رواية اغتصاب شرعي البارت العشرون والاخير من الجزء الثاني

رواية زوجة لأربعة توآم 

البارت الرابع

للكاتب المصري محمد مالك

جميع الحقوق محفوظة
فارس تأخر كثيرا بعد ان استأذن من شهيرة لدخول الحمام وشهيرة تشعر بالقلق
شهيرة تحادث نفسها .. هو اتأخر ليه كدا ؟! دا بقاله ساعة في الحمام !! وبعدين بقي ؟! يخرب بيته .. ل يكون مشي وسابني ؟!
ثم تلمح الوايتر فتنادي عليه قائلة
شهيرة .. لوسمحت
الوايتر .. تحت امرك يا فندم
شهيرة .. الاستاذ اللي كان قاعد معايا من شوية راح الحمام وبقاله ساعة هناك .. انا قلقانه عليه اوي ل يكون تعبان ولا حاجة
الوايتر .. تقصدي الاستاذ فارس ؟
شهيرة .. ايوا
الوايتر .. الاستاذ فارس مشي من بدري يا فندم
شهيرة .. مشي ؟! مشي ازاي ؟! دا قالي انه داخل الحمام ؟!
الوايتر .. ايوا هو كان في الحمام فعلا .. بس الكلام دا من حوالي ٥٠ دقيقة .. قابلني وهو خارج من الحمام وادالي الحساب ومشي
شهيرة .. مشي من غير ما يقلي ؟!
الوايتر .. حضرتك تطلبي اي حاجة تانية يا فندم ؟
شهيرة .. لا شكرا .. اتفضل انت بقي
وبعد ان ينصرف الوايتر شهيرة تحادث نفسها قائلة
شهيرة .. بقي كدا يا فارس .. تمشي من غير ما تقلي وتسيبني ملطوعه لوحدي الفتره دي كلها!! وانا اللي مفكراك في الحمام !! طيب يا فارس
وتعود شهيرة الي البيت غاضبة مما فعله فارس معها وبينما كانت تجلس في غرفتها تفكر في هذا الامر تدخل عليها اختها لبني
لبني .. اللي واخد عقلك
شهيرة .. لبني ؟!
لبني .. ايوا لبني يا ست شهيره بقالي ساعة بخبط ع باب الاوضة وانتي لا قلتي ادخلي ولا حتي امشي !!
شهيرة .. معلش سرحانه شوية
لبني .. سرحانه في حبيب القلب طبعا !!
شهيرة .. تقصدي مين ؟!
لبني .. هو فيه غيره ؟! سي فارس طبعا
شهيرة .. قوام خلتيه حبيب القلب ؟!
لبني .. اومال سرحانه في مين غيره ؟!
شهيرة .. انا مش سرحانه في فارس .. انا سرحانه في عمايلة الغريبة اللي بيعملها معايا .. تصدقي انهارده طردني من الشركة ورجع بعدها صالحني وعيني سكرتيرته الخاصة كمان !! وقام عازمني ع الفطار في مطعم جميل ع النيل
لبني .. وعازمك ع الفطار كمان ؟! يا بختك
شهيرة .. يا بختي ايه بس !! دا بعد دقيقتين من قعاده معايا استأذن يدخل الحمام بعدها بساعة اكتشفت انه مشي وسابني من غير حتي ما يقلي ؟!!
لبني .. ايه دا.. معقول عمل كدا معاكي ؟!
شهيرة .. ايوا زي ما بقلك بالظبط
لبني .. لا بقي دا انسان مش طبيعي كدا
شهيرة .. انا بقول كدا برضوا ..
لبني .. يعني ايه خلاص مش هتتجوزيه ؟!
شهيرة .. صدقيني يا لبني انا محتاره بجد .. البني آدم دا غريب جدا وافعاله غريبة وشاذه!!
لبني .. خلاص سيبك منه ما دمتي قلقانه .. اتجوزه انا
شهيرة .. تتجوزيه ؟!! انتي اتجننتي يا بنتي ؟!
لبني .. ليه حرام ولا ايه ؟!
شهيرة .. حرام ايه وحلال ايه يا متخلفة انتي !! هو كان طلب ايدك اصلا عشان تتجوزيه ؟!
لبني .. ليه هو لازم يطلب ايدي الاول عشان اتجوزه ؟!
شهيرة .. ياربي !! هو انا ناقصة الغبية دي كمان؟!! امشي يا بت اطلعي بره
لبني .. اطلع بره فين بالظبط ؟!! بره في الصالة ولا بره الشقة خالص ؟!
شهيرة .. يا لهووووووي .. ها تخليني الطم علي وشي
لبني .. لا حرام وشك يوجعك يا شهيرة
شهيرة .. يا ناس حد يحوش المتخلفة دي من هنا
وفجأة تدخل نيره وتقول
نيرة .. شهيرة .. فارس برة وعايز يقابلك
شهيره .. فارس !! فارس صاحب الشركة اللي انا بشتغل فيها ؟!
نيره .. ايوا هو
شهيره .. وقعته سودا معايا
ثم تخرج من غرفتها لمقابلته حيث يجلس في غرفة الصالون ولكن تصاب بالصدمة عندما تجد فارس ملتحي
شهيرة .. مين حضرتك ؟!
فارس .. ايه يا شهيره في ايه ؟! انا فارس يا ماما
شهيره .. انت دقنك دي طلعت امتي ؟! انت الصبح مكنش عندك الدقن دي ؟!
فارس .. لا ما انا دقني بتطلع بسرعة جدا .. هو انا مقولتكيش ولا ايه ؟
شهيرة .. لا مقولتليش علي حاجة زي دي وانا اصلا عمري ما لاحظت عليك حاجة زي دي ابدا!!
فارس .. اكيد عمرك ما كنتي هتلاحظي حاجة زي ابدا لسببين اتنين .. الاول انك عمرك ما شفتيني بالليل قبل كدا .. والتاني بقي انك مكنتيش واخدة بالك مني قبل كدا عشان مكنش فيه بينا حاجة عكس دلوقتي طبعا
شهيرة .. يعني عايز تقول انك بتحلق دقنك الصبح .. تلاقيها طولت بالليل ؟!
فارس .. سبحان الله بقي
شهيرة .. انت انسان غريب بجد والله !! وايه دا كمان ؟!!
شهيره تلمح شئ صادم .. ايه هو ؟!! دا اللي هنعرفة من البارت التالي .. تابعوني ..
فارس ..