زوجتي من الخيال ؟!!
رواية للكاتب المصري محمد مالك
البارت الاول
انا المهندس كريم حسني مهندس مدني عمري ٣٢ سنة اليوم فرحي علي اجمل انسانة دخلت حياتي وخطفت قلبي .. حب عمري كله .. انهاردة فرحي علي المهندسة بسنت ادهم زميلتي من ايام الكلية وحاليا بنشتغل سوا في شركة عمها .. شركة مقاولات .. بجد انا فرحان جدا اخيرا جه اليوم اللي كنت بستناه من سنين .. دلوقتي بس اطمنت واتأكدت ان بسنت ليا لوحدي وعمرها ما هتكون لغيري واتعمل الفرح والناس كلها شهدت علي نهاية حب كبير وعميق انتهت بالزواج وروحنا سوا شقتنا في الزمالك .. الشقة بتاعة بابا الله يرحمه بس انا ورثتها بعد وفاته لأني ابنه الوحيد .. هتقولوا ومامتك فين ؟!! هقلكم تعيشوا انتوا اتوفت من سنتين بعد وفاة بابا بسنة وكانها ما استحملتش فراقة لأنها كانت بتحبه جدا جدا .. زيي انا وبسنت كدا ولما رجعت البيت لقيت البواب كان متوتر جدا وحالته مش طبيعية واول ما شافني جري عليا وقالي ..البواب .. الحق يا باش مهندس واحدة مجنونة بتدور عليك والشر طاقق من عنيها وماسكة مسدس في ايديها
كريم .. واحدة !! واحدة مين وعايزة مني ايه ؟!!
البواب .. بتقول انها ناوية تقتلك لانك اتجوزت عليها
كريم .. اتجوزت عليها ؟! اوعي يا راجل يا مجنون من سكتي باين عليك كبرت وخرفت فعلا يا عم محمد !!
ثم يصعد كريم وبسنت الي الشقة
بسنت مندهشة .. ايه اللي بيقولوا الراجل البواب ده واحنا داخلين ؟!!
كريم .. انتي لسة فاكرة!! دا راجل كبر في السن وشكلة ابتدي يخرف فعلا ..
بسنت .. كريم اوعي تكون تعرف واحدة عليا ؟!!
كريم .. وانتي تصدقي اني ممكن اعمل كدا ؟!!
بسنت .. بصراحة لا .. بس هو ليه بيقول كدا ؟!! دا كان باين عليه بيتكلم جد ..
كريم .. يا بنتي بقلك دا راجل كبر في السن وابتدي يخرف .. وبيتهيئله حاجات بتحصل ومش معايا انا بس .. تقريبا السكان كلها بدأت تشكي منه ومن تهيئاته اللي تودي في داهية .. انسي يا حبيبتي وخلينا نعيش اسعد وتجمل لحظات عمرنا اللي طول عمرنا كنا بنستناها ونحلم بيها .. استأذنك ادخل المطبخ احضرلك العشا
بسنت .. هتحضر العشا بنفسك ؟!!
كريم .. لو مكنتش احضر العشا لحبيبتي ونور عيني بسنت هحضره لمين ؟!! ثم يمسك باحدي يديها ويقبلها
بسنت .. خلاص لحد ما انت تكون حضرت العشا اكون انا اخدت شاور
كريم .. نعيما مقدما .. بعد ازنك يا حبيبتي
ويدخل كريم الي المطبخ ليحضر العشاء وبعد ان تنتهي بسنت من الشاور تنادي علي كريم ولا يجيب فتقلق فتذهب الي المطبخ لتفاجأ بأن كريم ملقي علي الارض والدماء تسيل من صدره بعد اصابته برصاصة في الصدر وايضا تلاحظ ان باب المؤدي الي سلم المطبخ مفتوح ...
الرواية شيقة ومثيرة .. لو حابين اكملها تفاعل ومشاركة .. تحياتي الكاتب والسيناريست المصري محمد مالك
كمل
ردحذفجميله وشيقه كمل لو سمحت
ردحذف