رواية اغتصاب شرعي البارت العشرون والاخير من الجزء الثاني

رواية تاجر العذرية

البارت الخامس من الجزء الثاني

للكاتب المصري محمد مالك

جميع الحقوق محفوظة

بسيوني .. كويس انك لسة فاكرني يا يوسف ؟!

يوسف ساخرا .. هههههه .. هو انت تتنسي يا راجل ؟! دا انا كل ما اشوف حاجة غلط بتحصل قدامي افتكرك علطول !! دا انت مخلتش ذنب وليعوذبالله الا وعملته ؟!

بسيوني .. زي ما انت ما اتغيرتش !! لسانك طويل زي ما هو ؟!

يوسف .. في الحق !! طويل في الحق .. قلي بقي انت ايه اللي فكرك بيا بعد العمر ده كله ؟! انت فاكر اخر مرة شوفنا بعض فيها كانت امتي والمناسبة كانت ايه بالظبط ؟!

بسيوني يتذكر بالفعل اخر مرة التقي فيها ب يوسف ويبدوا انه ضاق صدرة لتذكره ذلك وبدأ يغضب ويتوتر ويظهر ذلك علي وجهه وعيناه .. فيحاول ان يكتم غيظه قائلا

بسيوني .. لا مش فاكر ومش عايز افتكر !!

يوسف يدرك انه قد تذكر بالفعل ولكنه لا يريد الافصاح عن ذلك 

يوسف .. طيب ايه اللي فكرك بيا دلوقتي ؟! متقنعنيش انك جاي بالصدفة يعني ؟!

بسيوني .. لا جاي ع الصيت بصراحة .. انا سامع انك بقيت معالج روحاني كبير وناس كتير خفت علي ايديك

يوسف .. احنا مجرد اسباب وربك وحده هو الشافي 

بسيوني .. طيب انا محتاجك في مصلحة كدة 

يوسف .. ايه هي ؟! متقوليش ان عندك حد تعبان ومحتاج رقيه شرعية ليه ؟!

بسيوني .. انا فعلا عندي حد تعبان وكنت عايزك تشوفه

يوسف .. مين ؟!

بسيوني .. اختي فردوس بتمر بظروف صعبه اليومين دول وحالتها النفسية بقت زفت خالص !!

يوسف .. ربنا يعينها علي نفسها .. وعليك !!

رد فعل علي وجه بسيوني

بسيوني .. وكنت عايزك تشوفها مالها يمكن تخف علي ايديك 

يوسف .. هي عندها ايه بالظبط ؟!

بسيوني .. يعني .. اتجوزت كذا مرة كده واجوازها كانوا بيموتوا ليلة الدخلة وقبل الدخلة كمان !! فاتعقدت طبعا ونفسيتها بقت تعبانه اوي 

يوسف .. اها .. ربنا يصبرها علي ما بلاها !!

بسيوني يشعر بأن يوسف يقصدة بتلك الجملة ولكنه لا يُظهر ذلك 

بسيوني .. ايه هاتيجي تشوفها ولا ايه ؟!

يوسف .. هاجي يا بسيوني .. 

بسيوني يبتسم فرحا

يوسف .. مش عشان خاطرك طبعا .. ده عشان خاطر اختك التعبانه ..

بسيوني .. وماله تشكر علي اي حال .. دا الكارت بتاعي هانتظر تليفونك عشان تقولي جاي امتي واستناك

يوسف .. تمام 

بسيوني .. سلام

يوسف .. ايه مش عايز حاجة للبلغم زي ما قلتلي ؟!

بسيوني .. لا .. خليه كاتم علي صدري .. حبه وهاينزاح ان شاء الله !! سلام 

رد فعل علي وجه يوسف وبعد ان ينصرف تصعد القطة جميلة مرة اخري من اسفل المكتب فيحملها يوسف قائلا

يوسف .. انتي كنتي خايفة من بسيوني ولا الكلب اللي معاه ؟! ايه !! .. عندك حق الاتنين كلاب فعلا !!

بس فيه كلب منهم يستحق القتل !!

وفي المساءيذهب يوسف الاردني لزيارة والده الذي يرقد علي فراش الموت فيجده فعلا قد وصل الي مرحلة الاحتضار 

يوسف .. السلام عليكم 

الاردني .. وعليكم السلام .. يوسف !! كويس انك جيت يابني كنت خايف اموت قبل ما اشوفك !!

يوسف .. بعد الشر عليك يا والدي 

ثم ينزل اليه ويقبل يده 

الاردني .. لسة هاين عليك تبوس ايدي يابني بعد كل اللي عملته فيك ؟!

يوسف .. ولا تقل لهما اف ولا تنهرهما وقل لهما قولا كريما واخفض لهما جناح الذل من الرحمه وقل رب ارحمهما كما ربياني صغيرا 

الاردني .. صدق الله العظيم .. ربنا امرنا ببر الوالدين حتي ولو كانوا مشركين وليعوذبالله .. وانت ياابويا انسان مؤمن موحد بالله بس مشيت في طريق مش كويس 

الاردني .. فعلا انا الشيطان ضحك عليا وخلاني مشيت في سكة غلط وعملت معاصي كتير في حياتي .. تصدق يابني انا مفتكرش اني صليت لربنا ولو ركعه واحدة !! وعمري ما صومت يوم واحد في حياتي .. انا ذنوبي كتير يابني كتير اوي !! ولما فقت وقلت اكفر عن اللي فات لقيت مفيش وقت ولا جهد ولا حيل .. وزي ما انت شايف راقد ع السرير ومش قادر اتحرك !! قلي يابني هو ربنا ممكن يسامحني بعد كل اللي عملته ؟!

يوسف .. ان شاء الله .. ربنا غفور رحيم .. وعمره ما قفل باب التوبه في وش مخلوق ابدا 

الاردني .. طب وانت بابني مسامحني ؟! انا عارف اني ظلمتك كتير انت وامك وياما جيت عليكم 

يوسف تدمع عيناه .. مسامحك يا والدي .. مسامحك 

الاب .. الحمد لله .. انا كده ممكن اقابل ربنا وانا مرتاح شوية .. ابقي ادعيلي بالرحمه يابني .. يمكن ربنا يخفف عني بسببك 

ثم بعد ذلك يرفع عينه الي السماء ثم تخرج الروح الي بارئها 

يوسف يغلق عيني والدة قائلا

يوسف .. ربنا يرحمك يا والدي ..

رد فعل علي وجه يوسف

ونذهب الي بسيوني حيث عاد الي منزلة اخر الليل سكران وبعد ان دخل الي الشقة اخذ ينادي علي فردوس قائلا

بسيوني .. فردوس .. انتي يابت يا فردوس

بسيوني يسمع صوت ضحك عالي من غرفة فردوس ويبدوا ان هناك شخص ما معها في الغرفة .. بسيوني لا يصدق ما تسمعه اذناه يجري مسرعا نحو باب غرفة فردوس .. يضع اذنه ع الباب فيسمع فردوس تقول

فردوس .. يلا بقي البس هدومك بسرعة لأحسن بسيوني ممكن يجي في اي لحظة!!

بعدها بسيوني يفتح باب الغرفة ليجد منظرا صادما ؟؟!!

يتبع ...