رواية اغتصاب شرعي البارت العشرون والاخير من الجزء الثاني

رواية تاجر العذرية 

البارت الثاني من الجزء الثاني

جميع الحقوق محفوظة

للكاتب المصري محمد مالك

ويذهب بسيوني ومعه الكلب المصاب الذي عثر عليه في الشارع الي شركة ادهم البلعوطي الرأس المدبرة لكل ما حدث ل فردوس .. ويبدوا انه ذهب بالكلب الي عيادة بيطرية حيث نري قدم الكلب المصابة ملفوفة بشاش طبي ويتوجه نحو السكرتيرة مي ويضع الكلب ع المكتب ..

بسيوني .. الباشا فاضي ولا عنده حد ؟

مي ..لا عنده وفد امريكي .. دقيقتين وهيخلصوا .. ممكن بعد اذنك تشيل الكلب دا من علي مكتبي ؟!!

بسيوني .. متخافيش دا كلب امور 

مي .. امور ايه يا عم انت ؟! شيل القرف دا من علي مكتبي لو سمحت ؟!!

بسيوني .. بقي القمر دا تقولي عليه ارف ؟! طب بذمتك مش شبه روي ؟

ثم يقربه منها ومي ترجع بظهرها الي الوراء

مي .. من فضلك ابعد الكلب دا عني ؟!!

بسبوني .. يا بت متخافيش .. مش هيعضك .. حتي شوفي كدا 

مي .. وبعدين معاك بقي يا بسيوني ؟!

بسيوني .. الله .. كلمه بسيوني طالعة من بقك زي السكر !! بتخلي جسمي يقشعر .. بقلك ايه .. انا سمعت انك اطلقتي ! صحيح الخبر دا ؟!

مي ..شئ ميخصكش اظن ؟! دي حاجة تخصني انا لوحد وبس 

بسيوني .. طب بقلك ايه .. هستناكي انهاردة بالليل في شقتي الخاصة والعنوان اهوه

ثم يخرج من جيب الجاكت كارت شخصي ويضعه امامها علي المكتب ومي تنظر الي الكارت في دهشة واستنكار

مي .. وانا هاجي سقتك الخاصة بالليل ليه مش فاهمه ؟!

بسيوني .. يعني .. اكيد انتي دلوقتي نفسيتك تعبانه وعايزة اللي يواسيكي ويهون عليكي 

مي .. لا شكرا .. انا بعرف اواسي نفسي كويس اوي !! وبعدين انا اصلا الموضوع دا مش فارق معايا لأنه انا اللي كنت عايزة كدا

بسيوني .. بس هستناكي بردوا .  حكم اخوكي تعبان اوي بعد البت هالة ما ماتت وعايز اللي يواسيني 

ثم يضع يده فوق يدها يتحسسها برفق ومي تسحب يدها بعيدا وتقول مستنكره بشدة

مي .. انت بتقول ايه ؟! انت فاكرني ايه ؟! انا مش منهم يا استاذ ؟!

بسيوني ينزل اليها ويهمس في اذنها قائلا .. 

بسيوني .. بالليل هتبقي منهم 

ثم يعود الي وضعه السابق ويهز رأسه بمعني نعم وهو يبتسم ومي تنظر اليه في دهشة شديدة واستنكار

وفجأة يفتح باب مكتب ادهم ويخرج منه ثلاثة رجال امريكان ويقول احدهم ل بسيوني

الرجل مبتسما .. باي

بسيوني .. باي ورحمه الله وبركاته .  انست يا اخويا انت وهو وشرفت 

ادهم .. اهلا اهلا بسيوني تعالي اتفضل

بسيوني يلقي بالكلب فجأة في حضن مي لتحملة بين ذراعيها دون وعي 

بسيوني .. خلي بالك من الكلب لحد ما اخلص مع الباشا 

بسيوني يدخل المكتب ومي في ذهول وبعد ان تستوعب الموقف تخاف بشدة وترمي بالكلب ع الارض ثم تقول

مي .. الله يخرب بيتك !!

ادهم وبسيوني داخل المكتب 

ادهم .. لحد دلوقتي الخطة ماشية تمام زي ما انا راسم بالظبط.. فاضلنا دلوقتي واحد بس بعدها بقي مبروك عليك ال ١٠ مليون دولار

بسيوني .. وياتري مين بقي تعيس الحظ المره دي ؟!

ادهم يُخرج من درج مكتبه ظرف ابيض وضعه امام بسيوني .. 

ادهم .. هو دا

بسيوني يمسك بالظرف ينوي فتحه ولكن ادهم يمنعه

ادهم .. لا متفتحش الظرف هنا

بسيوني مندهش .. اشمعني يعني ؟! حاططلي فيه قنبله وعايزها تضرب في وشي بعيد عن المكتب  ولا ايه ؟!

ادهم .. لا طبعا .. بس افتحه في البيت لما تروح افضل 

بسيوني .. واشمعني دا بالذات اللي انت عايزني افتحه في البيت ؟! ما اللي قبله كلهم فتحتهم هنا في قلب المكتب عادي يعني !!

ادهم .. بسيوني افتكر كويس لما قلتلك قبل كدا ان اخر واحد هيكون اصعب واحد !!

بسيوني .. انت هتقلقني ليه ؟! هيطلع مين بسلامته يعني ؟!

ادهم .. لما تروح وتفتح الظرف هتعرف هو مين 

بسيوني .. غريب انت انهارده ؟! لكن ماشي افتحه لما اروح 

ادهم .. وخد كمان دول من تحت الحساب 

بسيوني .. يدوم يا كبير 

ادهم .. بقلك ايه يا بسيوني عايزك المره دي تركز كويس لأن المره دي مش زي كل مره وياريت تبطل شرب الفتره دي لحد بس ما القصة دي تخلص علي خير 

بسيوني .. في ايه يا باشا .. انت محسسني انتي داخل علي حرب ؟! ناقص تقلي عايزك تبطل نسوان وتصوم وتصلي كمان عشان ربنا يكرمك !! 

ادهم .. ياريت يا اخي هو فيه حد يكره ان ربنا يهديه ويتوب عليه ؟!

بسيوني مندهش .. اه !! .. طب بالاذن انا ياباشا 

ادهم .. مع السلامة يا بسيوني 

وبعد ان ينصرف بسيوني ادهم يقول ساخرا

ادهم .. بالسلامة يا روح امك

ويعود بسيوني الي المنزل ليفتح الظرف وبعد ان يري ما بداخلة يرتجف رعبا وتصيبة صدمة بالغة ..؟!!!

باقي الجزء الثاني هينزل كامل بمجرد اصلاح الخلل المؤقت بالرابط المنشور سابقا.. ارجو التفاعل والمشاركة من فضلكم .. تحياتي ..