رواية اغتصاب شرعي البارت العشرون والاخير من الجزء الثاني

رواية عرض مجاني

البارت السابع عشر 

للكاتب المصري محمد مالك

جميع الحقوق محفوظة
نادر وريم داخل المطعم وريم يبدوا عليها القلق والتوتر الشديد ونادر يلاحظ ذلك
نادر .. مالك ؟!
ريم .. قلقانه وخايفة جدا !!
نادر ينظر اليها في دهشة ولا يعلق علي تلك الجملة ويسألها عن شئ اخر
نادر .. تحبي تاكلي ايه ؟
ريم مندهشة من رد فعل نادر الغير متوقع حيث بدأت تشعر انه غير متعاطف معها تماما
ريم .. اي حاجة .. متفرقش
نادر .. انا هطلب سيمون فيليه .. اطلبلك معايا ولا تحبي تاكلي حاجة تانية ؟
ريم .. اوك .. هطلب زيك
نادر .. تمام.. جارسون
يأتي الجارسون
الجارسون .. تحت امرك يافندم
نادر .. هاتلنا اتنين سيمون فيليه من فضلك
الجارسون.. تحت امرك يا فندم
الجارسون يلمح ريم وينظر اليها في دهشة وريم تلاحظ ذلك فتسأله في تعجب
ريم .. في حاجة حضرتك ؟!
الجارسون .. لا لا .. بعد ازنكم
ريم .. الجارسون دا بيبصلي ليه كدا ؟!
نادر .. عادي .. ما تاخديش في بالك
ريم .. نادر من فضلك ممكن اسألك سؤال ؟
نادر .. اتفضلي
ريم .. انت مصدق اني مظلومة ولا لا ؟!
نادر بصمت برهه .. مش هتفرق معاكي في حاجة
ريم .. لا تفرق اكيد .. ولازم اعرف اجابتك حالا
نادر .. ولو قلتلك اني مش مصدقك مثلا .. هيكون ايه رد فعلك ؟!
ريم .. طب لو انت مش مصدقني ليه بتساعدني .. ليه ما خليتش هاني وسامح يقتلوني .. ليه بتساعدني ع الهرب منهم ؟!
نادر .. انتي بتقولي ايه ؟! زي ما يكون هاني وسامح دول ناس غريبة انا معرفهمش ! انتي ناسية انكم كلكم ولاد خالتي واللي بيحصل دا كله فضايح لعيلتنا !! اظن كفاية فضايح لحد كدا !!
ريم .. اها .. يعني انت بتعمل دا كله عشان مش عايز فضايح تانية ؟!
نادر .. اكيد طبعا .. يعني لو هاني وسامح لا قدر الله اتهوروا ونفذوا تهديدهم هيكون ايه مصيرهم وانتي كمان هيكون ايه مصيرك ؟!
ريم .. ياريتك كنت سيبتهم يقتلوني .. ع الاقل ارتاح من العذاب اللي انا فيه دا وهما كمان يرتاحوا مني ومن عاري
نادر .. من فضلك ممكن بلاش كلام في الموضوع دا ؟
ريم .. اوك
ثم يأتي صاحب المطعم ومعه الجارسون وصاحب المطعم ينظر ل ريم في دهشة وغضب شديدين
صاحب المطعم .. ممكن بعد اذن حضرتك تاخد المدام وتمشوا من المطعم في هدوء ؟!
نادر مندهش .. ليه ؟!
صاحب المطعم .. ارجوك اتفضل امشي مش عاوز شوشرة لو سمحت
نادر .. انت بتقول ايه يا جدع انت ؟! وانت مين اصلا ؟!
صاحب المطعم .. انا صاحب المطعم وياريت حضرتك تاخد المدام وتمشوا في هدوء .. ارجوك
نادر .. انت مجنون يا جدع انت ؟! احنا لسة ما اكلناش حاجة
صاحب المطعم .. معلش حضرتك .. المطاعم حوالينا كتير .. شوف حضرتك مطعم تاني
نادر .. وليه بقي ان شاء الله ؟!
صاحب المطعم .. يا فندم المطعم طول عمره سمعته نضيفة ومش بيدخله غير الناس المحترمين
يقول تلك الجملة وهو ينظر ل ريم وريم تفهم انه يقصدها
نادر .. انت تقصد ايه بكلامك دا ؟!
صاحب المطعم .. اظن حضرتك فاهم انا قصدي ايه بالظبط والمدام كمان فاهمه
ريم في غضب شديد .. لا انا مش فاهمه حاجة خالص ومن فضلك وضح كلامك!!
صاحب المطعم .. هو انتوا مش ملاحظين نظرات الزباين ليكم ولا ايه ؟!
نادر ينظر للزبائن فيلاحظ ان اغلبهم ينظرون اليه هو وريم ويتغامزون فيما بينهم
نادر .. اها .. طيب روح هات الاوردر اللي انا طلبته
صاحب المطعم .. اسف ومن فضلكم امشوا من المطعم دلوقتي حالا
نادر .. لا مش هنمشي وورينا هتعمل ايه
صاحب المطعم .. يا فندم انا مش عايز شوشرة عشان سمعة المحل
نادر .. مالها سمعة الزفت ؟!
صاحب المحل ..ازاي مطعم محترم وزباينه محترمين من كل فئات المجتمع ادخلة واحدة .....
ريم غاضبة .. احترم نفسك يا حيوان .. انا فهمت قصده ايه الحيوان دا !!
نادر .. طب ايه رأيك بقي احنا مش هنمشي وان ما حبتش الاوردر اللي انا طلبته مش هيحصلك طيب
صاحب المحل .. اما انك راجل بجح صحيح !! يا اخي اختشي علي دمك انت واللي معاك
نادر .. انا بارد يا ابن الكلب
ثم يلكمه في وجهه وريم تنزعج بشدة
ريم .. سيبه يا نادر ارجوك .. نادر !!
الاحداث اشتعلت .. تابعوني والبارت التالي .. تحياتي .. الكاتب والسيناريست المصري محمد مالك.