زوجتي من الخيال
البارت الخامس
للكاتب المصري محمد مالك
بسنت .. ايه ده ؟!! معقول الولد ده يبقي ابن كريم !! وطب ومين اللي جابه هنا!!ثم تأخذ الولد الي داخل شقتها وتتصل بأمها ويبدوا انها في قمة الغضب
بسنت .. تعالي يا ماما .. شوفي المصيبة اللي انا فيها
الام منزعجة .. خير يا بنتي .. في حد ضايقك تاني ؟!!
بسنت .. تعالي شوفي المفاجأة الجديدة اللي عاملهالي الباش مهندس كريم !!
الام .. مفاجأة ايه ؟!!
بسنت .. الباشا طلع مخلف كمان !!
الام .. مخلف !! ازاي ؟!!
بسنت .. جرس الباي رن من شوية وفتحت ملقتش حد ولقيت طفل رضيع قدام الباب ومعاه شهادة ميلاد .. ببص فيها لقيت اسمه احمد كريم حسني !!
الام .. معقول ؟!! كريم عنده طفل ؟!!
بسنت .. مستغربة ليه ؟! واحد متجوز متستبعديش يكون مخلف كمان
الام .. ولنفرض انه ابنه فعلا .. ايه اللي جابه عندك ؟!!
بسنت .. معرفش .. بس اللي اسمها نجلاء لمحتلي في اخر مكالمة وقالتلي انها محضرالي مفاجأة من ريحة المرحوم.. واهي ريحة المرحوم قدامي بلحمها وشحمها .. تعالي بسرعة يا ماما عشان خلاص قربت اتجنن
الام .. اخلص الاكل لأبوكي وجايالك علطول
ثم نذهب الي وكيل النيابة الذي استعدي عم محمد بواب العمارة التي يسكن بها كريم لأخذ اقوالة بعد ان اخبرته بسنت بما حدث منه
وكيل النيابة .. اقعد يا عم محمد .. متخفش
محمد .. تشكر يا سعت الباشا
وكيل النيابة .. قلي بقي ايه اللي حصل بالظبط؟!!
محمد .. حصل في ايه عدم لا مؤاخذة ؟!
وكيل النيابة .. اللي حصل قدامك .. الست اللي جت عندك في العمارة ومعاها مسدس وسألت عن المهندس كريم يوم فرحه وقالت انها هتقتله عشان اتجوز عليها
محمد .. ومين قال انه حصل قدامي حاجة زي دي ؟!!
وكيل النيابة .. المهندسة بسنت مرات المهندس كريم
محمد .. لا يا بيه انا لا شفت حاجة ولا سمعت حاجة
وكيل النيابة .. اها .. يعني انت مقلتش ل كريم وهو راجع من الفرح ان في واحدة كانت بتسأل عنه ومعاها مسدس وناوية علي الشر
محمد .. لا يابي .. انا مقلتش كدا .. وبعدين يا بي الباش مهندس كريم رجع من الفرح الساعة ٣ الفجر وعدم لا مؤاخذة انا كنت ساعتها في سابع نومة .. انا مقدرش اسهر للوقت المتأخر ده .. لا سني ولا صحتي يسمحولي بده
وكيل النيابة .. اها .. طب ليه المهندسة بسنت قالت ان انت قلت كدا ؟!!
محمد .. معرفش يا بيه والله .. يا بي انا راجل عديت ٨٠ سنة وعدم لا مؤاخذة عندي خرف وساعات يتهيئالي حاجات محصلتش .. واسأل سكان العمارة وهما يقلولك
وكيل النيابة .. قصدك تقول ان انت اتهيألك ان حصل الموقف دا قدامك ؟!
محمد .. اكيد يا بي .. انا راجل عيان عدم لا مؤاخذة
وكيل النيابة .. اها .. يعني انت لما قلت ل كريم الكلام ده وهو راجع من الفرح الساعة ٣ الفجر مكنش حصل فعلا .. كانت تهيآت ؟!!
محمد .. ايوا يا سعت الباشا بالظبط كدا
وكيل النيابة .. يا عم محمد انت مش لسة قايل ان لما رجع كريم من الفرح انت كنت نايم ؟!!
محمد يرتبك .. اه .. اااا .. ما انا صحيت سيادتك علي دوشة الزفة فقلت اقوم اشوف ايه الحكاية واطمن ع العمارة
وكيل النيابة .. طب تفسر بأيه .. ان كريم يتقتل في نفس اليوم وان الاحتمالات كلها بتؤكد ان الحاني ست !!
محمد .. اه .. مش فاهم عدم لا مؤاخذة
وكيل النيابة .. يعني الكلام اللي انت قلته ل كريم لما رجع بالليل من فرحة اتنفذ بالحرف الواحد .. كريم فعلا اتقتل وعلي ايد واحدة ست ؟!!
محمد .. سيادتك انا مقلتش حاجة لحد .. انا اصلا كنت عند ابني في البلد ورجعت تاني يوم الصبح .
وكيل النيابة مذهول .. نعم؟؟ !!!!
ثم نذهب الي كريم حيث علمت بسنت ان زوجها قد استعاد وعيه وبدلا من ان تزوره وتأخذ معها بوكيه ورد اخذت معها ابنه .....؟؟؟
مواجهة ساخنة بالبارت التالي .. تابعوني وكل عام وانتم بخير وان شاء الله البارت الثاني والاخير من رواية ذئب تخصص ارامل هينزل اليوم مساء .. تحياتي الكاتب والشاعر والسيناريست المصري محمظ مالك.
فين روايه الرابعه
ردحذفاحلا شاعر محمد 😍ربي يحميك
ردحذفالتكملة لو سمحت
ردحذف