رواية السر الدامي
البارت العاشر
للكاتب المصري محمد مالك
جميع الحقوق محفوظةسلوي .. انتي مش اطلقتي منه من اكتر من سنه ؟!!
بسمه .. ايوا
سلوي .. طب بيجي الشقة عندك ليه ؟!
بسمه .. بصراحة يا سلوي هموت وارجعله وكل شوية اتحجج بأي حجة عشان يجي عندي واشوفه
سلوي .. وطبعا مدياله نسخة من مفاتيح الشقة ؟؟!!
بسمة .. ايوا
سلوي .. هو يعرف حاجة عن موضوع البنت دي ؟!!
بسمة .. بصراحة جه مره وسألني عنها فقلتله انها تبعك
سلوي .. يا غبيه !! وانا اللي موصياكي محدش يعرف ان البنت عندك
بسمه .. يوه يا سلوي .. غلطت
سلوي .. عنتر طليقك انتهازي وقذر واكيد عرف ان البنت وراها سر كبير فحب يصيد في المية العكره
بسمة .. طب ناويه تعملي ايه
سلوي .. اتصلي بيه واتأكدي ان البنت عنده الاول وانا جايالك علطول .. فعلا غبيه !!
سلوي تغلق الخط والرائد عصمت يسألها ما الامر
عصمت .. في حاجة يا مدام سلوي ؟!!
سلوي .. لا لا .. مفيش حاجة
عصمت .. طيب .. احنا رفعنا البصمات وهنعمل اللازم ان شاء الله وياريت تبقي تركبي باب حديد علي باب الشقة من بره هيبقي امان اكتر
سلوي .. انا ناوية اعمل كدا فعلا .. تعبت حضرتك معايا يا سيادة الرائد
عصمت .. لا انا تحت امرك في اي وقت دا شغلي .. بس اتمني ان حاجة تحصل معاكي حتي لو مش مهمه بالنسبة لك تبلغيني بيها علطول
سلوي .. اوك اتفقنا
واثناء ذهاب سلوي الي بسمه تقابلها في الطريق عمة منير وتدعي جمالات
جمالات .. ازيك يا سلوي .. عاملة ايه ؟!!
سلوي .. الحمد لله كويسة
جمالات .. يعني يا ختي من ساعة ما مات المرحوم لا بنشوفك ولا بنسمع صوتك ؟!!
سلوي .. هو مين اللي يسأل علي مين يا طنط ؟!!
جمالات .. اها .. عندك حق .. ويعني مش باين عليكي حزن ولا حاجة !! هو المرحوم مش فارق معاكي خالص كدا ؟!!
سلوي .. يعني عاوزاني اعمل ايه يا طنط ؟!! امشي اعيط في الشارع واقطع في شعري وهدومي !!
جمالات .. لا يا حبيبتي ودا يصح برضوا !! دا حتي المثل بيقول الحي ابقي من الميت وعلي فين العزم كدا ان شاء الله ؟!!
سلوي .. رايحة عند واحدة صحبتي
جمالات .. اها .. طيب .. سمعنا انك حامل والمحامي بتاعك طلب تأجيل قصية اعلام الوراثة !!
سلوي .. ايوا فعلا
جمالات .. ودا حصل امتي يا حبيبتي ؟!!
سلوي .. تقصدي ايه يا طنط ؟!!
جمالات .. اصل عدم لا مؤاخذه بنتي بقالها ١٠ سنين مع جوزها وعملت اللي ما لا يعمل عشان تحمل ومحصلش !!
سلوي .. والله دي حاجة بتاعة ربنا
جمالات .. ونعم بالله .. بس ربنا عرفوه بالعقل .. ليلة تخلي الواحدة تحمل !!
سلوي .. في ايه يا طنط !! انتي عاوزة تقولي ايه بالظبط ؟!!
جمالات .. عاوزه اقلك يا حبيبتي اننا من حقنا نتأكد ان اللي في بطنك دا ابن منير ولا لا ؟!!
سلوي بغضب شديد .. لولا انك ست كبيره .. انا كنت رديت عليكي بطريقتي
ثم تتركها وتنصرف
جمالات بسخريه .. خشي في عبي يا بت !! ورحمة منير ما هسيبك تعرفي تقرطسينا ابدا .. طول ما فيا نفس .. قال حامل قال .. بنات اخر زمن ...
تابعوني والبارت التالي .. واحداث شيقة وممتعة .. تحياتي ..
تعليقات
إرسال تعليق