رواية فترة حضانة
للكاتب المصري محمد مالك
جميع الحقوق محفوظة
البارت الاولملك .. انا فين ؟!!
يوسف .. متخفيش يا ملك انتي عندي في الفيلا
ملك .. اونكل يوسف !! هو انت خاطفني ؟!!
يوسف .. لا يا ملك .. اخطفك ازاي انتي زي بنتي حنان الله يرحمها
ملك .. بس انا اخر حاجة فاكراها .. انا كنت خارجة من الكلية وفجأة لقيت اتنين ظهرولي فجأة حطوا منديل علي بقي وبعدها غبت عن الوعي .. لا .. انا كدا مخطوفة !! ليه كدا يا عمو انا مش عملتلك حاجة واذا كان في مشاكل بينك وبين بابا انا ايه ذنبي ادفع تمن خلافاتكم ؟!!
يوسف .. اهدي يا ملك من فضلك .. بقلك انتي مش مخطوفه ولا حاجة انتي ضيفة معززة مكرمه وهتمشي في اي وقت يعجبك بس كان لازم اعمل كدا عشان مش عايز حد يعرف انك عندي هنا وكمان مش عاوز شوشرة
ملك .. عاوز مني ايه يا عمو ؟!!
يوسف .. حنان بنتي الله يرحمها .. عاوز اجيب حقها .. عاوز اعرف مين اللي قتلها عشان اشرب من دمه واخد بطارها
ملك .. بس انا معرفش مين اللي قتلها
يوسف .. عارف زي ما انا عارف انك كنتي صحبة حنان الانتيم وبتعزيها زي اختك ولا انا غلطان ؟!!
ملك .. حنان دي كانت اكتر من اختي كمان وحضرتك عارف بكدا
يوسف .. عشان كدا عايزك تساعديني اجيب حقها واعرف مين اللي قتلها
ملك .. قلي حضرتك اساعدك ازاي وانا مش هتأخر صدقني
يوسف .. في واحد في الفيلا هنا هيحضر روح حنان وهتدخل جوه جسمك وهتعيش فيه ٣٠ يوم كاملين وخلال ال ٣٠ يوم دول هتحصل حاجات هقدر بيها اوصل للجاني
ملك .. بس انا ممكن انضر بسبب دا
يوسف .. متخافيش حنان روحها طيبه ومش شريرة وانتي اكتر انسانه قريبة ليها وعمرها ما هتفكر تئذيكي بالعكس انتي هتساعديها انها تكشفلنا عن القاتل عشان اخد بطارها منه.. قلت ايه ؟!!
ملك .. بس انا يا عمو اول مره اعمل حاجة زي دي وطول عمري بتفرج عليها في افلام الرعب بس .. انا خايفة بجد
يوسف .. متخافيش يا ملك .. صدقيني انتي الوحيدة اللي انا ممكن اثق فيها ان روح بنتي تعيش جواها لأن عارف محبتك ليها اد ايه .. ارجوكي يا ملك ابوس ايدك ( يحاول ان يقبل يديها فتمنعه) ساعديني اخد بطار بنتي .. انا لا بنام ليل ولا نهار .. انا بتعذب صدقيني ودي بنتي الوحيدة
ملك .. اوك يا عمو انا موافقة عشان خاطر حضرتك وكمان عشان انا كمان نفسي انتقم من اللي عمل في حنان كدا
يوسف بفرح شديد .. يارب بخليكي يا ملك .. ادخل يا جميل
ويدخل جميل المشعوذ بشكله المخيف فأسمه لا ينطبق علي هيئته المرعبه فترتجف ملك من شدة الخوف ...
الرواية شيقة وكلها غموض واثاره .. تابعوني علي مدونتي ( مدونة مالك الزعيم ) ولو عايزين انزل بالرواية كاملة علي الصفحة يبقي تفاعل ومشاركة في ثلاث مجموعات .. تحياتي الكاتب المصري محمد مالك.رواية فترة حضانه
البارت الثاني
للكاتب المصري محمد مالك
جميع الحقوق محفوظة
ملك برعب شديد .. مين دا يا عمو ؟!!
يوسف .. دا جميل عالم روحاني هو اللي هيحضر روح حنان عشان تسكن جواكي
ملك .. بس دا شكله مرعب اوي ؟!!
جميل بغضب .. هو انا جاي اخطبك !! غمضي عينك
ملك .. ليه ؟!
جميل .. عشان تحضر روح حنان وتسكن جواكي بأمان ..
يوسف .. متخفيش يا ملك غمضي عنيكي
جميل .. متفتحيش عنيكي مهما يحصل حواليكي
ملك تغمض عينيها وجميل يتحدث بلغة غير مفهومه ويبدوا انها طلاسم خاصة ويرمي بالبخور فوق الفحم المتهوج
وفجأة يسمع الجميع صوت فتاه تصرخ وتبكي فيتعجب يوسف
يوسف .. دا صوت حنان !!
جميل .. متخفيش يا حنان انتي هنا في امان ..
يوسف .. هي بتعمل ليه كدا ؟!!
جميل .. اتقتلتي غدر يا حنان .. ومفيش اصعب من الغدر علي الانسان
يوسف بصوت عال .. متبكيش يا حنان انا هاخد بطارك يا بنتي صدقيني دا وعد
يوسف .. يلا يا حنان دي صحبتك ملك.. حبيبتك وصديقتك الانتيم ادخلي جواها ومتخافيش .. ودلينا علي اللي غدر بيكي وميهمكيش ...
وفجأة ملك تنتفض بشدة وهي تزوم ثم تفتح عيناها فتبدوا وكأنها شديدة الاحمرار وتنظر حولها في دهشة شديدة ثم تركز النظر الي يوسف
يوسف متعجبا .. هي مالها عنيها حمرا ليه كدا ؟!!
جميل .. دي عنين حنان ناويه علي الشر
يوسف .. طب بتبصلي ليه كدا ؟!!
جميل .. متخفش دي بتعرفك انها علي اتم استعداد انها تاخد بطارها من اللي غدر بيها وقتلها وهي في عز شبابها. . اصحي
ملك تستيقظ .. انا فين ؟!!
جميل .. متخفيش يا ملك خلاص روح حنان سكنت جواكي بأمان
ملك .. فين انا مش حاسة بيها ؟!!
جميل .. عشان مش وقتها دا وقتك انتي
يوسف .. يعني ايه ؟!!
جميل .. يعني ملك دلوقتي عايشة بروحين .. روح ملك وروح حنان .. ملك في النهار وحنان بالليل
يوسف .. مش فاهم يا جميل وضح كلامك
جميل .. يعني طول النهار روح ملك هي اللي هتتحكم في جسد ملك ومن بعد زوال الشمس لحد الشروق حنان هي اللي هتسيطر وتفوق .. فهمت ؟!!
يوسف .. فهمت
ملك .. يعني انا دلوقتي هعيش بشخصيتين !! ازاي ؟!!
يوسف .. معلش يا بنتي هما ٣٠ يوم بالعدد نوصل فيهم للقاتل وبعد كدا روح حنان هتتحرر من جسمك وهترجعي ملك بس
جميل .. بس في ٣حاجات لازم يتعملوا ومن غير نقاش يا اما ملك هتروح بلاش
ملك برعب .. ايه !!!
جميل قالهم علي ٣ حاجات لازم يتعملوا والا ملك هتخسر حياتها .. ايه هما ؟؟
تابعوني والبارت الثالث علي مدونتي ( مدونة مالك الزعيم ) تحياتي الكاتب المصري محمد مالك.رواية فترة حضانه
البارت الثالث
للكاتب المصري محمد مالك
جميع الحقوق محفوظة
يوسف .. وايه هما الحاجات دول ؟!!
جميل .. اول حاجة كل يوم قبل ما تدق الساعة ١٢ بالليل تمسكي ارنب صاحي لا مدبوح ولا مطبوخ تاكليه وتشربي من دمه
ملك .. اغص .. ايه القرف دا !! لا طبعا لا يمكن اعمل كدا هو انا حيوان مسعور ؟!!
جميل .. هههههه .. انتي بالفعل اول ما تدق الساعة ١٢ بالليل هتتحولي لحيوان مفترس مسعور وهايج كمان واي حد هيقف قصاده هيدمره انتي نسيتي ان جواكي روح مقتوله غدر
ملك .. يعني ايه ؟!! هو انت يا عمو مش قلتلي ان روح حنان طيبة ومش شريرة وعمرها ما هتئذيني ابدا ؟!!
يوسف .. ايوا لأن حنان طول عمرها انسانه طيبة ووديعه وانتي عرفه كدا كويس
جميل .. دا كان زمان قبل ما يتغدر بيها دلوقتي حنان رجعت وناوية علي الشر للي أذوها واللي هيقف قصادها هتدمره حتي لو كان الجسد اللس ساكنه فيه
ملك .. لا احنا ما اتفقناش علي كدا وانت مقولتليش الكلام دا من الاول .. خرج روح حنان من جسمي حالا لو سمحت
جميل .. هههههه .. ياريته كان ينفع .. روح حنان مش هتخرج غير لما تاخد معاها روح اللي غدر بيها ولو خرجت قبل كدا يبقي هتخرج وروحك معاها .. فاهمه يا ملك ؟!!
ملك .. انا مش فاهمه حاجة انتوا ضحكتوا عليا وغشتوني وبابا لو عرف باللي حصل مش هيسكت يا اونكل يوسف .. دا هيدمركم كلكم
جميل .. ودا الحاجة التانيه .. ان لو حد عرف ان في روح تاني ساكنه جواكي .. جسمك هيدمر نفسه بنفسه وهتفقدي عضو من اعضاء جسمك مع كل شخص هيعرف بحكايتك وفي النهاية هتموتي لا محالة
ملك.. ايه الكلام اللي انت بتقوله ده!! انت نصاب ودجال وانا لا يمكن اصدق الهبل اللي انت بتقوله ده .. انتوا فعلا اشرار .. وانت يا اونكل يوسف زي ما قال بابا عليك بالظبط انسان خاين وطماع وظالم وانتهازي ..
يوسف .. انا يا ملك ؟!!
ملك .. ايوا انت وانا للأسف مصدقتوش عشان كنت بحب حنان وكنت معتبراك في مقام بابا .. لكن عمر الاب ما هيعمل في بنته كدا وانا عشان مش بنتك جايبلي دجال يعملي عمل ويعقدلي سِحر بحجة انك عايز تاخد بطار بنتك .. لكن انا هوريكم بابا هيعمل فيكم ايه
ثم تتوجه مسرعة نحو الباب لمغادرة الڤيلا
يوسف .. ملك استني . انت ايه اللي عملته ده !! انت مقلتليش علي الحاجات دي ليه قبل ما تحضر روح حنان وتدخل جسم ملك
جميل .. انا شايفك ملهوف علي حق بنتك ولو كنت قلتلك جايز مكنتش توافق ولو هي عرفت اكيد مكنتش هتوافق لكن دلوقتي خلاص الامر بقي واقع ومفيش مفر منه وبعدين هي مشيت قبل ما تعرف الحاجة التالته المفروض تعملها عشان متتأذيش
يوسف .. منك لله يا جميل .. احنا كدا خدعنا البنت .. وايه هي بقي الحاجة التالته ؟!!
جميل يخبر يوسف بشئ صادم وماذا فعلت ملك بعد ذلك ؟!!
تابعوني والبارت الرابع علي مدونتي ( مدونة مالك الزعيم ) تحياتي الكاتب المصري محمد مالك.
جاري كتابة باقي الحلقات وسيتم نشرها فور الانتهاء من الكتابة ..
جميلة
ردحذفرجعت تانى تقول قيد الكتابة طب ليه بتقول كاملة
ردحذفحلوة اوى
ردحذفنفس الى عملته فى ذئب فى الكواليس قولت كامله ومعلقنا لغايه دلوقتى مكملتش
ردحذفكداب كدب الإبل
ردحذفانت بيتقول الروايه كامله فين الباقي
ردحذفيا استاذ كفايه كدب واستخفاف بعقول الناس ده اسلوب مش كويس
ردحذففين اللى كامله دى بطل كذب بقى
ردحذف