عشقت زوجة ابي كاملة

رواية السر الدامي 

البارت الرابع

للكاتب المصري محمد مالك

جميع الحقوق محفوظة
وفي الصباح تذهب سلوي الي النيابة لتدلي بأقوالها ثم تعود الي المنزل لتجد كل محتوياتها مبعثرة بطريقة مريبة وكأن احد ما قام بتفتيش الشقة
سلوي .. ايه دا !! مين اللي عمل في الشقة كدا ؟!
فجأة تجد شخص ملثم يأتي من خلفها ويضع مسدسه عند رأسها قائلا..
الرجل .. لو صرختي او عملتي اي حركة هفجر دماغك .. فاهمه ؟؟
سلوي .. انت مين ؟!! وعايز ايه ؟!!
الرجل .. فين البنت والظرف ؟!!
سلوي .. بنت ايه وظرف ايه ؟!! انت بتتكلم عن ايه ؟!!
الرجل .. بتكلم عن البنت والظرف اللي جابهملك منير عشان تخبيهم .. خبيتيهم فين انطقي ؟؟
سلوي .. انا معرفش انت بتتكلم عن أيه ومنير مجابليش حاجة عشان اخبيها
الرجل .. اشتري حياتك وقولي وديتي البنت والظرف فين يا سلوي ؟؟!
سلوي .. بقلك انا معرفش حاجة عن اللي انت بتتكلم عليه دا ؟!! صدقني ارجوك
الرجل .. ماشي .. بس وديني لو اكتشفت انك تعرفي حاجة عن مكان البنت والظرف .. مش هقلك ساعتها هعمل فيكي ايه .. سلام يا حرم المرحوم
ثم ينصرف .. سلوي ترتجف من الخوف تتصل بأمها بالمحمول
سلوي .. الحقيني يا ماما .. رجعت البيت لقيت عاليه واطيه ولقيت واحد كان جوا الشقة ومعاه مسدس .. الحقيني يا ماما بسرعة
وتاتي نبيلة ومصطفي بأقصي سرعة
مصطفي .. قليلي با بنتي .. في حاجة اختفت من الشقة ؟ دهبك وفلوسك موجودين ؟
سلوي .. موجودين يا بابا وتقريبا مفيش حاجة اتسرقت من الشقة خالص
نبيلة .. يبقي اللي كان هنا مش حرامي !! امال قلب كيان الشقة بالشكل دا ليه ؟!!
مصطفي .. تقريبا كان بيدور علي حاجة معينه !! انا مش مرتاح من ساعة موت منير والطريقة اللي مات بيها .. واضح ان في سر كبير  اوي
نبيلة .. احنا نتصل بالبوليس ونعمل محضر
سلوي .. هنعمل محضر بأيه بس يا ماما ؟! مفيش حاجة اتسرقت من الشقة
نبيلة .. بس كان في واحد غريب هنا في الشقة وجاب عاليها واطيها  وانتي بتقولي كان معاه مسدس .. يعني كان ممكن يئذيكي لا قدر الله
سلوي .. الحمد لله جت سليمه
مصطفي .. انتي شفتي شكله ؟!!
سلوي .. لا يا بابا .. كان ملثم مش باين من وشه غير عنيه بس!!
مصطفي .. يعني حتي لو بلغنا مش هيعرفه يوصلوله
سلوي .. يابابا لا نبلغ ولا حاجة .. جت سليمه الحمد لله
نبيلة .. خلاص يبقي تقفلي شقتك هنا وتيجي تقعدي في بيت ابوكي .. اه .. متقعديش هنا لوحدك تاني .. محدش ضامن الظروف يا بنتي وشكل اللي كان هنا دا بيدور علي حاجة تخصة ومش هيسكت الا لما يلاقيها
مصطفي .. امك عندها حق يا سلوي .. معانا هتبقي في امان اكتر
سلوي .. طب وشقتي با بابا هقفلها كدا .. بصراحة انا لما بحس ان منير ريحته في كل مكان في الشقة برتاح وبهدي
مصطفي .. معلش يا بنتي .. حياتك مهمه عندنا وطول ما انتي هنا مش هتبقي في امان ابدا .. واديكي شفتي اللي حصل والراجل دا ممكن تلاقيه فوق دماغك هنا في اي لحظة ومش كل مره تسلم الجره.. روحي يا بنتي لمي هدومك وارجعي معانا
سلوي بحزن عميق لتركها المنزل .. حاضر يا بابا
وتعود سلوي الي منزل ابيها ثم تتصل علي احدي صديقاتها وتدعي بسمة قد تركت عندها البنت التي اعطاها اياها منير
سلوي .. ايوا يا بسمه
بسمه .. ازيك يا سلوي اخبارك ايه ؟!!
سلوي .. الحمد لله .. قليلي البنت عاملة ايه ؟!!
بسمه .. البنت زي الفل متقلقيش
سلوي .. خلي بالك منها يا بسمه واوعي حد يعرف انها عندك والمصاريف اللي هتصرفيها عليها انا هدفعهالك وبزيادة كمان
بسمه .. يابنتي انتي تؤمري من غير حاجة .. بس عاوزه اعرف البنت دي حكايتها ايه ؟!!
سلوي .. مش لما اعرف انا الاول ابقي اعرفك!!
بسمه .. واضح ان البنت دي وراها حكاية كبيرة اوي !!
سلوي .. اكيد .. بس يا تري ايه هي حكايتها ؟!!.. يلا هبقي اكلمك تاني بس متنسيش زي ما وصيتك
بسمه .. من عنيا يا قمر .. اطمني خالص
سلوي . . طول ما هي معاكي انا مطمنه فعلا.. يلا سلام
بسمه .. سلام يا حبيبتي ..
الاحداث بدأت تأخذ شكل آخر والقصة في قمة الغموض والاثارة والمتعة .. تابعوني والبارت التالي.. تحياتي ملك الروايات الكاتب والسيناريست المصري محمد مالك..