اعطني اجر دعارتي
الجزء الخامس للكاتب محمد مالك
اشرقت لما فتحت الدولاب لقيت هدوم اشكال والوان وكلها مقاسها بالظبط وكأنها متفصلة عليها وهي بتقلب في الهدوم لقيت تي شيرت ابيض علي جنب فمسكته وبتفرد التي شيرت لقيته كله دم وفي مكان طعنات بسكين اتخضت ورمت التي شيرت من ايديها بسرعة وقعدت شوية لحد ما هديت اخدت التي شيرت ورجعته مكانه وفضلت طول الليل سهرانه خايفة ومنامتش من المنظر اللي شافته وفي النفس الوقت خايفة من الجريمة اللي عملتها اخو رباب اللي قتلته في الشقة ومش عرفه ايه اللي حصل واول ما الصبح شقشق رباب رنت عليها وهي ما صدقت قامت فاتحة علطولاشرقت .. اه يارباب طمنيني ايه اللي حصل؟!!
رباب .. ايه يا بنتي فتحتي علطول !!! هو انتي منمتيش ولا ايه ؟!!
اشرقت .. انام ازاي ؟!!! واحدة عاملة مصيبه وممكن ارجع السجن تاني او يعدموني وتقليلي انام!!!
رباب .. لا اطمني متخفيش .. الموضوع عدي علي خير .. جه البوليس امبارح وعاينه الجثة وسألوني ايه اللي حصل قلتهم معرفش انا كنت برة في الشغل وسأله الجيران اذا كانوا شافوا او سمعوا حاجة كلهم قالوا انه انسان سئ السمعه واخلاقة وحشة بلطجي من الاخر واعدائه كتير واكيد حد منهم خلص عليه وبعدين انتي نسيتي ان اخويا مسجل خطر يعني معروف عند الحكومة هما بالنسبه لهم كدا ارتاحوا منه
اشرقت .. يعني ايه ؟! الموضوع عدي علي خير ؟!!
رباب .. اعتبريه خلص خلاص هما خدوا الجثة عشان يشرحوها وبعد كدا النيابة هتأمر بدفنها وهتتقيد القضية ضد مجهول .. وبعدين انتي محدش شافك وانتي داخلة عندنا ولو حد شافك محدش يعرف انتي مين
اشرقت .. ربنا يستر ... المهم في مصيلة تاني لقيتها هنا
رباب .. خير مصيبة ايه تاني ؟!!
اشرقت .. بفتح دولاب في اوضة النوم اللي انا فيها وبقلب في الهدوم لقيت تي شيرت كله دم وزي ما يكون فيه مكان طعنات بسكينة
رباب .. اه .. دا تي شيرت علا الله يرحمها
اشرقت .. علا مين ؟!! انا فعلا قريت الاسم ده علي كشكول محاضرات
رباب .. دي علا بنت عم انور الراجل اللي انتي قاعدة عنده
اشرقت .. ودي ايه اللي جري لها؟؟
رباب .. ماتت مقتولة بعيد عنك .. بيقولوا حرامية هجموا ع الفيلا عشان يسرقوها فلما شافوها قتلوها بالسكينة وطعنوها كذا طعنه عشان يضمنوا انها ماتت ومتتعرفش عليهم
اشرقت .. وابوها كان فين وقت الحادثة ؟!!
رباب .. كان بايت في حضن واحدة بعيد عنك .. ما ابوها ده كان هلاث كبير بس ربنا تاب عليه بعد الحادثة
اشرقت .. وملقتيش غير ده وتجبيني عنده هو انا جتتي خالصة يا رباب ؟!!
رباب .. اعمل ايه .. قلت بيدور علي واحدة تساعدة ومنها تستخبي عنده لحد ما نشوف هتعملي ايه
اشرقت ..هعمل ايه !! فعلا لازم اشوف انا هعمل ايه
رباب .. انتي مش قلتي هتكلمي ابوكي كمان يومين عشان يديكي فلوس .. خلاص عدوا اليومين كلميه خليه يديلك من الخير اللي عايش فيه ويشفلك كمان مكان تعيشي فيه
اشرقت .. حاضر افوق بس من اللي انا فيه واكلمه
رباب .. طيب لو عزتي حاجة رنيلي
اشرقت .. وانتي لو فيه جديد كلميني علطول .. سلام
رباب .. سلام
اشرقت تنهض من علي السرير وترتدي روب ازرق يخص المرحومة علا وتخرج الي اسفل فتجد انور جالس علي الكرسي
اشرقت .. صباح الخير
انور .. صباح النور يا بنتي .. اكيد منمتيش امبارح
اشرقت .. فعلا منمتش طول الليل .. انت عرفت منين ؟!!
انور .. باين في صوتك ... ايه مش ناوية تحضري الفطار ؟
اشرقت .. عنيا بس هو فين المطبخ ؟
انور .. علي ايدك اليمين .. علي فكرة حلو اوي الروب الازرق عليكي
اشرقت تتعجب .. وانت عرفت منين اني لابسة روب ازرق !! هو انت مش لا مؤاخذة اعمي ؟!!
تكملة القصة بعد التفاعل والمشاركة اشرقت هتعرف سر خطير ويا تري ايه اللي هيحصل بعدا ؟؟ تابعوني ..تحياتي الكاتب والسيناريست محمد مالك.
تم
ردحذف