رواية السر الدامي
البارت الخامس عشر
للكاتب المصري محمد مالك
جميع الحقوق محفوظةبسمة بخوف وصدمة شديدة .. انت بتقول ايه ؟!! يعني البنت مش موجودة ؟!!
عنتر .. واضح كدا انها اتخطفت !!
بسمة .. اتخطفت !! وبتقولها كدا بكل برود ؟!! اتخطفت منك ازاي .؟! اتكلم
عنتر .. ههههههه .. وقعت قلبك انا .. صح ؟!!
بسمه .. انت كنت بتهرج !! صح ؟؟!
عنتر .. ايوا طبعا كنت بهرج .. ومين دا اللي يقدر ياخد البنت وهي في حضني ؟!! ادخل يا عبيد
بسمه تتنفس الصعداء .. وقعت قلبي منك لله !! مين دا ؟!!
عنتر .. دا عبيد صحبي وحبيبي وستري وغطايا .. وانا كنت شايل عنده البنت
بسمة .. بس انت قلتلي البنت معاك !! واحنا كان اتفاقنا محدش يعرف بموضوع البنت دي خالص !!
عنتر .. البنت عمرها شهرين ومحتاجة ترضع وتغيير لفة كل شويه .. يعني محتاجة واحدة ست من الاخر تراعيها وانا ملقتش بصراحة احسن من مرات صحبي وحبيبي عشان تاخد بالها من البنت وتشوف طلباتها وبعدين بقلك دا ستري وغطايا يعني اطمني وحطي في بطنك بطيخة صيفي .. المهم .. فين الفلوس ؟!!
بسمه .. اهي عندك في الشنطة ع الكرسي اللي هناك
عنتر .. ادخل يا عبيد .. بيتك ومطرحك
بسمه يبدوا انها غير مطمئنه لرؤية عبيد وخاصة ان وجهه يشبه البلطجية وقطاع الطرق
عنتر .. عدتيهم ؟!!
بسمه .. لا طبعا .. هعد ١٠٠ الف جنيه ازاي ؟!
عنتر .. انا اعد ابوهم ؟!!
بسمه .. امال مجبتش معاك المأذون ؟؟!!
عنتر يرتبك .. لا .. ما انا كلمته وجاي علي هنا علطول.. المهم روحي اعمليلنا كوبايتين شاي لحد ما نعد الفلوس ونتأكد انهم مظبوطين .. ما يمكن صحبتك خمانا في المبلغ ولا حاجة !!
بسمة .. حاضر .. انت متأكد انك كلمت المأذون وقالك جاي ؟!!
عنتر .. طبعا يا حبيبتي .. جاي صدقيني
بسمه .. اما نشوف
وتذهب بسمه لعمل الشاي
عبيد .. يا دين النبي !! دي فلوس بجد ؟!!
عنتر .. امال بهزار يا حمار ! عشان تعرف بس ان اخوك لما بيشغل دماغه بيجيب فلوس عكسك تماما !! لما بتشغل دماغك بتودينا في داهيه !!
عبيد .. بس باين ان البنت دي وراها سر كبير اوي !! عشان كدا صحبة طليقتك دفعت الفلوس من غير ما تقول تلت التلاته كام !
عنتر .. مش بقلك حمار !! طبعا البنت دي وراها سر كبير .. انت مشفتش الطلاسم اللي مكتوبه علي دهرها !!
عبيد .. ايوا يا جدع كلام غريب مش مفهوم ؟؟!!
عنتر .. دي شفره يا حمار !! الطلاسم دي عباره عن شفره بتوصل لحاجة معينه !! بس ايه معناها وبتوصل لايه ؟؟!! الله اعلم
عبيد .. بس اكيد صحبتك تعرف معناها كويس !!
عنتر .. قصدك سلوي ؟؟
عبيد .. هو فيه غيرها اللي هتموت وترجع البنت !! بدليل انها دفعت المبلغ اللي احنا عاوزينه بدون تردد .. ولو طلبنا زياده هتدفع برضوا
عنتر .. قصدك ايه ؟!
عبيد .. قصدي ان دي فرصتنا عشان نقب علي وش الدنيا يا صحبي .. احنا نطلب مبلغ كبير وانا متأكد انها هتدفع من غير ما تقول بم دي جوزها وانا سامع انها ورثت ملايين متلتله من وراه!!
عنتر .. عندك حق .. هات البنت ويلا بينا
ثم تأتي بسمه وهي تحمل صينية الشاي فتري عنتر يحمل شنطة الفلوس وتري عبيد يحمل البنت ويتوجهان ناحية باب الشقة
بسمه .. انت واخدين شنطة الفلوس والبنت ورايحين فين ؟؟!
عنتر .. لفة كدا وراجعين .. متقلقيش
بسمه .. استني عندك .. هات البنت والفلوس
عنتر .. اوعي ايدك يا وليه انتي
بسمه .. كنت حاسة انك ناوي تغدر بيا !! طول عمرك ندل وجبان .. وانا غلطانه ان رجعت تاني واديتك الامان .. سيب البنت والفلوس بقلك
عبيد يُخرج مطواه قرن ويطعن بها بسمه وهو يقول
عبيد .. ما قالك اوعي ايدك !! دا انتي ست رزلة اوي !!
عنتر مصدوم .. يخرب بيتك انت عملت ايه ؟!!
عبيد .. كدا احسن .. عشان نرتاح من الوش ونعرف نشتغل بدماغ
عنتر .. طب يلا بينا بسرعة من هنا ....
تابعوني والبارت التالي .. تحياتي
تم
ردحذفتم
ردحذفتم
ردحذف