رواية السر الدامي
البارت الثامن
للكاتب المصري محمد مالك
جميع الحقوق محفوظةوتتصل سلوي بالرائد عصمت حيث تخبره بما حدث في شقتها والذي حضر مسرعا بصحبة فريق من المباحث
عصمت يسأل هريدي البواب
عصمت .. ايه اللي حصل يا عم ...
هريدي .. خدامك هريدي يا باشا
عصمت .. ايه اللي حصل يا عم هريدي؟؟
هريدي .. انا اتصل عليا الباش مهندس مدحت من الشغل وقالي اطلع شوف الجماعة عاوزين طلبات من السوق وهاتهالهم .. فقمت انا طلعت الشقة
عصمت .. وفين الشقة دي ؟
هريدي .. اهه يا سعت الباشا الشقة اللي وش دي
عصمت .. تمام وبعدين ؟
هريدي .. بس يا باشا لما طلعت الشقة عاد وخبطت لمحت بطرف عيني باب الشقة بتاعة الاستاذة سلوي مفتوحة .. قلت يمكن تكون جت تطل علي شقتها حكم انا خابر ان هي اليومين دول قاعدة عند ابوها بعد الحادثة الاخيرة
عصمت .. حادثة !! حادثة ايه ؟!!
هريدي .. ما هو عدم لا مؤاخذة في جماعة قبل اكده جم وكسروا الشقة بردك وجابوا عاليها واطيها بس انا ساعتها مكنتش موجود كنت في البلد عدم لا مؤاخذه
عصمت مندهش .. صحيح الكلام دا يا استاذه سلوي ؟!!
سلوي .. ايوا صحيح
عصمت .. بس انتي مقلتليش ان في حاجة زي حصلت ؟!!
سلوي .. ما انا محبتش اشغلك وبعدين لقيت الشقة زي ما هي ومفيش حاجة ضايعة قلت مالوش لزوم اعمل شوشره وخلاص
عصمت .. بس علي الاقل كان لازم تقليلي انتي عرفه اي حاجة تافه بالنسبه لك ممكن تكون مهمه بالنسبه لنا وخصوصا اننا بندور علي اي خيط يوصلنا للناس اللي قتلت جوزك
سلوي .. معلش مخطرش في بالي حاجة زي دي
عصمت .. لما لقيت باب الشقة مفتوح وافتكرت ان الست سلوي ممكن تكون جوا عملت ايه بعد كدا ؟؟
هريدي .. رحت يا بي رنيت علي جرس الباب ان حد يرد ابدا !! قلت يمكن تكون جت ومشيت ونسيت تقفل الباب !! المهم بفتح الباب اكده لقيت الشقة مقلوبه زي ما سيادتك شايف عرفت طوالي ان في حراميه كانوا اهنه قمت متصل علي الست سلوي طوالي
عصمت .. عفارم عليك يا عم هريدي .. روح انت دلوقتي
هريدي .. بعد ازنك ياباشا .. بعد ازنك يا ست سلوي
عصمت يحادث احد ضباطه ويدعي باسم
عصمت .. باسم
باسم .. افندم سعتك
عصمت .. عاوزك ترفعلي البصمات اللي علي الباب من بره وعلي باب اوضة النوم والدولاب
باسم .. تمام يا فندم
عصمت .. وانتي يا مدام سلوي فيه حاجة ضايعة من شقتك ؟
سلوي .. لا
عصمت .. دا معناه ان اللي كان هنا جاي يدور علي حاجة معينة !! بس ايه هي الحاجة دي ؟؟!! قليلي يا مدام سلوي الفتره اللي فاتت حد اتصل بيكي طلب منك حاجة او سألك عن حاجة او هددك مثلا ؟؟
سلوي .. لا محصلش
عصمت .. في سر غامض والسر دا مع جوزك وعلي ما اعتقد هو سبب .. في حاجة مع جوزك والناس دي بتدور عليها !!
سلوي .. هو الجدع اللي انتوا مسكتوه تحت البيت دا طلع مين ؟!!
عصمت .. دا سمسار عربيات .. وكشفنا عليه مالوش سوابق ولا ملف عندنا
سلوي .. بس دا كان ببراقبني في الرايحة والجاية ومرابط تحت البيت بأستمرار !!
عصمت .. ما اظنش .. هو فعلا كان واقف تحت البيت عشان في ساكن في تالت عماره بعدكم كان متفق معه يقابله عشان عاوز يبيع عربيته وعصمت مكنش عارف ايه هي العماره وتليفون الزبون كان مقفول .. احنا اتأكدنا من كلامه لأن الزبون اللي متفق معاه جه عندنا المديرية واتأكدنا ان كلام صاحبنا ده سليم وبالتالي افرجنا عنه
سلوي .. بس انا مش بكدب علي سعتك !! الراجل ده فعلا كان ماشي ورايا
عصمت .. جايز متكونيش اخدتي بالك كويس من شكل اللي ماشي وراكي فاختلط عليكي الشبه فظنيتي صاحبنا ده هو اللي كان ماشي وراكي
سلوي .. بس انا متأكده ان هو دا اللي كان ماشي ورايا !!
عصمت .. للأسف طلع برئ وانتي عرفة احنا لينا ادلة وبراهين
سلوي بغيظ شديد .. عندك حق
وفجأة تتصل بسمة التي عندها البنت لتخبر سلوي بشئ صادم ؟؟؟!!!
تابعوني والبارت التالي .. تحياتي ملك الرواية العربية ..الكاتب المصري محمد مالك..
البنت اتخطفت
ردحذفرووووعة
ردحذف