رواية اغتصاب شرعي البارت العشرون والاخير من الجزء الثاني

رواية اغتصاب شرعي 

البارت السادس من الجزء الثاني

للكاتب المصري محمد مالك

جميع الحقوق محفوظة

ممتاز منزعج بشدة ويهرول مسرعا الي غرفة بثينه فيجدها فاقدة للوعي تماما 

ممتاز يحاول افاقتها بضربها علي وجهها .. انتي يا بت يا بثينه ؟! فوقي !! انتوا عملتوا فيها ايه ؟!

الرجل .. هو سيادتك مش قلت قررورها ؟! اهو احنا كنا بنقررها زي ما سيادتك طلبت بس مش عارف ايه اللي حصل ؟! باين عليها ماتت يا باشا !!

ممتاز يضع اذنه علي قلبها ليطمئن انها ما زالت علي قيد الحياة .. ممتاز لا لسة عايشة .. انتي يا زفته فوقي بقي !!

بثينه تستعيد وهي في حالة من الذعر الشديد ..

بثينه .. انا فين ؟! .. ايه دا !! ابوس ايدك ابعد عني الجماعة دول .. بلاش تعمل فيا كدا يا باشا .. حرام عليك ( ثم تبكي بشدة )

ممتاز .. وانتي اللي عملتية فيا مكنش حرام ؟!

بثينه .. انا غلطانه يا باشا .. حقك عليا .. بس بلاش ارجوك .. مشيني من هنا ابوس ايدك يا باشا 

ممتاز .. انتي مش هتمشي من هنا قبل ما تقولي الحقيقة .. فاهمه ؟!

بثينه .. فاهمه يا باشا .. وهعترفلك بكل حاجة .. بس والنبي طلعهم بره عشان خاطري 

ممتاز .. اوك اتفقنا .. اخرجوا انتوا بره دلوقتي 

الرجل .. حاضر يا باشا 

ممتاز .. اتكلمي يلا 

ونذهب الي الضابط سالم الذي وجد شهاب في منزل بثينه

سالم .. هو انت بتعمل ايه هنا يا باشا بالظبط ؟! 

شهاب مرتبك .. انا .. اناااا .. انا كنت عايز البت بثينه في كلمتين كدا .. استجواب يعني وكدا 

سالم .. استجواب بخصوص ايه بقي ؟!

شهاب .. يعني استجواب اااا .. وانت مالك ؟! اما امرك غريب اوعي وسع من طريقي 

سالم .. وماله .. نوسع يا باشا .. اتفضل 

شهاب .. شكرا 

ثم ينصرف ورد فعل علي وجه سالم 

ونذهب الي العسكري فارس الذي اخبر المأمور بكل ما حدث والمأمور في حالة من الذهول الشديد

المأمور .. ايه الكلام اللي انت بتقوله دا ؟!

فارس .. انا قلت الحقيقة يا فندم .. وبكدا اكون خلصت ضميري قدام ربنا وقدام سعتك ومستعد اني انزل محاكمة عسكرية وراضي باللي هيحصلي لأني استاهل فعلا كل اللي يجرالي 

المأمور .. انت مستعد تواجه النقيب شهاب بالكلام دا ؟!

فارس .. مستعد يا فندم .. واقسم لسعتك ان كلمة انا قلتها صح ميه في المية 

المأمور مندهش .. بقي النقيب شهاب يعمل كدا ؟! ليه ؟!

ونذهب الي ساره التي استدعاها مازن وكيل النيابة الي مكتبه 

مازن حزين  .. انا مش عارف اقولك ايه يا ساره ؟!

ساره .. في ايه يا فندم قلقتني !!

مازن .. انا مضطر احول القضية بتاعتك لمحكمة الجنايات .

ساره .. ايه ؟! بس انا مقتلتش حد صدقني يا فندم .. والله العظيم ما قتلت اللي اسمه قاسم دا ؟!

مازن .. مصدقك يا ساره والله .. بس فين الدليل اللي يثبت صحة كلامك دا ؟!

ساره .. كان عندي دليل واحد .. وزي ما حضرتك عارف ضربوني وعجزوا ايديا عشان ما اقدرش اثبت حاجة !!

مازن .. طب مش فاكره اي حاجة تاني ممكن تساعدك ؟!.. اي موقف حصل قدامك او معاكي ولو بسيط

سارة .. للأسف .. كل اللي حصل انا قلته لسيادتك .. انا اصلا علاقتي ب بثينه مش شديدة اوي ومش عرفة ايه اللي وداني عندها اصلا اليوم دا ؟! بابا هو السبب

لولا انه طردني من بيته وارغمني اني ارجع ل سيد .. انا مكنتش افكر اني ارحلها ابدا !! بس مكنش قدامي حد غيرها ارحله في الوقت دا 

مازن .. وليه مكنتيش تفكري تروحيلها ؟! 

سارة .. عشان كنت اسمع يعني ماشية في طريق مش كويس وكدا !!

مازن .. اه .. طب انتي عرفتي طبعا ان جوزك سيد مات ؟

بثينه .. ايوا عرفت .. النقيب شهاب قالي 

مازن .. النقيب شهاب !! طب قالك انه مات مقتول ؟!

ساره .. ايوا .. قالي انهم لقيوه مضروب برصاصة في دماغة !! 

مازن .. طب تعرفي ان بثينه كانت علي علاقة بسيد جوزك ؟!

سارة .. ايه ؟!

مازن .. ايوا .. التحريات اثبتت انه كان بيتردد عليها كتير في شقتها 

ساره .. مش مستغربة ابدا ان سيد يعمل حاجة زي كدا .. اهو راح عند اللي خلقة .. ربنا يسامحة بقي

مازن .. طب تعرفي ان حسن ابنه كمان يعرف بثينه وان اخر مره اتشاف فيها كان عندها في الشقة ؟!

ساره .. وحسن كمان ميفرقش حاجة عن ابوه .. بني ادم عديم النخوة والشهامة !! 

مازن .. انا نفسي اساعدك بجد واخرجك من الورطة دي بس مش قادر بجد!! .. كل الادلة ضدك فعلا ومش لاقي خيط حتي يوصلني لدليل برآتك !! ساره انا هفرج عنك حاليا بكفالة مالية واتمني اننا نلاقي لو خيط واحد يوصلنا للقاتل الحقيقي في اقرب وقت.. اكتب بابني .. قررنا نحن مازن ابو السعود الافراج عن السيدة سارة يس بكفالة مالية قدرها ١٠٠ الف جنيه مع التنبيه عليها بعدم مغادرة محل سكنها الا بعد الرجوع الينا .. كما قررنا احالة ملف القضية الي محكمة الجنايات للنظر فيها .. واقفل المحضر في ساعته وتاريخه .. وقعي هنا يا ساره

سارة تقوم بالتوقيع واثناء ذلك يبدوا انها تذكرت شئ ما 

سارة .. انا افتكرت حاجة تانية مهمه جدا يا فندم !!

مازن .. اتكلمي بسرعة يا سارة ؟!

ونذهب الي الضابط ممتاز الذي اصطحب معه بثينه ويتوجه نحو سيارته ليستقلاها 

ممتاز .. الكلام اللي انتي قولتهولي دا دا دلوقتي هتعيدية تاني قدام وكيل النيابة .. انتي فاهمه ؟!

بثينه .. فاهمه حاضر .. والله هاقول كل حاجة سعتك 

ممتاز .. يلا اركبي 

واثناء ركوب بثينه السياره وبعد ان فتح لها ممتاز الباب .. يُسمع صوت طلق ناري ويفاجأ ممتاز بأصابة بثينة بطلق ناري في صدرها بالقرب من القلب ..

بثينه .. الحقني يا باشا .. انا تقتلت !!

ممتاز يتلفت في كل مكان ليري الفاعل ولا يجد له اثرا 

ممتاز .. مين اللي عمل كدا ؟! متخافيش انا هوديكي المستشفي .. انتي مش هتموتي يا بثينه .. سامعاني ؟! مش هتموتي !!

بثينه تنزف بشدة وتفقد الوعي تدريجيا ..

ونذهب الي يس حيث يجلس في منزلة يتناول طعام العشاء وزوجته تجلس امامه حزينة علي ابنتها .. وفجأة يطرق احد العمال الذين يقومون بتنظيف البدروم جرس الشقة فتفتح زينب الباب

زينب .. في ايه يا عم جمال ؟!

جمال يبدوا عليه اثار تراب شديد 

جمال .. عدم لا مؤاخذة الحج فين ؟!

زينب .. موجود اهوه .. كلم يا يس

يس يأتي اليه .. نعم يا جمال فيه حاجة ولا ايه ؟! هو انتوا لسة مخلصتوش من ام البدروم دا ؟!

جمال .. لا لسة ياحج .. وياريت تنزل معايا بسرعة  عشان فيه مصيبة كبيرة اوي تحت !!

يس .. مصيبة !! مصيبة ايه يا جمال ؟!

جمال .. واحنا بنضف يا حج وبنرفع الزبالة اللي تحت لقينا قتيل وليعوذبالله ؟!!

يس .. قتيل ؟!!

زينب .. يا لهوي ؟!!

الاحداث اشتعلت واقتربنا من النهاية وتفاعلكم الضعيف مع الرواية لا يشجع علي التكملة .. رجاء التعليق ب ٢٠ ملصق لضمان وصول باقي الاجزاء اليكم .. ومشاركة المنشور في ٣ مجموعات .. تحياتي .. الكاتب والسيناريست المصري محمد مالك.