رواية جرآة بأسم الحب
البارت العشرون
للكاتب المصري محمد مالك
جميع الحقوق محفوظةويستيقظ عماد من النوم ليجد نفسة علي فراش نشوي ونشوي بجوارة ما زالت نائمه .. عماد يتذكر ما حدث ليلة امس فيشعر بالندم والخجل من نفسة .. نشوي تفتح عينيها فتراه بجوارها
نشوي .. صباح الخير يا حبيبي
عماد .. صباح النور .. هو ايه اللي حصل امبارح ؟!!
نشوي .. حصل اللي كنا انا وانت بنحلم بيه طول عمرنا
نشوي تضع يدها علي صدر عماد
نشوي .. بس انت كنت فظيع اوي امبارح !! وعامل نفسك مش بتحبني ؟!! امال لو مكنتش بتحبني كنت عملت فيا ايه ؟!!
عماد يرفع يدها من علي صدره .. انا مش عارف ازاي عملت كدا !! انتي السبب .. فضلتي تجرجريني لحد ما عملت اللي في دماغك !!
نشوي .. ما هو لو مكنش اللي دماغي نفس اللي في دماغك مكنتش عملته يا استاذ !!
عماد .. انتي شيطان علي فكره !!
ثم ينهض ينوي الخروج من الغرفة
نشوي .. رايح فين ؟!
عماد .. ملكيش دعوه
ثم يفتح الباب وينصرف وتنهض نشوي وتتوجه نحو كاميرا كانت تخفيها في مكان بعيد عن الانظار حيث سجلت فيديو ما حدث بينها وبين عماد ليلة امس تقوم بإخراج كارت الذاكرة وتقول لنفسها بكل ثقة
نشوي .. براحتك يا عماد !!
واثناء خروج عماد من الغرفة تكون صفاء قد اعدت النسكافيه ل نشوي وفي طريقها الي غرفتها فتجد عماد يخرج من غرفة نشوي فتختبئ حتي لا يراها وتحادث نفسها متعجبة
صفاء .. يا لهوي !! هو كان بايت عندها ولا أيه ؟!! يخرب بيوتكم !! ليكم حق تعملوا اكتر من كدا .. ما هو ان غاب القط العب يا فار !!
وتنتظر حتي يدخل عماد غرفته لتتوجه هي الي غرفة نشوي ثم تطرق الباب
نشوي .. ادخل
فتجد نشوي ترتدي الروب البمبي
صفاء .. النسكافيه يا ست هانم
نشوي .. حطيه عندك .. الحمام جاهز ؟!!
صفاء .. جاهز يا ست هانم
نشوي .. طب انا داخله اخد شاور
صفاء .. حمام العوافي ان شاء الله وصباحية مباركة
نشوي .. ايه ؟!!
صفاء .. قصدي صباحك زي الفل يا ست هانم
نشوي .. طيب .. ابقي طلعيلي غيار من الدولاب
صفاء .. عنيا
نشوي .. الا قليلي .. لسة ملقتيش البروش الالماظ بتاعي ؟!!
صفاء .. وربنا المعبود ما شفته ولا اعرف طريقة فين !! حضرتك متأكدة ان في بروش ضاع منك اصلا ؟!!
نشوي .. يعني انا كدابة مثلا ؟!
صفاء .. لا يا ست هانم مش قصدي .. بس انا قلبت القصر كله ومالوش اثر !!
نشوي .. هنشوف الحكاية دي بعدين ..
ثم تتركها وتنصرف وصفاء تهم بتوضيب السرير واثناء قيامها بذلك تجد الشورت الخاص ب عماد فتتعجب قائلة
صفاء . الله الله الله !! شورت سيدي عماد !! لا دا الموضوع كبر اوي !! ربنا ينتقم منكم يا بعدا .. تعالي شوف يا سيدي جمال اللي بيحصل ورا ضهرك !!
ثم يدخل فجأة عماد فيجد صفاء فيشعر بالخجل والارتباك !!
عماد .. صفاء !! امال فين نشوي ؟!!
صفاء .. ستي نشوي في الحمام .. عايز حاجة يا سيدي ؟!!
عماد .. لا اناااا .. انا كنت عايزك بس تحضريلي الحمام
صفاء .. اه وماله .. ما هو لازم تستحمي انت كمان !!!
عماد . انتي بتقولي ايه يا بنت انتي ؟!!
صفاء .. لا متاخدش عليا خالص .. انا اليومين دول بقيت بخترف بكلام كتير .. اصل بعيد عنك هتجنن من اللي انا شايفاه !!
عماد يبدوا انه يبحث عن الشورت
صفاء .. انت بتدور علي حاجة يا سيدي ؟!!
عماد .. انا !!... لا لا .. روحي انتي حضريلي الحمام
صفاء .. عنيا
ثم يتركها وينصرف وصفاء تحادث نفسها قائلة وهي تمسك بالشورت
صفاء .. قال مش بيدور علي حاجة قال !!
ونذهب الي المستشفي حيث يرقد جمال داخل غرفته والطبيب يقوم بمتابعة حالته ومعه احدي الممرضات
جمال . ايه الاخبار انهارده يا دكتور ؟!!
الطبيب .. احسن طبعا
جمال .. بس انا مش شايف كدا !! انا مش قادر احرك لا ايدي ولا رجلي !!
الطبيب .. ما انا قلتلك يا جمال بي ان الموضوع هياخد وقت ومع الدوا والعلاج الطبيعي هتخف ان شاء الله
جمال .. قلي الحقيقة يا دكتور ومتخبيش عليا من فضلك .. انا هخف فعلا ولا هفضل طول عمري بالحالة دي ؟!!
الطبيب .. اكيد هتخف بإذن الله .. بس زي ما قلتلك الموضوع هياخد شوية وقت وحالتك هتتحسن بالتدريج
جمال .. طب انا ممكن اسافر بره دلوقتي ؟
الطبيب .. اه ممكن .. حالتك حاليا شبه مستقرة ومفيش مانع من السفر
جمال .. تمام
ثم يدخل عماد ويقول
عماد .. صباح الخير
جمال .. صباح النور يا عماد
عماد للطبيب .. بابا عامل ايه دلوقتي يا دكتور ؟
الطبيب .. احسن ان شاء الله
عماد .. طب احنا كنا عاوزين نسفره بره عشان يتعرض علي اكبر دكاتره هناك
الطبيب .. لسة الوالد بيسألني وقلتله مفيش مانع من السفر
عماد .. طيب كويس جدا
الطبيب .. بعد ازنكم
جمال .. قرب يا عماد عاوزك
عماد .. نعم يا بابا
جمال .. بص يا عماد انا قررت اكتب كل ما املك بأسمك ..
عماد .. ليه ؟!!
جمال .. من غير ليه .. انت ابني الوحيد وكل اللي ملكي دا من حقك انت .. عشان كدا انا قررت ان انقل كل شئ يخصني ليك . محدش عارف الدنيا مخبية ايه واديك شايف انا بقيت لا حول لي ولا قوة والناس اللي طمعانه فيا كتير واللي منتظرين اني اقع اكتر !!
عماد .. متقلش كدا يا بابا .. انت هترجع تقف تاني علي رجليك صدقني
جمال .. ولو موقفتش يا بني .. انت الخير والبركة .. المهم خلاص زي ما اتفقنا ؟!!
عماد .. علي ايه ؟!
جمال .. علي جوازك من بنت عمتك
عماد .. اها .. خلاص يابابا اللي تشوفه حضرتك
جمال .. خلاص يبقي كتب الكتاب والدخلة الاسبوع الجاي قبل ما اسافر بره عشان ابقي سافرت وانا مطمن عليك من كل ناحية ...
تابعوني والبارت التالي .. تحياتي ..
تعليقات
إرسال تعليق