رواية جرآة بأسم الحب
البارت الخامس والعشرون
للكاتب المصري محمد مالك
جميع الحقوق محفوظةوتُسرع نشوي نحو غرفتها ثم تدخل وتغلق الباب بالمفتاح يتبعها مباشرةً عماد يبدوا انه في حالة من الغضب الشديد يفتح الباب ولكن يجده مغلقا بالمفتاح فيقوم بطرق الباب
عماد .. افتحي يا نشوي .. افتحي بقلك
نشوي من خلف الباب .. عايز ايه ؟!! روح انزل عند عروستك يا عريس !!
عماد .. افتحي يا نشوي عشان مكسرش الباب
وتفتح نشوي باب الغرفة فيدخل عماد مسرعا ويغلق الباب خلفه
نشوي .. عايز مني ايه ؟!!
عماد .. مكنتش اعرف انك بالحقارة دي !! انتي مسجلة اللي حصل بينا فيديو يا نشوي ؟!!
نشوي .. ايوا سجلته
عماد .. ازاي تعملي حاجة زي دي ؟!
نشوي .. كان لازم اعمل كدا عشان ابقي مطمنه انك عمرك ما هتفكر تبعد عني وانك تفضل طول عمرك بتاعي انا وبس
عماد .. يعني انتي فاكره ان الحركة السافلة اللي انتي عملتيها دي هتخليني مذلول ليكي طول عمري ومش هفكر ابعد عنك ابدا ؟!!
نشوي .. ايوا يا عماد
عماد .. ههههه .. تبقي غلطانه يا مدام وبيتهيآلك ان ممكن في يوم من الايام تقدري تذليني ليكي او حتي تكسريني .. فوقي .. العصفور طار من العش خلاص !!
نشوي .. وهرجعه تاني .. بإرادته او غصب عنه لازم يرجع لحضني تاني
عماد يمسكها بقوة من ذراعها ويقول بكل غضب
عماد .. وهترجعيني ازاي بقي غصب عني ؟!! بالفيديو اللي معاكي دا ؟!!
نشوي .. ايوا يا عماد .. لو نفذت اللي في دماغك واتجوزت بنت عمتك انهارده انا هوري الفيديو لأبوك وليها هي كمان .. وههد الدنيا علي دماغي ودماغك ودماغكم كلكم
عماد .. انتي مش سافلة وبس بقي !! دا انتي بجحة كمان !!
نشوي .. هو انت لسه شوفت حاجة ؟!!
عماد .. اها .. طب ايه رأيك بقي انا ميهمنيش .. واعلي ما في خيلك اركبية .. والفيديو اللي انتي بتهدديني بيه دا بليه واشربي ميته .. لأنك لو جاتلك الجرآة فعلا وخليتي ابويا يشوفه انتي اكتر واحدة هتنضر بسببه .. فضيحة بقي علي الملأ واكيد ابويا هيطلقك وهيرميكي في الشارع دا غير مصالح ابوكي مع ابويا اللي هتتدمر تماما .. اما انا بقي فأخره معايا انه يزعل مني شهر اتنين بالكتير وخصوصا لما اقله ان انتي اللي كنتي بتشاغليني دايما لحد ما وقعتيني في الغلط وفي الاخر هيسامحني برضوا لأني ابنه الوحيد .. فاهمه يعني ايه ابنه الوحيد ؟!!
نشوي .. وانا مش مهم عندي الفضيحة خالص .. ولا يهمني ان ابويا وابوك مصالحهم مع بعض تنضر .. انا قلتلك اني ناوية اهد الدنيا علي دماغنا كلنا ومش مهم عندي العواقب ايه .. ويكفيني ان الناس كلها تعرف انك علي علاقة بيا وانك سمحت لنفسك تخون ابوك وتنام مع مراته !!
عماد غاضب .. انتي جيبتي الجرآة والسفالة دي كلها منين ؟!!
نشوي .. حبك اللي خلاني جريئة وميهمنيش اي حد .. كل اللي يهمني انك متكنش لحد غيري ابدا مهما كان التمن
عماد .. انتي بتحلمي !! انا نازل اكتب كتابي وابقي وريني هتعملي ايه
نشوي بكل ثقة .. اتفضل .. لو راجل فعلا اكتب كتابك دلوقتي وشوف بعدها انا هعمل ايه
عماد .. انتي عايزة مني ايه يا ست انتي ؟!! اخرجي من حياتي بقي !!
ثم يدفعها بكل قوة فتسقط علي الارض فتصاب بكدمه في ذراعها فتتألم بشدة وينظر اليها عماد بكل غيظ وغضب ثم يتركها وينصرف وينزل الي الصالة حيث ينتظره المأذون والحضور لعقد القران فيسألة والدة عن سبب تأخره
جمال .. ايه يابني .. اتأخرت ليه اوي كدا ؟!!
عماد .. معلش .. اصل كنت تعبان شوية
فيضحك عليه احد الاصدقاء المقربين ويدعي سامح قائلا
سامح .. ايه جالك اسهال ولا اية ؟! من اولها كدا ؟!! .. اجمد يا عم انت لسة مشوارك طويل
ويضحك ثم يضحك الجميع
المأذون .. حط ايدك يا عريس في ايد ابو العروسة
ويضع عماد يده في يد ابو العروسة ثم ينظر ناحية السلم فيجد نشوي واقفة علي السلم تمسك بذراعها المصاي وتنظر اليه بكل غضب وكأنها تنوي شرا
المأذون .. بسم الله الرحمن الرحيم .. قول معايا يا استاذ عبد السلام .. زوجتك ابنتي ....
ولكن عماد يقاطعه فجأة ويضع يده علي بطنه قائلا
عماد .. اه ..
جمال .. مالك يا عماد ؟! فيه ايه ؟!!
عماد .. مش عارف !! الم جامد في الحته دي .. اه
عماد يتألم بشدة
جمال .. دكتور بسرعة يا جماعة من فضلكم
رانيا ام عماد .. عماد .. مالك يا حبيبي ؟!!
تابعوني والبارت التالي واحداث مثيره وشيقة .. تحياتي ...
تعليقات
إرسال تعليق