رواية السر الدامي
البارت الثامن عشر
للكاتب المصري محمد مالك
جميع الحقوق محفوظةوتعود سلوي الي شقة ابيها مصدومة بعد سماع الخبر المفجع الذي اخبرتها به امها في التليفون
سلوي .. معقول !! اهل منير وصلت بيهم الحقاره انهم يرفعوا قضية زي دي !!
والد سلوي مصطفي .. وانا مين قالك اني هسكت علي حاجة زي دي ؟!! انا اتصلت بالمحامي ومستينا في مكتبه انهارده بالليل
سلوي .. لا .. انا بالليل هيكون عندي مشوار مهم
مصطفي .. مشوار ايه اللي عندك هيكون اهم من موضوع زي دا ؟!!
سلوي .. بعدين هبقي احكيلكم علي كل حاجة
نبيلة ام سلوي .. انا قلت انتي في حاجة مخبياها ومش عايزانا نعرفها !!
سلوي .. وهخبي ايه بس يا ماما .. دا مشوار بخصوص بسمه الله يرحمها .. حاجة وصتني اعملها قبل ما تموت
مصطفي .. حاجة ايه دي ؟!!
سلوي .. حاجة كدا بينها وبين ربنا .. صدقة جارية وكدا يعني
مصطفي .. اها .. طب يا بنتي ربنا يقدرك علي فعل الخير
نبيلة .. وينتقم من اهل جوزك يا قادر يا كريم
سلوي .. متقلقيش يا ماما اهل جوزي دول ليهم قعده بس افضالهم الاول
وتذهب سلوي لتقابل عنتر في الموعد المحدد وقد حضر معه عبيد
سلوي .. اوعي تكون عاملتها وحش ؟!!
عنتر .. بقي دا كلام !! حد يعامل الملاك البرئ دا وحش برضوا ؟!!
سلوي تنظر الي عبيد ويبدوا انها ليست مرتاحه لهيئته
عنتر .. دا عبيد .. هو شكله مرعب اه .. بس قلبه ابيض من جوة
سلوي .. ما هو باين بأمارة ما قتلتوا بسمه بدون ذنب يا سفاحين
عنتر .. ما قلتلك شيلي الموضوع دا من دماغك عشان ميصدعكيش !!
سلوي .. هتروحوا من ربنا فين ؟!! هات البنت
عنتر .. امضي الاول علي وصل الامانه
سلوي .. بس دا فاضي مش مكتوب فيه المبلغ اللي اتفقنا عليه ؟!!
عنتر .. ما انا عايزه كدا علي بياض
سلوي .. وفي الاخر تحط فيه المبلغ اللي مزاجك ولو مدفعتش توديني في داهيه !!
عنتر .. عيب .. انا عمري ما اعمل حاجة زي دي ابدا .. ثقي في كلامي
سلوي بسخريه .. انا اثق فيك انت !!
عنتر .. خلاص براحتك يبقي انسي البنت يلابينا يا عبيد
سلوي .. استني .. اوك همضي .. بس لو لعبت معايا بالوصل دا انت عارف انا ممكن اعمل ايه كويس ؟!!
عنتر ينظر ل عبيد .. ايه ؟!!.. عيب بس اخرك معايا لحد ما تولدي بالسلامه ؟!!
سلوي .. تمام .. اتفضل
عنتر .. وانتي اتفضلي البنت .. تتربي في عزك .. سلام يا ست الكل .. يلا يا عبيد
سلوي محتاره تخاطب الطفلة .. مش تنطقي وتقليلي انتي ايه حكايتك بالظبط ؟!! هوديكي فين بس دلوقتي ؟!!
سلوي تتذكر شخص ما ....؟!!
تابعوني والبارت التالي .. تحياتي ..
تعليقات
إرسال تعليق