رواية مغامرات علعل واصحابه
البارت السابع
للكاتب المصري محمد مالك
جميع الحقوق محفوظة
هشام : اومال اتولد ازاي ؟!
علعل : امه جت تتكرع نزل هو مع التكريعه .. هههههه
زقلط : ملكش دعوة بامي يا طور لأحسن أشرحك
زقلط يخرج مشرط
علعل : باه .. ماسكلي مشرط يا هشام ؟! هي حصلت ؟! .. عشان يعني تمرجي .. طب أنا حلاق والموس في جيبي اهوه
علعل يخرج موس من جيب الجلبية
علعل : ولورد كمتن اهوه ..
هشام : للا ياجماعة .. متوصلش للسلاح الابيض .. شيل يا علعل الموس .. شيل يا زقلط المشرط .. احنا هنا مرميين الرمية السوده دي عشان ناكل عيش ولا عشان نتخاتق؟!
علعل : ايشيل هو الاول
هشام : شيل يا زقلط
زقلط : اديني شيلاه أهوه
علعل : وانا كمان شيلته
هشام : يلا بقي سلموا على بعض واتصالخوا .. يلا مد ايدك يا علعل
علعل : ايمد يده هو الاول
هشام : بردوا ؟! .. معلش يا زقلط مد ايدك انت الاول
زقلط : أهوه
علعل : يده مش صابعه !!
زقلط : ما هي دي ايدي
علعل : ومالها اكده نازل عليها التخفيض ؟!
علعل يصافح زقلط
هشام : خلاص كده صافي يا لبن ؟!
علعل : حليب يا جهينة
هشام : وانت يا زقلط ؟
زقلط : حليب يا معيز
هشام ينظر ل علعل : معلش كل واحد بيتكلم على قده
وفجاه يُسمع صوت طلقات نارية من مسدس ويدخل الدكتور حمادة مسرعا ويجر نقاله ثم يجلس على الأرض ويختبئ خلفها
حمادة منزعجا : استخبي بسرعة يا زقلط مجنون بيضرب علينا نار
زقلط : نار ؟! .. ياما ( ثم ينحني أسفل الطربيزة )
هشام : فشطة .. كملت يلا بينا يا عم علعل نلحق نستخبي
علعل : متخافش معاي حجاب
ثم يدخل شاب يمسك مسدس في احدي يديه والاخري باذنجانه
الشاب يضحك بصوت عالي .. هههههه .. هتروح مني فين لو كنت في توشكي هاجيبك
حمادة : قولي بس انت عايز مني ايه ؟!
الشاب : ايه اللي في ايدي ده بالظبط ؟!
علعل : هههه .. ده مجنون صحيح معرف شان اللي في يده دي بدنجانه
الشاب : انا سمعت حد بيقول بدنجانه ؟!
حمادة :؛ ليه بس كده وديت روحك في داهيه!!
هشام : اسكت خالص انت يا علعل
علعل : واسكت ليه عاد .. ايوه انا اللي قلت بدنجانه
الشاب يتوجه نحو علعل : اللي في ايدي ايه قلت ؟!
علعل : بدنجانه قلتلك اومال عتكون ايه عاد ؟! .. صابع كرنب !!
الشاب : يعني دي مش موزة ؟!
علعل : موزة مين يا عم بطلنا نتعامل مع السودان من زمان
الشاب : لا دي موزة
علعل : باه .. قلنا دي بدنجانه عاد
هشام : خلاص يا علعل .. ايوه يا كابتن دي موزة بس الشمس حرقتها يا علعل
حمادة : ايوه زي ما قال بالظبط .. الشمس حرقتها
زقلط يخرج من تحت الطربيزة : يا عم دي موزة بس رايحه جنازة
علعل : يا اخوانا انتوا عتجننوني ؟! .. هو فيه موز لابس برنيطه ؟!!
الشاب : يعني انت مصر ا ندي بدنجانه؟!
علعل : طبعا مصر
الشاب : جواب نهائي ؟!
هشام : احذف اجابتين يا علعل
الشاب ينزل الي الارض فرحا ويرفع يديه الي السماء قائلا
الشاب : احمدك يارب
هشام : هو مين فيكوا اللي كسب ؟!
علعل : ده اعلان متخافش
حمادة : يا جماعة خلوا بالكوا ده معاه مسدس وممكن في اي لحظة يضرب في المليان
الشاب ينهض مرة اخري ويبدوا انه غاضب : يعني دي بدنجانه مش موزة ؟!
ثم يصوب المسدس في وجه هشام
الشاب : انت بتاخدني على اد عقلي ولا ايه ؟!
هشام : اسنع يلا اذا كنت انت مجنون قيراط انا مجنون 24 قيراط .. وابعد المسدس ده عني لأحسن مش هيحصلك كويس
الشاب يصوب المسدس نحو علعل
الشاب : يعني انت بتقول ان دي بدنجانه ؟
علعل : عقولك ايه انت خفت منيه عتلف عليا انا ولا ايه ؟! .. ابعد الفرفر ده عني لأحسن مش عتلحق اشوف الطلقة وهي طالعه منيه
هشام : يعني مبعدش ؟!
علعل : يبقي اكده برأه انا .. تكالنا عليك يارب .. بسم الله الرحمن الرحيم
( ثم يرفع كمام الجلبية وقبل ان يمسك به )
الشاب : لا ارجوك متضربنيش والمسدس اهوه ( ثم يرميه على الارض )
هشام : خلاص يا علعل بقي اعزل حرام ضربه
علعل : ده نص في قانون الاحوال الشخصية ؟!
هشام بسخرية : ايوه يا علعل في قانون الاحوال الشخصية!!
علعل : جيت ع الوتر الحساس .. انا راجل بحترم القانون روح افراج
الشاب : ايدك ابوسها
علعل : استغفر الله ... متركبنيش ذنب عاد .. د هانا لسه متبرع بالدم
الشاب : معلش يا جماعة د هانا بتقطع من جوة
علعل : وليه اكده عاد منقصاش العملية حزن ( ثم يطبطب عليه )
هشام : خلاص بقي روق يا استاذ ...
الشاب : كريم
هشام : خلاص بقي يا استاذ كريم مفيش حاجة في الدنيا تستاهل البك يده كله
حمادة : كده زال الخطر اقدر اهجم انا ع الفريسة بكل اطمئنان
ثم يتوجه نحو كريم فيقول
حمادة : هدي نفسك يا استاذ كريم .. ان شاء الله هما جلستين بالكاير وهتبقي زي الفل
هشام : ايوه يا عم احنا نسوي وانت تاكل !!
حمادة : شباب وبنساعد بعض بقي يا جماعة .. متخفش يا استاذ كريم انا اخصائي بواسير صحيح .. لكن افهم في الطب النفسي كويس اوي ومتخفش عامل تخفيض في الفيزيتا بمناسبة افتتاح العيادة بتاعتي
علعل : هههههه .. وعتسمي الطربيزة دي عيادة ؟!
حمادة : اومال دكتور زيي لسة متخرج ومن عيلة فقيرة يجيب منين فلوس يفتح بيها عيادة ؟!
هشام : على رأيك .. ده حتي كويس انك اشتغلت في مجال تخصصك لكم في ناس تانية خريجة حقوق واداب بيشاغلوا شيالين وبياعين مشوي!!
علعل : يقصد انا وهو .. لكن خلاص غيرنا النشاط وعتشتغل في الحلاقة دلوقيت
هشام : يلا .. مشكلة شباب كتير عايشينها
حمادة : خلاص بقي يا جماعة خلينا نشوف أكل عيشنا .. اومال فين زقلط ؟!
زقلط يخرج من تحت الطربيزة
زقلط : خدامك يا دكتور
حمادة : ( يحضر حقنه ) قعده يا زقلط ع الشازلونج
زقلط : أقعد هنا ( ويقصد بالشازاونج كرسي مكسور )
حمادة : اديني بقي دراعك
كريم : ايه ده ؟!
حمادة : دي حقنه هتخليك متتكسفش وتاخد راحتك في الكلام
هشام : الا بالحق يا دكتور .. انا اسمع دايما عن الحقنة دي .. هي ايه نوعها بالظيط؟
حمادة : دي خلاصة عرق رقاصة تركية
هشام : نعم !! .. الحقن هدي فيها خلاصة عرق رقاصة تركية ؟!
حمادة : طبعا .. دا مفعوله جامد اوي يخلي اللي بني ادم اللي يتحقن بيه ميتكسفش ابدا
هشام : اكيد .. مش زي المصدر اللي طالع منه !!
علعل : يبقي علي اكده عيستوردوه من ع الدش ؟!
حمادة : ايوة .. ايوه يا علعل بالظبط كده
ثم يعطي كريم الحقنه
زقلط يتألم : اي
هشام : ايه يابني هو انت اللي اخدت الحقنه ولا هو ؟!
علعل : ما اصل الوجع عيسمع عنديه !!
حمادة : قلي بقي ايه مشكلتك ؟!
يتبع ...
تعليقات
إرسال تعليق