رواية سفاح الكوابيس
البارت الثاني عشر
للكاتب المصري محمد مالك
جميع الحقوق محفوظةوتتصل سهير ب علياء لتسألها ماذا قالت امام وكيل النيابة
سهير .. ايوا يا علياء .. عملتي ايه ؟!!
علياء .. عملت اللي اتفقنا عليه .. قلت ان ادعاء امين بدون اساس وان جميع الفحوصات والتحاليل بتؤكد ان ولاء سليمة مليون المية
سهير .. سألك اذا كنتي تعرفيني او لا ؟
علياء .. ايوا سألني وقلتله معرفة سطحية
سهير .. تمام
علياء .. وانتي عملتي ايه ؟!!
سهير .. زي ما عملتي بالظبط انكرت اني اتصلت بيه وان بيدعي عليا بالباطل وان مفيش اي دليل يؤكد صحة كلامه .. بس اللي محيرني مين اللي دفع الفلوس للبنت عشان تخرج من المستشفي ؟!!
علياء .. سألتيني وقلتلك معرفش دا انا حتي فكرت ان انتي اللي دفعتي الفلوس !!
سهير .. لا مش انا .. كنت هقلك قبلها اكيد .. طب وازاي فاقت من الغيبوبة ؟!!
علياء .. شئ محير بجد زي ما الغيبوبة اللي دخلت فيها كانت شئ محير برضوا
سهير .. ياريتني ما كنت طاوعت الزفت اللي اسمه شوكت واتصلت علي ابوها وقلتله ان علاج بنته عندي .. اهو فكر اني انا ورا كل اللي حصل لبنته !! وادي كمان مصيبة جابهالي طارق افندي
علياء .. ماله عمل ايه تاني ؟!!
سهير .. خطف بنت المستشار رئيس المحكمة اللي هيتحاكم قصادها عشان يضغط عليه ويخرجة براءة
علياء .. يخرب بيته ازاي يعمل كدا ؟!!
سهير .. ما هو عاوز يخربها بالمره !!
علياء .. طب والبنت فين دلوقتي ؟!!
سهير .. حابسها في مخزن من المخازن
علياء .. طب خرجيها بسرعة
سهير .. لو خرجتها هتروح تقول لأبوها علي اللي حصل
علياء .. امال ناوية تعملي معاها ايه ؟!!
سهير .. والله ما انا عرفة !! انا خلاص حاسة ان عقلي هيشت
علياء .. الله يعينك بس حلي مشكلة البنت دي بسرعة .. عشان متتورطيش في مصيبة تاني .. انتي مش ناقصة
سهير .. ربنا يستر
علياء .. خلينا دايما علي تواصل
سهير .. اكيد لحد ما تعدي الازمة دي
علياء .. يلا سلام .. وابقي طمنيني عملتي ايه في موضوع البنت دي
سهير .. اوك .. سلام
ثم يأتي شوكت ومعه طارق
سهير .. عرفت باللي عمله الباشا
شوكت .. حكالي وانا جاي في السكة
سهير .. اها .. والعمل ؟!!
شوكت .. البنت دي لازم تروح بيتها فورا
سهير .. تروح بيتها ازاي يا فالح وهي عرفت مين اللي خطفها وحجزها فين كمان
شوكت .. احنا ممكن نهددها ونخليها متحكيش لأهلها علي حاجة والا هنئذيها
سهير .. وايه اللي يضمن انها ماتنطقش بكلمه وتودينا كلنا في داهية ؟!!
شوكت .. جايز برضوا
طارق .. البنت دي مش هتروح بيتها ابدا غير بعد ما ابوها يحكملي بالبرآة
سهير .. انت تخرص خالص .. مش عاوزة اسمع نفسك .. برآة ايه اللي يحكملك بيها وانت ممسوك متلبس بمخدرات يا حمار
طارق .. لما يعرف ان بنته في خطر هيحكم بالبرآة علطول
سهير .. وانت عايز جنابك تتصل عليه وتقوله انا طارق فرويز اللي محاكمتي قدامك كمان اسبوع .. انا خطفت بنتك وان محكمتش بالبرآة انا هعمل فيها واسوي ؟!!
طارق .. لا مش هكلمه انا طبعا
سهير .. سواء انت او غيرك هيعرف اننا ورا خطف بنته عشان نضغط عليه ويحكم لصالحك وساعتها بقي بدال ما هيديك مؤبد هيصطك اعدام علطول
طارق .. وماله وانا اقتله بنته
سهير .. بقلك اخرص خالص متتكلمش .. بص يا شوكت انا هروح بنفسي للبنت هستسمحها وابوس رجليها ان حكمت عشان متحكيش لأبوها حاجة ونسيبها تروح لحال سبيلها
شوكت .. يلا بينا يا ست الكل
طارق .. قلتلك البنت دي مش هتنفع تمشي
سهير .. وانا قلتلك اخرص خالص مش عاوزاك تتكلم نهائي
طارق .. ما اهو اصل البنت لازم هتحكي لأبوها علي اللي حصل
سهير .. انا قلت هستسمحها وابوس ايديها ورجليها عشان بس تكون مبسوط وانت بتذل امك عشان تداري علي مصايبك
طارق .. ما هو اصل اللي اتعمل معاها مش هينفع تسامح فيه
سهير .. ليه ؟!! انت عملت معاها ايه تاني انطق؟!!
طارق .. بصراحة البنت حليت في عيني وانا مكنتش في وعيي
سهير .. يعني ايه ؟! مش فاهمه ؟!!
طارق .. انا اغتصبت البنت
سهير .. ايه ؟؟!!
الاحداث اشتعلت تابعوني والبارت التالي .. تحياتي .
واااااااو....
ردحذفلا الاحداث بقت جامده
ردحذفتم ...حلوة اوي كمل لو سمحت
ردحذف