رواية جبروت اسمه اختي كاملة
للكاتب المصري محمد مالك
جميع الحقوق محفوظة للكاتب والمؤلف المصري محمد مالك.
[١٠/٧ ٦:٤٧ ص] محمد مالك: رواية جبروت اسمه اختيللكاتب المصري محمد مالك
البارت الاول
اثناء تواجدها بالجورنال التي تعمل به واذ يأتيها تليفون من احد الجيران بالبرج التي تسكن به يخبرها بأن هناك شخص ما قد اقتحم شقتها واصاب اولادها محمد ٧ سنوات ومها ٩ سنوات بجروح متفرقة في الجسد اما دادا حسنية التي تقوم برعايتهم قد اصيبت بجرح غائر في البطن استدعي نقلها الي المستشفي ومكوثها بالعناية المركزة .. تذهب الصحفية اللامعة والنشيطة فريال ابو المواهب الي شقتها مسرعة بعد هذا الخبر المفجع فتجد الشرطة في داخل الشقة
فريال .. ايه في ايه ؟!! ولادي فين ؟!
الضابط .. متخافيش .. ولادك بخير
ثم تلتفت فتجد اولادها في احد اركان الشقة وقد اشهجهم البكاء وبهم جروح متفرقة تجري نحوهم مسرعة وتضمهم الي حضنها بشدة
فريال .. ولادي .. مين اللي عمل فيكم كدا ؟!! انتوا كويسين ؟!! انتي كويسة يا مها ؟!! وانت يا محمد يا حبيبي كويس .. انطق؟!!
مها .. حرامي يا ماما معاه سكينة وكان عايز يموتنا وقتل دادا حسنية .
فريال .. حرامي ؟!!
الضابط .. متخفيش يا فندم قلت لحضرتك ولادك بخير .. مجرد جروح سطحية وللأطمئنان هنوديهم المستشفي
فريال .. ودادا حسنية فين ؟!!
الضابط .. المجرم اللي هجم علي الشقة اصابها بطعنه في البطن ونقلناها المستشفي
فريال .. مسكتوه ؟!!
الضابط .. للأسف احد الجيران شافة خارج من الشقة بعد ما سمع صوت صراخ الاطفال وحب يتعامل معاه لكن اصابه بجرح في الوجه وتمكن من الهرب
فريال .. مين دا اصلا ؟!! وجه شقتي ليه ؟!!
الضابط .. تقريبا مش بغرض السرقة وياريت حضرتك تطمني لو عندك مجوهرات او اوراق نقدية
وتذهب فريال الي غرفة النوم وتفتح الدولاب فتجد المجوهرات والفلوس ما زالت داخل الصندوق وتتعجب عندما تجد ان الدولاب مرتب وكل شئ داخل الغرفة في مكانه
فريال .. المجوهرات والفلوس موجودين في الصندوق !!
الضابط .. زي ما توقعت لأنه الجار شافه خارج فاضي
فريال .. ممكن يكون لما الاولاد والدادا صرخكم خاف وملحقش يسرق
الضابط .. وممكن تكون زيارته مش بغرض السرقة .. بيوصلك رسالة مثلا .. استاذة فريال هو حضرتك ليكي اعداء ؟
فريال تتذكر اختها امال وانها الوحيدة التي دائما تهددها لتبعدها عن زوجها كمال تستأذن من الضابط وتتصل بأختها
فريال .. ثواني اعمل تليفون
الضابط .. اتفضلي
فريال .. الو .. اسمعي يا امال انا سايباكي تهددي فيا براحتك لكن الموضوع يوصل انك تأجري بلطجي عشان يؤذي ولادي .. لا .. دا انا اكلك بسناني .. الا ولادي يا امال .. ولادي خط احمر .. فاهمه ؟!!
امال .. انتي بتقولي ايه يا مجنونه انتي ؟!! ولادك ايه اللي انا هؤذيهم ؟!
فريال .. متعمليش نفسك عبيطة .. انتي بتعملي دا كله عشان تخوفيني وابعد عن كمال واخليه يكرهني ويطلقني .. انا مش هبعد عن كمال يا امال .. جمال جوزي وابو ولادي ومش هنسيب بعض ابدا .. اطلعي برة حياتي يا مجنونة لأحسن وديني هدمرك واكشف حقيقتك قدام الناس وشغلك اللي في الباطن واخليكي تقضي بقية حياتك في السجن
امال .. انتي بتهدديني يا فريال ؟!!
فريال .. ايوا .. لو مبعدتيش عن طريقي وطريق جوزي واولادي انا هدمرك
امال .. هنشوف مين اللي هيدمر مين يا فريال
فريال تغلق الخط وثواني تأتيها رسالة من رقم مجهول نصها .. ابعدي عن كمال احسنلك ..
القصة شيقة ومثيرة .. تابعوني والبارت الثاني .. تحياتي الكاتب والسيناريست المصري محمد مالك.
[١٠/٧ ٦:٤٩ ص] محمد مالك: مدونة مالك الزعيم
ملك الروايات
الصفحة الرئيسية ▼

الأربعاء، 26 يونيو 2019
رواية جبروت اسمه اختي البارت الثاني
رواية جبروت اسمه اختي
البارت الثاني
للكاتب المصري محمد مالك
فريال ..انا بتهم اختي يا حضرة الظابط .. هي اللي ورا كل اللي حصل ده
الضابط .. اختك مين ؟
فريال .. امال ابو الدهب
الضابط .. امال ابو الدهب سيدة الاعمال المعروفة وعضو مجلس الشعب ؟!!
فريال .. ايوا هي
الضابط .. بس دا اتهام خطير وخصوصا دي شخصية معروفه وليها وضعها في البلد
فريال .. وانا صحفيه مشهورة ومعروف عني النزاهة وقول الحق حتي ولو علي رقبتي وانا مش بتهمها من فراغ
الضابط .. يعني في دليل علي كلامك ده ؟!
فريال .. ايوا وادي اخر حاجة جاتلي منها حالا .. رسالة تهديد كالعادة
الضابط .. مين كمال ده ؟!
فريال .. كمال دا جوزي وابو اولادي دول وهي عايزة تفرق بيني وبينه بأي طريقة
الضابط .. ليه ؟!
فريال .. عشان انانية وطماعة وعندها حب التملك .. قال ايه بتحبه وعايزاه يبقي ليها بالقوة وبالغصب
الضابط .. طب الرقم اللي جاتلك منه الرسالة دي رقمها ؟!
فريال .. معرفش .. بس انا متأكدة ان الرسالة جاية من ناحيتها
الضابط .. ع العموم اتفضلي حضرتك في القسم نكمل المحضر
وتذهب فريال الي قسم الشرطة لتكملة المحضر وتتهم أمال اختها بشكل رسمي انها المحرضة علي اقتحام شقتها في غيابها والتعدي علي اولادها والدادا بأسلحة بيضاء والشروع في قتل الدادا التي ما زالت بين الحياه والموت وتعود الي المنزل حيث يقطع كمال ابو طويلة زوجها رحلته الي الصين لشراء بعض المستلزمات لشركته ويعود مسرعا الي المنزل ..
كمال .. الحمد لله ان الاولاد بخير .. بس صعبان عليا الدادا اوي .. ربنا يلطف بيها
فريال .. منها لله امال اختي
كمال .. انتي ليه مُصرة ان امال اختك ورا اللي حصل وكمان رايحة تقولي دا في محضر رسمي؟!!
فريال .. لأن امال اختي هي فعلا ورا اللي حصل .. ولا انت ناسي تهديدها المستمر ليا عشان اطلب الطلاق وابعد عنك .. ومنساش انها قالت قبل كدا انا ممكن ادفعك تمن عندك غالي اوي .. وايه اغلي عندي من اولادي يا كمال ؟!!
كمال .. بس دا مجرد كلام.. تهديد عادي مش اكتر
فريال .. بس انت عارف ومتأكد ان امال ممكن تعمل اي حاجة عشان تفرق بيني وبينك ويخلالها الجو وتقدر تستفرد بيك .. ولا انت نسيت حبها ليك من ايام الجامعة
كمال .. انا مش عارف انتي ليه حاطة الموضوع دا في دماغك !! دا حاجات قديمة وفات عليها سنين وسواء حبتني او محبتنيش انا في الاخر اتجوزت مين ؟!! اتجوزتك انتي يا فريال !!
فريال .. عرفة .. بس هي من ساعة ما احنا اتجوزنا وهي اعلنت الحرب عليا واعتبرتني عدوة ليها في معركة مستمرة ورافضة انها تستسلم او تسيبني في حالي
كمال .. بلاش الكلام الفاضي دا فريال .. حرب ايه ومعركة ايه !! انا كل قصدي بلاش تكبري الحكاية بينك وبين اختك وتتهميها بحاجات انتي معكيش بيها دليل قوي وقاطع
فريال .. واللي حصل انهاردة ده مش دليل يقول ان هي الوحيدة اللي ليها مصلحة في الحصل ده والدليل الرسالة اللي جاتلي وقت الحادثة وبعد ما كلمتها علطول
كمال .. برضوا مش دليل قاطع يخليكي تخشي في حرب مع اختك وانتي عرفة انها مش سهلة
فريال .. اديك قلت مش سهله وتقدر تعمل اي حاجة عشان مصلحتها
كمال .. وانتي متنسيش انك صحفية كبيرة وبتكتبي في جريدة معارضة وبتهاجمي شخصيات كبيرة .. يعني اعدائك كتير واحتمال واحد منهم يكون ورا اللي حصل دا .. يعني متحصريش دايرة الشك في اختك وبس .. وبعدين يا ستي انا جمبك اهوه وسيبت كل اشغالي في الصين وجيت عشان اطمن عليكم ومحدش يقدر يفرق بيني وينك ابدا .. انتي حبي الاول والاخير ..
فريال .. بجد يا كمال ؟!، عمرك ما هتفكر تسيبني ابدا ؟!!
كمال .. دا انا لو بعدت عنك ثانية اموت .. دا انتي عمري وحياتي وكل دنيتي
فريال .. وانت روحي وقلبي والهوا اللي انا بتنفسه ..
كمال .. ربنا يخليكي ليا يا حبيبتي انتي والاولاد .. يلا بقي انسي اللي فات وروحي خدي شاور عشان عازمك انتي والاولاد ع العشا
فريال .. حاضر .. بحبك
كمال .. وانا بموت فيكي
وتدخل فريال لتأخذ شاور وتخرج لتفاجأ ان كمال يتحدث الي شخص ما بالمحمول ويبدوا انها سيدة قائلا ..
كمال .. ايه اللي عملتية دا يا مجنونة ؟!! وصلت انك تعتدي علي الاولاد .. انا ما اسمحلكيش .. ومش دا كان اتفاقنا من الاول
ثم يلتفت فيري فريال فيقول مرتبكا
كمال .. فريال !!
الاحداث اشتعلت بالفعل .. تابعوني والبارت الثالث ... تحياتي الكاتب والسيناريست المصري محمد مالك.
[١٠/٧ ٦:٥١ ص] محمد مالك: مدونة مالك الزعيم
ملك الروايات
الصفحة الرئيسية ▼

الأربعاء، 26 يونيو 2019
رواية جبروت اسمه اختي البارت الثالث
رواية جبروت اسمه اختي
البارت الثالث
للكاتب المصري محمد مالك
فريال .. بتكلم مين يا كمال ؟!!
كمال مرتبك .. انا .. انا
فريال .. مين دي اللي اعتدت علي العيال وانك ما اتفقتش معاها علي كدا ؟!
كمال .. اديني فرصة وانا هفهمك كل حاجة
فريال .. هتفهمني ايه بالظبط ؟! وريني التليفون ده بعد ازنك .. وريني التليفون ده يا كمال
يعطيها كمال المحمول وتراجع سجل المكالمات فتجد نمرة امال في المكالمات الواردة فتتعجب بشدة
فريال .. دي نمرة امال !! هو انت كنت بتقول الكلام ده ل امال اختي ؟!!
كمال .. افهميني هي اللي اتصلت عليا
فريال .. مش مهم عندي مين اللي اتصل بمين .. انا يهمني دلوقتي ايه معني الكلام اللي انا سمعته ده !! هو انت متفق مع امال عليا ؟!! هو انت كان عندك علم باللي حصل للولاد والدادا ؟!!
كمال .. ايه الكلام اللي انتي بتقوليه ده !! يعني ايه اتفق مع امال اختك عليكي ؟!!
فريال .. قلي معني تاني للكلام اللي انا سمعته يا كمال ؟!
كمال .. اختك متصلة بيا عشان تبرأ نفسها قدامي وبتقسم انها ملهاش اي صلة باللي حصل للأولاد ده وان اتهامك ليها باطل
فريال .. ومكلمتنيش انا ليه ؟!!
كمال .. تكلمك ازاي وانتي في الحالة دي ؟!! عمرك ما هتسمعيها ولا هتقبلي منها كلمة
فريال .. اها !! وانت بقي القلب الحنين اللي هيسمعها ويطبطب عليها ويصدقها كمان .. مش كدا يا كمال بي ؟!!
كمال .. لا مش كدا طبعا.. هي كلمتني عشان عرفة اني من طبعي الهدوء والرزانه والاستماع .. عشان كدا اتصلت توضح الصورة
فريال .. اها ..توضح الصورة .. ويا تري الصورة لما وضحت بقي شكلها ايه بالنسبة لك ؟!!
كمال .. مش فاهم قصدك ؟!
فريال .. ايه الاتفاق اللي كان بينك وبينها ؟!!
كمال .. انها تبعد عننا وتسيبنا في حالنا
فريال .. يعني انت كنت بتكلمها قبل كدا واتفقتوا كمان؟!!
كمال .. كلمتني مرتين تلاته مفيش غيرهم
فريال .. يعني مقلتليش انكم اتكلمتوا قبل كدا ؟!!
كمال .. مجتش مناسبة .. وبعدين انا عارف ان دي بالذات اي كلام عليها ممكن يسبب مشكلة ف فضلت اني متكلمش تجنبا للمشاكل مش اكتر
فريال .. كمال .. انا شايفاك عمال تدافع عن امال باستماته وعايز تبرأها من اللي حصل بأي طريقة ؟!!
كمال .. انا لا بدين ولا ببرأ .. انا كل الحكاية اني مش عاوزك تعملي مشكلة من لا شئ مع اختك .. اختك مش سهله ونفوذها قوي وممكن تسببلك مشاكل كتير .. وعلي ايه احنا نتجنبها خالص وخلينا في حالنا
فريال .. احنا فعلا في حالنا لكن هي مش عايزة تسيبنا في حالنا وانا وديني لو ما بعدت عن طريقي انا جوزي واولادي هدمرها .. هنشر شغلها الوسخ علي الملأ وهسجنها وهي عرفة انا اعرف عنها ايه كويس
كمال .. وبعدين .. هنقضي الليل كله في سيرة اختك !! لا دي بقت عيشة تقرف بجد
ثم يتركها وينصرف
فريال تنادي عليه .. كمال .. كمال
كمال لا يجيب وفي الصباح تستيقظ فريال فلم تجد كمال بجوارها يبدوا انه لم يعود الي المنزل منذ ليلة امس تحاول الاتصال به ولكن الهاتف المحمول مغلق تنهض من علي الفراش وتذهب لتطمئن علي الاولاد في غرفتهم فتجدهم ما زالوا نائمين ثم تقع عينها علي الارض فتجد شيئا غريبا ...
ما هو ؟؟ هذا ما سنعرفه من البارت الرابع .. تابعوني .. الكاتب والسيناريست المصري محمد مالك.
[١٠/٧ ٦:٥٢ ص] محمد مالك: مدونة مالك الزعيم
ملك الروايات
الصفحة الرئيسية ▼

الخميس، 27 يونيو 2019
رواية جبروت اسمه اختي البارت الرابع
رواية جبروت اسمه اختي
البارت الرابع
للكاتب المصري محمد مالك
فريال تلاحظ وجود بعض من قطرات الدماء علي الارض ممتدة الي باب الشقة وحتي الخارج
فريال متعجبة .. ايه ده !! الدم دا جه منين ؟!! دا مكنش موجود امبارح .. يا لهوي كمال .. ثم تتوجه مسرعة الي غرفة النوم وتمسك بالمحمول وتتصل علي كمال فتجد الهاتف مغلق او غير متاح فتقلق ثم تتصل علي سعيد سكرتير كمال بالشركة
فريال .. الو.. صباح الخير يا سعيد .. كمال وصل الشركة عندك ؟!! موصلش لحد دلوقتي .. طب اول ما يوصل الشركة خليه يكلمني ضروري عشان تليفونه مقفول .. شكرا يا سعيد مع السلامة .. رحت فين بس يا كمال !! وتليفونك مقفول ليه ؟!! دا وقته بس !! ثم يتصل بها الضابط يخبرها بأن الدادا قد استعادت وعيها وانه في الطريق لأخذ اقوالها ..
فريال .. الو .. كابتن هشام ازي حضرتك .. فاقت !!طب الحمد لله كويس .. لازم اجي طبعا .. خلاص انا وراك علطول مع السلامة .. كمال قال هجيب اتنين يحرصوا الاولاد ومحدش جه لدلوقتي .. وفجأة يرن جرس الباب ويبدوا انهما الحارسان .. فريال تقترب من الباب بحذر
فريال .. مين ؟!
سالم .. انا سالم ومعايا رياض البودي جاردات اللي كلمنا كملنا كمال بي
فريال .. ايوا .. ثم تفتح الباب .. فتجد اثنان من الاشخاص الاقوياء مفتولي العضلات وكأنهما من لاعبي كمال الاجسام
فريال .. انتوا اللي كلمكم كمال بي عشان تيجوا تحرصوا الاولاد ؟
سالم .. ايوا يا فندم
فريال .. البطايق الشخصية لو سمحتم
يُخرج سالم ورياض بطاقته الشخصية وتتطلع عليها فريال ..
فريال .. تمام .. نفس الاسماء اللي قالي عليها كمال .. هو كلمكم انهاردة الصبح ؟
سالم .. لا هو كلمنا من الليل واتفق معانا .. وبرن عليه الصبح تليفونه مقفول ..
فريال .. فعلا تليفونه مقفول .. طيب انا لازم امشي دلوقتي حالا .. الاولاد نايمين جوة في اوضتهم .. واحد هيستني بره قدام الشقة والتاني هيفضل جوة مع الاولاد .. خلي بالكم الاولاد ميغيبوش عن عنيكم ثانية ومحدش يهوب من الشقة نهائي
سالم .. اطمني يا فندم متقلقيش
وتذهب فريال الي المستشفي وتجد هناك الضابط يأخذ اقوالها
فريال .. ازيك يا دادا حمد الله ع السلامة
الدادا حسنية .. الله يسلمك يا ست هانم
الضابط .. الدادا بتقول ان اللي هجم ع الشقة مكنش عاوز بسرق ولا حاجة دا كان بيدور علي الاولاد ولما الاولاد شافوه وفضلوا يجروا في كل مكان ومقدرش يتمكن منهم وطبعا فضلوا يصرخوا قام ضارب الدادا بالمطوه اللي في ايده وجري
فريال .. حصل الكلام دا يا دادا ؟!!
حسنية .. ايوا يا بنتي دا كان بيدور ع الولاد في كل اوضه في الشقة زي المجنون
فريال .. يعني فعلا كان قصدة بؤذي الولاد ولو كان اتمكن منهم كان أذاهم
الضابط .. ما أظنش ان مقدرش يتمكن منهم .. هو حب يهوش بس .. بيوصل رسالة زي ما قولتلك
فريال .. طب كان عايز دادا حسنية ليه ؟!!
الضابط .. ما هو دا بقي عشان تكمل الرسالة كأنه بيقلك انا ممكن اعمل في ولادك زي ما عملت في دادا حسنية بالظبط .
فريال .. والرسالة اني ابعد عن كمال .. كشفت عن الرقم اللي بعت الرسالة ؟!!
الضابط .. الرقم متسجل بأسم ست في قرية من محافظة سوهاج وتقريبا تم التخلص من الشريحة مباشرة بعد ما اتبعت منها الرسالة
فريال .. انا زي ما قلت لحضرتك .. انا بتهم امال ابو المواهب بكل اللي حصل
فريال .. حقك طبعا تتهمي اللي انتي عاوزاه بس عشان يتحقق معاها لازم طلب رفع حصانه وعشان تترفع الحصانه لازم دليل ادانه فريال .. انا عندي اللي يدينها ويخليها تقضي بقية حياتها في السجن
وفجأة يأتيها علي الواتساب صورة لزوجها وهو مصاب بجروح في الرأس والوجه نتيجة اثار التعذيب ويبدوا انه تم خطفة
فريال .. يا لهوي دا كمال !! الحقني يا كابتن هشام دا خاطفينه وضاربينه كمان ..
ايه اللي حصل ؟! تابعوني والبارت الخامس .. تحياتي الكاتب والسيناريست المصري محمد مالك.
[١٠/٧ ٦:٥٤ ص] محمد مالك: مدونة مالك الزعيم
ملك الروايات
الصفحة الرئيسية ▼

الجمعة، 28 يونيو 2019
رواية جبروت اسمه اختي البارت الخامس
رواية جبروت اسمه اختي
البارت الخامس
للكاتب المصري محمد مالك
فريال تتصل بأختها امال ويبدوا انها في قمة الغضب
فريال .. جوزي فين يا امال ؟!! واية الصورة اللي انتي بعتهالي دي ؟!
امال .. هو انتي ايه حكايتك بالظبط !! كل مصيبة تحصلك تقومي متصلة عليا وتتهميني اني وراها !! انا ايه عرفني جوزك فين ؟!! وصورة ايه اللي انا بعتهالك ؟!
فريال.. صورة جاتلي علي الواتساب وكمال باين فيها مضروب ومتعذب !! انتي خطفتي جوزي يا امال ؟!!
امال .. هههههه .. وهخطف جوزك ليه يعني ؟!! بيني وبينه ايه ؟!!
فريال .. لا .. من ناحية ليه .. في الف سبب وسبب يخليكي تخطفي كمال اولهم تجبريه انه يطلقني
امال .. اولا انا معرفش حاجة عن موضوع خطف جوزك ده !! ثانيا انا بحذرك ابعدي عن طريقي يا فريال وبلاش تشوهي سمعتي بظنونك المريضة دي احسنلك
فريال .. ابعدي انتي عن طريقي يا امال وبعدين انا لو عاوزة الوث سمعتك بسيطةجدا ومش محتاجة مجهود لأني عندي ملف كامل عن اعمالك القذرة بداية من تجارة المخدرات والسلاح لحد بيع الاعضاء وكلة بالمستندات
امال .. لا.. الواضح انك مش ناوية تجيبيها لبر معايا!! .. ع العموم انا حذرتك .. الا قليلي ولادك عاملين ايه دلوقتي ؟!! بخير .. والدادا اللي انتي دلوقتي عندها في المستشفي ايه اخبارها ؟!! بيقولوا انها قامت بالسلامة؟! .. خلي بالك من ولادك يا فريال وقليلهم خالتكم بتسلم عليكم .. سلام
فريال تتعجب وتشعر ان امال تلمح بسيرة الاولاد وكأنه تحذير وتهديد مباشر بتكرار ما حدث لهم
الضابط .. مالك يا استاذة فريال .. المكالمة فيها حاجة ضايقتك ؟!!
فريال .. بكرة ان شاء الله هجيبلك الملف اللي قلتلك عليه
هشام .. وانا في انتظارك وكمان هستدل علي صاحب الرقم اللي اتبعتت منه رسالة الواتساب مع اني متأكد اني مش هوصل لحاجة زي المرة اللي فاتت بس هعمل اللي عليا وبالنسبة ل كمال بيه انا هستني يمر ٢٤ ساعة وهنشر صورته علي جميع الاقسام للبحث عنه
فريال .. تمام وانا لو في جديد هتصل بحضرتك .. بعد ازنك .. شدي حيلك يا دادا عشان ترجعي تنوري البيت تاني .. مش عاوزة حاجة ؟!!.
الدادا .. خلي بالك من نفسك يا ست هانم .. ربنا يكفيكي انتي وجوزك وولادك شر ولاد الحرام
فريال .. آمين يارب .. سلام يا دادا
وتعود فريال الي المنزل تقتلها الحيرة والقلق علي زوجها الذي اختفي فجأة وتتعجب عندما لا تجد البودي جارد واقف امام الشقة فتظن ان هناك امرا سيئا قد حدث فتتوتر وتفتح باب الشقة وتدخل سريعا بحثا عن الاولاد وهي تنادي عليهم فتفاجأ ان كمال جالسا مع الاولاد يأكلون فشار ويشاهدون كارتون توم وجيري ويبدوا ان الجميع في حالة من الانبساط والضحك ويراها كمال تقف مندهشة من صدمة المنظر
كمال .. فريال !! اخيرا جيتي .. برن عليكي تليفونك مقفول ؟!!
فريال .. كمال !! انت كنت فين ؟!
احداث شيقة ومثيرة بالبارت السادس .. تابعوني الكاتب والسيناريست المصري محمد مالك.
[١٠/٧ ٦:٥٨ ص] محمد مالك: مدونة مالك الزعيم
ملك الروايات
الصفحة الرئيسية ▼

الأحد، 30 يونيو 2019
رواية جبروت اسمه اختي البارت السادس
رواية جبروت اسمه اختي
البارت السادس
للكاتب المصري محمد مالك
فريال .. انت كنت فين يا كمال ؟!!
كمال .. انا كنت في الجمرك بخلص ورق البضاعة اللي جبتها من الصين
فريال .. وايه الصورة اللي جاتلي ع الواتس دي ؟! انا فكرت ان امال خطفتك وعذبتك كمان
كمال .. يادي آمال اللي انتي صاحية نايمة بتحلمي بيها !! وآمال هتخطفني ليه ان شاء الله ؟! ناوية تطلب قصادي فدية ولا ايه ؟!
فريال .. اهو دا اللي خطر في دماغي بقي
كمال .. عرفة ليه ؟ عشان انتي حطاها في دماغك دايما ومش عاوزة تخرجيها واي مشكلة بتحصلك ربطاها بيها ودا غلط
فريال .. طب ما الصورة اللي جاتلي بالمنظر اللي فيها هي اللي خلتني اشك في ده
كمال .. دي صورة عادية وانا عملت عليها شوية فوتوشوب قلت لما اشوف رد فعلك هيكون ايه لما تشوفيها .. هتقلقي عليا ولا لا
فريال .. بذمتك دا وقت هزار من النوع ده ؟! طب والرقم اللي جاتلي منه الصورة رقم مين ؟!
كمال .. رقمي طبعا .. الرقم اللي اشتريته من فترة وكنت لسة مشغلتوش .. دا حتي انتي اللي جيبتهولي ومتسجل بأسمك كمان
فريال .. تصدق نسيت انا حكاية الرقم ده .. لأني مسجلتوش ساعتها عندي .. طب والدم اللي كان في الارض وواصل لحد بره باب الشقة دا يطلع ايه ؟!!
كمال .. دا مش دم دا ورنيش احمر سايل بتاع الجزمة الحمرا اللي عندي حبيت المعها الصبح معرفتش والورنيش سيل مني وبهدل الارض .. بصراحة دادا حسنية كانت مريحانا في حاجات كتير
فريال .. الله يجازيك يا كمال .. لما اتصل بالظابط هشام واعرفة انك رجعت البيت
كمال .. ليه هو انتي بلغتي بأختفائي ولا ايه
فريال .. للأسف شكيت ان ممكن تكون اتخطفت لما شفت الصورة المنيلة دي والدم اللي علي الارض وموبيلك اللي كان مقفول فخلاني قلت للظابط ياخد اجراءاته
كمال .. منزلتيش اسمي ليه بالمرة في صفحة المفقودين ولا كنتي عملتي اعلان في الجورنال عندك بالمره!!
فريال .. وليك عين تهرج ؟!!
فريال تتصل بالضابط
فريال .. ايوا يا كابتن هشام .. كمال رجع البيت خلاص .. اه .. كان بيخلص ورق في الجمارك .. الصورة اللي جاتلي !! لا دا طلع هو اللي باعتها من رقم تبعنا برضوا بس انا ناسياه .. قال عايز يشوفني هقلق عليه ولا لا .. الحمد لله جت سليمة تعبتك يا فندم معايا .. شكرا لحضرتك .. اه علي معادنا ان شاء الله ..هجيب لحضرتك الملف كامل .. اوك مع السلامة
كمال .. ملف ايه اللي انتي هتوديهوله؟!!
فريال .. دا الملف اللي هيودي امال في ستين داهية
كمال .. علي فكرة انا مش مؤيد اللي هتعمليه ده .. متنسيش ان دي اختك ونابها ازرق دا غير مكانتها الاجتماعية والسياسية
فريال .. طظ انا لازم اكشفها قدام الناس كلها وبعدين هي اللي بدأت .. تبقي تستحمل
كمال .. ملوش لزوم اللي هتعمليه .. اسمعي كلامي يا فريال متنسيش ان دي اختك وخالة اولادك وسمعتك من سمعتها وسمعة اولادك .. خلاص اللي حصل حصل مع انك معكيش دليل قاطع ان هي ورا اللي حصل للاولاد والدادا واحنا خلاص هناخد حذرنا بعد كدا وهنأمن البيت والاولاد ولا انتي مش واخدة بالك من ضلفتين الدولاب اللي بعتهم يحرصوا الشقة والاولاد
فريال .. ولو .. امال مش هتسيبنا في حالنا الا لما تفرق بيني وبينك .. امال عايزاك ليها يا كمال
كمال .. مش مهم انها تكون عايزاني ليها او لا .. المهم اني انا عاوزك انتي واخترتك انتي وبحبك انتي
فريال .. ودا اللي هيقتلها ومخليها عايزة تفرق بينا بأي وسيلة
كمال .. محدش هيقدر يفرق بينا يا فريال مهما عمل .. صدقيني
فريال .. صدقني كل ما افتكر ان ممكن تيجي لحظة وملاقيكش جمبي انا مش عرفة ساعتها ممكن يحصلي ايه !!
وفي الصباح تجد آمال خبر يقول ان هناك هجوم علي فيلا الصحفية فريال ابو المواهب وزوجها رجل الاعمال كمال ابو الدهب واسفر عن اصابة الاولاد بجروح متفرقة بالجسد وايضا مقتل الدادا حسنية والتي ترقد بالعناية المركزة بين الحياه والموت بعد اصابتها بطعنه نافذة بالبطن وان الصحفية المشهورة افادت في محضر رسمي ان المحرض لذلك هي اختها سيدة الاعمال وعضو مجلس الشعب آمال ابو المواهب بسبب خلافات شخصية .
آمال تغضب .. يا بنت الكلب .. عملتيها يا فريال .. طب وديني لأمسحك من علي وش الارض
ثم تتصل بأحد السادة الوزراء المهمين
فريال .. معالي الباشا الوزير .. صباح الفل .. قريت جورنال انهاردة ؟! .. تمام.. انا كمان اضايقت قوي .. ومينفعش كلام زي دا ينتشر علي الملأ ويقراه الناس وبدون اثبات او دليل ..دا تشهير علني يا معالي الوزير .. فريال !! انا مفيش اي خلافات شخصية بيني وبينها .. دي انسانه غيرانه مني ومن نجاحي وبتشتغل في جورنال اشرف الطوخي وسيادتك عارف مين اشرف الطوخي كويس ومين بيموله .. تمام .. انا مش هكلم حد تاني لأني عرفة ومتأكدة كويس انك هتجيبلي حقي .. مع السلامة يا معالي الوزير .. ماشي يا فريال اعلنتي الحرب بدري بدري .. هنشوف مين فينا اللي هيدمر التاني وكمال مش هسيبهولك ولا هخليكي تتنهي بيه ثانية واحدة .. كمال دا بتاعي انا وملكي انا يا فريال وهتشوفي ..
الاحداث اشتعلت تابعوني والبارت السابع .. تحياتي الكاتب والسيناريست المصري محمد مالك.
[١٠/٧ ٧:٠٠ ص] محمد مالك: مدونة مالك الزعيم
ملك الروايات
الصفحة الرئيسية ▼

الأربعاء، 3 يوليو 2019
رواية جبروت اسمه اختي البارت السابع
رواية جبروت اسمه اختي
البارت السابع
للكاتب المصري محمد مالك
وفي اليوم التالي تذهب فريال الي عملها بالجريدة فتفاجأ بصحفيه تدعي ريم تجلس مكانها بقسم التحقيقات ..
فريال .. ايه ده ؟!! انتي ايه اللي جابك مكتبي هنا وازاي تدخلي مكتبي وانا مش موجودة ؟!!
ريم .. طب قولي صباح الخير الاول !! وبعدين اهدي شوية من فضلك .. دي تعليمات سميح بي رئيس التحرير اني امسك قسم التحقيقات بدالك
فريال .. تمسكي قسم التحقيقات بدالي !! ليه بقي ان شاء الله ؟!! امال انا بقي همسك ايه ؟!!.
ريم .. معرفش !! هو ع العموم منتظرك في مكتبه
وتذهب فريال غاضبة الي مكتب سميح رئيس التحرير
فريال .. مظبوط الكلام ده يا سميح بي .. ريم مسكت مكاني قسم التحقيقات ؟!!
سميح .. ايوه انا اصدرت قرار بده
فريال .. ليه بقي ؟!! هو انا قصرت في شغلي ولا حاجة؟!!
سميح .. مقصرتيش .. لكن خلافاتك الشخصية مع اختك هتفتح علي الجريدة ابواب جهنم واحنا في غني عن دا كله
فريال .. اها .. قول كدا بقي اكيد بسبب التحقيق اللي نزل وقلت فيه ان امال اختي هي المسئوله عن كل اللي حصل لاولادي وللدادا
سميح .. بصراحة اه التحقيق بتاعك ده زعل مسئولين كبار وانا قلتلك مالوش لزوم تنشري التحقيق ده يا فريال لأن مش معاكي دليل ادانه واحد علي اختك وادي النتيجة
فريال .. هو مين كلمك وطلب منك تنقلني من قسم التحقيقات؟!!
سميح .. صدقيني انا انطلب مني امشيكي من الجريدة خالص .. لكن نشاطك واجتهادك وخبرتك الكبيرة شفعولك واكتفيت بنقلك من قسم التحقيقات
فريال .. ومسكت ايه بقي ؟!!
سميح .. اخبار النجوم .. قسم حلو ولطيف وبعيد عن المشاكل والصراع مع الكبار
فريال .. يعني رجعت تاني لنقطة الصفر وكأني صحفيه صغيرة ولسة بتعلم الف به صحافه !! واجري ورا الفنانين في المناسبات واعياد الميلاد عشان اجمع صور وكلمتين هايفين.. اسفة .. يا اما ارجع القسم بتاعي .. يا اما انا مستقيلة من الجورنال خالص
سميح .. متحرجنيش يا فريال لو سمحتي
فريال .. اها !! طيب .. انا كنت متوقعة ان ده هيحصل وعشان كدا انا مجهزة طلب الاستقالة ..ثم تضعها امامه علي المكتب وتقول .. شكرا يا سميح بي
وتخرج فريال من الجورنال حزينة بائسة فقد انتصرت امال في الجولة الاولي واستطاعت ان تطرد فريال من الجريدة وان تحرمها من مزاولة عملها كصحفية نشيطة وبارعة وتعود فريال الي المنزل فيراها كمال ..
كمال .. مش قلتك انتي مش اد آمال اختك .. اديهم مشوكي من الجورنال
فريال .. انت عرفت منين اني انا سبت الجورنال اللي بشتغل فيه ؟!!
كمال مرتبك ..ااا .. من دخلتك عليا دلوقتي ماشايفاش وشك حزين ومقلوب ازاي
فريال .. بس وحيات اولادي ما انا سايباها
كمال .. تاني يا فريال !! هو انتي مبتحرميش ؟!.
فريال .. انا عاوزة افهم ايه اصرارك العجيب ده اني اكون مستسلمة للي بتعمله فيا امال !! وما اخدش اي رد فعل ضدها ؟!!
كمال .. انا خايف عليكي وقلتلك قبل كدا اختك نفوذها قوي وادي الدليل .. سيبتي الجورنال اللي انتي شغالة فيه لمجرد كلمتين كتبتيهم عنها .. ابعدي عنها يا فريال عشان ترتاحي
فريال .. وهي مش عاوزة تبعد عني ليه ؟!! عاوزة تدمرني وتدمر بيتي ليه ؟!! ماشي يا أمال انا وانتي والزمن طويل وهنشوف مين يكسب في الآخر
وتتصل فريال بأحد اصدقائها الصحفين الاحرار وتخبره بأنها تريد نشر ملف خطير يكشف فساد سيدة الاعمال وعضو مجلس الشعب امال ابو الدهب
فريال .. ايوه يا حسين .. اخبارك عامل ايه
حسين .. تمام .. اخبارك انتي يا فريال .. سمعت انك سيبتي الجورنال اللي بتشتغلي فيه ؟!
فريال .. ياه للدرجة دي الخبر انتشر بسرعة البرق ؟!
حسين .. انتي عرفة المجال بتاعنا مفيش حاجة بتستخبي وخصوصا لما موضوع يخص صحفية كبيرة زيك
فريال .. ايوة فعلا سيبته .. رئيس التحرير طردني بأدب
حسين .. اكيد بعد التحقيق اللي نزلتيه عن اختك واللي حصل معاكي ؟!!
فريال .. ايوة .. مسئول كبير اتصل بيه وانت فاهم الباقي بقي
حسين .. للأسف هو دا بقي حالنا وسايط ومجاملات علي حساب الحق .. حاجة بقت فوق الاحتمال
فريال .. انا عرفة انك صحفي حر عشان كدا عاوزاك تنشر ملف مهم جدا .. قضية فساد كبيرة واستغلال نفوذ متورطة فيها امال اختي وناس تانيه
حسين .. بجد ؟!، الملف ده معاكي ؟!
فريال .. ايوة معايا
حسين .. طب محاولتيش ليه تنشريه في الجورنال عندك واهو يبقي سبق صحفي ليكي ؟!!
فريال .. انا مش مهم عندي السبق الصحفي اد ما يهمني اني اكشف الفساد واعري الناس دي قدام المجتمع والقانون عشان يتحاسبوم علي فسادهم .. وبعدين سميح بي عمري ما كان هيوافق علي نشر موضوع كبير زي ده عنده .. اديك شفت عمل ايه معايا واسمه موضوع تافه !!
حسين .. عندك حق .. ابعتيلي الملف ع الواتساب اقراه وارد عليكي بالليل
فريال .. اوك .. وانا هستني ردك .. مع السلامة
وتنهي فريال المكالمة مع حسين ..وتخرج الي الصالة بحثا عن كمال لتخبره بما حدث ويبدوا ان كمال في الحمام فتجلس امام شاشة التلفاز وتمسك الريموت وتقلب في القنوات وفجأة تأتي رسالة ع الواتساب الخاص ب .. كمال .. فريال تفتح الرسالة فتجد المرسل امال فتندهش ثم تقرأ الرسالة ..
انت فين يا كمال من الصبح ؟!! مش بترد علي الفون ليه ؟!! تعالي دلوقتي حالا عايزاك ضروري جدا .. بحبك ..
فريال تتعجب من نص الرسالة وخاصة كلمة بحبك .. ثم ترد عليها برسالة مكتوب فيها ..
معلش يا امال كنت مشغول شوية مع فريال .. ممكن تقولي ايه هي الحاجة ضروري دي ؟!!
امال ترد برسالة مكتوب فيها ..
اول مرة تقلي يا امال !! طول عمرك بتقلي يا حبيبتي .. وما دام كتبت وما اتصلتش اكيد اللي ما تسمي قاعدة جمبك .. ع العموم انا حامل يا كمال .. لازم تكلمني ضروري .. باي
فريال تصاب بالصعقة من تلك الكلمات ..
ماذا حدث تابعوني والبارت الثامن .. تحياتي الكاتب والسيناريست المصري محمد مالك.
[١٠/٧ ٧:٠٢ ص] محمد مالك: مدونة مالك الزعيم
ملك الروايات
الصفحة الرئيسية ▼

الجمعة، 5 يوليو 2019
رواية جبروت اسمه اختي البارت الثامن
رواية جبروت اسمه اختي
البارت الثامن
للكاتب المصري محمد مالك
ويعود كمال من الحمام ليجد تليفونة المحمول في يد فريال فيرتبك ..
كمال .. اناااا .. انا اصلي كنت في الحمام
فريال .. عرفة .. علي فكرة انا كلمت حسين تمام الصحفي زميلي اللي في جريدة بلا قيود وقلتله علي الملف اللي عندي اللي هيفضح كل اعمال امال القذرة وبعتله كمان الملف ع الواتساب عشان يقراه وينزلة عنده في الحورنال
كمال .. ليه بس كدا يا فريال !! ما قلتلك ابعدي عن امال وملكيش دعوة بيها .. انتي ليه مُصّرة تدخلي في صدام معاها ؟!
فريال بسخرية واضحة .. زي ما انت مُصّر تدافع عنها بالطريقة دي !! ع العموم انا اعلنت الحرب خلاص وعشان الحق معايا انا اللي هكسب يا كمال .. واللي يفكر يبعني مرة عمري ما هفكر اشتريه ابدا .. فاهم؟!!
ثم تتركه وتنصرف وكمال مندهش لسماع الجملة الاخيرة ويشعر ان فريال تقصد التلميح بشئ معين
ويذهب كمال الي شركته واثناء تواجده بمكتبه تتصل به آمال
آمال غاضبة بشدة .. ايه الحكاية يا كمال .. مش عايز ترد علي التليفون ليه ؟!!
كمال .. انا اسف يا حبيبتي طول اليوم وانا قاعد جمب فريال عشان مضايقة بسبب مشيانها من الجورنال
آمال .. طبعا قاعد تواسيها هي وان شاالله اتحرق انا
كمال .. بعد الشر عليكي يا حبيبتي
آمال .. ايه رآيك في اللي انا بعتهولك ع الواتساب؟
كمال .. بعتيلي ايه ع الواتساب ؟!!
آمال .. يعني ايه بعتلك ايه ع الواتساب .. ما انت قريت ورديت عليا !!
كمال .. انا مقريتش حاجة !! انتي بعتي ايه ع الواتساب ؟!!
آمال .. افتح الواتساب عندك وشوف
كمال .. ثواني خليكي معايا
ويراجع كمال رسائل الواتساب ولا يجد شيئا ويبدوا ان فريال قد مسحت الرسائل
كمال .. مفيش رسايل جديدة عندي !! انتي بعتيلي امتي ؟!
آمال .. امبارح بالليل لما قعدت ارنلك ومردتش
كمال .. ايه ؟!! يبقي في الوقت اللي كنت فيه في الحمام والموبيل كان في ايد فريال!!
آمال.. ايه .. هههههههه .. يبقي انكشفت يا حلو
كمال .. بتضحكي ؟! هو انتي بعتيلي قلتي ايه ؟!!
آمال .. قلتلك يا كمال كلمني ضروري عشان انا حامل
كمال .. يخرب بيتك .. انتي بعتيلي قلتي كدا ؟!! اكيد فريال قرت الكلام ده .. عشان كدا قعدت ترمي بالكلام وتقول انا اللي يبعني مرة مفكرش اشتريه ابدا
آمال .. احسن انها عرفت .. خليها تحس علي دمها بقي وتعرف انك علي علاقة بيا وتحل عننا
كمال .. بس مكنش ليه لزوم انك تقولي انا حامل والكلام ده .. هزار بايخ بصراحة
آمال .. وانت مين قالك اني كنت بهزر .. انا بتكلم جد .. انا فعلا حامل
كمال .. ايه ؟! حامل !! ازاي ؟!!
آمال .. يعني ايه ازاي ؟!! حامل يا كمال زي اي واحدة بتبقي حامل
كمال .. مني انا ؟!!
آمال .. قصدك ايه ؟! انا محدش لمسني غيرك !!
كمال .. آسف مقصدش .. بس انا متفاجأ بصراحة
آمال .. متفاجأ ليه ؟!! هو انت مكنش نفسك يبقي ليك اولاد من آمولة حبيبتك ؟!!
كمال .. ازاي نفسي يكون ليا منك اولاد وانا متهبب متجوز اختك
آمال .. بسيطة طلقها واتجوزني
كمال .. ايه ؟! اطلق فريال
آمال .. طبعا لازم تطلقها عشان نعرف نتجوز وابننا يتربي بينا
كمال .. ليه هو انتي ناوية تحتفظي بالمولود ؟!!
آمال .. اكيد ولا انت عندك رأي تاني ؟!!
كمال .. ولا تاني ولا تالت اهي مصيبة وحلت فوق دماغي
آمال .. بتسمي حملي منك مصيبة ؟!!
كمال .. لا مقصدش الحمل
آمال .. امال تقصد ايه ؟!!
كمال .. أقصد اللي ناوية تعمله فريال معاكي
آمال .. ناوية تعمل ايه تاني ؟!!
كمال .. بتقول عندها مستندات ضدك وكلمت صحفي اسمه حسين في جريدة اسمها بلا قيود عشان ينشر المستندات دي عنده وكمان متفقة مع ظابط اسمه هشام هتوديلة الملف عشان يحقق فيه
آمال .. بقي كدا ؟!! حفرتي قبرك بإيدك يا فريال وكتبتي نهايتك بدري .. اقفل دلوقتي يا كمال
كمال .. هتعملي ايه قليلي ؟
آمال .. هتعرف حالا .. سلام
آمال نوت ع الشر .. هتعمل ايه ؟؟
دا اللي هنعرفة من البارت التاسع .. تابعوني .. تحياتي الكاتب والسيناريست المصري محمد مالك.
الجمعة، 5 يوليو 2019
رواية جبروت اسمه اختي البارت التاسع والاخير
رواية جبروت اسمه اختي
البارت التاسع والاخير
للكاتب المصري محمد مالك
آمال ابو المواهب في اجتماع مغلق مع فادي مدير اعمالها وذراعها الايمن يمتاز بذكائه الخارق وسرعة بديهته بالاضافة الي رأسة المليئة بالشر فيعتبر بمثابة العقل المدبر ل آمال ابو المواهبآمال .. ليك ساعة قاعد قدامي عمالة ارصلك في كلام وانت ساكت مبتتكلمش !! هو انا جايباك عشان تسمعني ولا عشان تشور عليا هعمل ايه ؟!!
فادي ..ما انا عشان اركز معاكي واقلك تعملي ايه
آمال .. طب قول يا ابو العريف اتصرف ازاي مع الزفته دي اللي ناوية تفضحني ع الملأ وتهد كل اللي انا بنيته السنين اللي فاتت دي كلها
فادي .. وهي وصلت للمستندات دي ازاي اصلا ؟!!
آمال .. معرفش ؟!! بس مش مهم عندي وصلت ازاي .. المهم دلوقتي اني الحقها قبل ما تعمل بيها حاجة
فادي .. طب ما جايز تكون المستندات دي شوية اوراق ملهاش لزمة او جايز يكون مفيش مستندات من أساسة
آمال تتعجب .. قصدك ايه ؟!! قصدك ممكن تكون دي حركة من فريال قصدها تهوشني بيها ؟!!
فادي .. احتمال وارد وعشان نتصرف صح لازم نشوف المستندات دي وساعتها نقرر هل فعلا مستندات تضرنا او هتطلع شوية ورق ملهمش اي قيمة ويدوب اخرهم مطعم فول وطعمية يلف بيهم الطلبات
آمال .. كلامك صح والوحيد اللي يقدر بجبلي نسخة من المستندات دي كمال .. ثواني لما اتصل عليه
وتطلب آمال كمال ويرن تليفون كمال المحمول وفي هذا التوقيت يكون كمال جالسا مع آمال يشاهد التلفاز فيكنسل عليها ولا يرد وآمال تلاحظ ذلك
آمال .. مش عايز ترد ليه علي تليفونك ؟!!
كمال .. لا دا اشرف اكيد هيكلمني في الشغل
آمال .. طب رد عليه ممكن يكون عايزك في شئ ضروري
كمال .. مفيش حاجة اهم من مراتي حبيبتي وانا فهمته اني طول ما انا في البيت مع مراتي وولادي ميتصلش بيا ابدا ولا يكلمني في شغل
فريال .. يا سلام !! ودا من امتي ده طول عمرك بتتكلم في الشغل عادي وانت في البيت
كمال .. الكلام ده لما كنتي انتي يا حبيبتي مشغولة زيي لكن دلوقتي انتي قاعدة في البيت ومضايقة ومخنوقة اكيد لازم اراعي مشاعرك واواسيكي
فريال .. غريبة !! ع العموم كتر خيرك لما اقوم اعمل فنجان قهوة تحب تشرب قهوة معايا ؟
كمال .. دا لو مش هتعبك
فريال .. لا طبعا .. فينك يا دادا حسنية كنتي مريحاني في شغل البيت
كمال .. ما قلتلك اشفلك دادا غيرها وانتي رفضتي
فريال .. مش معقول الاقي واحدة زي دادا حسنية وبعدين هي اللي مربية الاولاد ومرتاحين كلنا معاها وكمان مينفعش بعد اللي حصلها ده وفي قلب شقتي استغني عنها !!اهي قربت تقوم بالسلامة وربنا يجازي اللي كان السبب في اللي حصل .. يعني مقلتش آمين ؟!!
كمال .. اه .. اااا .. آمين طبعا
فريال .. طيب لاحسن يكون مش هاين عليك تدعي عليه!! .. لما اقوم اعمل القهوة
وتدخل فريال الي المطبخ وبعد ان يتأكد كمال انها دخلت المطبخ يتصل ب آمال
كمال .. ايوا يا آمال عايزة ايه ؟!! مش قادر ارد عليكي
آمال .. هههه .. ايه لسة قاعد جمب الغندورة بتواسيها ؟؟!
كمال .. مش وقت تريقة وحياتك .. آمال شكلها فعلا عرفت حاجة وبقت ترمي بالكلام وانا عامل نفسي عبيط
آمال .. ما قلتلك قلها الحقيقة واخلص
كمال .. انتي اتجننتي !! هو دا وقته اصلا
آمال .. ع العموم براحتك انا كنت عاوزة منك طلب
كمال .. قولي
آمال .. كنت عاوزة نسخة من المستندات اللي قلتلي عليها واللي فريال بعتتها للولد الصحفي ده اللي اسمه حسين
كمال .. ودي اجيبهالك ازاي ؟!! فريال بتقفل علي الحاجات المهمة اللي زي دي جوة درج مكتبها والمفتاح دايما معاها
آمال .. اكيد هتلاقيها باعته نسخه من الملفات عن طريق الواتساب او الايميل .. اتصرف يا كمال .. لازم المستندات دي تجيلي انهاردة عشان اقدر اتصرف بسرعة والا وديني هشوط في الكل
كمال .. قصدك ايه بكلمة هتشوطي في الكل ؟!! انا بحذرك ابعدي عن الاولاد انا عاديتهالك المرة اللي فاتت ومش هسمح بأنك تقربي من ولادي تاني يا آمال .. سامعة ؟
آمال .. خلاص .. يبقي المستندات تجيلي انهاردة
كمال .. حاضر هحاول
آمال .. مش هتحاول وبس وهتقدر كمان
كمال .. طيب سلام عشان فريال جاية
وتعود فريال وهي تحمل صينية فوقها فنجانان من القهوة
فريال .. ايه كنت بتكلم اشرف ؟!!
كمال .. اه .. رديت عليه
فريال .. وكان عاوز منك ايه ؟!!
كمال ..كان بيقلي ان الوفد بتاع الشركة الالمانية وصل ومنتظرين يقابلوني
فريال .. وانت مستني ايه !! اشرب القهوة وانزل قابلهم
كمال .. يا سلام يا فريال ببقي فرحان اوي وانا شايفك خايفة علي شغلي وهمك مصلحتي
فريال .. اكيد مش جوزي حبيبي وابو ولادي .. واللي مصلحته هي مصلحتي واللي حاربت الدنيا كلها عشانه وخسرت الدنيا كلها عشان اتجوزه ويبقي معايا عمري كله.. حتي اختي الوحيدة خسرتها عشان يفضل معايا وميسبنيش ثانية .. كمال ممكن اسألك سؤال
كمال .. اكيد يا حبيبتي اتفضلي
فريال .. انت عمرك ما خنتني قبل كدا؟!!
كمال يشنق اثناء ارتشافه لشربة من فنجان القهوة ويسعل بشدة
فريال .. ايه مالك شنقت ليه ؟!! اجيبلك ميه ؟
كمال .. لا مش محتاج اصل سؤال غريب واول مرة تسألهولي!!
فريال .. اهوه سؤال خطر في بالي فسألتهولك
كمال .. مع اني مش عارف ايه سبب السؤال الغريب ده !! لكن هجاوبك .. انا يا حبيبتي عمري ما خونتك ولا عمري هفكر في حاجة زي دي ابدا .. انتي مش ناقصك حاجة عشان ادور عليها عند غيرك
فريال .. كداب
كمال .. ايه ؟!!
فريال .. كداب اللي يقول علي كمال جوزي حبيبي خاين .. انا عرفة يا حبيبي ومتأكدة من دا كويس .. بس انت عارف بقي احنا ستات وبنحب نسمع الكلمة دي حتي لو احنا متأكدين منها .. اشرب قهوتك وروح شوف شغلك وانا بالمرة هدخل اخد شاور وانزل اقابل حسين الصحفي عشان كلمني
كمال .. انتي لسة ناوية تنفذي اللي في دماغك؟!!
فريال .. اكيد .. سيبك مني انا وخليك انت في شغلك .. لما اقوم بقي اخد شاور بعد ازنك يا حبيبي
وتدخل فريال الحمام لتأخذ شاور ويتسحب كمال ناحية باب الحمام ويضع اذنه علي الباب ليتأكد فعلا ان فريال بدأت تستحم ثم يهرول مسرعا الي غرفة النوم ويتوجه ناحية مكتب فريال الخاص بها ويفتح ادراج المكتب فيجدها جميعها مغلقة
كمال .. يا تري شايلة المفتاح فين يا فريال ؟!!
ويبحث في مكان ولا يجد اثر للمفتاح فيستعجب
كمال .. معقول تكون دخلت بيه الحمام ؟!! تعملها ما هي بدأت تشك فيا .. منك لله يا آمال انتي السبب .. ثم يتوجه نحو التليفون المحمول الخاص بفريال ويتفحص الواتساب فيجد فعلا انها قامت بارسال ملف pdf الي حسين الصحفي فقام باعادة ارسال الملف الي الرقم الخاص به ومسح الرسالة بعدها مباشرة ليعود ويقوم باعادة الرسالة من تليفونه المحمول الي آمال ابو المواهب .. آمال تأتيها اشعار رسالة جديدة ع الواتساب وتكون في هذا الوقت في منزلها نراها تمسك المحمول وتقرأ الملف ولحظات ويتغير وجه آمال
آمال .. ايه ده ؟!! مش معقول !! جابت الورق دا منين ؟!! اه يا بنت الكلب ده انتي ناوية تدمريني بجد !! ثم تتصل علي فادي مدير اعمالها .. اه يا فادي .. سيب اللي في ايدك وتجيلي دلوقتي حالا .. ايوة بعتلي الملف .. بجد !! الا بجد .. دا فيه ورق يوصلني لحبل المشنقة .. مش وقت شرح تعالي دلوقتي حالا .. سلام
فريال ترتدي ثيابها تستعد للخروج لمقابلة حسين الصحفي
كمال .. لسة برضوا مصرة تقابلي الولد الصحفي ده عشان تنشري الورق اللي عندك ؟!!
فريال .. اكيد
كمال .. فريال لاخر مرة بحذرك انتي داخلة لعبة خطيرة وانتي مش ادها
فريال .. متقلقش طول عمري ربنا واقف جمبي وبينصرني عشان دايما في صف الحق وبعدين انت خايف عليا ولا علي آمال ؟!!
كمال يرتبك .. آمال !! وانا آمال هتهمني في أيه ؟!! خايف عليكي انتي طبعا .. انتي مراتي حبيبتي وام اولادي
فريال بسخرية .. اها !! طيب .. لا متخفش عليا يا حبيبي انا واثقة ان ربنا هينصرني عشان قلبي طيب وطول عمره ابيض لا يعرف غش ولا كدب ولا حتي يخون!! .. سلام
وتذهب فريال لمقابلة حسين الصحفي في احد الكازينوهات لتفاجأ بصدمة
عندما تصل فريال الي الكازينو لم تجد حسين قد وصل بعد وتجلس تنتظر قدومة قرابة ساعة من الوقت ولكن لم يحضر فتقلق وتقوم بالاتصال عليه فلا يرد فتتعجب وبعد عدة محاولات من الاتصال به ترد زوجته وهي في حالة من الذعر والبكاء والانهيار الشديد لتخبرها بأن حسين قد تعرض لحادث بشع حيث قام مجهولون بإطلاق النار عليه اثناء توجهه لأستقلال سيارته لمقابلتها في المكان المحدد وانه يرقد الآن في العناية المركزة بين الحياة والموت .. تنزعج فريال عند سماع هذا الخبر المؤلم وينتابها الشك ان آمال قد يكون لها يد في هذا الحادث فربما نما الي علمها ان حسين ينوي مقابلة فريال للتحدث بخصوص المستندات التي تنوي نشرها في الجريدة التي يعمل بها حسين ولكن من اخبرها بأن حسين لديه مستندات ضد آمال وينوي نشرها في الجريدة التي يعمل بها ؟!! فلا احد يعلم ذلك سوي كمال زوجها .. فربما كمال اخبر آمال بذلك لتأخذ حذرها وبالتالي تخلصت من حسين .. بل بالتأكيد كمال هو الشخص الوحيد الذي اخبرها فهي تيقنت انه علي علاقة غير شرعية ب أختها آمال وانه دائما يحذرها من الدخول في معركة معها وفجأة تأتي رسالة ل فريال من رقم مجهول نصها .. اصرفي نظر عن اللي ناوية تعملية يا أما هتدفعي التمن غالي اوي وانتي حرة .. البقية في حياتك في المرحوم حسين ...تنطلق فريال مباشرة بعد قرآة تلك الرسالة الي الضابط هشام وتخبرة بما حدث
اما آمال فهي تجلس الان مع مدير اعمالها فادي وهي في غاية الفرح والسرور بسبب التخلص من حسين الصحفي
آمال .. لا عفارم عليك بجد .. برافو يا فادي
فادي .. خدامك يا ست الكل .. عشان كدا دايما اقلك .. متقلقيش ابدا طول ما انا معاكي
آمال .. بس انت متأكد ان اللي اسمه حسين ده مش هيقوم من الحادثة دي تاني ؟!
فادي .. يقوم فين يا ست الكل دا اخد اربع رصاصات وكلهم في مقتل !! دا زمانه مات دلوقتي
آمال .. ادينا خلصنا من واحد .. كدا فاضل واحد كمان
فادي .. مين يا ست الكل؟!!
آمال .. هي في غيرها .. اللي طول عمرها معكننه عليا حياتي وواقفالي زي اللقمة في الظور .. فريال
فادي .. اختك ؟!! هو انتي ناوية تخلصي منها هي كمان ؟!!
آمال .. انت ناسي ان اصل المستندات دي معاها هي .. يعني لسا التهديد موجود ومادام في نيتها تضرني بيهم .. هتعمل كدا
فادي .. بس اظن ان بعد اللي حصل ل حسين والرسالة اللي جاتلها اكيد هتخاف وهتفهم انها لو حاولت تضرك بالمستندات دي هتلاقي نفس المصير
آمال .. لا ما اظنش .. فريال عنيدة ومبتخفش ومعتبره نفسها انها من انصار الدفاع عن المال العام وحقوق الشعب واكيد ما دام عزمت النية علي انها تضرني هتضرني وخصوصا بعد ما عرفت اني علي علاقة ب كمال جوزها .. يعني اكيد هتنتقم مني
فادي .. طب والعمل ؟!!
آمال .. اتغدي بيها قبل ما تتعشي بيا
فادي .. والمطلوب ؟!!
آمال .. اكوي قلبها علي عيل من عيالها واهو بكدا تبقي قرصة ودن خفيفة ليها
فادي .. بس دي مش قرصة ودن خفيفة !، انتي كدا ناوية تكسري قلبها لأنه مفيش اغلي من الضنا وممكن بالعملة دي تعند اكتر وتنتقم منك شر انتقام
آمال .. لا بالعكس .. بعد العملة دي فريال فعلا هتتكسر وهتعرف ان اللي يقف قدام آمال ابو المواهب ويتحداها لازم يخسر ويخسر جامد اوي وبكدا هتخاف علي العيل اللي هيتبقالها وهتحل بعيد عني ومش بعيد تسيب البلد وتمشي وبكدا كمال يبقي ليا لوحدي من غير شريك .. نفذ يا فادي واديني تمام
وبدون تردد او تفكير قررت آمال ابوالمواهب الانتقام من اختها اقرب الناس اليها وفي الصباح يأتي الباص ليأخذ محمد ومها اولاد فريال الي المدرسة وفي الطريق تتوجه مشرفة الباص نحو محمد ومها وتعطي كلا منهما علية عصير قائلة
المشرفة .. خد يا محمد بابا كلمني حالا في التليفون وقالي ادي محمد ومها علبة العصير دي .. عشا الجو حر اوي انهاردة .. يلا اشربوا بالهنا والشفا
مها .. غريبة اول مرة بابا يعمل حاجة زي دي ؟!!
محمد .. ما هي قالتك عشان الجو حر اوي انهاردة .. اشربي يابنتي اشربي
ويشرب محمد ومها علبة العصير واثناء سيرهم في الطريق تطلب المشرفة من السائق ان يقف وتنزل في عرض الطريق وتختفي تماما وبعدها بدقائق يشعر محمد بمغص مفاجئ ثم يتألم ويصرخ والسائق ينزعج فيتوقف للأطمئنان علي محمد
السائق .. مالك يا حبيبي في ايه ؟!!
محمد .. بطني وجعاني اوي يا عمو
السائق يلاحظ الاعياء والعرق الشديد علي محمد فيضطر الي تغيير اتجاهه والتوجه الي اقرب مستشفي لأنقاذة وللأسف يصل محمد الي المستشفي ليكون قد فارق الحياة .. السائق يتصل بإدارة المدرسة التي تتصل علي الفور بوالدة محمد ..
وتذهب فريال مسرعة الي المستشفي ليخبرها الطبيب انه يشك في ان وفاة الطفل ليست طبيعية وانه يعتقد ان الطفل قد مات اثر تناولة طعام او شراب مسموم واخبرت مها امها بما حدث وان المشرفة قد اعطتهم عصير ليشربوه بحجة ان والدهم قد طلب ذلك وعند مواجهة كمال اخبرها بأنه لم يتصل بأحد ولم يطلب شئ كهذا والبحث عن المشرفة لم يجدوها فقد اختفت تماما من المدرسة والبيت فهي تعمل بعقد مؤقت ادركت حينها فريال ان آمال هي وراء ما حدث وايضا اعتقد كمال ذلك الذي ذهب كالمجنون الي شركة آمال واقتحم عليها مكتبها اثناء تواجدها مع مدير اعمالها فادي
آمال .. كمال!! .. ايه الزيارة المفاجئة دي ؟!!
كمال .. ابني محمد مات مسموم يا آمال !! انتي اللي ورا ده صح ؟!!
آمال .. سيبنا لوحدنا دلوقتي يا فادي
كمال .. لا .. الشيطان ده هيستني هنا لحد ما اعرف الحقيقة عشان وديني لو انتي اللي وراها يا آمال انتي والكلب ده انا هقتلك وهقتله حالا
آمال .. اهدي علي نفسك شوية يا كمال .. وشوف انت بتكلم مين !! وبعدين مراتك اللي بدأت معايا والبادي اظلم
كمال .. يبقي انتي اللي وراها .. انا قلتلك قبل كدا وحذرتك اولادي خط احمر يا آمال .. لكن للأسف انتي مش هامك تحذيري ونفذتي اللي في دماغك برضوا .. وانا دم ابني غالي اوي وتمنه حياتك يا آمال
ثم يخرج مسدسه ويصوبه ناحية امال
آمال .. انت عايز تقتلني يا كمال ؟! بعد كل اللي عملته عشانك .. دا انا اللي خليت لشركتك اسم في السوق بنفوذي وفلوسي كمان .. وبعدين ايه يعني ابنك مات .. ما هو اللي في بطني برضوا ابنك وولد كمان .. انا عملت كدا عشان اكسر فريال
كمال .. انتي كسرتيني انا مش بس فريال .. ولا انتي ناسية ان اللي قتلتيه ده زي ما هو ابن فريال ابني انا كمان .
آمال .. انسي يا كمال وطلق فريال عشان تتجوزني وابننا يتولد ويتربي بيني وبينك واهو يعوضك عن اللي راح
كمال .. انا لا هطلق فريال ولا عمري هتجوزك .. عرفة ليه؟!! عشان فريال احسن منك واشرف منك وعمرها ما فكرت تخوني وانا وانتي اقرب الناس ليها خوناها وكسرنا قلبها .. انتي اقذر انسانه عرفتها علي وجه الارض انتي تستحقي الموت يا آمال ولازم تموتي انتي والكلب ده عشان الناس ترتاح من شركم للأبد
آمال .. اوعي تفكر انك بقتلي كدا ضميرك هيرتاح !! انسي .. عمرك ما هتنسي انك خنت مراتك في يوم من الايام مع اقرب الناس ليها ولا عمرك هتنسي ان ابنك مات بسبب عند مراتك ونشفان دماغها
كمال .. فريال عمرها ما اذتك في شئ انتي اللي اقتحمتي عليها حياتها وحبيتي تاخدي جوزها منها ودمرتي حياتها وشغلها وقتلتي ابنها وجاية في الآخر وبكل برود عاوزاني انسي وابدأ صفحة جديدة معاكي .. يا جبروتك يا شيخة!! .. جبتي القساوة والفظاعة دي كلها منين؟!!
آمال .. انا قلتلك قبل كدا اللي يفكر بس يئذيني امسحه من علي وش الدنيا .. ولآخر مرة بقلك انسي اللي فات يا كمال وسيبك من فريال .. فريال خلاص بقت زي الفرخة المدبوحة ومعادتش تنفعك .. انا بس اللي اقدر انفعك .. معايا انا بس هتفضل كسبان
كمال .. بالعكس انا معاكي خسرت كل حاجة .. خسرت مراتي وابني وحتي احترامي لنفسي
ثم يلمح كمال فادي وهو يحاول اخراج مسدس من خلف ظهرة فيسارع بقتله
آمال .. ايه اللي انت عملته ده يا مجنون ؟!!
كمال .. انا فعلا كنت مجنون يوم ما فكرت اخون مراتي اللي باعت الدنيا كلها عشان خاطري ويوم ما اكتشفت خيانتي مهانش عليها تواجهني وكتمت جوة قلبها ومفكرتش تسيبني لكن دلوقتي بس انا فقت وعقلت .. وزي ما هان عليكي ابن اختك اللي هو ابني .. انتي كمان هونتي عليا يا آمال
ثم يطلق النار عليها بصورة عشوائية .. بعدها يقوم آمن الشركة بالقبض علي كمال وتسليمة للشرطة في الوقت الذي وصل فيه الملف للضابط هشام والذي تم عرضه علي السلطات المختصة وصدر أمر من النائب العام برفع الحصانه عن آمال ابو الدهب والتحقيق معها في كل قضايا الفساد التي وردت بتلك المستندات وترقد آمال في العناية المركزة في غيبوبة طويلة اما كمال فيلقي مثيره في غيابات السجون .. وفريال تحاول جاهدة ان تقف مرة اخري علي قدمها بعد كل تلك الصدمات من اقرب الناس اليها حاضنة ابنتها الوحيدة مها .. وبالفعل تنجح في ان تعود وتقف علي قدمها مرة اخري ورغم كل ذلك ترفض الطلاق من كمال وتقرر ان تستمر معه رغم كل ما صدر منه فما زالت تحبه وتعلم انه ادرك خطأة وندم عليه فكانت تزوره من آن لآخر داخل السجن وتولت هي ادارة الشركة وبعد عام من الغيبوبة المستمرة تموت آمال بعد ان بدأ جسدها يتعفن من طول الرقود في السرير ... وبذلك تنتهي القصة والتي نتعلم منها ان ما بني علي باطل فهو باطل ولا يحق الا الحق ... انتهت قصتي ولم تنتهي محبتي .. تحياتي الكاتب المصري محمد مالك.
🌹🌹🌹👍
ردحذف🌷🌷🌷🌷🌷
ردحذفروعه
ردحذفجميل جدا
ردحذفجميل جدا وروعه
ردحذف🌹🌹🌹🌹🌹🌹🌹🌹
ردحذفرواية رائعة
ردحذف