عشقت زوجة ابي كاملة

رواية فتاه للبيع او الايجار كاملة

للكاتب المصري محمد مالك

[١٩/‏٧ ٢:٢٤ م] محمد مالك: رواية فتاه للبيع او الايجار

البارت الاول

للكاتب المصري محمد مالك

خلود شرف الدين فتاه عشرينية جميلة ملقبة بالفتاه المقهورة المغلوبة علي امرها مات ابواها في ظروف غامضة جدا حيث ماتا مقتولين خنقاً ولا يُعرف الدافع الحقيقي وراء تلك الحادثة الي الآن غير ان الوالد كان معروف عنه انه سئ الخلق وكان يعمل بأعمال مشبوهة يعاقب عليها القانون ويظن البعض ان هذا الحادث مجرد انتقام ونهاية متوقعة لطريق الشر ... ومات الوالدان وتركا خلود وهي ما زالت في سن العاشرة ليتولي رعايتها بعد ذلك اخيها معتز شرف الدين يكبرها بثمان سنوات صورة كربونية للوالد او بمعني ادق امتداد لأبيه في طريق الشر والمعاملات المشبوهة يلقبه الكثيرون امبراطور الشر حيث بلغ بشرة اعلي المقاييس وفاق كل الحدود شديد الجرأة وقساوة القلب .. عنيد لأبعد الحدود يكرة الهزيمة ويعشق النصر ويضحي من اجله بالغالي والنفيث طماع وندل ولا يحفظ معروفا لأحد  ..اجبر اخته ان تترك المدرسة وتجلس بالمنزل وهي ما زالت في المرحلة الابتدائية يعاملها اسوأ معاملة ويضربها كثيرا بسبب وبدون سبب لدرجة انها اصبحت تخاف منه بشدة وترتعش عندما تراه ومن الممكن ان تراها تتبول لا اراديا اذا ما اوقعها قدرها في مواجهه معه ونراه الان في احدي الحانات يلعب القمار مع صديق له يدعي نصار .. ويبدوا انه خسر كل مالة
نصار .. ههههه .. تخسر يا حلو
معتز .. اوعي تقول الكلمة دي تاني .. معتز شرف الدين شال من قاموسة كلمة خسارة
نصار .. هأو ..  امال اللي انت فيه ده تسميه ايه يا فالح ؟!!
معتز يخرج صورة من محفظته ويبدوا انها صورة خلود اخته ثم يضعها علي الطربيزة
معتز .. كمل لعب
نصار .. هتلعب علي ايه تاني ؟!!
معتز يشير الي صورة اخته ونصار يتعجب
نصار .. دي خلود اختك !!
معتز .. العب عليها .. مش كنت عايزها من زمان ؟!!
نصار متفاجأ ونراه كالصياد الذي طالما انتظر فريسته لينقض عليها .. ايه ؟!!
القصة في غاية التشويق والاثارة .. تابعوني والبارت الثاني .. تحياتي الكاتب والسيناريست المصري محمد مالك.
[١٩/‏٧ ٢:٢٦ م] محمد مالك: فتاه للبيع او الايجار
البارت الثاني
للكاتب المصري محمد مالك
نصار .. يعني لو كسبتك خلود هتبقي بتاعتي ؟!!
معتز .. طب مش لما تكسب الاول !!
نصار .. هكسب عشان خاطر عيون خلود اللي هموت واتجوزها .. هكسب .. العب يا امبراطور الشر
ويلعب معتز ونصار القمار وللأسف لم يكن الحظ حليفاً ل معتز بل كان يساند نصار طوال اللعبة وفاز نصار واغتمرته فرحة عارمة
نصار .. ههههههه .. تخسر يا كبير .. الفرح امتي بقي ؟!!
معتز غاضب من الهزيمة .. في اي وقت انت عاوزه
نصار .. خلاص يبقي الخميس الجاي كتب الكتاب والدخله .. مبروك يا ابو نسب
ويمد يده ليسلم علي معتز .. معتز ينظر الي يده ويرفض ان يسلم عليه ويترك المكان وينصرف
نصار تجلس بحوارة فتاة ليل تدعي توتا ..ونصار متعجبا من رد فعل معتز
نصار .. ماله ده ؟!!
توتا .. معلش .. اول مرة يخسر في حياته
نصار .. ليه .. هو كان فاكر انه هيفضل طول عمره يكسب !!
توتا .. ما انت عارف انه طماع ويحب المكسب دايما
نصار .. ههه.. واديني جبتلك مناخيره الارض الليلة
توتا .. لا وكمان وصلت لأخته اللي طول عمرك عينك منها وهتموت عليها
نصار .. عندك حق يا بت يا توتا .. البت منخششة في دماغي من اول مرة شفتها فيها .. ازرعت جوة قلبي ومش عايزة تطلع منه ابدا
توتا .. مبروك عليك يا سيدي .. بس انا مستغربه ازاي هانت عليه اخته عشان يلعب عليها قمار؟!!
نصار .. لا متستغربيش اللي زي معتز ده واطي وقليل اصل ويضحي بأي شئ عشان مصلحته واهو كله فايدة لينا .. اخيرا يا خلود بقيتي بتاعتي !!
ويعود معتز الي المنزل غاضب بشدة ويدخل الي غرفته ليبدل ملابسة وتدخل خلفة خلود
خلود .. حمد الله ع السلامة يا معتز .. احضرلك العشا؟
معتز .. مش عاوز زفت
خلود .. مالك في ايه ؟!! شكلك مضايق
معتز .. في ايه يا بت !! شايفاني بقطع في هدومي ولا بشد في شعري عشان تقليلي مضايق !! انا مفيش مخلوق في العالم كلة يقدر يضايقني
خلود .. عرفة .. تصبح علي خير
معتز .. استني
خلود .. نعم
معتز .. اعملي حسابك ان الخميس الجاي فرحك علي نصار
خلود .. نصار !! نصار مين؟!
معتز .. نصار الضبع صحبي
خلود .. نصار صحبك تاجر المخدرات !!
معتز .. ايوه
خلود .. دا قواد كمان !! لا طبعا انا مش موافقة
معتز .. هو انتي فاكرة اني بقلك كدا عشان اخد رأيك ؟!! انا قررت خلاص واديت الراجل كلمة وبقلك عشان تستعدي بس .. تمام؟
خلود .. ايوة .. بس انا لا يمكن اتجوز واحد بالشكل ده .. حرام عليك يا معتز انت كدا هتضيعني
معتز .. خلاص الكلام انتهي ..
خلود .. لا ما انتهاش يا معتز .. انت لو غصبت عليا اتجوز نصار بتاعك ده .. انا هموت نفسي .. فاهم
معتز .. انتي بتهدديني يا بت ولا ايه ؟!! طب يا ختي روحي موتي نفسك من دلوقتي ولا اقلك اموتك انا احسن..  ثم يفتح المطواه ويمسك بأخته من الخلف ويضع المطواه علي رقبتها ..ثم يقول
معتز .. اه .. ادبح ولا ايه ؟
خلود .. انت هتقتلني بجد يا معتز ؟!!
معتز .. امال هقتلك بهزار يا روح امك .. ورحمة ابوكي وامك لو عارضتيني تاني في اي قرار اخده لاكون جايب خبرك .. فاهمه؟!!
خلود .. معتز المطوة هتعورني
ثم نري خلود تبول علي نفسها من شدة الخوف ومعتز يلاحظ ذلك
معتز .. ايه اللي عملتية ده جاتك القرف .. غوري اطلعي برة الاوضة
خلود تخرج مسرعة وتتوجه الي غرفتها وتنهار من البكاء وهي تقول
خلود .. حرام عليك اللي بتعمله فيا ده يا معتز .. اعمل ايه بس ياربي ؟!! يارب ماليش غيرك يارب .. متسبنيش يارب
ماذا حدث ؟؟ تابعوني والبارت الثالث.. تحياتي الكاتب والسيناريست المصري محمد مالك.
[١٩/‏٧ ٢:٢٦ م] محمد مالك: رواية فتاه للبيع او الايجار
للكاتب محمد مالك
البارت الثالث
وفي الصباح يستيقظ معتز من النوم ثم يشعل سيجارته ويتوجه الي الصالة وتكون خلود جالسة علي الكرسي فتقف مُفزعة عندما تراه وتقول
خلود .. صباح الخير
معتز .. صباح الزفت علي دماغك
خلود تحزن من رد اخيها ومعاملته لها وتكتم ذلك في داخلها
خلود .. ثواني اجيبلك الفطار من المطبخ
فتدخل المطبخ وتِحضر له صينية الفطار وتضعها امامه علي المنضدة
معتز .. ناوليني ازازة الهباب اللي هناك دي ويقصد الخمرة
خلود .. سجاير وخمرة ع الريق ؟!! طب افطر الاول
معتز .. وانتي مالك امك شيلي القرف دا من هنا وهاتي اللي قلتلك عليه .. ثم يضرب الصينية بقدمه فينقلب الطعام علي الارض .. خلود يقشعر جسدها وتذهب وتحضر له زجاجة الخمر ثم تقول
خلود .. انا عاوزة افهم بس انت ليه بتعاملني كدا ؟!! هو انا اختك ولا عدوتك ؟!! دا انا لو عدوتك واسيرة عندك مش هتعاملني بالطريقة دي !! ليه دايما ذاللني وكاسر نفسي مع اني بحبك وبخاف عليك والمفروض انك تحبني وتخاف عليا لأني بنت واختك الصغيرة وماليش غيرك في الدنيا بعد بابا وماما
معتز .. خلصتي المحاضرة بتاعتك ؟!! غوري بقي جهزيلي الحمام عايز اتنيل استحمي
خلود .. حاضر
ثم يرن تليفون معتز المحمول ويكون المتصل نصار
معتز .. عايز ايه يا سي زفت ع الصبح ؟؟؟
نصار .. طب قول صباح الخير بدال الشتيمة دي !!
معتز .. ما تستاهلش اقلك صباح الخير
نصار .. اها .. زعلان عشان غلبتك في القمار امبارح؟؟! مرة علي نفسي يا كبير ما انت طول عمرك كسبان وانا طول عمري خسران
معتز .. عشان انت حمار متعرفش تفكر فلازم تفضل طول عمرك خسران
نصار .. مقبولة منك يا كبير
معتز .. لخص عايز ايه ؟!!
نصار .. ممتاز باشا عاوزك في مصلحة
معتز .. مصلحة ايه ؟!
نصار .. معرفش .. كلمني امبارح وقالي يخليه يعدي عليا في الشركة الصبح
معتز .. هعدي عليه ماشي
نصار .. ايه اخبار العروسة ؟!! علي اتفاقنا ولا ؟
معتز .. انت عارف ان الكلمة اللي تطلع من لسان معتز مبيرجعش فيها تاني حتي لو علي رقبته
نصار .. عارف يا امبراطور الشر بس حبيت اطمن
معتز .. لا اطمن يا سيدي يوم الخميس هتاخدها واشبع بيها انت مش كسبتها في القمار .. تبقي حلال عليك.. يلا غور
ثم يغلق الخط وتدخل خلود وقد سمعت الحوار
خلود .. الحمام جاهز
معتز .. ماشي
خلود .. هو انت كنت بتكلم نصار ؟!
معتز .. ايوا بكلم زفت
خلود .. انت بتقله ان يوم الخميس هياخدها ويشبع بيها !! قصدك انا صح ؟!!
معتز .. ايوا قصدي جنابك
خلود .. يبقي اللي فهمته صح .. انت لعبت مع نصار قمار عليا يا معتز ؟!!
معتز .. ايوا .. خلصت فلوسي ومكنش عندي حاجة العب عليها غيرك .. كان لازم اكسب الكلب ده .. لكن للأسف خسرت برضوا
خلود .. لعبت علي اختك قمار وخسرتها يا معتز ؟!!
معتز .. حظك كدا .. وبعدين الواد نصار واد قلبه ميت وابن ليل هيحافظ عليكي
خلود .. القواد تاجر المخدرات هيحافظ علي اختك يا معتز؟!!
معتز .. بت انتي انا مش عاوز صداع .. روحي اعمليلي فنجان قهوة منا ما استحمي عندي شغل مش فاضيلك ولا انتي غاوية اهانه كل شوية
خلود .. لا وعلي ايه .. من عنيا يا اخويا يا ابن امي وابويا
ثم تدخل الي المطبخ وتقول لنفسها انت اللي جبته لنفسك يا معتز
خلود قررت تعمل حاجة .. ايه هي ؟!! تابعوني والبارت الرابع .. تحياتي الكاتب والسيناريست المصري محمد مالك.
[١٩/‏٧ ٢:٢٧ م] محمد مالك: رواية فتاه للبيع او الايجار البارت الرابع
للكاتب المصري محمد مالك
خلود .. من عنيا يا اخويا يا ابن امي وابويا
وتدخل الي المطبخ وتحادث نفسها قائلة .  انت اللي جبته لنفسك يا معتز .. ثم تعد له فنجان القهوة وتدس فيه سم كانت تستخدمه في القضاء علي الفئران وتحمل الصينية ويداها ترتعش ويكون معتز قد اتم استحمامه وينشف رأسه بالفوطة وهو جالس في الصالة ثم ينظر الي خلود فيلاحظ يداها المرتعشتان التي تكاد ان تسقط من بينهما الصينية ثم تقترب ببطء نحو معتز
معتز .. مالك يا بت بتتنفضي ليه كدا ؟!! اظبطي نفسك يابت الصينية هتقع من ايدك
خلود .. اتفضل القهوة
معتز يمسك بفنجان القهوة ويرتشف منه رشفة ثم ينظر لها بغضب شديد
معتز .. ايه دا يا بت ؟!
خلود مرتبكة.. ايه !!
معتز .. القهوة دي سكر زيادة !! انا مش قايلك ميت مرة اني الصبح بالذات القهوة لازم تكون سادة؟!
خلود .. انا اسفة هعملك غيرها
معتز .. ولا غيرها ولا زفت .. هتنيل واطفحها .. انا مش عارف ايه اللي ملخبط كيان امك بالشكل ده ؟!! تكونيش يا بت حد معلقك وشاغل بالك ومش قايلالي .. عليا الطلاق ادبحك
خلود .. لا اطمن .. انت دفنتني بالحيا لا بعرف ولا اتحب !!
معتز .. احسن برضوا .. يا ساتر .. ايه المغص المفاجئ ده ؟!! ايه الالم الشديد ده ؟!! بطني بتتقطع يا بت ليه كدا ؟!! انتي حاطالي في القهوة يا بنت الكلب ؟!!
معتز يعرق بشدة ويبدأ يفقد حرارة جسدة وينخفض ضغط دمه ويقترب من فقدان الوعي
خلود .. حاطتلك اللي هيخلصني منك للأبد وهيريحني من ظلمك وذلك ليا .. موت بقي وخلصني .. موت بقي خليني اعيش واحس اني بني آدمة زي الناس موت خليني اعرف اتنفس واتخلص من شبح الخوف اللي كاتم علي نفسي ليل ونهار
معتز .. انتي حطتيلي سم في القهوة يا خلود ؟!
خلود .. ايوا حطتلك سم  بإيديا دول..
معتز .. سميتي اخوكي يا بت ؟!!
خلود بسخرية شديدة .. ههههه .. دلوقتي بقيت اخويا وانا بقيت اختك !! كان فين الكلام ده من سنين فاتت وانت بتعاملني اسوأ معاملة وبتهيني ليل ونهار وفي الاخر تلعب عليا قمار وتخسرني لصالح انسان صايع وفاسد زيك !! كان لازم اعمل كدا عشان اخلص من ظلمك اللي مالوش نهاية ..ظلمك لنفسك وللناس وليا .. كان لازم تموت عشان ترتاح واللي حواليك كمان يرتاحوا .. موت يا معتز عشان اختك تعرف تعيش
ويلفظ معتز انفاسه الاخيرة وتقترب منه بحذر شديد لتتأكد من انه قد مات بالفعل وتمسك بيده وترفعها ثم تتركها فتسقط علي الارض
خلود .. مات !! معتز مات !! معتز مات خلاص يا خلود .. مفيش ظلم ولا اهانه تاني .. مفيش خوف يا خلود .. عيشي حياتك يا خلود واتمتعي بدنيتك اللي كانت بالنسبة لك سجن وعذاب مالوش نهاية .. اااااااه .. اخيرا الكابوس انزاح ياربي .. انا مش مصدقة نفسي  بجد ؟!! وفجأة تسمع صوت معتز من خلفها يقول
معتز .. بس انا كنت مصدق انك ممكن تعملي كدا .. عشان كدا عملت حسابي
خلود .. معتز !!
معتز .. انتي تسميني انا يا خلود وحيات امك لتشوفي مني الوش الحقيقي لأمبراطور الشر .. تعالي معايا
ثم يسحبها من شعرها بقوة
خلود .. انت هتعمل فيا ايه يا معتز ؟!!
معتز .. متستعجليش .. هتشوفي بعنيكي
الاحداث اشتعلت تابعوني والبارت الخامس .. تحياتي محمد مالك.
[١٩/‏٧ ٢:٢٨ م] محمد مالك: رواية فتاه للبيع او الايجار
البارت الخامس
للكاتب المصري محمد مالك
معتز يجر اخته خلود الي غرفة مظلمة اسفل المنزل لا يعرف مكانها سواه ثم يفتح الباب الحديد
خلود .. ايه ده ؟!! انت جايبني فين ؟!!
معتز .. مش كنتي عايزة تعرفي عمك سلطان ومراته وفاء ليه اختفوا فجأة وراحوا فين ؟؟! خشي بقي عشان تعرفي الاجابة بنفسك ..
خلود .. لا يا معتز .. متسبنيش في المكان ده يا معتز ارجوك .. ابوس ايدك حرام عليك
معتز يدفعها الي الداخل بقوة .. خشي يلا غوري
خلود .. لا يا معتز لا .. بتعمل فيا ليه كدا حرام عليك .. المكان كله ضلمة حرام عليك ..
وفجأة يمر من امامها وطواط فيصيبها الخوف ثم يمر فوق قدميها فأر فتصاب بالذعر فتنهض  مسرعة وتتوجه نحو الباب الحديد وتطرق الباب بكل قوة وتقول
خلود .. افتح يا معتز .. افتح حرام عليك .. يا ناس الحقوني .. الحقوني ارجوكم هموت .. هموت حرام عليك يا معتز ..
وفجأة تسمع صوت من الداخل يقول .. مش هيسمعك ومش هيفتحلك .. اللي بتعمليه ده ممنوش فايدة
خلود ترتجف وتلتفت ببصرها في كل مكان ولكن لا تري شيئا من شدة الضلمة .. مين !! مين بيتكلم ؟!!
ثم يشعل ولاعة لتضئ المكان فتري خلود رجل ذو شعر كثيف ولحية كثيفة عليهم تراب الزمن وملابس بالية ثم يقول ..
سلطان .. انا سلطان عمك يا خلود
خلود .. عمي سلطان ؟!! انت مش اختفيت انت ومرات عمي وفاء من خمس سنين؟!!
سلطان .. قصدك حبسني اخوكي هنا من خمس سنين !!
خلود .. معتز ؟!!
سلطان .. ايوة الندل الجبان اللي مالية اصل ولا امان
خلود .. طب ليه عمل فيك كدا ؟!!
سلطان .. ليه دي انا هشرحهالك بعدين
خلود .. وفين مرات عمي وفاء
سلطان .. اهه .. ويشير الي هيكل عظمي وخلود تصاب بالذعر
خلود .. مش معقول .. الهيكل العظمي ده بتاع مرات عمي ؟!!
سلطان .. ايوه بتاع مرات عمك وفاء حبسها معايا الندل الخثيث ومكملتش ٦ شهور في المقبرة دي  وماتت في مكانها ده واتحللت وبقت هيكل عظمي زي ما انتي شايفة والدور عليا انا كمان ..
خلود .. انا مش قادرة اصدق معتز اخويا عمل فيكم كدا !! طب ليه ؟!!
سلطان .. انا قلتلك هشرحلك ليه دي بعدين..  وازاي مش قادرة تصدقي !! وانتي بقيتي معانا في نفس المقبرة وهيصيبك نفس المصير ويشير الي وفاء
خلود .. لا .. لا..  انا مش عايزة اموت هنا .. افتح يا معتز خليني اخرج من هنا .. افتح يا معتز ابوس ايدك وتطرق الباب بكل قوة حتي تخر قواها وتسقط علي الارض بلا فائدة ..
الاحداث اشتعلت تابعوني والبارت السادس .. تحياتي الكاتب والسيناريست المصري محمد مالك.
[١٩/‏٧ ٢:٢٩ م] محمد مالك: رواية فتاة للبيع او الايجار
البارت السادس
للكاتب المصري محمد مالك
ويذهب معتز لمقابلة ممتاز وهو رجل اعمال فاسد يحتاج احيانا الي معتز ليقضي له بعض الخدمات التي ينجزها له بكل جدارة ويدخل الشركة ويقابل السكرتيرة
معتز .. الباشا موجود ؟
السكرتيرة .. نقلة مين حضرتك ؟!!
معتز .. نعم ياختي !! ليه هو انتي مش عارفاني ولا ايه ؟! اها جايز يكون بسبب نضارة الشمس اللي انا لابسها .. ثم ينزع النظارة ويقترب منها ويقول
معتز .. اه .  عرفتيني كدا
السكرتيرة ترتبك .. معتز ؟!!
السكرتيرة .. عليكي نور .. للدرجه دي النضارة مغيرة من شكلي !! شئ غريب .. عرفتي بقي هتقولوليله مين ؟؟
السكرتيرة .. هقلة استاذ معتز عايز يقابل حضرتك
معتز .. لا غلط ..
السكرتيرة .. امال اقله ايه ؟!!
معتز .. قليلة جوزي الاستاذ معتز اللي انت طلبت تقابلة قاعد برة .. تمام ؟!!
السكرتيرة ترتبك اكثر وتبتلع ريقها .. ايه ؟!! جوزي !! ثم تنهض مسرعة لتخبر ممتاز وتعود ويبدوا عليها الخوف والحذر من معتز وتقول
السكرتيرة .. اتفضل ممتاز باشا في انتظارك
معتز يهمس في اذنها .. طب فكري في الكلمة اللي قلتهالك لحد ما اخلص مع الباشا .. ثم يغمز لها بإحدي عينيه ويتوجه الي مكتب ممتاز
ممتاز .. اهلا اهلا اهلا بأبو قلب ميت .. فينك يا راجل غالي علينا ؟!!
معتز .. تحت النظر يا كبير
ممتاز .. سيجار ؟؟
معتز .. لا بشرب كليوباترا
ممتاز .. اوك .. ثم يرفع السماعة ويقول .. اتنين قهوة سادة يا هدي لو سمحتي
معتز .. علي روح مين ؟!!
ممتاز .. ايه ؟؟ قصدك ايه ؟!!
معتز .. ما دام طلبت اتنين قهوة سادة يبقي في حد مضايقك وعايز تخلص منه عشان كدا باعتلي .. صح ؟!!
ممتاز .. هو مش كدا بالظبط
معتز .. مبحبش الالغاز .. خش في الموضوع يا كبير منعا لإهدار الوقت والجهد وانا لا عندي وقت ولا فيا جهد احل الغاز
ممتاز .. اوك .. بص يا معتز .. هو فعلا  في واحد مضايقني ومضايقني اوي كمان .. بس للأسف مينفعش اخلص منه
معتز .. ليه ؟!! قتلته قبل كدا لقيتة مبيمتش ؟!! ممتاز .. لا مفكرتش اقتله لأنه قتله مش بالسهولة اللي انت متصورها
معتز .. ليه ؟!! يطلع مين بسلامته ؟!!
ممتاز .. عماد الديب ابو المعاطي
معتز .. عماد الديب بتاع ال.....
ممتاز .. ايوة هو بعينه
معتز يبتلع ريقة .. طب تؤمرني بحاجة سيادتك ؟!! انا افتكرت مشوار كدا
ممتاز ..ههههه .. شفت بقي قلقت ازاي لما سمعت اسمه !!
معتز .. مصر كلها بتقلق يا باشا لما بتسمع اسم الراجل ده .. دا امبراطور الشر النسخة التانية بتاعتي .. وانت ايه اللي حطك في سكة الاخطبوط ده ؟!!
ممتاز .. اهو دخلت معاة في بيزنس وكدا .. المهم الراجل ده عنده مستندات مهمه توديني ورا الشمس والمستندات دي في خزنته في الفيلا بتاعته
معتز .. وباعتلي طبعا عشان عايزني اجبلك المستندات دي ؟!!
ممتاز .. بالظبط كدا
معتز .. انت بتهرج يا كبير ؟!! مش كدا ؟!!بس انت عارف انه مبحبش الهزار
ممتاز .. انا مش بهرج يا معتز وانت عارف دا كويس
معتز .. ما دام باعتلي وعايزني ادخل فيلة عماد الديب واخد ورق من خزنته يبقي اكيد بتهرج !! مين دا اللي يقدر يدخل فيلا عماد الديب يا ممتاز باشا دا لو الحظ كان من نصيبة وقدر يدخل مش هيعرف يخرج منها !!
ممتاز .. انت هتقدر يا معتز انا متأكد
ثم تدخل السكرتيرة تحمل صينية القهوة وهي ترتعش
السكرتيرة هدي .. القهوة يا فندم
ممتاز .. حطي الصينية عندك يا هدي
هدي تضع الصينية وهي تنظر ل معتز في خوف وحذر
معتز .. يا بت بصي قدامك !! الصينية هتقع من ايدك !! يخرب بيت الرعشة اللي انتوا فيها .. البت خلود اختي  تجبلي القهوة وهي بتتنفض وانتي جايبة القهوة وانتي بتتنفضي !! هو انا للدرجة دي بخوف ؟!، هو انا بخوف اوي كدا يا ممتاز باشا ؟!!
ممتاز ..خلاص يا معتز .. اتفضلي انتي يا هدي معتز يمسك يدها قائلا .. متنسيش الموضوع اللي قلتلك عليه .. اوك ؟
ممتاز .. موضوع ايه اللي كلمتها فيه ؟!
معتز .. طلبت ايديها للجواز وانا خارج هاخد الرد
ممتاز .. هههههه .. يا ابن الايه يا معتز دا انت فظيع بجد .. بس وحيات ابوك ملكش دعوة بهدي البنت غلبانه وابوها عشرة قديمة
معتز .. لا حول ولا قوة الا بالله .. وانا عملت ايه ؟!! دا انا طلبت ايديها للجواز
ممتاز .. انت بتاع جواز برضوا يا معتز !! المهم خاينا في موضوعنا .. قلت ايه ؟!!
معتز .. قلت ٢ مليون جنية واجيبلك الورق وتجوزني هدي .. آمين ؟!، نقرا الفاتحة ..
ممتاز مندهش
معتز .. ايدك يا كبير نقري الفاتحة ولا انت مش حافظها ومكسوف تقول ؟!!
الاحداث اصبحت مثيرة .. تابعوني والبارت السابع .. تحياتي الكاتب والسيناريست المصري محمد
مالك.
رواية فتاه للبيع او الايجار
البارت السابع والاخير
يعود معتز بعد مقابلة ممتاز الي الكبارية وهو في اشد الحيرة وهو الآن يجلس مع صديقة نصار والراقصة توتا
نصار .. مالك يا كبير من ساعة ما رجعت من عند ممتاز وانت مش في المود !! هو الراجل ده كان عايز منك ايه ؟!!
معتز .. عاوزني اجبله ورق في خزنة جوة فيلا عماد الديب
نصار .. عماد الديب !! يا دين النبي .. عماد الدين الاخطبوط ؟!!
معتز يهز رأسة بنعم
نصار .. ودا هتقدر تدخل فيلته ازاي ؟!! دا بيقولوا عنده جيش بيحرصة جوا الفيلا .. صعب عليك اوي الموضوع دا يا كبير وفي خطورة جامدة
معتز .. انا اديته كلمه خلاص واتفقت معاه علي اتنين مليون اجرتي لما اجيبله الورق
توته متعجبة .. ازاي توافق علي حاجة زي دي يا معتز !! انت كدا بتعرض حياتك للخطر .. اتصل بيه وقله مش هقدر اجيبلك الورق ويشوف حد تاني غيرك او يتصرف هو بطريقته
معتز .. ومن امتي معتز بيرجع في كلمته مع حد ؟!!
نصار .. بس الموضوع ده مش بالبساطه اللي انت متصورها انت ناوي تدخل فيلا عماد الديب وتاخد ورق من خزنته .. زي اللي ناوي يدخل عرين الاسد !! ومفكر انه هيخرج تاني
معتز .. ولو .. هدخل فيلته وهجيب الورق من قلب خزنته وهخرج صاغ سليم
توته .. متخليش الغرور ياخدك اوي كدا واعرف حدودك يا معتز
معتز .. اخرصي يابت انا امبراطور الشر .. يعني ماليش حدود ولا في قوة في الدنيا تقدر توقفني
توته .. القوي في اقوي منه .. وعماد الديب اقوي منك بنفوذه وفلوسة وبالناس اللي وراه وانت عارف الكلام دا كويس
معتز .. اذا كان هو عماد الديب وعنده نفوذه وفلوسه اللي يخاف عليهم انا معتز شرف الدين معنديش حاجة اخاف عليها .. يبقي بقي مين اللي مفروض يخاف من التاني ويعمله حساب؟!!
نصار .. طب ناوي تعمل ايه ؟!! ايه خطتك؟
معتز .. لسة مرسمتش خطة في دماغي .. بس عاوزك تجمعلي كل المعلومات عن الراجل ده وتركزلي علي نقط ضعفه .. فاهم؟
نصار .. تمام .. اديني يومين تلاته .. المهم علي معادنا يوم الخميس ولا ؟
معتز .. لا ولا .
نصار .. يعني ايه ؟!! احنا مش اتفقنا خلاص ؟!!
معتز .. احنا اتفقنا اه .. بس العروسة ماتت تعيش انت
نصار .. ماتت !! ماتت ازاي ؟!!
معتز .. ماتت .. زي ما انا وانت وتوته هنموت
نصار .. ماتت فجأة كدا
معتز .. لا .. انا قتلتها .. بس اوعي تقول لحد لأقتلك انت كمان .. يومين وتجيبلي المعلومات اللي طلبتها منك
ثم ينصرف ونصار في شدة الغضب
توته .. هههههه .. ضحك عليك يا حلو ولحس كلمته
نصار .. اتفووه .. وقال يقلك انا عمري ما ارجع في كلمتي .. هتفضل طول عمرك كلب وواطي يا معتز.. بس خلاص نهايته قربت .. هو مفكر ان لما هيدخل فيلا عماد الديب هيخرج منها سليم !! قال قتلها قال .. الكداب
توته .. وطي صوتك لحد يسمع ويقتلك انت كمان ..
نصار يرتجف.. اه !!
تكملة البارت بعد قليل .. انتظروني
[١٥/‏٨ ٧:١٢ م] محمد مالك: ويعود نصار بعد يومين ليخبر معتز بنقاط ضعف عماد واولها انه يعشق صنف الحريم عشقا جما وان لديه طفل معاق ذهنيا من زوجته الاولي وقد توفت وتزوج بعدها ولكنها لم تنجب حتي الآن وانه اهم شئ في حياته ويخاف عليه خوفا كثيرا وانه دائما يحب السهر في ملهي ليلي اسمه البستان الاحمر
معتز معلقا .. تمام حلوة اوي المعلومات دي
نصار .. وناوي تعمل ايه ؟!
معتز .. هنلعب علي نقط الضعف دي .. سلام
نصار .. رايح فين ؟!!
معتز .. وانت مال امك ؟!!
نصار .. طول عمرك واطي .. اتفوووه
معتز يذهب مسرعا الي الحجرة التي بالبدروم ويفتح الباب ويقوم بإخراج اخته خلود
خلود .. انت موديني فين تاني ؟!!
معتز . تصدقي يا بت انتي فيكي شئ لله وانكتبلك عمر جديد .. انا كنت ناوي ادفنك هنا بالحيا .. لكن حظك حلو
خلود .. انا مش قادرة اصدق !! عمك سلطان ومراته تحبسهم في بدروم تحت الارض خمس سنين لحد ما مراته تموت وتتحلل مكانها .. انت ايه يا اخي !! قلبك مات خلاص !، مبتخفش ابدا من ربنا ؟!!
معتز .. انا مبخفش من حد يا بت ولو مسمعتيش كلامي ونفذتيه بالحرف الواحد هتركني جمبهم هنا .. فاهمة ؟
خلود .. عاوز مني ايه
معتز يطلب من اخته ان ترتدي ملابس فيها اغراء وتذهب الي كازينو البستان الاحمر وتحاول ان تجذب انتباه عماد الديب اليها بأي وسيلة حتي يتعلق بها ثم تصطحبه الي فيلته وتضع له منوم في كأس الخمر وتسهل له طريقة الدخول الي الفيلا ...
خلود متعجبة .. اغص عليك !! انت ايه يا اخي لا دين ولا رجولة ولا مروءة .. دا الشيطان بيتوب لربنا وانت ايه بالظبط ؟!!
معتز .. انا اللي هجيب خبرك لو مسمعتيش كلامي .. امشي يا بت عشان تجهزي
خلود .. حاضر يا معتز
وبالفعل تنفذ خلود كلام معتز بالحرف وترتدي ملابس شبه عارية وتذهب الي الكازينو وتتصنع المرونه في حركاتها وكلامها وضحكاتها مما تجذب انتباه عماد الذي يبعث بأحد رجالة ويدعي منتصر اليها طالبا الجلوس معها
منتصر ..عماد با شا عايز يقعد معاكي شوية يا امورة
خلود ..وماله .. انا باخد بالدولار وحسابي بالساعة .. اتفقنا ؟!.
منتصر .. الباشا تحت امر الجميل .. تصدقي انتي محظوظة بجد .. الباشا عمره ما يطلب ست تجيله ابدا .. كلهم بيرموا نفسهم تحت رجله ولوحدهم .. بس انتي لفتي نظره من اول مرة .. انتي امك دعيالك
خلود .. زي ما امه دعياله هو كمان .. يلا يا خفيف
وتذهب خلود مضطرة وتجالس هذا الرجل ثم تذهب معه الي الفيلا وتنتهز فرصة دخولة الي الحمام وتضع له منوم بكأس الخمر
عماد .. جاهزة يا قمر ؟
خلود .. نشرب كاس الاول
عماد .. وماله .. نشرب يا جميل
ثم فجأة يأتي تليفون ل عماد يحذرة بأن هناك كمين منصوب له وان هذه الفتاه مدفوعة من بلطجي يدعي معتز وانها اخته
عماد يضرب الكأس في وجه خلود .. اه يا بنت الكلب .. عاملالي كمين يا بت .. انطقي مين اللي باعتك .. قولي لأقتلك
خلود .. اخويا معتز شرف الدين هو اللي غاصب عليا اعمل كدا عشان انيمك واخليه يدخل الفيلا
عماد .. معتز شرف الدين !! الواد ده انا سمعت اسمه قبل كدا .. الواد ده شغال مع ممتاز عدوي اللي عايز يخلص مني .. اتصلي عليه يا بت خليه يجي حالا
خلود تتصل علي معتز وتستغيث به
ويحضر معتز وخلفة رجال عماد يحيطون به
عماد . مين اللي وزك ياض ؟!! ممتاز صح ؟!!.
معتز .. طلع اختي من اللعبة دي وخليك معايا انا
عماد .. هأو .. ومين اللي دخلها اللعبة من الاول غيرك انت ؟!! ودخول الحمام مش زي خروجه يا امبراطور الشر .. هو انت مش اسمك امبراطور الشر برضوا ؟!! قلعوها
خلود .. انت هتعمل ايه ؟!!.
عماد .. هعمل اللي كنا ناويين نعمله يا قمر .. بس قدام اخوكي وهنسجل كمان صوت وصورة وبعد كدا هقتلكم انتم الاتنين وارميكم لكلاب السكك تنهش في لحمكم
معتز .. سيب خلود بقلك هي ملهاش ذنب
عماد .. اخرص ياض
وفجأة يدخل طفله المعاق الذهني ويدعي زياد
عماد .. ايه اللي جاب الولد دا هنا !!؟ خده بره دلوقتي يا منتصر
وبطريقة مفاجأة يستطيع معتز ان يتمكن من الولد ويضع مطواه كان يخبأها علي رقبته
معتز .. تخسر يا عماد.. سيب اختي يا اما هدبحلك الكتكوت
[١٥/‏٨ ٧:١٢ م] محمد مالك: عماد منزعج بشدة .. ابعد عن ابني بقلك يا حيوان انا محلتيش غيرة
معتز.. يبقي تفتح الخزنة دي دلوقتي حالا وتجيب كل اللي فيها .. نفذ الامر
عماد بمكر .. حاضر
ثم يفتح الخزنة ويخرج ما بها من اوراق ومال
معتز .. حطهم في الكيس اللي قدامك
عماد .. عنيا .. اي اوامر تاني ؟!!
معتز .. انا هخرج من الفيلا لكن ورحمة الغاليين لو حد اعترضني من رجالتلك هحسرك علي ابنك
ويخرج معتز ويصطحب معه الطفل البرئ كدرع واقي ثم يركب عربيته وينطلق مسرعا دافعا بالطفل علي الارض
عماد بغضب .. انتوا مستنيين ايه ؟!! صفوهم وهاتوا الورق بسرعة ..
وتدور مطاردة شرسة بين معتز ورجال عماد ينجحون بعدها في ان تنقلب سيارة معتز علي الطريق ويستعيدون ما اخذه من عماد وبعدها يتم نقل خلود ومعتز الي المستشفي ومن العجيب ان يصاب عماد بمجرد كدمات سطحية وجروح بسيطة .. اما خلود فترقد في العناية المركزة بعد ان اصيبت اصابات بالغة ويسأل معتز الطبيب قائلا ..
معتز .. اختي مالها يا دكتور ؟!!
الطبيب .. اختك حالتها خطره .. الكبد اتدمر تماما نتيجة الحادث وشبه توقف عن العمل ومحتاجة زرع كبد فورا .. دا غير ان فيه نزيف داخلي حاد بالمخ .. ربنا يستر
معتز تدمع عيناه لأول مره .. انا السبب
وبعد ان تعود خلود الي الوعي تجد بجوارها معتز فتتعجب
خلود .. معتز !! انت قاعد جمبي هنا ؟!!
معتز .. متخفيش يا حبيبتي انتي هتعيشي .. غصب عني وعن كل الناس هتعيشي .. انا هسفرك احسن مستشفي في الدنيا وهتخفي
خلود .. ومين قالك اني عايزة اخف ؟!! بالعكس انا فرحانه اوي اني خلاص هقابل ربنا .. هروح عند الاحن عليا منك واللي ياما كنت بستغيث بي  كان بيدافع عني
معتز يبكي ندما وخلود تلاحظ ذلك
خلود .. انت بتعيط يا معتز !! اول مرة اشوفك فيها بتعيط !! حتي وانت صغير لما كنت بتعمل حاجة غلط وتتعاقب مكنتش بتعيط .. طول عمرك قلبك حجر ومبتخفش .. ليه بتعيط دلوقتي ؟!!
معتز .. بعيط عشان السبب في كل اللي حصلك .. انا اذيتك كتير وبدال ما ادافع عنك واحميكي من الناس كنت دايما عارضك للبيع او الايجار
خلود .. بس ربنا عمره ما مكنك مني !! شوف عملت اد ايه ومحدش قدر يلمسني ابدا
معتز .. فعلا
خلود تلاحظ معتز قد تبول علي نفسه كما كانت تفعل من قبل فتتعجب
خلود .. معتز .. انت عملتها علي نفسك زيي !! طب انا كنت بخاف منك وانت دلوقتي خايف من مين ؟! يا امبراطور الشر
معتز ..من ربنا يا خلود .. شوفي الحادثة اللي انا عملتها كان المفروض مكنش حي بعدها .. لكن خرجت منها صاغ سليم ودا معناه ان ربنا مش عايزني اموت وعايز يطول في عمري عشان يعذبني في الدنيا زي ما عذبتك انتي وغيرك
خلود .. وجايز يكون اداك فرصة تانية عشان تتوب وتبقي احسن من الاول
معتز .. يعلم ربنا اني فقت خلاص ورجعت عن الطريق اللي انا فيه .. بس ارجوكي يا خلود متروحيش وتسيبيني انا ماليش غيرك
ثم ينحني علي يدها ويقبلها ويظل ثابتا ولا يتحرك
خلود .. معتز !! قوم .. معتز ؟!!
تفاجئ خلود بعدها ان معتز قد مات وهو حاضنا يدها وقد كتب وصية يقول فيها ان جميع اعضائة قد تبرع بها الي اخته خلود وترك تلك الوصية في المستشفي وكأنه كان يشعر بأنه قد اقترب موعد لقاء ربه فأراد ان يكفر عن سيئاته لعل الله يغفر له وحزنت خلود علي اخيها وبالفعل تم اخذ الكبد والطحال من جثة اخيها وتم زرعهما ل خلود والتي عاشت بعدها في امان وسلام واخلت سبيل عمها سلطان وطلبت منه ان يسامح معتز .. واكتشفت في الاخر ان نصار وتوته هم من اخبروا عماد الديب بما ينويه معتز .. فأرادوا التخلص منه ومن اخته وبعدها تم القبض علي توته ونصار في عدة قضايا وقضوا باقي حياتهم بالسجن ..
انتهت قصتي ولم تنهتي محبتي .. تحياتي ملك الروايات المصري .. محمد مالك.