رواية اغتصاب شرعي البارت العشرون والاخير من الجزء الثاني

رواية الزواج الملعون

#مقدمة_الرواية

للكاتب المصري محمد مالك

جميع الحقوق محفوظة

نجلاء فتاه عشرينية طالبة بالجامعة الامريكية تتصل في الصباح الباكر بصديقتها سها وتوقظها من نومها ..

سها منزعجة .. ايه يا بنتي في ايه ؟!! بتتصلي ليه بدري كدا ؟!! قلقتي منامي الله يقلق منامك يا شيخة

نجلاء .. يا بنتي وحشتيني قلت اتصل بيكي اسمع صوتك 

سها .. وحشتك ؟! هو احنا مش كنا مع بعض امبارح وسهرانين لحد الفجر !! لحقت اوحشك يا مجنونة انتي ؟!

نجلاء .. بتريق طبعا .. هو انا طايئاكي اصلا !!

سها .. شكرا يا ذوق .. اخلصي مصحياني من احلاها نومه عايزة ايه ؟!

نجلاء .. هاقلك خبر مش هتصدقية ايدا 

سها .. خبر ايه ؟!

نجلاء .. نرمين كلمتني من شوية وقالتلي حاجة غريبة جدا 

سها .. نرمين مين ؟!!

نجلاء .. نرمين فؤاد صحبتنا بتاعة اليابان .. ما تصحي بقي وركزي معايا شوية 

سها .. اها .. نرمين .. البنت اللاسعة دي ؟! يا شيخة دي كانت هتشلني امبارح وهي قاعدة معانا!!

نجلاء .. عمايلها غريبة مش كدا ؟!!

سها .. دي الا غريبة !! البنت دي مجنونة بجد وعمايلها مش طبيعية خالص !! انا مش عرفة ايه اللي حصلها بعد ما ابوها وامها انتحروا في اليابان !!

نجلاء .. مش عرفة بجد .. هي فعلا عمايلها بقت شاذة خالص !! 

سها .. مالها بقي المجنونة دي ؟!

نجلاء .. اتصلت بيا من شوية وقال ايه بتعزمنا علي فرحها !!

سها .. فرحها !! امتي دا ؟!

نجلاء .. انهارده في الفيلا بتاعتها 

سها .. انهارده !! بس هي لما كانت قاعدة معانا امبارح وسألتها مبتحبيش حد ؟ مفيش علاقة بينك وبين حد ؟ .. قالت لا .. مين دا بقي اللي اتعرفت عليه بالسرعة دي وهيتجوزوا كمان في اقل من ٢٤ ساعة ؟!!

نجلاء .. مقالتش مين ؟! 

سها .. البنت دي مجنونة وهتجننا معاها !! وحركاتها وعمايلها بقت اوفر وشاذة جداا ..شفتي كانت بتعمل ايه مع الكلب بتاعها ؟!! 

نجلاء .. اسكتي مش عايزة افتكر !! طب هتروحي ولا ايه النظام ؟!

سها  .. مش عرفة بصراحة 

نجلاء .. بس دي اكدت عليا ان لازم نيجي ولو مجيناش هتزعل اوي .. وقالت كمان انها هتكلمك وهتعزمك بنفسها 

سها .. انا مش عرفة مين تعيس الحظ دا اللي هيتجوزها ؟!! دي محتاجة دكتور نفسي والله !!

نجلاء .. يمكن تهدي وتعقل بعد الجواز !! 

سها .. اتمني .. خلاص امري لله هاروح معاكي بالليل .. عدي عليا عشان العربية بتاعتي في التوكيل 

نجلاء .. اوك 

وقي المساء تذهب نجلاء وسها الي فيلا نرمين وبمجرد ان يقتربوا من باب الفيلا لم يروا اي اثار للزينة او سماع اية اغاني صاخبة تدل علي الاحتفال 

سها.. ايه دا ؟!! دا مفيش زينة ولا حتي D.j .. انتي متأكدة ان في فرح في الفيلا دي ؟!!

نجلاء .. هي قالتلي الفرح هيكون في الفيلا .. هي مكلمتكيش ولا ايه ؟!

سها .. لا مكلمتنيش !!

نجلاء .. مع انها قالتلي انها هاتكلمك !! يلا ننزل ونشوف ايه الحكاية

سها .. مش مرتاحة مش عارفة ليه ؟!

نجلاء .. هتقلقيني ليه ؟! انزلي بقي 

سها ونجلاء يفتربان من باب الفيلا ويسمعان صوت نباح لمجموعة من الكلاب وبمجرد ان يصلا الي باب الفيلا يشاهدان مجموعة كبيرة من الكلاب منتشرة في حديقة الفيلا ..

سها .. ايه دا ؟!!!

الرواية في قمة الاثارة والتشويق وواحدة من اعظم ما كتبت .. تابعوني والرواية كاملة علي مدونتي مدونة ( مالك الزعيم )  وقناتي علي التليجرام .. تحياتي ملك الروايات الكاتب  والسيناريست المصري  

#محمد_مالك