رواية اغتصاب شرعي البارت العشرون والاخير من الجزء الثاني

رواية تاجر العذرية 

البارت الرابع عشر 

للكاتب المصري محمد مالك

جميع الحقوق محفوظة
وبينما بسيوني يجلس في شقته ينتظر المكالمة التليفونية التي طال انتظارها فقد مر اكثر من ساعتين ولم يحدث شئ مما ينتظر حدوثة !! اذ تأتيه هاله الشايب فتاه عشرينية جميلة تحبه بشدة تعمل سكرتيرة رجل اعمال كبير ..هالة تطرق الباب وبسيوني يفتح الباب فيندهش عندما يراها
بسيوني .. هاله !! هو انتي اللي جابك هنا ؟!
هاله .. كنت متأكدة اني هلاقيك هنا !! ممكن ادخل ؟
بسيوني .. اتفضلي
وتدخل هاله وتلاحظ ان هواء الشقة يملأه دخان السجائر ثم تلمح بعينيها طفاية السجائر مليئة جدا بأعقاب السجائر وبجوارها زجاجة خمر مفتوحه وكأس ممتلئ بالخمر ويعود بسيوني الي حيث كان يجلس ويمسك بكأس الخمر ويشربه مره واحدة ثم يسحب خلفة نفس عميق من السيجارة المشتعلة
هالة .. اية السجاير دي كلها يا بسيوني ؟! مش كويس ابدا عشان صحتك !!
بسيوني يصب كأس اخر من الخمر ويشربة ايضا مره واحدة
هاله .. سجاير وخمره !! انت كدا بتقتل نفسك وانت مش حاسس علي فكره !!
بسيوني ينظر اليها ولا يجيب
هالة تتعجب من عدم التعليق وتقترب منه ثم تخلع معطفها وتجلس بجواره وتقول
هاله .. مالك يا بسيوني ؟! زي ما تكون قلقان من حاجة ؟!
بسيوني .. من فضلك يا هاله اسكتي خالص دلوقتي .. انا منتظر مكالمه مهمه جدا !!
هاله .. ايه  !! يبقي علي كدا تليفونك شغال مش مقفول؟ !!
بسيوني .. ايوا
هاله .. ازاي وانا برن عليك من بدري يقلي الهاتف غير متاح ؟!
بسيوني .. ما انا عاملك بلوك
هاله .. عاملي بلوك !! ليه ؟!
بسيوني .. عشان متصدعنيش يا هاله !! انا منتظر دلوقتي مكالمة مهمه ومش فاضي خالص للرغي بتاعك دا !! بصراحة انتي رغاية !!
هاله .. رغاية !! عشان بحب اسمع صوتك واطمن عليك تقول عليا رغاية !! وانا اللي جاية علي ملا وشي وقلت جايز يكون تعبان ولا حاجة !!
بسيوني ينظر ل هالة ولا يبالي ولا يرد عليها
هالة .. انت ليه بتعاملني بالطريقة دي ؟! وانت عارف اني بحبك ومبستحملش اي حاجة ممكن تحصلك !! جاوبني يا بسيوني من فضلك
بسيوني بغلظة وعصبية .. عايزة ايه يا هالة ؟!
هاله متأثرة بشدة.. بسيوني .. انت عايزني اخرج من حياتك ؟!
بسيوني .. لا طبعا
هاله .. بس افعالك معايا بتقول غير كدا ؟! انت دايما بتعاملني بقسوة وجفاء !! وعمرك ما كنت حنين معايا ابدا !!
بسيوني .. يا بت انا بحبك !!
هالة .. بتحبني !! بس انا حاسة غير كدا خالص !! انا حاسة اني انا اللي بحبك وانا اللي بجري وراك وانت ولا معبرني خالص !!
بسيوني .. اسكتي بقي يا هالة ارجوكي !! ولا اقلك روحي امشي
هاله .. امشي !! انت بتطردني يا بسيوني ؟!
بسيوني .. اومال عايزاني اعمل ايه ؟! بقلك مستني تليفون مهم وانتي مش مبطله رغي !! هالة .. انت عمال تقلي مستني تليفون مهم من ساعة ما جيت ؟! هو انت مستني مين يكلمك ؟! مين دا اللي انت عملتلي بلوك عشانه ؟!
بسيوني.. فرح فردوس كان انهارده
هالة مصدومة .. ايه ؟! هي اختك كان فرحها انهارده ؟!
بسيوني .. ايوا
هاله .. عشان كدا بقي !! انت قاعد مستني المكالمة اللي انت حابب تسمعها للمره الخامسة ؟!!
بسيوني .. بالظبط كدا .. واتأخرت اوي المره دي مش عارف ليه ؟!!
هالة .. انت ايه يا اخي ؟!! قلبك حجر !! عايز تكسر قلب اختك لخامس مره !! انا عايزة اعرف انت بتعمل ليه كدا ؟!! مفيش اخ يعمل كدا في اخته ابدا ؟!!
بسيوني بسخرية .. هههههه .. لا فيه .. انا يا هالة
هالة .. وبعدين انا عايزة اعرف انت قلتلي قبل كدا ان اخوك عارف باللي انت بتعمله ومش عاجبه ابدا تصرفاتك دي ؟!  ازاي بقي ساكت ومش واخد اي موقف خالص !!
بسيوني .. هههههه .. قصدك علاء ؟! هو فين بقي علاء الله يرحمه !!
هاله .. الله يرحمه !! هو علاء اخوك مات ؟!
بسيوني .. ايوا
هاله .. مات ازاي ؟!
بسيوني .. مات وخلاص
هالة .. يبقي انت قتلته !! انت قتلت علاء اخوك يا بسيوني صح ؟!
بسيوني .. ايوا قتلته !! واقتل اي حد يتحداني ويقف في وشي !!انا خلاص قربت اوصل للي في دماغي ولا يمكن اسمح لحد ابدا يعطلني او يقف في طريقي !!
هالة .. ايه الجبروت دا !! تقتل اخوك يا بسيوني ؟! مش مكفيك اللي انت بتعمله في اختك !! تقوم تقتل اخوك كمان
بسيوني بغضب وصوت عال .. ايوا قتلته .. عندك مانع ؟!
هاله .. انت بتعمل ليه كدا ؟! فهمني
بسيوني .. هتعرفي كل حاجة في الوقت المناسب ..
هاله تمسك بالمعطف وتنوي الانصراف
هالة .. انا مش عايزة اعرف حاجة خالص!! انا مش مصدقة ان اللي واقف قدامي دا اصلا بني آدم من لحم ودم وعنده قلب واحاسيس ومشاعر زينا !!
بسيوني .. لا يا هالة انا فعلا بني آدم بس قلبي ومشاعري واحاسيسي ماتوا من زمان قتلتهم بإيدي تحت جزمتي
ثم يشير الي حذاءه وهالة تنظر بأشمئزاز الي حيث يشير ولا تتفوه بكلمه وتنصرف وبعدها يصب بسيوني كأس ثالث من الخمر ويشربه مره واحدة وهو يقول
بسيوني .. رن بقي يا زفت ( يقصد المحمول )
ونذهب الي فردوس حيث تجلس في غرفتها تنتظر عودة عمر بطعام العشاء ولكنه تأخر كثيرا فتقلق عليه
فردوس .. هو اتأخر ليه كدا ؟! استر يارب
ثم تتوجه الي المطبخ ثم .......؟؟؟!!!!
تابعوني والبارت التالي .. تحياتي ..