رواية جرآة بأسم الحب
البارت الرابع والعشرون
للكاتب المصري محمد مالك
جميع الحقوق محفوظةويرد عماد علي اتصال نشوي ويبدوا انه ليس سعيدا باتصالها ونشوي تشعر بذلك
عماد .. الو .. عايزة ايه ؟!!
نشوي بغضب وعصبية شديدة .. مالك فيه ايه ؟!! مش عايز ترد عليا ليه ؟!!
عماد .. اديني رديت اهوه .. نعم ؟!
نشوي .. انت هتتجوز فعلا بنت عمتك الخميس اللي جاي ؟؟!!
عماد .. ايوا
نشوي .. يعني الكلام دا جد ؟!
عماد .. اظن مفيش هزار في الحاجات دي طبعا !!
نشوي .. طب وانا ؟!!
عماد .. وانتي ايه ؟!!
نشوي .. بعتني بكل سهوله كدا ؟!!
عماد .. انتي مبتزهقيش من طريقة كلامك دي ؟!! محسساني كأنك مجني عليها !! ما تفوقي بقي من الدور المسكنه اللي انتي عايشة فيه دا !!
نشوي .. مسكنه !! ماشي يا عماد .. ع العموم افتكر كويس اني حذرتك قبل كدا وقلتلك لو فكرت ترتبط بواحدة غيري ها اهد الدنيا علي دماغي ودماغك
عماد غاضب .. انتي مجنونه يا ست انتي ؟!! انتي عايزاني اعيش علي ذكراكي العمر كله ولا ايه ؟!! اصحي وفوقي يا مرات ابويا
نشوي .. براحتك .. بس انا حذرتك وانت حر .. واحسنلك تلغي فكرة الجواز دي نهائي
عماد .. لا هتجوز يا نشوي ووريني هتهدي الدنيا علي دماغي ازاي
ثم يغلق الخط في وجهها ونشوي في قمة الغضب
نشوي .. يبقي انت اللي جبته لنفسك يا عماد !! وابقي وريني هتتهني ازاي باللي اسمها سالي دي
عماد يحاول ان يُهدأ من نفسه ويأخذ انفاس عميقة ويحبسها داخل رئتيه لبضع ثوان ثم يخرجها من انفه وفجأة يرن تليفونه المحمول يظن في بادئ الامر انها نشوي ولكن يجد ان المتصل امه رانيا تحادثه من امريكا
عماد .. الو .. ايوا يا ماما
رانيا .. ازيك يا حبيبي .. عامل ايه ؟!
عماد .. انا كويس يا ماما الحمد لله .. رنيت عليكي كتير وانتي مردتيش؟ !!
رانيا .. معلش يا حبيبي كنت مشغولة جدا اليومين اللي فاتوا دول
عماد .. ولا يهمك .. المهم انا كنت برن عليكي عشان اقلك ان فرحي الخميس اللي جاي علي سارة بنت عمتي عنايات
رانيا .. بجد يا عماد ؟!!
عماد .. ايوا يا ماما
رانيا .. طب يا حبيبي الف مبروك .. سارة بنت كويسة مش وحشة .. بس انت كنت بتقلي انك بتحب بنت تانية ونفسك ترتبط بيها !!
عماد .. لا ما دي اتجوزت خلاص
رانيا .. خسارة .. انت كنت بتحبها اوي !!
عماد .. النصيب بقي
رانيا .. فعلا يا حبيبي .. الجواز قسمه ونصيب .. بس ايه خلاك فجأة كدا تفكر في بنت عمتك مع انها كانت قدامك طول الوقت !!
عماد .. والله دا كان اختيار بابا .. وعشان ظروفه الصحية انا محبتش ازعله.. وبعدين زي ما حضرتك قلتي .. سارة بنت كويسة جدا
رانيا .. وماله يا حبيبي .. الحب بيتولد مع الوقت والعشرة .. الا قلي باباك صحته عاملة ايه دلوقتي ؟
عماد .. والله لسة تعبان ومنتظر فرحي يتم علي خير ويسافر يكمل علاج بره .. يا تري هتحضري الفرح ؟
رانيا .. ودي عاوزة سؤال !! اكيد هحضر فرح ابني الوحيد .. ان شاء الله هنزل مصر خلال يوم او اتنين
عماد .. تيجي بالسلامة يا ماما .. في انتظارك
رانيا .. ان شاء الله يا حبيبي .. وهدية جوازك هجبهالك معايا من امريكا وانا نازلة
عماد .. اوك .. سلام
رانيا .. مع السلامة
وتأتي الليلة الموعودة .. ليلة زفاف سارة علي عماد حيث تم تعليق الزينه في جميع انحاء القصر واصوات الزغاريد والاغاني الصاخبه تتسلل الي اذن نشوي التي ظلت حبيسة داخل غرفتها وهي في حالة من الغضب العارم تحادث نفسها قائلة
نشوي .. بقي كدا يا عماد .. نفذت اللي في دماغك برضوا !! طب وحيات امي لأطربقها علي دماغك
تحاول الاتصال به عدة مرات اثناء ما هو في غرفته وسط اصدقائه يرتدي بدلة الفرح وكلما نظر الي شاشة المحمول ووجدها هي من تحاول الاتصال به لا يرد ونشوي يشتد غيظها وتحادث نفسها قائلة
نشوي .. مش عايز يرد عليا !! ماشي يا عماد
ثم ينزل عماد واصحابة الي الطابق الاول من الفيلا وهو في ابهي زينته حيث يوجد تجمع كبير من الحضور احتفالا بالعروسين حيث تنتظره سالي بالفستان الابيض الجميل ثم يسلم علي عمته ويقبلها وكذلك بعض معارفة الذين توجههوا اليه بالتهنئة ونري والدة يجلس علي كرسي متحرك بجوار المأذون ثم يتوجه عماد نحو والدة وينحني اليه ويقبل يده ثم يتوجه ليجلس بجوار المأذون حيث يجلس والد سارة علي الجانب الاخر ويقول المأذون له بكل سرور
المأذون .. جاهز يا عريس ؟
عماد مبتسما .. ان شاء الله
المأذون .. توكلنا علي الله .. ايدك يا عريس .. ايدك يا ابو العروسة
وفجأة نري الخادمة صفاء تتسلل وسط الحضور مرتبكة جدا حتي تصل الي عماد ثم تهمس في اذنه قائلة
صفاء .. ست نشوي بتقلك افتح الواتس بتاعك دلوقتي حالا
عماد .. طب روحي انتي دلوقتي
عماد ينظر فيري نشوي تقف علي السلم من اعلي وتنظر اليه نظرات تعبر عن الغضب والانتقام يفكر قليلا ثم يُخرج المحمول من جيب البدلة ويفتح الواتساب ليشاهد هذا الفيديو اللعين فيرتبك ثم ينظر مره اخري الي نشوي والتي تضحك في وجهه بكل سخرية .. عماد يبتلع ريقه ثم يقول
عماد .. احم .. استأذنكم بس اوصل الحمام
المأذون .. تفضل يا بني
نشوي تغادر السلم مسرعة متوجهه الي غرفتها وعماد يلحق بها مسرعا ويبدوا انه ينوي علي الشر ..
تابعوني والبارت التالي .. تحياتي ..
تعليقات
إرسال تعليق