رواية جرآة بأسم الحب
البارت السادس عشر
للكاتب المصري محمد مالك
جميع الحقوق محفوظةعماد متفاجئ .. ايه ده !! مش تخبطي قبل ما تدخلي ؟!!
نشوي تري عماد يقوم بتمزيق صورة ل صافي
نشوي .. انت بتعمل ايه ؟!!
عماد .. وانتي مالك !! من فضلك اخرجي بره
نشوي .. لا مش هخرج... انهارده بقي يا قاتل يا مقتول !! وايه الصورة اللي انت بتقطعها دي ؟!! اكيد صورتي انا طبعا !! وريني كدا
عماد .. من فضلك ابعدي ايدك
نشوي .. لا مش هبعد ايدي يا عماد وعارف لو طلعت صورتي انا اللي انت بتقطعها دي .. يومك مش فايت انهارده .. اوعي وريني
عماد .. بقلك ابعدي
ولكن تستطيع نشوي ان تنتزع بعض من الاجزاء الممزقة للصوره من يد عماد وتقوم بتجميعها فتكتشف انها صورة صافي
نشوي .. دي صورة صافي !!
عماد لا يرد
نشوي .. انت بتقطع صورتها ليه ؟!!
عماد .. انا حر !!
نشوي .. حاجة غريبة فعلا !! مش دي اللي كنت بتدافع عنها وبتهاجمني عشانها ؟!! مش دي حبيبتك الجديدة ؟!!
عماد بعصبية .. لا مش حبيبتي !!
نشوي .. مش حبيتك !! بجد يا عماد انت مبتحبش صافي ؟!! ارجوك اتكلم
عماد .. لا يا نشوي مش بحب صافي ولا عمري هفكر فيها !! ارتحتي بقي؟!!
نشوي .. طب انت مش بتحبها بتخرج تسهر معاها ليه ؟!! رايحين جايين مع بعض ليه ؟!!
عماد .. اهوه .. قلت يمكن تساعدني اني انسي !!
نشوي .. تساعدك تنسي ايه ؟!! .. انطق
عماد .. انساكي انتي يا نشوي
ثم يدير لها ظهره فتوجهه نحوها مره اخري ليصبحا وجها لوجه
نشوي .. والنتيجة ايه ؟!! قدرت تنساني ؟!! بصلي كدت وجاوبني .. صافي قدرت تنسيك نشوي يا عماد ؟!!
عماد .. لا يا نشوي
نشوي .. يعني انت لسة بتحبني ؟؟ صح ؟!!
عماد .. ايوا بحبك وحاولت انساكي ومش قادر !!
نشوي .. انت حاولت تنساني ومقدرتش وانا حاولت اكرهك ومعرفتش !! يبقي ايه الحل ؟!!
عماد .. مش عارف ايه الحل !! انا بتعذب يا نشوي .. بتعذب وانا شايفك قصاد عيني ومش قادر المسك ولا حتي اقلك كلمة بحبك زي زمان
نشوي .. ما انا اديني بين ايديك اهوه
ثم تمسك بيديه وتقول
نشوي .. وايدي في حضن ايدك كمان .. قلي بقي كلمة بحبك
عماد .. مش قادر
نشوي .. وايه اللي مانعك ؟!!
عماد .. اللي مانعني انك خلاص مبقتيش بتاعتي يا نشوي
نشوي .. بس انا مش بتاعة حد غيرك !! انا ملكك انت وبس
عماد .. ازاي ملكي وانتي بقيتي مرات ابويا ؟!!
نشوي .. مراته علي الورق وبس .. لكن قلبي وعقلي وروحي وكياني معاك انت يا عماد .. صدقني حتي وانا نايمه في حضنه بحس اني نايمه في حضنك انت !! ولما يجي ينام معايا .....
عماد يقاطعها .. بس متكمليش!! دي اسمها خيانه علي فكره!!
نشوي .. خيانه !! ولما اتجوزني غصب عني وهو عارف اني بحب واحد تاني وكل هدفه انه يوصل لجسمي وبس عشان يرضي شهوته !! دي تسميها ايه ؟!! ابوك اغتصبني يا عماد!!اغتصبني بكل معاني الكلمه !! اغتصبني بمساعدة ابويا وامي !! اغتصبني فعلا بس علي ايد مأذون !!واهو في الاخر انشل وسابني متعلقة لا طايلة سما ولا ارض !! عماد انا تعبانه اوي ومحتاجاك تكون جمبي وحياة اللي بينا واللي انا متأكده اني عمره ما هيكون بين اي اتنين غيرنا متسبنيش .... ارجوك
ثم تدمع عيناها وعماد يرق قلبه فيمسح دموعها وينظر اليها بكل حب ثم يقبلها في شفتاها وهي تحضنه بكل شوق ثم بعد ذلك ؟؟؟!!!!
تابعوني والبارت التالي بعد قليل ..
اكثر من رائع تحياتي لحضرتك
ردحذف