رواية سفاح الكوابيس
البارت الحادي عشر
للكاتب المصري محمد مالك
جميع الحقوق محفوظةوتمْثل سهير المغربي امام وكيل النيابة للتحقيق معها في البلاغ المقدم من المحامي المعروف واستاذ القانون امين الشحات
الوكيل .. مدام سهير استاذ امين الشحات بيتهم حضرتك انك السبب فيما تعرضت له ابنته قبل وبعد خروجها من المستشفي
سهير .. مش فاهمه ؟!!
الوكيل .. يعني حضرتك السبب في اللي حصل لبنته جوا المستشفي وبعد ما خرجت منها
سهير .. السبب ازاي يعني ؟! وهو ايه اللي حصل لبنته .. انا معرفش ؟!!
الوكيل .. متعرفيش ان بنته تعرضت لغيبوبة مفاجئة دخلت بعدها المستشفي وقعدت هناك حوالي اربعة ايام ؟!!
سهير .. لا .. للأسف .. معرفش حاجة زي دي
الوكيل .. انتي متأكدة ؟!!
سهير .. ايوا متأكدة طبعا
الوكيل .. طب استاذ امين بيقول في المحضر انك اتصلتي عليه وهو في المستشفي وقلتيله ان لو عاوز بنته تفوق وترجع لوعيها تاتي يقبل يدافع عن ابنك طارق المتهم بحيازة مخدرات
سهير .. محصلش طبعا ..
الوكيل .. طب هو ليه بيدّعي هذا الادعاء ؟!!
سهير .. اسألوه ليه بيقول كدا !!
الوكيل .. يعني حضرتك ماتصلتيش بيه ولا قلتيلة الكلام دا ؟!!
سهير .. انا لا اتصلت بيه ولا عمري افكر اتصل بيه ابدا
الوكيل .. ليه ؟!!
سهير .. انا طلبت منه يدافع عن ابني طارق فعلا بأعتباره محامي كبير لكنه رفض بشدة .. ومن ساعتها وانا واخدة منه موقف
الوكيل .. طب مش الموقف اللي انتي واخداه منه دا مش جايز يكون دافع للأنتقام منه ؟!!
سهير .. وهنتقم منه ازاي يعني ؟!!
الوكيل .. يعني هو بيقول ان بنته تعرضت لأغتصاب وان المجرم اللي عمل كدا ساب معاها منديل عليه دليل العذرية وكاتب كمان عبارة بالهنا والشفا
سهير .. اولا مش معني اني واخدة منه موقف يبقي لازم انتقم منه !! لأن اصلا مفيش مبرر للأنتقام .. هو حر وحقه يقبل القضية او يرفضها .. وموقفي اللي اخدته منه دا من باب العشم مش اكتر لأن استاذ امين يعتبر محامي العيلة وياما قضايا خاصة بينا وبالجروب بتاعي كان هو المحامي فيها .. وبعدين لو فعلا بنته تعرضت لحادث بشع زي دا المفروض تبقي عارفة مين اللي عمل فيها كدا ؟!!
الوكيل .. للأسف بنته مش فاكره ايه اللي حصل معاها
سهير .. صدقني انا مصدومة جدا وانا بسمع الكلام دا !! ومصدومة اكتر لما عرفت ان استاذ امين متهمني باتهام بشع زي دا !!
الوكيل .. طب حضرتك تعرفي واحدة اسمها الدكتوره علياء المهدي ؟!!
سهير .. ايوا دي ئيس مجلس ادارة مستشفي الافراح التخصصي .. بس انا علاقتي بيها في الحدود مش اكتر بأعتبارها طبيبة وصاحبة مستشفي تخصصي كبير وبأعتباري انا واسرتي زباين عندها لأن دايما بنحب نعمل تشيك اب من حين لأخر .. هو ليه حضرتك السؤال دا ؟!!
الوكيل .. عشان استاذ امين متهمها معاكي بنفس الاتهام وان اللي حصل لبنته باتفاق مشترك بينكم
سهير .. لا !! دا انا في قمة الصدمة بجد !! ازاي امين يقول كدا ؟! هو مش عارف انا مين وعلياء مين ؟!! دا اكيد اتجنن .. انا اسفة في الكلمة حضرتك
الوكيل .. تمام .. وقعي حضرتك علي اقوالك
سهير .. عنيا حاضر
وتوقع سهير علي اقوالها وبعد خروجها من مكتب الوكيل تطلب شوكت مدير اعمالها بالمحمول
سهير .. الو .. ايوا خلصت زفت تحقيق .. انت مال امك دلوقتي يا شوكت قلت ايه او ما قلتش ايه ؟!! شفتيلي حل في المصيبة اللي عملها الولد طارق ؟!! تمام .. استناني في الشركة انا جاية علطول .. الله يحرقك انت وهو في يوم واحد ..
الاحداث بدأت تشتعل .. تابعوني والبارت التالي ..تحياتي .
رووووعة ...كمل كمان جزء لو سمحت
ردحذفتم
ردحذفتم
ردحذف