رواية اغتصاب شرعي البارت العشرون والاخير من الجزء الثاني

رواية احقا تراني هكذا

البارت الرابع عشر

للكاتب المصري محمد مالك

جميع الحقوق محفوظة
وتنزل رشا الي الصالة وسط تصفيق حاد من الحضور وتعلو اصوات الصفارة من السكاري  وتتوجه نحو الطربيزة التي كان يجلس عليها هذا الرجل الغامض والملقب باللهو الخفي واثناء توجهها نحوها تتعرقل قدمها في شئ ما فتسقط علي الارض فيتوجه البودي جارد فورا نحوها
البودي جارد .. حضرتك كويسة
رشا متعجبة .. كويسة .. بس مش عرفة انا اتكعبلت في ايه بالظبط !!
البودي جارد .. جايز في الفستان ولا حاجة !!
رشا .. الفستان قصير !!
البودي .. هاتي ايدك
وتمسك رشا بذراع البودي جارد الذي يساعدها علي النهوض ثم يتوجه نحوها علي
علي .. الف سلامه ..ما يقع الا الشاطر يا اموره !!
رشا .. بلاش الكلمة دي من فضلك !!
علي .. ليه بتعملك حساسية ولا أيه !! هههههه
تتذكر رشا كلام دادا فاطمه لها عندما قالت لها انتي وقعتك هتبقي وحشة اوي 
رشا ..بطل استظراف فين الراجل اللي بتقول عليه ؟!!
علي .. اهو هناك اهوه
رشا .. روح اندهه يلا
علي .. حاضر
وتصل رشا الي الطربيزة وتجلس عليها فتشعر برهبه شديدة ويقشعر بدنها وتبرد اطرافها ولكنها لا تبالي لذلك وتُصر علي مجالسة سالم الصعيدي علي تلك الطربيزة وفجاة تلمح بطرف عينيها ذلك الرجل الخفي الذي يدعي نور يقف امام باب الكبارية ينوي الخروج من الصالة ثم يلتفت لها وهذه المره لم يبتسم لها كعادته بل ينظر اليها وملامح وجهه يكسوها الغضب الشديد ويهز رأسه تعبيرا عن الاسف وكانه يقول لا  ثم يتوجه الي خارج الصالة ويختفي عن النظر تماما ثم بعدها ياتي سالم ومعه علي
علي .. اتفضل يا باشا .. الاميرة رشا في انتظار سعتك
سالم .. لا يا علي كلمة اميرة مش من مقام ست الكل !! دي اقل وصف ليها كلمة ملكة
رشا بابتسامه خفيفة .. ميرسي جدا .. اتفضل
سالم .. يزيد فضلك يا ملكة
رشا ل علي .. انت مش قلتلي ان اللي اسمه نور مجاش انهارده ؟!!
علي .. نور !! اها .. ايوا مجاش طبعا
رشا .. ازاي وانا شايفاه خارج من باب الصالة حالا !!
علي .. بقلك مجاش من ساعتها !!
رشا .. انت متاكد؟!!
علي .. طبعا
رشا تلاحظ ان سالم يخرج منديلا من جيب الجلبية البلدي ويمسح عرق شديد يخرج من جسدة
رشا .. مالك يا معلم ؟!
سالم .. مش عارف عرقت ليه فجاة كدا ؟!! الظاهر ان القعدة معاكي ليها هيبة !! مش بقلك ملكة يا ست الكل
سالم .. هات طقم ويسكي هنا يا علي .. اعمل اي حركة بدال ما انت واقف متنح كدا ؟!!
علي . عيني يا سيد المعلمين
رشا .. قلي بقي انت فعلا تاجر مواشي ؟!
سالم .. محسوبك اكبر تاجر مواشي في وجه قبلي كله وعندي عدم لا مؤاخذة مزرعة عجول فيها عشر تلاف راس دا غير مزرعة البقر عشان اللبن
رشا .. بصراحة باين عليك اوي !!
سالم .. باين عليا ايه عدم لا مؤاخذه ؟!!
رشا .. انك تاجر مواشي يا قمر
سالم .. دا انتي اللي قمر يا ست الكل
ثم يات علي ومعه الويسكي
علي .. احلي طقم ويسكي لاحلي جوز كناريا.. اسم الله عليكم لايقين علي بعض اوي !!
سالم .. بجد يا علي ؟!!
علي .. اومال ايه يا معلم
سالم .. يعني انا والست رشا لايقين علي بعض فعلا ؟!!
علي .. طبعا ولا ايه يا رشا ؟!!
رشا .. قعدتي مع المعلم شرف كبير طبعا
سالم .. دا الشرف ليا انا يا ملكة .. هو انا اطول اقعد معاكي .. ياااااه دا انا بحلم والله يا جدعان !!
ثم يفتح زحاجة الويسكي ويصب كأسين له ول رشا
سالم .. بصحتك يا قمر
رشا .. بصحتك يا معلم
ويشرب سالم كاس الخمر ويزداد عرقة بشدة
رشا .. انت بتعرق اوي ليه كدا ؟!!
سالم .. مش عارف
ثم يصب كاسا اخر ويشربة فيعرق اكثر ثم يصب كاسا ثالث ويشربة بعدها يبدوا عليه الارهاق الشديد وصعوبه في التنفس
رشا .. مالك يا معلم سالم ؟!!
سالم .. مش عارف !! .. حاسس ان الارض بتلف بيا وزي ما يكون الكبارية بقي نار جهنم !! النار مولعة في كل حته ليه كدا؟!!
وفجاة يخرج الخمر من اذني سالم ومن انفه ورشا تري ذلك في دهشة شديدة وعدم استيعاب ثم تاتي اليها بدرية تحمل التليفون المحمول ويبدوا عليها الحزن الشديد
رشا .. ايه في ايه ؟!!
بدرية .. اختك علي التليفون
رشا تقرأ في عيني بدرية اخبار ليست بجيدة ثم تمسك المحمول وتقول بصوت خافت ومرتجف
رشا .. الو
منه .. امك ماتت يا رشا!!
رشا يسقط المحمول من يديها وتتبعه دموعها تسقط علي الارض وفجاة يقف سالم وهو يترنح ويقول
سالم .. انا مخنوق خالص !! انا مش قادر اخد نفسي !!
يسعل بشدة ثم يسقط علي الارض متوقفا عن الحركة تماما وسط ذهول الحاضرين الذين بُث الرعب في قلوبهم ........
تابعوني والبارت التالي .. تحياتي ..