسعود حيث قدم زوجته فريسة له لكي يُرضي الشيطان ويحقق حلمه في الثراء وترك مسعود الشقة لخليل وبعد ان فرغ خليل من التهام شرف مسعود اتصل عليه ساخرا منه وهو يقول
خليل .. تمام يا مسعود .. انت تؤمر يا صحبي .. هههههه
فاطمة المسكينة لم تستطع ان تبوح بما حدث خشية الفضيحة والعار الذي سيلحق بها وببناتها الخمس .. اكتفت بالطلاق واخذت بناتها ليعيشون معها في بيت ابيها اما مسعود الذي اصبح فاقدا للوعي لا يدرك ما يقوم بفعله .. شاغله الشاغل هو ان يصبح غنيا مهما كان الثمن ذهب مسرعا الي سيد الفاجر ليخبره بأنه قام بتنفيذ الطلب الثاني وحان الان موعد الطلب الثالث..
سيد الفاجر .. عفارم عليك يا مسعود .. دلوقتي بقي جه دور الطلب التالت
مسعود .. قول بسرعة وخلصني
سيد .. الحاجة ام مسعود
مسعود .. امي !! مالها؟!!
سيد .. مطلوب صباع الابهام من كل ايد وكل رجل
مسعود .. يعني ايه مش فاهم ؟!!
سيد .. يعني تقطع صباع من كل رجل ودراع وبشرط يكون الابهام
مسعود بدهشة .. انت عاوزني اقطع في صوابع امي ؟!!
سيد .. دا المطلوب يا مسعود وهانت خلاص
مسعود .. انا مقدرش اعمل كدا !! انت عايزني اقطع في لحم امي وهي عايشة ؟!!
انا لا يمكن اعمل كدا .. لا يمكن ابداً
سيد .. قلت مقدرش في اللي فات وقدرت وعملته
مسعود .. بس دي امي .. الا امي
سيد بسخرية  .. هههه .. يعني هان عليك ابنك ومراتك وضحيت بيهم عشان الفلوس جت علي امك يا موكوس ؟!!
مسعود .. مقدرش بقلك
سيد .. خلاص هتعيش طول عمرك منحوس
مسعود .. لا انا في عرضك مش بعد دا كله ومفيش فلوس !!
سيد .. يبقي تنفذ امر الجان لو عايز تعيش سلطان
خرج مسعود من عند سيد وكعادته يشعر بالاسي والحزن والحيرة وبعد تفكير وبرضوا مش كتير قرر ان يذهب الي امه وبكل بجاحة وفجور وبلسان ذليل مكسور طلب منها ان يقطع صباع الابهام من كل يد وقدم فقد ذهب عنه الحياء ولم يشعر بالندم ولكن ماذا كان رد فعل الام ؟؟
انتظروني والبارت الخامس من الرواية تحياتي الكاتب والسيناريست المصري محمد مالك.
[١٩/‏٥ ٧:٤٠ م] محمد مالك: رواية بأمر الشيطان للكاتب محمد مالك
البارت الخامس
ذهب مسعود الي امه بعد فترة انقطاع طويلة فهو لم يسئل عن امه طوال ستة اشهر ولا يعلم عنها وعندما دخل عليها فرحت عندما رأته ..
الام .. مسعود !! كويس اني شفتك يابني كنت خايفة اموت قبل ما اشوفك .. ايه الغيبة الطويلة دي يا مسعود ان نسيت ان ليك ام ؟!!
مسعود .. سامحيني يا امي .. كنت مشغول اوي الفترة اللي فاتت
الام .. الله يكون في عونك يابني ويعينك علي مراتك وعيالك
مسعود .. هما فين بقي مراتي وعيالي
الام .. مالهم يابني ؟!! هما مش بخير ؟!!
مسعود .. بخير يا امي .. المهم انا جاي وعايز طلب منك طلب بس مش عارف اطلبه ازاي؟!!
الام .. قول يابني .. اطلب ولو اقدر مش هتأخر
مسعود .. عارف يا ست الكل عمرك ما اتأخرتي عني في حاجة ثم يقبل يدها وقد دمعت عيناه
الام .. مالك يابني ؟!! انت تعبان
مسعود .. تعبان يا امي .. تعبان من الفقر وذله .. نفسي يبقي معايا فلوس كتير واعيش عيشة الملوك
الام .. رزقك مكتوب وعمرك ما هتاخد اكتر منه ولا اقل منه . . وارضي بحالك يا مسعود انت احسن من غيرك وكفاية ان ربنا مديلك الصحة وبتشتغل وبتكسب من عرق جبينك احسن من مدة الايد يابني
مسعود .. امي انا رحت عند سيد الفاجر
الام مقاطعة .. يا ساتر وايه اللي وداك عند الفاجر؟!!
مسعود .. طلبت منه يخليني غني ويبقي معايا فلوس كتير
الام .. اها !! بس دي طلباته وليعوذبالله كلها معاصي وبتغضب ربنا واللي بيغضب ربنا عمره ما بيفلح ابدا يا مسعود
مسعود .. ما علينا يا امي .. هو طلب مني تلت طلبات .. انا نفذت منهم اتنين وفاضل واحد
الام تنظر الي ابنها في تعجب ويبدوا انها قد فهمت ماذا يريد .. وايه هو الطلب التالت يا مسعود؟!!
مسعود مرتبك ومتردد .. عايز .. عايز صباع الابهام من ايدك ورجليكي
الام تسقط دموعها .. عايز تقطع في امك وهي عايشة يا مسعود طب استني لما اموت وانشاءالله تولع في جتتي
مسعود .. انا يصعب عليا اعمل كدا بس دي طلبات سيد الفاجر وانا نفذت منهم اتنين وفاضل الطلب دا يا امي وبعدها هكون غني وهعالجك احسن علاج وهسفرك برة كمان
الام تضحك بسخرية .. هههههه طول عمري بدي يا مسعود ومنتظرتش منك رد لأني ام والانسان الوحيد اللي ممكن الام تضحي بروحها عشانه هو ابنها .. قوم يا مسعود وهات السكين واقطع ايديا ورجليا لو عايز انا راضية ومسمحاك بس اشوفك مبسوط
مسعود ينزل علي قدم امه ويقبلها ثم يحضر السكين وبيد مرتعشة يقطع صباع الابهام من كل يد وقدم ودماء امه تنزف من كل مكان تكتم صرخاتها داخل صدرها وترسم البسمة المصطنعة علي وجهها رغم انها تتمزق من الالم والحسرة لا علي صوابعها التي تم بترها ولكن علي خسارتها في ابنها وخرج مسعود فرحا مهللا وهو يقول .. جايلك يا سيد ومعايا الطلب التالت جايلك حضر يلا الملايين
الام تنظر له في حسرة وتعجب وتقول .. عوضي علي الله فيك يا مسعود ..
الاحداث بدأت تبلغ ذروتها تابعوني والبارت الاخير من الرواية .. تحياتي الكاتب والسيناريست محمد مالك.
[٢٧/‏٥ ١١:٣١ م] محمد مالك: رواية بأمر الشيطان
البارت السادس
للكاتب محمد مالك
مسعود جري علي سيد الفاجر فرحان وسعيد لأنه قدر ينفذ اخر طلب .
مسعود .. ادي يا عم الصوابع اللي طلبتها .. وبكدا انا خلاص نفذت المطلوب مني .. الدور عليك يا حلو لايمني علي الملايين ..
سيد الفاجر .. ليك عندي ٣ مليون علي كل طلب نفذته مليون جنيه بالكمال والتمام هتروح قبل الفجر بساعتين .. هتفتح تلت مقابر وفوق كل جثة من الجثث التلاته هتلاقي مليون جنيه
مسعود .. جثث مين دول ؟!!
سيد .. اول جثة ابنة يا مسعود .. والتانيه طليقتك
مسعود .. انتحرت يا مسعود
مسعود بأسي شديد .  فاطمة انتحرت ؟!! ولا قول الا بالله .  انا السبب
سيد .. والجثة التالتة هي امك
مسعود .. امي !! بس انا امي لسة عايشة
سيد .. امك ماتت من دقيقتين اتنين ..
مسعود .. ماتت من الالم !!
سيد .. ماتت من القهره عليك يا مسعود
مسعود .. خلاص متعذبنيش بكلامك .. كفايا عذاب الضمير
سيد بسخرية .. هههههه .. عذاب الضمير !! قل لضميرك نام وارتاح وبلاش تبكي علي اللي راح .. روح يا مسعود ادفن امك وزي ما فهمتك قبل الفجر بساعتين روح واجمع الملايين
يخرج مسعود من عند سيد مسرعا
سيد .. يا ويلك من اللي حاي يا مسكين وبإيه تفيد الملايين
وينتظر مسعود ثلاثة ايام حدادا علي امه ثم بعدها يذهب ويفتح علي ابنه وزوجته وامه قبورهم فيجمع الملايين .. ويشعر مسعود بعذاب الضمير صورة امه وابنه وزوجته لا تفارق خياله ليل نهار يحاول ان يتخلص من هذا الشعور بالخمر فيشرب ويشرب حتي يفقد الوعي وهكذا اصبح حاله حاول الاتصال ببناته الخمس ودعاهم الي منزله الفخم الذي اشتراه ووعدهم بأن يوفر لهم حياه سعيده لا يحلمون بها ولكنهم رفضوا لأنهم يعلمون انه كان سببا في قتل امهم . . ويتعرف مسعود علي امرأة جميلة ذات مكر ودهاء تستطيع ان تشغل باله فيتزوجها وبمكرها استطاعت ان تستنزف ماله وبعد فتره وجيزه ضاع المال ونفذ واصبح مسعود علي الحديده بل وفقد قوته بعد ان اصيب بفشل كلوي بسبب الاسراف في شرب الخمر واصبح هزيلا نحيلا لا يقوي علي شئ حتي شرب الماء فذهب الي سيد الفاجر ليرد له عافيته
سيد ... ههههه .. ياريت كنت اقدر .. كنت عرفت ارد لنفسي شبابي ومكنتش اقول ليت الشباب يعود يوما
مسعود .. ليه .. هو انت مش ساحر وتقدر تعمل اي حاجة؟!!
سيد .. انا ساحر ومش اي ساحر كمان .. بس ليه حدود مقدرش اخطيها
مسعود .. انت نصاب وضحكت عليا
سيد .. انت اللي جيتلي برجليك والذل كان في عنيك
مسعود .. ياريتني ماجيت .. عايزك ترجعلي ابني وامي ومراتي
سيد .. ههههه .. ياريت .. بس انا قلتك ان ليا حدود مقدرش اعديها .. ربك لوحده اللي يقدر عليها
مسعود .. انا اللي استاهل انا اللي عملت كدا في نفسي وفي اهلي .. انا اللي استاهل
ثم يخرج مسعود
سيد .. ضاعت الملايين ومبقاش غير الندم يا مسكين .. لو كنت رضيت بحالك .. مكنش جري لك ما جري لك...
وتمر الايام ويلجأ مسعود الي مد يده والتسول حتي يجد قوت يومه واصبح مسكنه في الشارع وتقريبا فقد عقله وذات صباح وجدوه اهل الحارة بجوار كومة من القمامة وقد مات وتعفن وتجمع عليه الذباب .. قال تعالي ولئن شكرتم لأزيدنكم ولئن كفرتم ان عذابي لشديد  .. صدق الله العظيم .. انتهت قصتي ولم تنتهي محبتي .. تحياتي الكاتب والسيناريست محمد مالك..