رواية اغتصاب شرعي البارت العشرون والاخير من الجزء الثاني

#اقتباس_من_الحلقات_الاخيرة

سارة .. يااااه انا مش مصدقة نفسي ؟! معقول الكابوس الفظيع دا قرب خلاص ينزاح ؟!

ممتاز .. ان شاء الله هينزاح يا ساره والمحكمة هتحكم ببرآتك 

سارة .. بجد انا من غيرك مكنتش عرفة هاعمل ايه واتصرف ازاي؟! انت وقفت جمبي طول الفتره اللي فاتت دي واتأذيت كتير بسببي !! شكرا ليك بجد يا فندم 

ممتاز .. يا فندم ؟! يعني ابقي عازمك ع الغدا وفي مكان شاعري زي دا وفي الاخر تقوليلي يا فندم ؟!

سارة .. طب عايزني اقلك ايه ؟!

ممتاز .. تقوليلي ممتاز بس من غير يا فندم دي .. زي ما انا بقلك يا سارة من غير اي القاب 

سارة .. بس مينفعش !!

ممتاز .. مينفعش ليه بقي ؟!

سارة .. حضرتك ظابط وليك وضعك ومكانتك في المجتمع وانا في الاول ولا في الاخر بنت عادية من اسرة تعتبر ميسورة الحال وكمان انا متهمه في قضية قتل !!

ممتاز .. كل دي شكليات متهمنيش ولا عمرها كانت تفرق معايا خالص .. انا اللي يهمني الجوهر يا سارة .. وانتي من جواكي طهاره وبرآة ونقاء وطيبة عمري ما شفتهم في واحدة ابدا .. عارفة يا سارة الازمة اللي انتي مريتي بيها دي .. كشفت عن مميزات كتير عندك نادر انها تجتمع في شخص واحد .. انتي كنز يا سارة .. كنز بجد

سارة فرحة جدا .. مرسي بجد .. كلامك دا بيرفع معنوياتي اوي علي فكرة !! وتقريبا انت الوحيد اللي كان مديلي امل طول الفترة اللي فاتت ومخلانيش ايأس ابدا .. وانت اللي كنز واتفتحلي علي فكره مش انا .. انا ما افادتكش بشئ بالعكس ما اخدتش من ورايا غير الاذي

ممتاز .. بالعكس بقي انتي افدتيني بحاجات كتير اوي !!

سارة .. يا سلام !!.. بلاش مجاملة يا سيادة الرائد ؟!

ممتاز .. صدقيني يا سارة .. انا عمري ما كنت صادق في حياتي اد ما انا صادق في اللحظة دي وانا معاكي وكل كلمة انا بقولها حقيقة فعلا.. سارة .. تنجوزيني ؟!

سارة مندهشة لا تصدق ما سمعت يتغير لونها وتشعر ببرودة شديدة في جسدها ..

ساره .. ايه ؟!

ممتاز .. بقلك تتجوزيني يا سارة ؟!

سارة .. حضرتك بتتكلم جد ؟!

ممتاز .. حضرتك ايه بس ؟! ارفعي التكليف بقي يا سارة لأحسن وربنا اضربك بالكوباية دي في وشك !!

سارة تضحك وممتاز ايضا يضحك هو الاخر ..

ممتاز .. اعملها بجد

سارة .. تعملها بجد ؟!

ممتاز .. لا ميهونش عليا بصراحة 

سارة .. عارفة

ممتاز .. عارفة ايه ؟!

سارة .. عارفة انه ميهونش عليك 

ممتاز .. طب ما دام عارفة بقي انه ميهونش عليا قلتي ايه ؟!

سارة .. بجد انا مش مصدقة نفسي !! انت عايز تتجوزني بجد ؟!

ممتاز .. ايوه يا سارة مالك يا بنتي في ايه ؟!

سارة تدمع عيناها 

ممتاز .. سارة انتي بتعيطي ؟! دموع الفرح ولا ايه يخرب بيتك ؟!

ثم يٌخرج منديلا من جيبة ويمسح دموعها وفجأة يدخل شهاب يحمل مسدسا في يده ويصوبه في وجه ممتاز ..

شهاب .. الله الله ع الحنية !! وبتمسح دموعها كمان ؟! وجايبهالي ياخويا في مكان شاعري وبتطلب منها الجواز !! انت اتجننت يابني ؟! عايز تتجوز مراتي ؟!

سارة وممتاز ينظران لبعضهما البعض لا يصدقان ما يقوله شهاب ...

دا اقتباس بسيط من الحلقات الاخيرة ياتري شهاب هيعمل ايه؟!  وايه حكاية جوازة من سارة دي ؟! دا اللي هنعرفة من الحلقات الاخيرة من الرواية .. يلا اعمل مشاركة للبوست في ٣ مجموعات وانتظر الرواية كاملة الجزئين مع بعض ..