رواية اغتصاب شرعي البارت العشرون والاخير من الجزء الثاني

رواية تاجر العذرية 

البارت العاشر 

للكاتب المصري محمد 

جميع الحقوق محفوظة
علاء شقيق بسيوني يجلس في المساء امام منزل احد التربية ويدعي رشوان رجل ستيني .. علاء يلتف ببطانية ويبدوا انه يرتعش من البرد .. نار مشتعلة للتدفئة ورشوان يعد له كوب من الشاي ونباح الكلاب واضح ومسموع مع سكون الليل ..
رشوان.. اتفضل شوية انما ايه هيدفوك يا استاذ علاء
علاء.. شكرا يا عم رشوان
رشوان .. علي ايه يا ولدي احنا عملنا حاجة ؟! دول شوية شاي لا راحوا ولا جم !!
علاء .. لا يا عم رشوان انت تستحق الشكر وزيادة .. كفاية اللي انت عملته معايا .. دا انت انقذتني من موت محقق !!
رشوان .. الموت والحياه مش بإيدينا يا ولدي .. دي بيد ربك واحنا ما الا اسباب وبس
علاء .. بس انا فعلا لولاك انا كان زماني ميت دلوقتي . ان ما متش من العقارب والتعابين .. هموت من البرد والخوف .. انت جميلك في رقبتي يا راجل يا طيب
رشوان .. وبعدين وياك عاد ؟! ما قلتلك يا ولدي احنا ما الا اسباب وارادة ربك فوق كل شئ .. وربك رايدلك تعيش يا ولدي
علاء .. فعلا ربنا رايد اني اعيش .. الحمد لله علي كل حال
رشوان .. بس حاذر علي حالك .. لأن الشيطان مش هسيبك في حالك
علاء .. قصدك ايه بالشيطان يا عم رشوان ؟!! تقصد بسيوني صح ؟!!
رشوان يرتجف عند سماع  اسم بسيوني ويتلفت حوله
رشوان .. وطي صوتك عاد وبلاش تنطق اسمه اهنه !!
علاء .. اوطي صوتي ليه ؟! هو مش سامعنا اصلا !! وبعدين بعد اللي عمله معايا ده انا ليا تصرف معاه تاني
رشوان .. ابعد عن الشر وغنيلة يا ولدي انت مش قده !!
علاء .. لا اده .. اده ونص وكمان ولازم اوقفة عند حده .. وهو عارف انا ممكن اعمل ايه كويس
رشوان .. ليا عندك رجاء يا ولدي
علاء .. قول يا عم رشوان
رشوان .. متقولوش ان فكيت قيودك .. لأحسن يئذيني ..انا عندي عيال وبربيهم
علاء .. لا طبعا يا عم رشوان اطمن خالص وكتر خيرك ع اللي عملته معايا .. بس انا مش قادر اصدق ان فيه اخ يعمل في اخواته كدا .. هو ليه دايما بيئذيني انا واختي ؟!! دا المفروض اخونا الكبير ولازم ياخدنا في حضنه وخصوصا ان ابونا وامنا ميتين .. كان المفروض يكون مكانهم ويعوضنا عنهم
رشوان .. دا زرع شيطاني يا ولدي !!
رشوان .. قصدك ايه يا عم رشوان ؟!!
رشوان مرتبك .. مقصديش حاجة .. اشرب الشاي بتاعك وهم بينا عشان ندخل جوة لا حد يلمحك اكده ولا اكده يروح يقله .. الحكاية مش ناقصة يا ولدي !!
ونذهب الي عمر حيث دخل ليطمئن علي فردوس
عمر .. الحمد لله الجرح بدا يقفل بدون مشاكل  .. حمد الله علي سلامتك
فردوس .. الله يسلمك يا دكتور .. انا مش عرفة اشكرك ازاي ؟!
عمر .. مش عرفة ليه ؟!! قولي شكرا يا دكتور عمر .. سهله جدا اهه
فردوس تبتسم
عمر .. ايوا كدا اضحكي .. لأن بصراحة ملاحظ انك من ساعة ما دخلتي هنا وانتي دايما حزينة وزي ما تكوني قلقانه من حاجة !!
فردوس .. انا قلقانه فعلا بس مش علي نفسي عمر .. اومال علي مين ؟!!
فردوس .. علي علاء اخويا .. خرج قبل الحادثة بتاعتي بيوم ومرجعش لدلوقتي !! ومش عرفة راح فين ؟!!
عمر .. اها .. طب معملتوش ليه بلاغ في القسم عشان يدوروا عليه ؟
فردوس .. اخويا بسيوني بيقول انه عمل بلاغ امبارح
عمر .. اخوكي بسيوني !! مش عارف ليه ياااا.. الا بالحق اقولك انسة فردوس ولا مدام فردوس ؟!!
فردوس .. والله ما عرفة .. المفروض اني انا اتجوزت اربع مرات
عمر .. ايه !! حضرتك اتجوزتي اربع مرات ؟!! بس واضح انك صغيره جدا علي كل دا؟!
فردوس .. اعمل ايه النصيب بقي !! اللي بتجوزه اخره معايا يوم او اتنين بالكتير وبيموت !!
عمر .. يااااه
فردوس .. فقرية صح ؟!!
عمر .. لا طبعا .. الاعمار بيد الله اكيد
فردوس .. والاغرب بقي ان محدش منهم قرب مني خالص !! يعني انا ما زلت عذراء ..  مش عرفة بقي انا في حالتي دي يتقالي يا مدام ولا يا انسة ؟!!
عمر يبتسم ويقول .. مش عارف بصراحة !!
ونذهب الي منزل رشوان حيث يُطرق باب منزله في ساعة متأخرة من الليل .. ورشوان يستيقظ منزعجا ويتوجه نحو الباب ويسأل
رشوان .. مين ؟!!
لا احد يجيب ورشوان يكرر السؤال
رشوان .. مين اللي برة ؟!!
بسيوني .. افتح يا رشوان
رشوان يفتح الباب فيجد بسيوني امامه فيصعق ويكاد يغشي عليه
رشوان .. استاذ بسيوني
بسيوني يبتسم ابتسامته الخبيثة كالعادة ويقول كالعادة وهو ينظر الي علاء الذي يجده نائم علي الكنبه
بسيوني .. ازيك يا راجل يا شهم
ثم يدخل بسيوني وخلفه كلبه روي الذي يراه رشوان فيرتجف اكثر
بسيوني .. انت ليه بتحب تضايقني دايما يا رشوان ؟؟؟ !!
رشوان .. انا !! انا ضايقتك في ايه عاد ؟!!
بسيوني يدخل ويجلس علي الكرسي ويشعل سيجارته كالعادة ويشد منها نفسا عميقا ثم يخرجه من انفه ويقول
بسيوني .. بجد انا زعلان منك !! زعلان منك اوي كمان ..شايف حتي روي كمان منك !! صح يا روي .. هو انت كمان مش زعلان من رشوان ؟!
رشوان ينظر الي الكلب وهو يرتجف من الخوف والكلب ينظر اليه وهو يزئر وفجأة ينقض عليه ليمزق جسدة بأسنانه الحادة ورشوان يصرخ ويستغيث ويستيقظ علاء فجأة ليشاهد هذا المشهد الصادم ؟!!
تالعوني والبارت التالي .. تحياتي ..