عشقت زوجة ابي كاملة

رواية سفاح الكوابيس 

البارت الثامن عشر

للكاتب المصري محمد مالك

جميع الحقوق محفوظة
امين .. يعني دفعت الحساب ومشيت ؟!!
موظف الاستعلامات .. كلامي واضح جدا حضرتك !! دفعت الحساب بتاع المستشفي ومشيت
امين .. ومشيت راحت فين ؟!! وازاي تسيبوها تمشي لوحدها اصلا من غير ما تبلغوني ؟!!
موظف الاستعلامات .. انا قلت لحضرتك هي مشيت هي و الاستاذ اشرف وهو قال انا كلمت استاذ امين وطلب مني اني ادفع الحساب وامشي
امين .. اشرف قال كدا ؟!!
الموظف .. ايوا
امين .. انا مطلبتش يعمل حاجة زي اصلا ؟!!
امين يحاول الاتصال بالمحمول علي اشرف فيفاجأ بأن التليفون مغلق
امين مندهش .. تليفونه مقفول !!
خديجة .. امال اخد بنتي وراح فين ؟!!
امين لموظف الاستعلامات..  انا هوديكم في ستين داهية
ونذهب الي سهير التي اصبحت في حالة من القلق الشديد والخوف الدائم من المجهول وهي الآن تتصفح بعض الجرائد والمجلات لتفاجأ بخبر صادم وهو خبر اختفاء ابنة المستشار عبد الحكيم درويش وانه يعلن عن جائزة مالية كبيرة لمن يرشد عن مكانها .. سهير تتصل ب شوكت
سهير .. ايوا يا شوكت .. شوفت الجرايد قايلة ايه انهاردة ؟!!
شوكت .. مبحبش اقراها يا ست الكل بتعصبني وبتخليني في حالة احباط
سهير .. طب بص فيها بقي عشان تحبط زيي
شوكت .. ليه فيها ايه ؟!!
سهير .. الجرايد كلها ملهاش سيرة غير اختفاء بنت المستشار عبد الحكيم وعامل جايزة نص مليون جنية للي يلاقيها !!
شوكت .. وماله .. شئ وارد .. ولا يهمك
سهير .. ولا بهمني ازاي ؟!! دي الدنيا مقلوبة ووزير العدل والنائب العام مهتمين بنفسهم بالموضوع دا
شوكت .. عادي يا ست الكل .. دا راجل من رجال القضاء ولازم الناس دي تتعاطف معاه يعني
سهير .. انت متأكد انك خفيت جثة البنت دي نهائي ؟!!
شوكت .. اها .. ولا الدبان الازرق يعرف طريقها
سهير .. انت مقولتليش .. انت وديت جثتها فين ؟!!
شوكت .. في امن مكان في العالم .. مدافن المرحوم فرويز بي ابو الحمد
سهير .. فرويز بي مين ؟! فرويز جوزي ؟!!
شوكت .. اها
سهير .. الله يحرقك ع الصبح .. بقلك اخفي جثة البنت تقوم تدفنها في جبانتي ؟!!
شوكت .. متقلقيش يا ست الكل .. دا أأمن مكان صدقيني وبعدين تهدي الامور شوية وهخرجها من عندك
سهير .. تخرج ايه بس وتنيل ايه .. انت اواي تعمل حاجة زي دي من غير ما ترجعلي ؟!!
شوكت .. ما اهو اصل ....
سهير تقاطعة .. اصل مين وفصل مين .. اقفل يا شوكت بدال ما افش غلبي فيك دلوقتي
ثم تغلق الخط وتحادث نفسها قائلة
سهير .. لا .. مش ممكن اللي بيحصل دا !! دول هيموتوني ناقصة عمر !!
ونذهب الي امين الذي الي النيابة مره اخري ليخبرهم ما حدث معه في المانيا ...
تابعوني والبارت التالي .. تحياتي ..