رواية ذئب في الكواليس
للكاتب المصري محمد مالك
من البارت الحادي والعشرون وحتي الثلاثون
[٢/١٠ ٤:٢٢ م] محمد مالك: رواية ذئب في الكواليسالبارت الحادي والعشرون
للكاتب المصري محمد مالك
جميع الحقوق محفوظة
فريد مرتبك .. وانتي مال اهلك اروح لدكتور تناسلية ولا حتي دكتور بيطري ؟!!
هند .. ثواني كدا .. انتي عرفتي منين ان مفتاح الشقة في جيب فريد ؟! وعرفتي ازاي انه كان امبارح عند دكتور تناسلية ؟!!
فريد .. دي كدابه .. انا مفيش مفاتيح في جيبي من أصلة .. دي عايزه تعمل شبوره عشان تداري علي فضحيتها قدامك .. اه يا بنت اللذين يا ياسمين لعبتيها صح !! .. وهي جت عليكي يعني !! ما انتي زيك زي اخواتك التلاته .. كلكوا شمال عدم لا مؤاخذه
هند .. انتي مبترديش ليه ؟!! جاوبي .. ولا انتي فعلا زي ما بيقول انك كلمتيه وخلتيه يجي علي هنا عشان ......انطقي يا ياياسمين !!
ياسمين يصيبها الذهول المفاجئ تركز بالنظر الي اللوحة المعلقة علي الحائط والمرسوم بها اربعة قطط داخل ثبت حيث تلاحظ ان اللوحة سوف تسقط علي الارض
ياسمين .. البرواز هيقع علي الارض !!
وبالفعل يسقط البرواز علي الارض وفجأة نجد هند تقوم بإيقاظ ياسمين قائلة
هند .. ياسمين .. قومي .. ياسمين !!
ياسمين تنهض مرتبكة .. ايه !! ايه اللي حصل ؟! هو فين ؟!
هند .. مين ؟!
ياسمين .. فريد .. راح فين ؟!!
هند .. فريد مين ؟!! وايه اللي هيجيب فريد هنا ؟!!
ياسمين تنظر ل نفسها فتجد انها ترتدي قميص نوم احمر شفاف فتتعجب قائلة
ياسمين .. انا ايه اللي لبسني القميص ده ؟!! انا معنديش اصلا قمصان زي دي !!
هند .. غريبة فعلا !! انتي جبتي القميص دا منين ؟!! هو ايه اللي حصل وانا بره .. وعلي فكرة باب الشقة كان مفتوح !! مع اني قفلاه وانا ماشية !!
ياسمين تتعجب ..ايه !! ثم تنهض بسرعة من علي فراشها وهي تقول .. البرواز !!
فتخرج الي الصالة فتجد البرواز ما زال معلقا علي الحائط فتتعجب اكثر واكثر
ياسمين .. غريبه !! البرواز لسة موجود ع الحيطه ؟!!
هند تلاحظ شئ صادم علي ياسمين يجعلها تنتفض وتبكي بشدة
هند .. لااا .. ياسمين بصي شوفي
ياسمين تنظر الي حيث تشير هند فتصاب بالصدمة وتسقط علي الارض مغشيا عليها
ونعود الي فريد الذي يسير حائرا بسيارته في الشارع فيتوقف فجأة وهو يقول لنفسه
فريد .. مش معقول اللي بيحصل دا ؟!! انا مس قادر اصدق والله !! بقي ياسمين تتصل بيا وتجبني عندها الشقة عشان ..... !! بس بصراحة البت طلعت صاروخ جو ارض .. يلا اهو وفرت عليا مشوار الجواز ... اه يا بنت الايه !! هههههههه
ثم ينطلق بسيارته...
الروايه ازدادت تعقيدا واللي جاي اقوي .. تابعوني .. ملك الروايات الكاتب المصري محمد مالك.
[٢/١٠ ٤:٢٢ م] محمد مالك: رواية ذئب في الكواليس
البارت الثاني والعشرون
للكاتب المصري محمد مالك
جميع الحقوق محفوظة
هند تقوم بإفاقة ياسمين
هند .. ياسمين .. قومي يا ياسمين .. ياربي ايه اللي بيحصلنا ده ؟!! فوقي يا ياسمين عشان خاطري
ياسمين تستعيد وعيها .. انا ايه اللي حصلي ؟!! قولي يا هند ابوس انا محصليش حاجة .. صح ؟!! انا لسة عذراء صح ؟!! قولي ساكته ليه ؟!!
هند تبكي حزنا واسفا .. للأسف يا ياسمين انتي بقيتي زينا ؟!!
ياسمين .. فريد اللي عمل كدا ؟!! ايوا هو الكلب دا اللي عمل كدا ؟!! هو قالي قدامك اننا لازم نتجوز والا هيحصلي زيكم بالظبط !! انا لقيت الخاتم بتاعه هنا تحت الكنبه وكان عليه دم !! فريد هو اللي ببغتصبنا يا هند.. صدقيني. هو كان موجود هنا قبل ما تيجي واغتصبني !! لكن اغتصبني ازاي ؟! انا مش فاهمه ؟!! انا حاسة وكأني كنت بحلم !!
هند.. فريد ايه بس اللي اغتصبنا يا ياسمين ؟! هو ازاي هيعمل وليه اصلا ؟!! دا احنا نعيبه .. انتي نسيتي انه ابن عمنا ؟!!
ياسمين .. بقلك فريد اللي عمل كدا .. صدقيني
هند .. صدقيني انتي .. البيت دا فيه سحر اسود .. الشيخ قالي كدا .. والسحر هو اللي بيعمل فينا كدا
ياسمين .. بقلك فريد اللي عمل فينا كدا .. صدقي بقي !!
هند .. فريد عمل كدا ازاي وهو اصلا مش في مصر من امبارح ؟!!
ياسمين .. ايه !! مش في مصر ؟!!
هند .. ايوا فريد في ايطاليا دلوقتي .. كلمني من شوية يطمن علينا وظهرلي كود البلد اللي هو فيها
ياسمين . انا مبقتش فاهمه حاجة خالص !! اسمعي يا هند انا قررت انتحر زي مني ورباب
هند .. غريبة !! انا كمان قررت انتحر .. مش قادره استحمل نظرات الناس ليا .. نظراتهم سكاكين بتقطع في جسمي
ياسمين .. خلاص .. يبقي تعالي ننتحر سوا
ونعود الي فريد الذي يلهو يلعب مع احدي صديقاته الايطاليين في احدي المنتهزات..
فريد .. يخرب بيتك هديتي حيلي !! يلا باي
السيدة الايطالية تتحدث عربي مكسر .. اشوفك بكرا دودي حبيبي
فريد .. وكمان بكرا !! يخرب بيتك .. هو انتي ماصدقتي ؟!! .. ايه يا بت معندكمش رحاله هنا ولا ايه ؟!! يلا باي يا جميل ..لما اكلم البت هند اطمن عليها هي واختها ..الو .. اه يا هند اخباركم ايه ؟!!
ويسمع صوت رجل يرد علي تليفون هند ويتعجب الصوت يشبه صوته تماما ونفس الاسلوب في الحديث
فريد يتعجب .. انت مين يا اخ ؟!!
الرجل .. انا فريد .. انت اللي مين ؟!!
فريد .. فريد مين ياض ؟!!
الرجل .. فريد ابن عم هند وياسمين
فريد .. ابن عم هند وياسمين !! امال انا ابقي مين . انت ....
الرجل يغلق الخط قبل ان يتم فريد جملته !!
يخرب بيتك !! قفل الخط الجبان .. فريد !! وفجأة يصل اشعار فيديو علي الواتساب فيفتحه ليصدم قائلا ..
فريد .. هند وياسمين !! ودا انا.. ايوا انا !! ازاي ؟!! ايه اللي هتعملوه ده ؟؟! يا ولاد المجانين !!
الاحداث اشتعلت تابعوني والبارت التالي .. تحياتي الكاتب المصري محمد مالك.
[٤/١٠ ٦:٢٨ م] محمد مالك: رواية ذئب في الكواليس
البارت الثالث والعشرون
للكاتب المصري محمد مالك
جميع الحقوق محفوظة
ويعود فريد بسرعة الي القاهره وعندما يتوجه الي شقة عمه يجد الباب مفتوح فيدفع البلب ويدخل بحذر شديد
فريد .. يا جماعة ياللي هنا !! ياسمين .. هند .. انتوا فين ؟؟!!
لا احد يجيب فيبحث عنهم في كل مكان داخل الشقة في المطبخ .. في الصالون ..في البالكون.. حتي اذا ما وصل الي غرفة النوم الخاصة بهم وفتح الباب وجد الفتاتين عاريتين تماما ومقتولتين كل واحده منهما يوجد سكين مرشوق بقلبها والدماء منتشره في مكان والغرفه مبعثره تماما وكأن مشاجرة حدثت بداخلها .. فريد يصاب بالصدمه يعرق بغزاره والخوف يتسلل الي قلبه
فريد معلقا علي المشهد .. يا ساتر !! ايه دا ؟!! ازاي دا حصل ؟!!
يرجع الي الخلف محاولا الخروج من الغرفة واثناء خروجه الي الصالة يسقط البرواز المعلق علي الحائط والذي بداخله صورة الاربعة قطط وفجأة تشتعل به النيران فيحترق .. فريد يزداد خوفه يحاول الهروب الي الخارج ولكن يغلق باب الشقة بمجرد وصوله اليه .. فريد يحاول ان يفتح باب الشقة ولكن لا يستطيع
فريد متعجبا .. هو في ايه ؟!! طب انا اعمل ايه دلوقتي ؟! الباب مش عاوز يفتح ليه ؟!! وفجأة يسمع فريد صوت فتيات يضحكن بصوت عال وهم يرددن اسم فريد بدلع وفريد يتعجب
فريد .. مين ؟!! انتوا مين ؟!!
الفتيات .. فريد .. فوفو .. حبيبي .. بحبك يا فريد
وفجأة يشعر فريد وكأن احداهما قبلته في خده الايمن فليتفت فلا يري شئ !! وقبله اخري في خده الايسر فليتفت ايضا فلا يري شئ !!
فريد .. هو ايه الحكايه ؟!! يارب انا هموت من الخوف !! .. اعوذ بالله من الشيطان الرجيم ..
ثم يحاول ان يهدأ من نفسه ويتنفس ببطء كي يهدأ ولكن فجأة يطرق باب الشقة بطريقة مزعجة
فريد .. مين ؟!!
الطارق .. افتح بوليس ..
فريد .. بوليس !!
ويفتح فريد الباب فيتعجب عندما يجده قد فتح بكل سهوله !!
ماذا حدث ؟؟؟؟؟؟؟؟؟؟.؟
تابعوني بعد التفاعل والمشاركة .. تحياتي ملك الروايات .. الكاتب المصري محمد مالك.
[٤/١٠ ٦:٢٩ م] محمد مالك: رواية ذئب في الكواليس
البارت الرابع والعشرون
للكاتب المصري محمد مالك
جميع الحقوق محفوظة
فريد .. بوليس !!
ويفتح فريد الباب وهو يتصبب عرقا وقد سيطر الخوف علي جميع مفاصل جسدة واعصابه فجعله يرتعش ويفاجأ بالحج فتحي كبير الحته ومعه بعض اهالي الحته وقوة من البوليس
فتحي .. اهو السفاح يا باشا .. اقبضوا عليه
فريد .. سفاح !! سفاح مين يا عم !! انا فريد !!
فتحي.. طب ما انا عارف انك فريد السفاح اللي اغتصب بنات عمه بالاكراه وبعد كدا قتلهم ؟!! اغص!! وفرحان وانت بتعمل كدا وعمال تصور لايف ؟!! اغص عليك حقير وواطي
ثم يأتي امين الشرطة بعد ان دخل الي غرفة ياسمين وهند ووجدهما مقتولاتان ويقول للضابط
الامين .. تمام يا فندم في جثتين لبنتين في الاوضة جوة ومقتولين بسكين زي ما ظهر في الفيديو تمام
فريد .. فيديو !! فيديو ايه ؟!!
الضابط .. الفيديو اللي انت صورته لايف وان بتغتصب بنات عمك وبعد كدا قتلتهم !! دا مصر كلها اتفرجت عليه يا راجل ؟!! دا في نص ساعة بس بقي تريند !!
فريد .. فيديو ايه اللي انا صورته !! وبنات عمي ايه اللي انا اغتصبتهم وبعد كدا قتلتهم ؟!! لا سيادتك انت فاهم غلط !! انا لسة واصل من ايطاليا من ساعتين بس
الضابط .. طيب يبقي انا مش فاهم غلط ولا حاجة .. ما الفيديو بتاعك متشير مالوش نص ساعة
فريد .. فيديو ايه !! انا مقتلتش حد .. انا جيت لقيتهم كدا اقسم بالله .. صدقني يا باشا
الضابط للآمين .. اطلب النيابه يابني عشان تيجي تعاين الجثث .. وانت ( يقصد فريد ) تعالي معانا .. هاتوه ..
ويتم القبض علي فريد ويتم التحقيق معه داخل مديرية الامن قبل عرضه علي النيابه العامة ويقوم بالتحقيق الرائد يس ابو العنين
يس .. تعالي يا فريد اقعد متخفش .. هات لمون يا عماد ( ويقصد العسكري )
عماد .. تمام يا فندم
فريد مرتبك وخائف
يس .. اقعد يا بني متخفش .. تاخد سيجاره؟
فريد .. شكرا
يس .. ليه .. خد بس عفر السيجاره دي .. ولا انت مكنتش سيجاره حشيش متشربهاش ؟!!
فريد يندهش لسماع تلك الجملة فكيف عرف الضابط انه يشرب مخدر الحشيش!!
يس .. طبعا انت مستغرب دلوقتي انا ازاي عرفت انك بتشرب حشيش ؟؟ لا مستغربش .. وانت جايلي في الطريق جمعت عنك شوية معلومات حلوين .. بجد طلعت خلبوص كبير .. ومش خلبوص وبس .. لااااا .. دا انت طلعت كمان ديب كبير اوي
فريد .. ديب ايه يا باشا عدم لا مؤاخذه ؟!! دا انا طول عمري في حالي كافي خيري شري
يس .. واللي كافي خيره شره يغتصب بنات عمه ويقتلهم وكمان يصور جريمته لايف وينشرها علي الفيس واليوتيوب !!
فريد .. يا باشا محصلش .. انا راجع من ايطاليا ماليش ٣ساعات !! ولما رحت بيت عمي لقيت الباب مفتوح ففكرت اني بنات عمي ناسيين الباب مفتوح فدخلت الشقة وقعدت ادور عليهم لحد ما لقيتهم بالمنظر البشع ده .. لكن معرفش مين اللي عمل فيهم كدا .. صدقني يا باشا انا بقول الحقيقة وحيات ربنا
يس يتنهد ويبدوا انه غاضب من فريد .. قالوا للحرامي احلف !! طيب .. الفيديو دا بتاعك ولا لا ؟!!
الضابط يقوم بتشغيل فيديو جريمة اعتداء فريد علي ياسمين وهند واحبارهم علي خلع ملابسهم بالكامل واغتصابهم تحت التهديد وقتلهم بعد ذلك ويظهر بالفيديو صوت صراخ هند وياسمين وتوسلهم ل فريد وصوت فريد وهو يسبهم بألفاظ خارجه .
فريد يرتبك .. مش معقول !! دا انا ؟!! ازاي ؟!! لا لا دا دا .. دا واحد شبهي هو اللي عمل كدا يا اما الفيديو دا متفبرك .. انا متأكد ان الفيديو دا متفبرك .. مش معقول انا لا يمكن اعمل كدا .. صدقني يا باشا .. اقسم بالله انا ماليش علاقة بالفيديو دا خالص ..
يس .. هنشوف .. اهدي .. اهدي
باقي من الرواية ٦ اجزاء .. تابعوني ..
#محمد_مالك
[٤/١٠ ٦:٣١ م] محمد مالك: رواية ذئب في الكواليس
للكاتب المصري محمد مالك
البارت الخامس والعشرون
جميع الحقوق محفوظة
وما زال التحقيق مستمرا مع فريد
يدخل النقيب عماد ومعه تقرير المعمل الجنائي ليعرضه علي الرائد يس
عماد .. صباح الفل يا باشا
يس .. صباح الفل يا عماد .. وصل ؟
عماد .. اها
يس .. وريني كدا
ثم يقرأ التقرير ويضحك بصوت عال مما اثار دهشة فريد
فريد .. بتضحك ليه سيادتك !! هي الورقة دي فيها ايه عدم لا مؤاخذة ؟!!
يس .. فيها اللي هيلف حبل المشنقة حوالين رقبتك يا فريد
فريد .. ايه ؟!! يعني ايه ؟!!
يس .. دا تقرير المعمل الجنائي وبيقول يا سيدي ان البصمات اللي علي السكنتين المستخدمين في الجريمة هي بصماتك
فريد .. بصماتي !!! ازاي ؟؟!!! انا مقتلتش حد صدقني يا باشا .. اقسم بالله ما قتلتهم ولا جيت ناحيتهم
يس .. اهدي بس !! عشان اكمل الباقي .. وبيقول ان جهاز المحمول قام بالفعل بتسجيل فيديو بث مباشر لجريمة الاغتصاب والقتل في نفس توقيت البث وان الفيديو ما زال موجود علي جهاز المحمول بتاعك اللي كان موجود بحوزتك وقت القبض عليك
فريد .. ايه الهطل دا ؟؟!
يس بغضب .. احترم نفسك يابني آدم انت !!
فريد .. انا اسف يا باشا .. بس انا حاسس انكم عاوزين تلبسوني مصيبة والسلام !! فيديو ايه اللي انا صورته بموبيلي ؟!! دا انا وانا في ايطاليا كلمت البت هند علي المحمول بتاعها رد عليا واحد وقالي انا فريد .. قلتله فريد مين ؟!! قالي انا فريد ابن عم هند وياسمين !! انا استغربت .. مين دا ؟!! وصوته زي صوتي بالظبط وبعدين لقيته قفل السكه وبعدها علطول جالي ع الواتساب فيديو فيه عدم لا مؤاخذه واحد شبهي وكان قاعد في الصالة وفجأة وشه كبر في الكاميرا وقعد يضحك وبعد كدا لقيت الكاميرا راحت ناحية هند وياسمين وكانت كل واحدة فيهم ماسكة سكينه .. انا اترعبت وقلت اكيد هينتحروا زي رباب ومني فقطعت رحلتي ونزلت جري علي مصر ..وياريتني ما نزلت
يس .. اها !! وياتري الروايه دي اتفرجت عليها في فيلم هندي ولا تركي ؟!! اصل دي لا يمكن تكون رواية مصرية ؟!!
فريد .. تركي ايه وهندي ايه سعتك ؟! انا بقول اللي حصل والواتساب موجود وهتلاقي الفيديو موجود فيه
يس .. مفيش اي فيديوهات عندك ع الواتساب ؟!
فريد .. ازاي ؟!! يبقي انتوا مسحتوهم !!
يس .. ولا .. بطل الحركات دي لأحسن وديني اعلقك .. هات من الاخر واعترف بالحقيقة
فريد .. اعترف بإيه سيادتك ؟!!
يس .. اعترف وقول انك اغتصبت بنات عمك وقتلتهم
فريد .. انا ما اغتصبتش حد ومقتلتش حد انا بس ...
يس .. ايوا .. بس ايه ؟!!
فريد .. مفيش غير مره واحدة بس اتصلت بيا ياسمين ورحت عندها الشقة وعملنا علاقة مع بعض
يس .. تقصد علاقة جنسية
فريد .. ايوا .. هي اللي طلبت مني كدا وساعتها انا استغربت .. بس بعد ما قعدت مع نفسي قلت يعني هي جت عليها ما اخواتها كلهم طلعوا عدم لا مؤاخذه
يس .. عدم لامؤاخذه ايه ؟!!
فريد .. شمال يا باشا .. والحته كلها عرفة حكايتهم وابوهم نفسه عم فاروق دخل السجن عشان قتل اختهم الكبيره بعد ما رجعتلوا تاني يوم فرحها بزفه بعد ما اكتشف جوزها انها عدم لا مؤاخذة مش عذراء وكمان حامل في ٣ شهور
يس .. طيب ودا دافع قوي يخليك تقتلهم عشان تنتقم لشرفك زي عمك ما هو دول برضوا بنات عمك ويعيبوك
فريد .. ايوا اقتلهم مش اغتصبهم يا باشا ؟!!
يس .. يا فريد ما انت قلت حالا انك عملت علاقة مع ياسمين !!
فريد .. برضاها يا باشا مش غصب عنها
يس .. بس انا التحريات بتقول انك انسان هلاث ومدمن مخدرات وبتشرب خمور كمان
فريد .. هو انا عشان هلاث ومدمن مخدرات وبشرب زفت خمره ابقي مغتصب وقتال قتله ؟!! انت مصر ليه تلبسني جناية معملتهاش ؟!! انا ما اغتصبتش حد ومقتلتش حد يا عالم صدقوني .. الله
يس .. طيب .. ننتظر تقرير الطب الشرعي ونشوف .. خده يا سيادة النقيب علي الحجز
فريد .. لا حول ولا قوة الا بالله .. الله يحرقكم يا بنات عمي فاروق .. مش وراكم غير المصايب حتي وانتوا ميتين !!!!
الاحداث بلغت ذروتها والقصة اصبحت ممتعه وبتفاعلكم ومشاركتكم اتحمس لنشر الباقي ..
تحياتي ملك الروايات الكاتب المصري محمد مالك.
[٢/١١ ٩:٣٩ م] محمد مالك: رواية ذئب في الكواليس
البارت السادس والعشرون
لملك الروايات الكاتب المصري محمد مالك
ويأتي تقرير الطب الشرعي بعد عرض جثتي هند وياسمين علي الطب الشرعي وكالعادة يدخل الضابط عماد بالتقرير لعرضه علي الرائد يس
يس .. ايه وصل ؟!!
عماد .. ايوا .. اتفضل يا فندم
يس يقرأ التقرير بكل تركيز ثم يندهش بشدة
يس .. مش معقول ؟!! هاتلي فريد من الحجز بسرعة
عماد .. حاضر يا فندم
ويتم احضار فريد والذي سألت حالته النفسية كثيرا وطال شعر ذقنه وبدأ عليه الانهاك والتعب
يس .. اقعد يا فريد
فريد .. يا باشا صدقني .. والله العظيم انا لا اغتصبتهم ولا قتلتهم .. الفيديو دا مفبرك .. انتوا ازاي مش قادرين تعرفوا انه مفبرك ؟!!
يس .. اهدي من فضلك .. قلي يا فريد انت قلتلي انك اقمت علاقة مع ياسمين !! صح ؟!!
فريد .. ايوا .. بس وحيات المصحف برضاها
يس .. اها .. وكانت علاقة كاملة ولا ؟!!
فريد .. علاقة كاملة ؟؟؟!! اها .. فهمت عليك .. قصدك يعني عدم لا مؤاخذه زي اتنين متجوزين وكدا ؟!!
يس .. ايوا
فريد .. ايوا يا باشا .. علاقة كاملة متكاملة من جميع الاركان
يس .. اها .. وانت لما عملت كدا كانت ياسمين عذراء ولا لا ؟!!
فريد .. بص يا باشا انا في دار الباطل وهي في دار الحق دلوقتي وانا اعمل كل حاجة لكن اكدب لا .. البت كانت عذراء ودا اللي خلاني استغربت وسألت نفسي سؤال فضلت اعيده مليون مره عشان مش لاقيله اجابه!!
يس .. اللي هو ؟!!
فريد .. اللي هو سيادتك ان ياسمين المؤدبه المحترمه بنت الراجل الطيب تسلملي نفسها كدا وبكل سهوله وبناء علي طلبها كمان ؟!! لكن قلت لنفسي متستغربش ما هي مش بعيد تطلع زي اخواتها البنات عدم لا مؤاخذه شمال .. ما هو البنات بتفسد اخلاق بعضها ياباشا وخصوصا لو اخوات
يس .. اها .. طيب قلي .. هو هند كانت عذراء ولا لا ؟!!
فريد .. لا يا باشا عذراء مين !! دي عملت علاقة مع واد في حتتهم اسمه شريف سباك وهي قالتلي دا بنفسها والواد جه واعترف قدامي وقدام اختها ياسمين باللي حصل بينهم وغصبت عليه يتجوزها ووافق لكن هي فجأة كدا نزلت جري وضربته علي دماغه بكعب الجزمه خرمت نافوخه وانكرت انها كلمتني او ان دا كله حصل من اساسه !!
هو عدم لا مؤاخذه ليه الاسئلة دي كلها ؟!!
يس .. لأن تقرير الطبيب الشرعي بيقول ان ياسمين وهند عذراء وان مفيش اي اعتداء جنسي تم عليهم !!
فريد .. ايه ؟!!
الاحداث اشتعلت والتكملة بعد التفاعل والمشاركة ..
[٢/١١ ٩:٤٠ م] محمد مالك: رواية ذئب في الكواليس
البارت السابع والعشرون
جميع الحقوق محفوظة
للكاتب المصري محمد مالك
فريد يضحك بطريقة هيستيريه ثم يقول
فريد .. انت اكيد بتهزر يا باشا !!
يس يغضب .. احترم نفسك يابني انت !! بهزر ايه ؟!! هو انا جايبك من الحجز عشان اهزر معاك ؟!!
فريد .. طب ما انت سيادتك بتقول كلام مينفعش يكون جد !! ازاي يعني عدم لا مؤاخذه ؟!!
يس .. انا مستغرب !! انت بتقول انك اقمت مع ياسمين علاقة وان هند كمان عملت علاقة مع شريف .. وفوق دا كله الفيديو اللايف اللي انت مصوره وانت بتغتصب البنتين وبعد كدا قتلتهم !!
فريد .. ياباشا حرام عليك .. اعمل ايه بس عشان تصدقني ؟!! انا ماليش علاقة باللي حصل ل ياسمين وهند .. والفيديو دا مفبرك .. والدليل ان حضرتك بتقول ان تقرير الطب الشرعي بيقول ان ياسمين لسة عذراء !! ابقي ازاي اغتصبتها عدم لا مؤاخذه ؟!!
يس .. ولا .. انت لسة قايل ان في علاقة تمت بينك وبين ياسمين افقدتها عذريتها !!
فريد .. ايوا وانا ما انكرتش دا .. بس ازاي !!! والتقرير بيقول ان ياسمين عذراء ؟!! ههههههه
يس .. انت هتضحك تاني ؟!!
فريد .. ما هي حاجة تضحك سعتك .. انا هتجنن ازاي يعني ؟!! بص سيادتك احنا نصدق التقرير وانا عدم لامؤاخذه مش هعرف اكتر من الطب الشرعي هما ما دام قالوا ان ياسمين وهند عذراء .. يبقي هما فعلا كدا
يس .. يعني ايه ؟!!
فريد .. يعني يا باشا دا دليل برآتي واني انا ما اغتصبتهمش .. وان الفيديو دا فعلا مفبرك .. يحيا العدل يحيا العدل
يس .. اخرص يلا .. بس انت اعترفت ان في علاقة تمت بينك وبين ياسمين
فريد .. لا انا سحبت اعترافي دا ومتمسك بتقرير الطب الشرعي .. ما انا جايز اكون فعلا معملتش علاقة ولا حاجة ومتهيئلي ان عملت حاجة زي دي .. ما انت عارف سيادتك اني بشرب حشيش .. والحشيش بيلحس المخ بعيد عنك
يس .. اها .. يعني غيرت اقوالك ؟!!
فريد .. يعني عايزني اصدق نفسي واكدب الورق بتاع الحكومه ابقي راجل لا مؤاخذه
يس .. اها .. بس ورق الحكومة بيقول برضوا ان بصماتك ع السكينتين اللي اتقتلوا بيهم بنات عمك
فريد .. لا محصلش .. اقسم بالله كدب .. انا اطعن في الكلام دا !! امال ايه هلبس تهمه معملتهاش
يس .. ههههه .. اقعد يا فريد .. شكلك هتطول معانا اوي لحد ما نحل اللغز دا
ثم يدخل الضابط عماد ويبدوا عليه الدهشة والارتباك الشديد
عماد .. معالي الباشا .. وانا بندور في شقة البنات لقينا الحاجات دي
يس .. وريني كدا ؟!!
ثم يشاهد ٢ روشته طبيه خاصة بالدكتوره ابتسام طبيبة امراض النساء والتوليد احداهما ل رباب والاخري ل هند ويجد شيئا اخر يجعله ينصدم بشدة ....
البارت اللي جاي طويل جدا .. يلا تفاعل ومشاركة خلوني اخلصها وابدأ في رواية فترة حضانه ...
[٢/١١ ٩:٤١ م] محمد مالك: رواية ذئب في الكواليس
البارت الثامن والعشرون
للكاتب المصري محمد مالك
جميع الحقوق محفوظة
يس .. دي روشتات كشف !! دكتوره ابتسام كمال استشاري النساء والتوليد ..
ثم يقرأ اسم المريض في كل روشته
رباب فاروق !! .. هند فاروق !! هند دي مش واحدة من المجني عليهم ؟!!
عماد .. بالظبط يا فندم
يس .. انا مش فاهم حاجة من الروشتات دي !!وايه دا كمان !!! مش دا برشام منع حمل ؟!!
عماد .. علي ما اظن .. ايوا
يس .. ودي مين اللي كانت بتستعمله ؟!! اكيد اللي اسمها رباب .. مش رباب دي اختهم اللي انتحرت بعد ما قطعت شرايين ايديها
عماد .. ايوا يا فندم .. عشان اكتشفت انها حامل تقريبا .. دا كلام اخواتها هند وياسمين في محضر الشرطة ..
يس .. اها .. يبقي مفيش غيرها اللي ممكن تستعمل حاجات زي دي
عماد .. دا المفروض .. لأن الباقيين عذاري
يس .. ابعت استدعيلي الدكتوره دي حالا
عماد .. تمام يا فندم
ويتم استدعاء الدكتوره ابتسام لتمثل امام الرائد يس
يس .. ازيك يا دكتوره
ابتسام .. كويسة الحمد لله
يس .. قليلي حضرتك .. انتي تعرفي واحده اسمها ياسمين فاروق وهند فاروق ؟!!
ابتسام .. ايوا اعرفهم من زمان طبعا وياسمين بتشتغل معايا في العياده
يس .. طبعا عرفه انهم اتقتلوا ؟
ابتسام .. اه للأسف
يس .. طيب الروشتات دي طالعة من عندك ؟!!
ابتسام.. ايوا
يس .. ايه سببها ؟!! هما هند ورباب كان بيشتكوا من ايه ؟!!
ابتسام .. هم جم عندي العيادة وطلبوا اني افحصهم وبالفعل فحصتهم
يس .. كانوا عيانين قصدك ؟!!
ابتسام .. مش بالظبط كدا .. علي حسب كلامهم انهم تم الاعتداء عليهم جنسيا بطريقة ما وحبوا يطمنوا انهم ما زالوا عذاري او لا
يس .. وبعد ما فحصتيهم اكتشفتي ايه ؟!!
ابتسام .. رباب طلعت حامل في شهرين .. وهند مبقتش عذراء
يس .. نعم !! انتي متأكدة انك فحصتي هند كويس واكتشفتي انها مش عذراء ؟!!
ابتسام .. ايوا طبعا
يس .. ازاي وتقرير الطب الشرعي بيؤكد ان هند ما زالت عذراء ؟!!
ابتسام .. هند ايه اللي ما زالت عذراء ؟!! لا طبعا انا فحصتها كويس ومتأكدة من تشخيصي
يس .. وبعدين يعني في اللي بيحصل دا ؟!! طب شريط البرشام دا مش بتاع منع حمل ؟!!
ابتسام .. ايوا
يس .. انتي اللي كاتباه ؟
ابتسام .. لا
يس .. اها .. طيب يا دكتوره قليلي انتي بتقولي ان تم الاعتداء جنسيا علي رباب وهند بطريقة ما .. تقصدي ايه ؟!!
ابتسام .. يعني ان البنات مكنوش مصدقين حاجة زي دي وبيقولوا ان الموضوع دا حصل زي ما يكون حلم بدون شعور او ادراك منهم والظروف نفسها اللي تم فيها الموضوع دا شبه خياليه !!
يس .. مش فاهم وضحي من فضلك
ثم يدخل عماد ويبدوا عليه الدهشة والارتباك
عماد .. يس باشا
يس .. ايه يا عماد مالك؟!! ..
عماد .. في خبرين مش كويسين للأسف
يس .. انطق بسرعه
عماد .. تقرير المعمل الجنائي اكد ان الفيديو بتاع فريد سليم ميه في الميه ومفهوش اي فوتوشوب
يس .. والخبر التاني ؟!!
عماد .. جثتين البنات اختفوا من المشرحة !!
يس .. ايه ؟!!!
الاحداث اشتعلت جدا وباقي فصلين من الرواية .. يلا مشاركة في مجموعة عشان اكمل .. تحياتي
#محمد_مالك
[٢/١١ ٩:٤٢ م] محمد مالك: رواية ذئب في الكواليس
البارت التاسع والعشرون
للكاتب المصري محمد مالك
جميع الحقوق محفوظة
يس .. انت بتهرج يا حضرت الظابط ؟!! جثث ايه اللي اختفت من المشرحة ؟!!
عماد .. جثتين ياسمين وهند اختفوا من المشرحة
يس .. ما انا عارفين انهم جثتين ياسمين وهند !! انا بسألك ازاي الجثتين اختفوا ؟!!
عماد .. اختفوا يا فندم وملعمش اثر !!
يس .. اتسرقوا يعني ؟!!
عماد .. مش عارف !!
يس .. يعني ايه مش عارف ؟!! ما هما اكيد اتسرقوا !! يعني هيكونوا صحيوا مثلا وهربوا من المشرحة ؟!!
عماد .. اهدي يا باشا من فضلك
يس .. اهدي ازاي ؟!! واحده بتقولي ان هند مش عذراء وانهم تم الاعتداء عليهم جنسيا وهما مش حاسين وفي ظروف خياليه قال !! وانت بتقلي ان الجثتين اتسرقوا وان الفيديو كمان مش مفبرك !! انا اللي حاسس اني في خيال وكل اللي بيحصل دا مش حقيقة !!
ابتسام .. طب حضرتك عاوز مني حاجة تاني ؟ ممكن امشي ؟
يس .. تمشي تروحي فين يا دكتوره ؟!! انتي تقعدي هنا لسة مخلصناش تحقيق .. انا واصل دلوقتي اشوف حكاية الجثتين اللي اختفوا دول وراجعلك تاني .. يلا يا عم عماد .. الجثتين اختفوا !! انت متأكد ؟!!
عماد .. متأكد والله يا باشا
ابتسام يبدوا انها غاضبه ومنزعجة من تصرف الضابط يس وتعلق قائلة
ابتسام .. وبعدين بقي
ويذهب يس وعماد الي المشرحة ويسأل الحارس
يس .. فين الجثتين يا عوض ؟!!
عوض .. معرفش يا باشا
يس .. متعرفش ازاي ؟!! هو انت مش الزفت الحارس بتاع المخروبه دي ؟!!
عوض .. ايوا .. وكانوا جوة في التلاجة .. لكن لما دخلت من ساعتين ملقتهمش !!
يس .. ايوا راحوا فين يعني ؟!! زهقوا من القعدة قاموا روحوا مثلا ؟!!
عوض .. يروحوا فين بس يا باشا ؟!! هو في ميتين بتتحرك ؟!!
يس .. اديك قلت بنفسك .. مفيش ميتين بتتحرك ؟!! يبقي الجثتين راحوا فين بقي ؟!!
عوض .. بص يا باشا .. انا هقول لسيادتك اللي حصل بالظبط .. انا كنت قاعد هنا ع الكرسي ولقيت النور قطع فجأة وسمعت صوت ضحك بنتين وعدم لا مؤاخذة مايعين اوي .. وقعدوا يرددوا اسمي كذا مره بدلع كدا .. وفجأة لقيتني كدا اعصابي اترخت وزي ما اكون ايه رحت في النوم بس كنت صاحي وحسيت زي ما اكون كدا قاعد مع زي القمر في دنيا تانيه كدا وحاجة عسل .. لحظة معشتهاش من ٣٠ سنه وفجأة جه النور .. قمت دخلت التلاجه ملقتش الجثتين .. هو دا اللي حصل يا باشا
يس .. ايه الهبل اللي انت بتقوله دا ؟!! ولا انت هتستعبط ؟!! وديت الجثتين فين لأحسن وديني ما هرحمك ؟
عوض .. والله العظيم ما اعرف ياباشا .. اللي حصل قلتهولك بالحرف وحيات عيالي
يس ينظر ل عماد في دهشة وتعجب وفجأة يرن المحمول الخاص ب يس والمتصل مجهول وسيدة
يس .. الو .. مين ؟!!
المجهول .. اهدي يا عم شوية ع الراجل !! ما قالك ميعرفش الجثتين راحوا فين !!
يس . انتي مين ؟؟!!!
المجهول .. انا ياسمين القتيلة .. لو عايز تعرف مكاني انا وهند .. افتح الموبيل بتاع الدكتوره ابتسام وشوف الفيديوهات عندها اللي ع الواتساب .. بس بسرعة قبل ما تمسحهم .. باي
عماد .. مين يا باشا ؟!!
يس في ذهول وصدمة شديدة ويقول .. يلا بينا ..
باقي بارت وحد هيكون كبيير اوي اوي ومليان مفاجآت .. لو سهرانين معايا هكمل .. اللي سهران ومتابع يكتب تم ويعمل مشاركة بسرعة .