رواية اغتصاب شرعي البارت العشرون والاخير من الجزء الثاني

نور توك 

البارت الاول

للكاتب المصري محمد مالك

جميع الحقوق محفوظة
وتذهب نور سالم الي اتيليه هياتم في وسط البلد فتجد الاتيلية مكتظ بالزبائن ويعمل به ٣ فتيات كبائعات .. نور تسأل احداهن وتدعي سوزي
نور .. سلاموا عليكم
سوزي .. وعليكم السلام .. أأمريني
نور .. الامر لله وحده .. كنت عايزه اقابل مدام هياتم صاحبة الاتيلية
سوزي .. خير عايزاها في ايه ؟
نور .. عايزاها عشان شغل وكدا
هياتم .. لا يا حبيبتي احنا مش عايزين حد يشتغل هنا .. اديكي شايفة احنا اربعه في المحل والدنيا ماشية تمام
نور .. بس هي كلمتني في التليفون وقالتلي تعالي عشان هتشتغلي معايا في الاتيلية
سوزي .. مدام هياتم كلمتك انتي في التليفون وقالتلك انك هتشتغلي معانا هنا ؟!
نور .. ايوا
سوزي .. انتي متأكدة ؟!
نور .. ايوا متأكدة .. حتي هي كلمتني من النمره دي
سوزي .. وريني كدا.. ايوا هو دا رقمهما .. غريبة !!
ثم تأتي اليهم فتاه اخري تدعي نوال تمضغ لبان وترتدي ملابس ضيقة جدااا ذات شعر اصفر كثيف وطويل وعيناها زرقاوان .. جميلة ورشيقة ثم تقول
نوال .. في ايه يا سوزي ؟!
سوزي .. الاستاذه دي بتقول ان مدام هياتم كلمتها عشان تيجي تشتغل هنا معانا
نوال .. اها .. انتي نور ؟!
نور .. ايوا
نوال .. ازيك يا نور اخبارك ايه ؟
نور .. انا كويسة الحمد لله
نوال ..بسم الله ما شاء الله زي القمر .. اجمل من الصور بكتير !! طب تعالي معايا
سوزي .. هي ايه الحكاية ؟!
نوال .. ملكيش دعوة انتي خليكي في شغلك .. تعالي يا نور
وتذهب بها الي مكتب هياتم صاحبة الاتيلية حيث تراها مشغولة مع شخص ما في التليفون المحمول
هياتم .. بجد عجبتك ؟! طيب كويس اوي .. انا خايفة لا ما تعجبكش .. بقي دا كلام يا باشا انت تؤمر واحنا ننفذ .. اهم حاجة تكون مبسوط وراضي علينا .. ايه .. بضاعة جديدة ؟! ثم تنظر الي نور وتكمل حديثها .. اه في بضاعة جديدة وصلت انهارده هفرزها وهشوف ايه اللي يناسبك منها وربنا يسهل وانا تحت امرك .. عنيا يا باشا .. مع السلامة ..
نوال .. مدام هياتم دي نور
هياتم .. نور مين ؟!
نوال .. نور اللي انتي كلمتيها عشان تشتغل معانا هنا في الاتيلية
هياتم .. اها .. ازيك يا نور ؟!
نور .. الحمد لله يا فندم
هياتم .. لا قمر يا بت !!
نوال .. شفتي جمالها عكس الصور اللي باعتتهالنا تماما !! لا وعليها جسم مرسوم رسم
هياتم .. لفي كدا يا نور
نور .. نعم !!
هياتم .. بقلك لفي يا حبيبتي وريني جسمك
نور .. حاضر
هياتم .. لا فعلا عود فرنساوي منحوت نحت !! هو انتي عودك دا طبيعي ولا انتي مخففة من وزنك وبتروحي جيم؟!
نور .. جيم ايه بس اللي انا هروحه هو انا لاقيه اكل !!
نوال .. هههههه .. حلوة يا نور .. حلوة بجد
هياتم .. يا عيني يا نور !! لا يا حبيبتي متقوليش كدا ان شاء الله هتاكلي معايا الشهد.. بس انتي فتحي مخك كويس
نور متعجبة .. افتح مخي !! ليه هو انا هشتغل ايه بالظبط ؟؟!!
هياتم ..هتشتغلي معايا هنا في الاتيلية .. هتبيعي هدوم مع البنات برة
نور .. اه .. بس في واحدة بره قابلتني اول ما دخلت وقالتلي انكم يعني مش محتاجين حد يشتغل هنا وكدا
هياتم .. مين دي ؟!!
نوال .. دي البت سوزي ام عقل مهبوش
هياتم .. اها .. لا دي بنت مرعوشة وعقلها خفيف شوية ف ما تاخديش عليها
نور .. اوك ماشي
هياتم .. اهم حاجة عندي الامانه والاخلاق
نور .. اكيد طبعا
هياتم .. انتي عرفة اقل فستان هنا بكام ؟!
نور .. لا معرفش
هياتم ..اقل فستان عندي هنا ب الفين دولار
نور .. ياااة غالي جدا !!
هياتم .. اومال ايه .. شغل مستورد يا حبيبتي .. انا زبايني هنا هاي لايف ومستويات عالية اوي
نور .. اكيد الا مكنوش يشتروا فستان بسعر زي دا ابدا
هياتم .. تمام .. قليلي يا نور انتي ساكنه فين ؟!
نور .. ساكنه في حارة كدا في منطقة شعبية علي اد حالها
هياتم .. باباكي بيشتغل ايه ؟
نور .. لا بابا مات الله يرحمه
هياتم .. وماما بتشتغل ؟
نور .. لا ماما ست بيت ومينفعش تشتغل لأنها صاحبة مرض
هياتم .. يا حرام .. ربنا يشفيها يارب .. عندك اخوات يا نور ؟
نور .. ايوا .. عندي بنتين اصغر مني
هياتم .. ربنا يخليكم لبعض يارب
نور .. شكرا يا فندم
هياتم .. طيب انا مبدئيا هعملك مرتب ٤ الاف جنيه في الشهر
نور .. ٤ آلاف !!
هياتم .. ايه قليلين ؟!
نور .. لا دا كتير جداا بالعكس !! انا كنت متوقعة المرتب اقل من كدا بكتير
نور .. بالعكس دا اقل مرتب انا بديه هنا عشان انتي لسة جديدة معانا لكن بعد كدا هيزيد طبعا دا غير عمولتك علي كل فستان تبيعية .. من الاخر انا هدلعك اخر دلع
نور .. شكرا خالص لحضرتك انا بجد مش مصدقة!! معقول دا حقيقي ولا انا بحلم ؟!
هياتم .. لا حقيقي يا نور وهتستلمي الشغل من دلوقتي كمان وادي يا ستي مرتب شهر مقدم .. اتفضلي
نور .. بجد ؟!
هياتم .. ايوا بجد امسكي الفلوس من ايدي !!
نور .. بس انا لسة ما اشتغلتش
هياتم .. وماله ..ما انتي هتشتغلي خلاص .. وبعدين عشان لو نفسك في حاجة تجبيها .. امسكي يا نور
نور .. بجد انا مش عرفة اشكرك ازاي يا فندم
هياتم .. لا حبيبتي احنا خلاص بقينا اهل وبصراحة انا قلبي انفتحلك اوي من اول شفتك
نوال .. يا بختك با ست نور .. هياتم هانم قلبها اتفتحلك من اول لحظة مع انها صعب جداا ترتاح لمخلوق
نور .. اهو من حسن حظي بقي
هياتم .. باين عليكي طيبة اوي وربنا بيحبك عشان كدا اللي يشوفك بيرتاحلك علطول
نور .. الحمد لله .. انا طول عمري في حالي وبخاف من ربنا اوي
هياتم .. وماله يا حبيبتي من خاف سلم برضوا .. نوال هتكون معاكي وهي اللي هتمرنك ع الشغل .. تمام ؟
نور .. ماشي
نوال .. وهنبدأ من دلوقتي .. فيه فستان عايزاكي تاخديه وتوديه للأنسة سالي البيت
هياتم .. سالي مين ؟
نوال .. سالي بنت حضرتك .. هو انتي ناسية ان عيد ميلادها انهارده والفستان دا جايلها مخصوص من باريس !!
هياتم .. اها .. تصدقي نسيت ..يحرق الشغل وسنينه اللي خلاني مش قادرة افتكر حتب عيد ميلاد بنتي .. انا بنتي في سنك كدا واموره زيك كمان وبتدرس في جامعة امريكية
نور .. ربنا بخليهالك يا فندم
هياتم .. ويخليكي يا حبيبتي.. محلتيش غيرها بنتي الوحيدة اللي طلعت بيها من الدنيا .. مشهورة اوي ع الفيسبوك وعندها قناه ع اليوتيوب فيها اكتر من مليون مشترك
نور ..بسم الله ما شاء الله .. ربنا يزيد ويبارك
هياتم .. اديها الفستان يا نوال واوصفيلها عنوان البيت .. متخافيش العنوان ورانا هنا ميتوهش
نور .. لا عادي يا فندم
هياتم .. اتفضلي يا نور والف مبروك يا حبيبتي نور .. الله يبارك في حضرتك .. بعد ازنك
وبعد ان تنصرف نور ونوال يرن تليفون هياتم المحمول والمتصل شخص يدعي حلمي
هياتم .. الو .. ايه رأيك ؟!
حلمي .. دي صاروخ !! جبتيها منين دي ؟!
هياتم .. ارزاق بقي .. المهم تنفع يعني ؟!
حلمي .. دا الا تنفع .. دي تنفع ونص كمان
هياتم .. خلاص سيبهالي بقي وانا هسويهالك علي نار هادية
وتذهب نور بالفستان الي منزل سالي لتفاجأ بشئ صادم جداااا ؟؟؟!!!!
تابعوني والبارت التالي .. ولو فيه تفاعل ومشاركة هخلصها انهاردة .. مفيش تفاعل يبقي هنكمل بكرا .. تحياتي ..