#رواية شقيقتي للبيع البارت الخامس
للكاتب المصري محمد مالك
جميع الحقوق محفوظة
رؤوف .. الله يخرب بيتك وبيت سنينك .. ازاي الكلام ده حصل ؟!
حسنية .. ما هو اصل نجاة جت الليلة ده القصر غضبانه من جوزها كالعادة وباتت في اوضة الست حنان ومتهيألي كده شربت اللبن بتاعها
رؤوف .. والزفته حنان كانت فين وقت ما سنوسي دخل القصر ؟!
حسنية .. اتاريها كانت بايته في اوضة الولاد
.. سبحان الله ربنا مش رايدلها الفضيحة!!
رؤوف .. واتفضحت انا زمان الدنيا دلوقتي كلها عرفت ان اخت رؤوف رجل الاعمال المعروف اتقبض عليها في قضية دعارة !!
حسنية .. النصيب بقي يا بيه
رؤوف .. نصيب ايه يا وليه يا خرفانه انتي ؟! امشي غوري الله يلعنك
ثم يغلق الخط ويقول لنفسه
رؤوف .. يادي المصيبة اللي مكنتش ع البال وايه العمل دلوقتي ؟! الله يحرقك يا حنان ويحرق اليوم اللي اخدتك فيه .. وديني ما انا سايبك يابنت الكلب !!
ونذهب الي نجاة حيث تقف امام وكيل النيابة منهارة من البكاء
وكيل النيابة .. تعرفي اللي اسمه سنوسي ده منين يا نجاة ؟!
نجاة .. والله العظيم ما اعرفة يا فندم .. انا اول مرة اشوفه في حياتي
وكيل النيابة .. اول مرة ازاي وانتوا الاتنين اتقبض عليكم متلبسين في السرير ؟!
نجاة .. انا معرفش ازاي ده حصل .. صدقني معرفش ؟!
وكيل النيابة .. بذمتك ده كلام يدخل العقل ؟! يعني ايه متعرفيش ازاي ده حصل ؟!
نجاة .. صدقني حضرتك انا كل لحد دلوقتي مش قادرة استوعب ازاي ده حصل !! انا لا يمكن اعمل كده انا اخويا رجل اعمال معروف وجوزي رائد شرطة .. فيه حاجة غلط اكيد انا مكنتش في وعيي صدقني يافندم انا كنت مغيبة عن الوعي
وكيل النيابة .. شئ طبيعي اكيد تقلتي في الشرب طبعا
نجاة .. انا مبشربش اصلا اي كحوليات
وكيل النيابة .. والويسكي اللي كان اوضتك ده مين اللي كان بيشربه ؟! سنوسي لوحده !!
نجاة .. صدقني حضرتك انا مش قادرة اتذكر اي حاجة وازاي ده كله حصل بس انا فعلا لا يمكن اعمل حاجة زي دي ابداا
وكيل النيابة .. اكتب يا سيد .. قررنا نحن عاصم عبد الشهيد وكيل النيابة حبس المتهمه اربعة ايام علي ذمة التحقيق مع عرضها علي مصلحة الطب الشرعي
رد فعل علي وجه نجاة
وفي اليوم التالي تدخل حنان الي حجرة النوم حيث يجلس رؤوف ع السرير غاضب وحزين يدخن السيجار
حنان .. مش كفاية سجاير بقي وقوم عشان تفطر
رؤوف .. مش عايز اتنيل يا حنان
حنان .. انت مأكلتش حاجة من ساعة ما رجعت من السفر .. يا رؤوف انا عارفة انك مضايق من اللي حصل ومعاك حق طبعا هو اللي حصل ده لا يمكن حد يتوقعه ابداا .. بس اللي حصل حصل بقي وانت اهوه خليت اكبر محاميه في البلد يدافعوا عنها .. ان شاء الله هتخرج بالسلامة
رؤوف .. شامم في كلامك ريحة شماته؟!
حنان .. انا وليعوذبالله .. بالعكس انا حزينة جداا ع نجاة وفي نفس الوقت مش قادرة اصدق اللي حصل !!
رؤوف .. طيب .. روحي دلوقتي وسيبيني لوحدي
رؤوف .. يعني مش هتنزل تفطر مع الولاد ؟!
رؤوف .. قولتلك مش عاوز اتنيل !!
حنان .. يا رؤوف الولاد مشافوكش ومقعدوش معاك بقالهم كتير اوي !!
حنان .. انا في ايه وهي في ايه يا عالم !! انتي اتجننتي خلاص !! امشي يلا من وشي وسيبيني في حالي .. عايز اقعد لوحدي
حنان .. حاضر
وتنصرف حنان من الغرفة
ثم يتصل رؤوف ب ناهد
رؤوف .. شوفتي اللي حصل ؟!
ناهد .. عرفت من الجرايد .. اه يا بنت اللذين !! ايه الحظ ده ؟! ما قلتلك نقتلها ونخلص قولت سمعتي ومركزي !!
رؤوف .. لا خلاص انا بعد اللي حصل لأختي ده قررت اقتلها فعلا انا سمعتي ومركزي بقوا في الطين يا ناهد !! انا بقيت حديث المدينة واللي يسوي واللي ميسواش بقي ينهش في سمعتي وسمعة اختي !! عندك حد يخلص الموضوع ده ولا اتصرف انا ؟
ناهد .. عندي .. نجم
رؤوف.. مين نجم ده ؟
ناهد .. مسجل خطر لسه خارج من السجن طازة كان واخد ١٥ سنه في قتل مراته بس ايه هيعجبك اوي
رؤوف .. وده تعرفيه منين ده ؟!
ناهد .. ما هو مراته اللي قتلها دي تبقي اخت جوزي الله يحرقه مطرح ما غار
رؤوف .. اها .. بس يخلي باله المره دي ومايعملش زي سنوسي بتاعك ده مش يروح عشان يقتل حنان يقوم يقتل الدادا !!
ناهد .. لا متخفش .. سيبلي انا الموضوع ده .. هاكلمه واظبط معاه وارجعلك تاني
رؤوف .. تمام.. في انتظارك
ناهد تغلق الخط ويبدوا انها تفكر في شئ ما .. ثم تتصل ع نجم
ناهد .. ازيك يا نجم ؟
نجم .. ناهد ؟ ازيك ؟ عاش من سمع صوتك
ناهد .. كفارة يا عم .. سمعت انك خرجت من السجن ؟
نجم .. اه .. خرجت من اسبوع كده
ناهد .. والدنيا اخبارها ايه معاك
نجم .. زفت وحياتك .. خارج مش حيلتي اللضه !! والدنيا ملطشة معايا اوي
ناهد .. طيب عاوزاك في مصلحة هتاخد من وراها مبلغ كبير تبدا بيه حياتك من جديد
نجم .. مصلحة ايه دي ؟
ناهد .. بسيطه .. هتقتل واحدة ست وعيالها الاتنين
نجم .. قتل تاني يا ناهد ؟! ودي مين الواحدة دي ؟!
ناهد .. لما نتقابل هتفهم كل حاجة بس الاول موافق ولا اشوف غيرك
نجم .. نتقابل الاول وتحكي اللي عندك وبعدين اقرر
ناهد .. تمام اتفقنا .. مستنياك في الشقة الساعة ١٠ بالليل .. فاكر العنوان طبعا ؟
نجم .. ايوه
ناهد .. في انتظارك .. سلام
ناهد تغلق الخط ورد فعل علي وجه ناهد
ويذهب نجم الي ناهد في شقتها وتفعل معه كما فعلت مع سنوسي بالظبط ارتدت له قميص نوم شفاف وقضت معه ليلة حمراء في السرير
ناهد .. يخرب بيتك .. كنت جعان لحمه ولا ايه ؟!
نجم .. الا جعان .. كلمة جعان دي قليلة .. دول ١٥ سنه سجن يا ناهد وكل اللي معايا في الزنزانه خناشير زيي .. ههههه
ناهد .. طيب وشبعت يا سيدي ؟!
نجم .. شبعت يا ناهد
ناهد .. طيب قولي بقي .. هتنفذ امتي ؟!
نجم .. هو انتي هتقتلي اختك وولادها بحق وحقيق ؟!
ناهد .. اومال بهزار يعني!!
نجم .. ليه ؟! ايه السبب ؟!
ناهد .. من غير سبب .. مزاجي كده .. مش طايقاها لا هي ولا ولادها
نجم .. مش طايقاها هي وولادها تقومي تقتليهم ؟! طب اختصريهم احسن
ناهد .. بقولك ايه .. بلاش ملاوعه هات من الاخر مش عاوز تنفذ الارنب اللي هتاخده غيرك يتمناه يا حبيبي
نجم .. انتي قولتي ارنب ؟!
ناهد .. اه .. ارنب بحاله يا بابا .. اه قولت ايه ؟!
نجم .. ده انا اقتلها هي وولادها وجوزها كمان
ناهد .. لا جوزها لا يا حبيبي اوعي تقربله
نجم .. اشمعني يعني
ناهد .. كده وخلاص
نجم .. كده الصورة ضحت انت عاوزة تخلصي من اختك وولادها عشان تستفردي بالراجل .. صح ؟
ناهد .. ميخصكش
نجم .. وانا مالي يا ستي الله يسهلك .. اديني العنوان ومفتاح القصر وسيبيني كام يوم كده ادرس المكان وتحركات الجثث .. ههههه
ناهد .. اسبوع واحد وتكون منفذ يا نجم .. فاهم ؟
نجم .. كله بالتساهيل .. بس شوفينا في حاجة كده تحت الحساب
وفجأة يذهب رؤوف الي شقة ناهد بعد ان سيطر عليه الحزن والغضب بسبب ما حدث لأخته فذهب اليها كي تخفف عنه ما هو فيه وكان سيطرق الباب ولكنه قال لنفسه
رؤوف .. هو انا لسه هاخبط ودي اكيد نايمة دلوقتي ونومها تقيل !! انا معايا المفتاح
ثم يفتح الشقة ويدخل الي الصالة ويسمع صوت ضحك انسي عالي قادم من غرفة النوم فيندهش فيتوجه نحو غرفة النوم .....؟؟؟؟؟
يتبع
ع فكرة التفاعل ضعيف جدااا لا يشجع علي التكملة !!
تفاعل كبير عشان اكمل من فضلكم ..
#محمد_مالك
رواية جميله جدا بالتوفيق والنجاح الدائم
ردحذف😍😍😍😍😍
ردحذفوين باقي الروايه
ردحذف