رواية اغتصاب شرعي #الجزء_الاول #كامل

رواية جعلتني خائنا كاملة

للكاتب المصري محمد مالك

[٢٦/‏٧ ١٠:٢٥ ص] محمد مالك: جعلتني خائنا
رواية للكاتب المصري محمد مالك
البارت الاول
انا المهندس شريف ابو المجد مهندس مدني بشركة مقاولات كبيرة عمري ٣٢ سنة متزوج من نور الهدي توفيق مذيعة مشهورة بأحد القنوات الفضائية عندها ٢٨ سنة .. هتقولوا ايه اللي لم الشامي علي المغربي؟!!  .. هقلكم قسمة ونصيب طبعا..  استضافتني مرة من سنتين عندها في البرنامج ومن ساعتها واحنا معجبين ببعض وحبينا بعض اوي وحصل بينا مكالمات ومقابلات وفي الاخر اتجوزنا من سنتين وكنت فاكر اني بكدا خلاص انا فزت بأجمل وارق والطف انسانه في الوجود بس للأسف دا اللي كان ظاهرلي .. وبعد الزواج بشهر ظهرلي وش تاني خالص ..
شريف .. نور حبيبتي .. اصحي يا عمري احنا بقينا الضهر
نور تتثائب .. يوه يا شريف .. كل يوم تصحيني في الوقت ده وتقلي احنا بقينا الضهر !! ان شاالله حتي نكون العصر .. ايه المشكلة يعني؟! .. ما تسيبني انام يا شريف
شريف .. مكنتش اعرف انك كسلانه اوي كدا !!
نور .. يعني هصحي بدري هعمل ايه ؟!! ما انت عارف اني هرجع الشغل كمان اسبوع .. يعني فاضية مش ورايا حاجة .. يبقي سيبني انام براحتي
شريف .. يعني مش عاوزة تقعدي مع شريف جوزك حبيبك ؟!! بدال ما انا قاعد لوحدي كدا بكلم حيطان الشقة
نور .. وانت ايه اللي مصحيك بدري اصلا ؟!! ما انت التاني اجازة زيي ..
شريف .. انتي عرفة اني بحب انام بدري واصحي بدري .. وهو دا النوم الصحي علي فكرة عشان الجسم يرتاح بجد
نور .. بس انا مبحبش انام بدري ولا اصحي بدري ..عكسك تماما ..  اوك .. سيبني انام بقي يا شريف متبقاش بايخ
شريف .. بصراحة كنت عاوزك تتفرجي معايا علي حلقة جميلة جدا في التليفزيون بتتكلم عن الحمل والاطفال وكدا وخصوصا للمتجوزين جديد
نور .. انت بتلمح لأيه ؟!! حمل انا مش هحمل دلوقتي خالص .. احنا اتفقنا علي كدا
شريف .. لا احنا ما اتفقناش علي كدا .. انتي قلتي سيب الموضوع ده لوقته
نور .. وانا مكدبتش هو فعلا دا مش وقته خالص
شريف .. وايه المانع يعني ؟!!
نور .. لا طبعا .. الموانع كتير .. حمل يعني بطني هتكبر وبعد كدا هولد وهاخد اجازة من الشغل وهرضع دا غير ان جسمي هيبوظ وانت عارف يا شريف انا المذيعة الاولي في القناه واعلانات القناة بتيجي علي برنامجي انا .. يعني مينفعش يقف وخصوصا الفترة الجاية بنستعد لموسم رمضان يعني هبقي مشغولة ٢٤ ساعة عشان ننجز ونلحق الموسم .. شريف .. ارجوك اقفل الكلام في الموضوع ده وسيبني الله يخليك عايزة انام
شريف .. نور .. ااااا ...
نور .. وبعدين يا شريف
شريف .. حاضر انا خارج .. نامي واشبعي نوم كمان بعد ازنك
ثم نسمع صوت المحمول الخاص بنور يرن وشريف ينظر اليه فيقول
شريف .. دا استاذ عاطف صاحب القناة
نور تنهض بسرعة .. بجد .. هات بسرعة
شريف يتعجب ونور تجيب
نور .. الو .. مستر عاطف ازيك .. انت اكتر .. لا لا مكنتش نايمة ولا حاجة .. اتفضل تحت امرك ..
نور تشير ل شريف ليترك الغرفة وشريف في دهشة من رد فعل نور
القصة اجتماعية مثيرة .. البارت الثاني بعد التفاعل والمشاركة .. تحياتي الكاتب والسيناريست محمد مالك.
[٢٦/‏٧ ١٠:٢٦ ص] محمد مالك: جعلتني خائنا
البارت الثاني
للكاتب المصري محمد مالك
ويعود شريف الي الغرفة ليجد نور قد انتهت من مكالمتها التليفونية وايضا ترتدي ملابس الخروج فيتعجب شريف
شريف .. ايه ده ؟!! هو انتي خارجة يا نور ؟!!
نور .. اها
شريف .. رايحة فين؟!!
نور .. رايحة القناة
شريف .. نازلة الشغل يعني ؟!!
نور .. اكيد ما دام رايحة القناة يبقي رايحة هناك عشان الشغل
شريف .. بس انتي لسة فاضل علي اجازتك اسبوع؟!!
نور .. مستر عاطف عامل اجتماع مهم مع شركات اعلانات كبيرة اوي عشان خاطر اعلانات البرنامج بتاعي ولازم اكون موجودة
شريف .. طب وانا ؟!
نور .. وانت ايه ؟!!
شريف .. هتسبيني لوحدي !!
نور .. ياختي كميلة .. خايفة يا روحي تقعدي لوحدك؟!
شريف .. انا مش بهزر يا نور !!
نور ..ايه الحكاية يا شريف !! قلتلك في اجتماع مهم وع العموم انا مش هتأخر .. وبعدين انت مزهقتش مني ؟
شريف .. لا انا عمري ما ازهق منك وانتي عرفة
.. بس شكلك انتي اللي زهقتي مني ؟!!
نور .. متأڤورش الموضوع يا شريف وتفهمه حسب مزاجك قدر شغلي لو سمحت
شريف .. وانا مين يقدرني انا ؟!!
نور .. حببيبي انا اتأخرت ولازم امشي .. صدقني مش هتأخر .. باي
شريف .. طب مش ناسية حاجة ؟!
نور .. اها .. ثم تعود وتقبله في خدة وتقول .. باي يا شوشو هبقي اكلمك فون
شريف متعجب ويقول لنفسة .. وكمان بتبوسيني في خدي !! زي ما تكون اختي مش مراتي .. ما علينا .. وبعدين يا شريف هتعمل ايه ؟!! جيت تصحيها عشان تقعد معاك اهي مشيت وسابتك خالص .. لما افتح النت بقي اشوف ايه الدنيا .. واثناء تصفح شريف الفيسبوك يجد خبر منشور من احدي صديقاته علي الفيس وزميلاته في العمل انها المهندسة نرمين عبد الموجود وقد نشرت علي صفحتها خبر وفاة والدها .. شريف ينزعج ثم يتصل بها تليفونيا ليعزيها ونرمين ترد بصوت حزين جدا
نرمين .. الو
شريف .. الو يا نرمين .. ازيك عاملة ايه ؟!!
نرمين .. الحمد لله
شريف .. وانا بفتح الفيس دلوقتي لقيتك ناشرة علي صفحتك خبر مزعج .. صحيح الوالد توفي
نرمين .. ايوا يا شريف .. بابا اتوفي من يومين
شريف .. البقية في حياتك يا نرمين
نرمين .. حياتك الباقية .. ميرسي جدا
شريف .. بجد حزين جدا للخبر ده
نرمين .. الموت علينا حق يا شريف واهو ارتاح .. ما انت عارف قعد ٣ سنين بيصارع الكانسر
شريف .. فعلا ارتاح .. الله يرحمه .. طب وانتي عاملة ايه دلوقتي ؟!!
نرمين .. تعبانه يا شريف طبعا .. الدهر الوحيد اللي كنت مسنوده عليه راح وسابني وزي ما انت عارف ماليش اخوات وماما ماتت من زمان .. يعني انا دلوقتي بقيت وحيدة
شريف .. بس انا اعرف ان ليكي عم في اسكندرية
نرمين .. ههههه .. عم مين يا عم شريف بس ؟!! تصدق انه جه عزي زيه زي الغريب ومشي !! محدش بقي فاضي لحد انهاردة
شريف .. فعلا عندك حق .. طب انتي مش عاوزة حاجة ؟
نرمين .. صدقني محتاجة طلبات كتير واكل وكدا ومش لاقيه الحيل اللي يخليني انزل واشتري طلباتي
شريف .. طب قوليلي الطلبات اللي انتي عايزاها وانا نص ساعة بالعربية اجيبهالك
نرمين .. لا مينفعش خليك مع عروستك
شريف .. لا عروستي سابتني ونزلت الشغل
نرمين .. ياه بالسرعة دي ؟!!
شريف .. اهوه هعمل ايه .. المهم قوليلي عايزة ايه طلبات ؟
نرمين .. مش عاوزة اتعبك صدقني انا حالا اضغط علي نفسي وانزل اشتري كل حاجة
شريف .. انجزي يا نرمين عاوزة ايه  ؟
نرمين .. خلاص ما دام انت مصر .. انا عاوزة....
ويذهب شريف ليشتري ما طلبته منه نرمين ويذهب الي منزلها وهناك تحدث مفاجأة ..
الرواية اجتماعية مثيرة فلا تدعها تفوتك .. البارت الثالث بعد التفاعل والمشاركة .. تحياتي الكاتب المصري محمد مالك.
[٢٦/‏٧ ١٠:٢٧ ص] محمد مالك: جعلتني خائنا
البارت الثالث
للكاتب المصري محمد مالك
شريف جاب كل الطلبات وراح عند نرمين الشقة وبمجرد ما رن جرس الباب نرمين فتحت من اول رنه وكأنها كانت واقفة ورا الباب ومنتظرة حضوره .. والاتنين عنيهم في عيون لمدة دقيقة .. شريف لاحظ من عيون نرمين الدبلانه الحزن الشديد وهي كمان قرت في عنيه كلام كتير وكأنه تعبان من شئ ..
شريف .. ازيك يا نرمين
نرمين بصوت حزين ومنخفض.. ازيك يا شريف .. اتفضل
ويدخل شريف ويجلس علي الانتريه في الصالة ونرمين تجلس بالكرسي المجاور
نرمين .. مكنش ليه لزوم تعبك ده
شريف .. ولا تعب ولا حاجة .. انتي اخت قبل ما تكوني زميلة .. البقية في حياتك مرة تاني وشدي حيلك
نرمين .. حياتك الباقية يا شريف .. صدقني موت بابا حسسني بحاجات كتير مكنتش حساها قبل كدا .. اولهم الوحدة والضعف .. انا مش عرفة هعيش ازاي لوحدي .. هواجه الناس والمجتمع ازاي .. بابا كان بالنسبة لي مصدر القوة والامان
شريف .. اكيد طبعا وخصوصا انك وحيدة بس انا مستغرب جدا من موقف عمك ده
نرمين .. لا متستغربش .. خلاص مبقاش فيه صلة رحم زي زمان واللي يقلك ان العم او الخال والد قله انت كداب .. مفيش حد بيحل مكان الاب والام وفقدانهم عمره ما بيتعوض
شريف .. صحيح وخصوصا في الزمن الصعب اللي احنا عايشينه دلوقتي.. بس انتي حاطة ع الباب كمية ترابيس رهيبة؟!!
نرمين .. بقلك خايفة يا شريف .. من كتر الحوادث والمصايب اللي بقراها ع النت بقيت بخاف من اي رجل تقرب ناحية الباب .. لاحظ اني انا بنت وكل الشارع عارف اني وحيدة .. وشارعنا مليان ناس وحشة كتير
شريف .. طب يلا احشي ساندوتشات وكلي عشان باين عليكي الارهاق جامد
نرمين .. نفسي اكتر ما هو بدني
شريف .. شدة وتزول انتي قوية وهتعدي المرحلة دي انا متأكد
نرمين .. قلي ايه اخبار الجواز .. حلو ؟!!
شريف .. مش عارف اقلك ايه ؟!!
نرمين .. ايه مش مبسوط انك اتجوزت يا شريف ؟!!
شريف .. صدقيني مش عارف .. ابقي كداب لو قلتلك مبسوط وابقي كداب برضوا لو قلتلك اني مش مبسوط
نرمين .. مش فاهمة ؟!!
شريف .. الجواز كمبدأ شئ جميل .. لكن في حاجات ساعات بتكون غايبة عنك او مش مكنتيش شايفاها او مكنتش واضحة للدرجة اللي تخليكي تاخدي بالك منها ولما تظهر فجأة ليكي بتضايقك وتخليكي تبقي مش مبسوطة
نرمين .. افهم من كدا انك اكتشفت حاجات في مراتك مخلياك مش مبسوط ؟!!
شريف .. للأسف اه
نرمين .. معلش مش كل حاجة بتوضح في فترة الخطوبة ومادام بتحبوا بعض اكيد كل واحد هيحاول يغير الشئ اللي بيضايق التاني
شريف .. يا مسهل .. اتمني انه ده يحصل
نرمين .. صدقني يا شريف انت انسان طيب وشهم ونبيل واي واحدة ترتبط بيك ومتحاولش انها تتغير عشانك تبقي حدا خسرانه وهتندم لو معملتش كدا
شريف .. احم .. طي استأذن انا بقي عشان اسيبك ترتاحي شوية ولو عزتي اي شئ كلميني متتردديش
نرمين .. حاضر .. كتر خيرك يا شريف
وينصرف شريف وطوال الطريق يفكر في الجملة التي قالتها له نرمين ويعود الي المنزل وتمر الساعات ولم تعود نور واصبح الوقت متأخرا قد تجاوز الثانية صباحا ولم تعود زوجته فاتصل بها
شريف .. ايه يا نور اتأخرتي ليه كدا؟!!
نور .. معلش يا حبيبي اصل مستر عاطف عزمنا انا واصحاب شركات الدعاية والاعلان اللي وقعنا معاها انهاردة علي العشا ساعة واكون في البيت
شريف .. اها .. يعني اتعيشتي كمان برة وانا اللي مستنيكي ومش عايز اكل من غيرك مع اني جعان جدا
نور .. معلش يا شريف الاكل عندك في التلاجة سخنه وكل يا حبيبي
شريف .. اوك سلام
نور .. انا مش هتأخر جاية علطول
شريف .. لا عادي براحتك .. سلام
ويرفض شريف ان يتناول اي طعام يكتفي بأن يشرب سيجارة وكل كام دقيقة ينظر الي الساعة ينتظر عودة نور التي طالت غيبتها حتي اخذه النوم ومع اذان الفجر يستيقظ شريف علي صوت جرس الموبيل وينظر بجوارة فلم يجد نور فينظر الي الساعة فيجدها قد تجاوزت الرابعة ثم ينظر الموبيل فيجد المتصل نرمين
شريف .. الو
نرمين .. الحقني يا شريف في ٣ شباب واقفين ع الباب وبيخبطوا عليا .. انا خايفة اوي
شريف .. مترديش علي حد وتربسي الباب كويس وانا مسافة الطريق هكون عندك
نرمين .. متقغلش الخط يا شريف
شريف .. حاضر خليكي هادية متخافيش
شريف يرتدي ملابسة ويسحب سلاحة الشخصي ويتوجه مسرعا نحو شقة نرمين ...
ماذا حدث تابعوني والبارت الثالث .. تحياتي الكاتب والسيناريست المصري محمد مالك.
[٢٦/‏٧ ١٠:٢٧ ص] محمد مالك: رواية جعلتني خائنا
البارت الرابع
شريف طلع يجري علي شقة نرمين وطلع مسدسه وطلع جري علي سلالم العمارة ليفاجأ بثلاث شباب يبدوا انهم في حالة شبه فقدان للوعي من تناول مخدر او كحول
شريف .. في ايه يلا انت وهو بتخبط ليه ع الشقة دي في وقت زي ده ؟!! انطق انت وهو
احد الشباب .. ايه يا عم انت هتقتلنا ولا أيه ؟!! احنا بنخبط علي شقة صحبنا نبيل
شريف .. يا روح امك !! ومين قالك ان صحبك نبيل ساكن في الشقة دي ؟!! انت هتستهبل يلا
شاب اخر .. انا قلتلك يا عم نبيل مش ساكن في العمارة دي .. هو في البيت اللي جمبه .. معلش يا باشا احنا غلطنا في الشقة .. اصل عدم لا مؤاخذة البيت شبه البيت والشقة شبه الشقة بالظبط .. تقولش توأم !! ههههههه
شريف .. توأم برضوا ؟!! ولا انتو من الهباب اللي طافحينة مش قادرين تميزوا بين الشقق وبعضها .. امش انجر يلا انت وهو ولو شفت سحنة واحد فيكم تاني هنا انا هقتله
الشاب الاول .. ماشي يا باشا متزقش احنا ماشيين يلا ياض انت وهو جايبلنا الكلام الله يحرقكم
شريف .. الله يلعنكم انتوا والهباب اللي بتطفحوه ثم يطرق باب الشقة
شريف .. افتحي يا نرمين انا شريف
نرمين .. شريف !! ثم تفتح الباب
شريف .. متخافيش مشيوا كانوا غلطانين في الشقة
نرمين .. انا كنت هموت من الخوف يا شريف
شريف .. بس اهدي متخافيش مشيوا خلاص
نرمين تبكي وما زالت ترتعش وشريف يحاول تهدئتها
شريف .. تعالي متخافيش ..وليه الدموع دي بس ؟!!  اهدي بقي ياه انتي بترتعشي اوي !! ثم تتوجه نحو صورة ابيها وامها وتنظر اليهما
نرمين .. لو كانوا موجودين دلوقتي مكنتش هحس ابدا بالاحساس اللي انا حاسة بيه دلوقتي
شريف .. الله يرحمهم .. اطلبيلهم الرحمة .. ربنا هيعوضك خير
نرمين .. ولا حد يقدر يعوضني عنهم ولا يحل محلهم .. الشخص الوحيد اللي حسيت فعلا انه ممكن يكون سند ليا وانه فيه شئ من والدي الله يرحمه هو انت يا شريف
شريف .. انا !!
نرمين .. ايوا انت .. انت الشخص الوحيد اللي حسيت وانا جمبه بالامان واتمنيت يكون جمبي واكمل معاه مشوار حياتي
شريف .. انتي بتقولي ايه يا نرمين ؟!!
نرمين .. بقولك عن مشاعري ناحيتك اللي ياما حاولت اوصلهالك وانت ولا انت هنا
شريف .. مالوش لزوم الكلام دا دلوقتي .. انا خلاص بقيت متجوز وبحب مراتي
نرمين .. ياه الدنيا دي فعلا غريبة وماشية دايما بالعكس انا احبك انت وانت تحب واحدة غيري .. وغيري دي عمرها ما تعرف يعني ايه حب والايام هتثبتلك .. ربنا يوفقك يا شريف وكتر الف خيرك علي وقفتك جمبي
شريف .. انا ماشي خلي بالك من نفسك
شريف يتوجه ناحية الباب ونرمين تستوقفة قائلة
نرمين .. شريف
شريف .. نعم
نرمين .. ممكن اطلب منك طلب اخير؟
شريف .. اتفضلي
نرمين .. ممكن تاخدني في حضنك ولو لثانيه .. اعتبرني اختك وخدني في حضنك ارجوك
شريف يتردد ثم يعود ويضمها الي حضنه
نرمين تتنهد .. ياااه .. انا دلوقتي ارتحت وخلاص مبقتش خايفة .. شكرا يا شريف .. شكرا بجد
شريف .. خلاص هديتي ؟!!
نرمين .. انت مستعجل ليه ؟!! سيبني شوية احس بالامان .. سيبني اشبع من حضنك يا شريف
شريف .. نرمين من فضلك كفاية كدا لو سمحتي
وفجاة تدخل نور قائلة
نور .. ليه تقلها كفاية كدا ؟!! سيبها يا عم شريف تشبع منك ومن حضنك .. ولو نفسك في حاجة تاني من شريف بالمرة يلا قبل ما يمشي
شريف .. نور !!
الاحداث اشتعلت باقي الرواية بعد التفاعل والمشاركة في ثلاث مجموعات .. تحياتي الكاتب المصري محمد مالك
[٢٦/‏٧ ١٠:٢٨ ص] محمد مالك: رواية جعلتني خائنا
البارت الخامس
للكاتب المصري محمد مالك
نور .. ايوا نور يا سي شريف !! ايه اللي انت بتعمله ده ؟!! مين ده عشان تاخدها في حضنك وتضمها بالطريقة دي ؟!!
شريف .. انتي فاهمه غلط
نور .. يا سلام !! فعلا انا كنت فاهماك غلط .. معرفش انك راجل هلاث وبتاع ستات .. بجد انت نزلت من نظري اوي .. اشبع بيها يا باش مهندس .. ثم تنصرف
شريف .. نور استني انا هفهمك .. ثم ينظر الي نرمين ويقول .. عاجبك كدا يا نرمين ؟! ويجري خلف نور ليلحق بها وبعد ان يعودا الي المنزل يتشاجران سويا
شريف .. انتي ليه مش عايزة تديني فرصة اشرحلك اللي حصل بالظبط ؟!
نور .. تشرحلي ايه اكتر من اللي شفته بعنيا .. اشحال ما احنا لسة متجوزين ملناش شهرين !! ايه مستعجب علي الخيانه اوي ؟!!
شريف .. انا مخنتكيش افهميني
نور .. امال اللي شفته بعنيا ده ايه يا باش مهندس ؟!!
شريف .. هي كانت خايفة وبتترعش وقالتلي صمني لحضنك عشان اهدي .. وهي زي اختي مش اكتر
نور .. طب يا اخوها وياتري هديت بعد ما ضميتها لحضنك ولا لسة بتترعش يا عيني ؟!! انت فاكرني هصدق كلامك ده ؟!!
شريف .. نور انتي لازم تصدقيني .. لأن دي الحقيقة
نور .. مفيش حقيقة اوضح من اللي شفته بعنيا انهاردة واللي لا يمكن انساة .. بعد ازنك اطلع بره عايزة انام
شريف .. طب ما انا هنام هنا انا كمان
نور .. لا انت تطلع تنام في الصالة .. ولا اقلك روح نام في حضن السنيورة اللي كنت عندها وحاضنها
شريف .. نور متكبريش الموضوع وتعملي مشكلة وخلاص
نور .. المواضيع انت اللي كبرتها يا باش مهندس واتفضل لو سمحت اطلع برة عاوزة انام عشان مسافرة انهاردة العصر
شريف .. مسافرة فين ؟!!
نور .. مسافرة دبي عشان هنشتري شوية اكسسوارات وحاجات للبرنامج بتاعي
شريف .. يعني هتسافري وتسيبيني ؟!!
نور .. اوعي تقلي هتسيبيني وحيد !! اظن بقي عندك البديل اللي يغنيك عني وبعدين اهي فرصة تاخد فيها راحتك انت وهي ومبقاش عزول بينكم
شريف .. لا انتي بقيتي اوڤر بجد !! انتي ما صدقتي تمسكي عليا حاجة عشان تذليني بيها وتعملي اللي علي مزاجك ؟!! نور انا لحد الان بحبك وعمري ما خنتك ولا فكرت اخونك .. لكن لو استمريتي تعامليني بالاسلوب ده ساعتها ممكن افكر بجد اني اخونك .. وانتي حرة
ثم يترك الغرفة وينصرف وفي الصباح يستيقظ شريف ويدخل الي نور الغرفة فلم يجدها ويري الدولاب مفتوح ويبدوا ان نور قد جمعت ملابسها في الحقيبة وسافرت دون ان تخبره ..
شريف .. معقول سافرت من غير ما تقولي !! ثم يحاول الاتصال بها ويبدوا ان التليفون غير متاح ..شريف يغضب ويقول لنفسه .. انتي حرة يا نور .. وتمر ثلاثة ايام متتالية وطوال تلك الايام الثلاثة يحاول شريف ان يتصل ب نور ولكن تليفون نور ما زال مغلقا .. وشريف في غاية القلق وايضا الغضب .. كيف لم تحاول نور تلك المدة الاتصال به وان تطمئنه عليها وتطمئن عليه !! ثم يخرج الي الشارع ليشم الهواء قليلا وتأخذه قدمه الي شقة نرمين
نرمين .. شريف ؟!!
شريف .. انتي عندك حق في كلمه قلتيها يا نرمين .. نور مش بتحبني !!
نرمين .. ايه اللي حصل يا شريف ؟!! ادخل تعالي
شريف .. انا تعبان بجد يا نرمين .. انا مش عارف ايه اللي خلاني اجي عندك دلوقتي ؟!! انا مش عارف اروح فين اصلا .. انا بجد مخنوق
نرمين تمسك بيد شريف وتقول .. اهدي يا شريف وقلي ايه اللي حصل ؟!! هو انت اتخانقت مع نور .. صح ؟
شريف .. ايوا
نرمين .. اكيد بسببي ؟
شريف .. انتي حجة مش اكتر .. نور طبعها وحش اوي ومكنش باين ليا ده في البداية .. بحاول ارضيها بأي طريقة وهي مش مبدلاني نفس الشعور
نرمين .. انا قلتلك نور متعرفش تحب غير نفسها يا شريف
شريف .. طب اتجوزتني ليه ؟!! مادام مبتحبنيش !!
شريف .. نور اتجوزتك عشان ترضي نفسها وغرورها مش اكتر .. اعجبت بيك فحبت انك تكون من ممتلكاتها .. لكن نور حبها الحقيقي للمجد والشهرة والاضواء .. اللي بيحبك فعلا وعنده استعداد يبيع الدنيا كلها عشانك كان قدامك ليل ونهار بس انت كنت مش شايف
شريف ينظر الي نرمين ويقول .. فعلا انا مكنتش شايف وكنت ماشي ورا مشاعري ..بس اوعدك اني هشيل الغمامة اللي علي عنيا وهرجع اشوف من تاني اللي مكنتش شايفة
نرمين .. بجد يا شريف ؟
شريف يمسك يدها ويقول .. بجد يا نرمين .. نرمين انتي بتحبيني للدرجه دي ؟!!.
نرمين .. واكتر مما تتصور .. انا معرفتش الحب غير لما عرفتك يا شريف وياما اتمنيت تكون ليا
شريف .. ودا اللي هيحصل يا نرمين
نرمين .. قصدك ايه يا شريف ؟!!
شريف .. تتجوزيني يا نرمين ؟؟
البارت السادس بعد التفاعل والمشاركة .. تحياتي الكاتب المصري محمد مالك.
[٢٦/‏٧ ١٠:٢٩ ص] محمد مالك: رواية جعلتني خائنا
البارت السادس
للكاتب المصري محمد مالك
نرمين .. ايه !! نتجوز ؟!!
شريف .. ايوا نتجوز يا نرمين ودلوقتي حالا لو حبيتي
نرمين .. طب ونور ؟!!
شريف .. نور !! نور براحتها بقي هي اللي وصلتني لكدا
نرمين .. يعني ناوي تطلقها ؟!!
شريف .. اطلقها !! انتي عايزاني اطلقها ؟
نرمين .. لا انا مش عاوزاك تطلقها ولا كمان عاوزاك تتجوزني
شريف .. يعني ايه ؟!! انتي مش لسة قايلة انك بتحبيني وان ياما اتمنيتي اني اكون ليكي ؟!!
نرمين .. ايوا
شريف .. خلاص وانا بعترف اني كنت شايف غلط وناوي اصلح غلطتي وكمان احققلك حلم عمرك
نرمين .. لا يا شريف .. انت لسة قايل حالا ان نور هي اللي وصلتك لكدا .. واحتمال يكون قرارك ده بسبب الحالة اللي انت فيها دلوقتي وغضبك الشديد من نور وممكن تندم عليه بعدين
شربف .. يعني ايه ؟!! مش موافقة تتجوزيني ؟!!
نرمين .. بالعكس .. انا نفسي تكون ليا ومش فارقة معايا اني اكون ضرة بس المهم ابقي معاك .. لكن انا متأكدة انك بتحب نور وخايفة يكون قرار ارتباطك بيا مجرد رد فعل لمعاملة نور ليك وتجاهلها لمشاعرك
شريف .. يعني ايه ؟!!
نرمين .. يعني اديها فرصة تانية مادام بتحبها جايز تحس بغلطها وتقصيرها ناحيتك وتتغير عشانك
شريف .. حاضر يا نرمين .. وانسي كل الكلام اللي قلتهولك حالا.. بعد ازنك
نرمين .. شريف .. استني ..
ويعود شريف الي المنزل ليفاجأ بعودة نور حيث تعد كوبا من النسكافيه
شريف .. هو انتي رجعتي .. حمدالله علي السلامة يا ست هانم
نور لا تبالي .. اهلا
شريف .. ممكن اعرف موبيلك كان مقفول ليه ؟!!
نور .. كنت مشغولة جدا ومش فاضية اني ارد علي حد خالص فقفلت الموبيل وريحت دماغي
شريف .. اها .. ريحتي دماغك واتحرق انا من القلق عليكي .. صح ؟!!
نور .. هو انتي قلقتي عليا يا بيضة ؟!!
شريف ..نور من فضلك انا مش بهرج لو سمحتي
نور .. ومين قالك اني انا عندي وقت عشان اهرج معاك او مع غيرك .. ع العموم شكرا انك تفضلت وتكرمت وسمحت لنفسك انك تقلق عليا
شربف .. وبعدين في اسلوبك المستفز ده ؟!! بصراحة انا مش قادر استحمل
نور .. مش قادر تستحمل ايه بالظبط ؟!! هو مين فينا اللي قفش التاني بيخونه ؟!! المفروض انا اللي مستحملش واقلك طلقني
اشرف .. هو انتي غلطه مسكتهالي هتذليني بيها في الرايحة والجاية وهتعمليها مبرر لكل حركاتك المستفزة دي ؟!!
نور .. والله هو دا اسلوبي اذا كان عاجبك
شريف .. قليلي يا نور هو انتي ليه وافقتي تتجوزيني ؟!
نور .. يعني .. اعجبت بيك .. بس
شريف .. اها .. يعني محبتنيش زي ما حبيتك ؟!!
نور .. اكيد حبيتك الا ومكنتش اتجوزتك
شريف .. ممكن اعرف ايه مفهوم الحب بالنسبة لك ؟!! اه
نور .. عادي المفهوم العام .. واحد وواحدة بيحبوا بعض فاتجوزوا
شريف .. لا يا استاذة انا اقصد المفهوم العميق للحب .. معناه الحقيقي .. عرفة ايه معناه الحقيقي ؟!!
نور .. قول ما انت بقيت روميو !!
شريف .. اتريقي براحتك يا نور . الحب الحقيقي ان الانسان يضحي ويعمل المستحيل عشان اللي يحبه يكون مبسوط وسعيد  .. يغفر ويسامح ويجي علي نفسه كمان عشان ميخسرش حبيبة .. هو دا الحب اللي انا مش شايفه فيكي يا نور
نور .. لكن شايفه فيها هي !!
شريف .. نور نفسي اكون اب
نور .. ايه ؟!!
شريف .. زي ما سمعتي .. نفسي في طفل زي اي راجل متجوز
نور .. اطلع من دماغي يا اشرف .. مش وقت العبط بتاعك دا خالص
اشرف .. عبط !! هو انا عشان نفسي في حتة عيل يملي عليا حياتي ابقي عبيط؟!!
نور .. بص يا اشرف .. اني احمل واخلف الفترة دي انسي خالص .. فاهم؟
شريف .. امال ناوية تحملي امتي ؟!!
نور .. يعني لو كان مكتوب اننا نستمر مع بعض ..
شريف .. ثواني .. يعني ايه لو كان مكتوب اننا نستمر مع بعض ؟!! هو انتي بتفكري انك تسيبيني ؟!!
نور .. ايوا فكرت يا شريف بس لسة مقررتش .. بس صدقني لو فعلا اخدت قرار زي ده مش هستني معاك ثانية واحدة
شريف .. والمطلوب مني ايه دلوقتي ؟!!
نور ..المطلوب منك ان تعرف انت متجوز مين بالظبط .. وبلاش كل شوية تضايقني بكلامك وافعالك اللي بجد بتحرقلي دمي وهتوصلني لدرجة اني هندم بجد اني فكرت اني ارتبط بيك في يوم من الايام
شريف .. يعني المطلوب مني اني احط جزمة قديمة في بقي ومتكلمش خالص ولا اطالب بأي حق من حقوقي كزوج ؟!! لا يا هانم مش انا اللي هقبل عيشة زي دي ابدا .. بعد ازنك
الاحداث اشتعلت تابعوني والبارت السابع .. تحياتي الكاتب المصري محمد مالك.
رواية جعلتني خائنا
البارت السابع
للكاتب المصري محمد مالك
ويظل شريف في حيرة وضيق وضجر من معاملة نور له فلا يجد مبررا لتلك المعاملة سوي فتور مشاعرها واللامبالاه لمشاعرة وتمر الايام وتنشغل نور بأعداد برنامجها التليفزيوني الذي سوف يعرض في الموسم الرمضاني القادم والمدهش ان اسم البرنامج بعنوان رجال مقهورة واصبح شريف لا يراها طوال اليوم بل من الممكن ان لا يراها ايام متواصلة ويعود شريف الي عملة كمهندس مدني بشركة مقاولات كبيرة وتعود ايضا نرمين الي العمل وكلاهما في حجرة مكتب واحدة ونري شريف حزين الوجه مكتئب لحيته طويلة وتلاحظ ذلك نرمين الذي اصبح لا يتصل بها ولا يحادثها منذ اخر لقاء عندما طلب منها الزواج
نرمين .. مالك يا شريف ؟!!
شريف ينظر اليها ولا يجيب
نرمين .. شريف انا بسألك ممكن تجاوبني من فضلك ؟
شريف .. مالي يا نرمين يعني ؟!! .. مبسوط وسعيد وهطق من الانبساط كمان .. مش شايفاني سعيد ازاي ؟!!
نرمين تقوم من علي مكتبها وتتوجه نحوه .. لا يا شريف .. انا شايفاك حزين ومكتئب ومهموم كمان !! في ايه يا شريف ؟!!
شريف .. مفيش يا نرمين سيبيني في حالي من فضلك
نرمين .. ازاي اسيبك وانا شايفاك بالشكل ده ؟! انت ليه بطلت تتصل بيا او حتي تسأل عني وعن اخباري مع انك عارف ان ماليش حد في الدنيا بعد بابا الله يرحمه غيرك
شريف .. بطلي بقي الكلمة دي !! ازاي ملكيش حد غيري ولما طلبت منك الجواز رفضتي ؟!!
نرمين .. انا مرفضتش انا طلبت منك انك تتأكد الاول من مشاعرك ناحيتي وان قرار الجواز ده يكون نابع من جواك وعن اقتناع كمان مش مجرد قرار انفعالي ممكن تندم عليه
شريف .. انتي عايزة مني ايه دلوقتي يا نرمين ؟!!
نرمين .. عايزة اعرف اخرتها ايه ؟!! عاجبك حالك ده ؟!! واكيد هي ولا حاسة بيك
شريف .. انا مش عارف هي ليه بتعاملني كدا !! دا انا بحبها جدا وبتمني لها الرضا ترضي
نرمين .. بس هي مش مقدرة ده يا شريف ..
شريف .. انا مش فارق معاها اصلا .. حتي نفسي في حتة عيل منها يملي علينا البيت رافضه تحيبهولي .. انا تعبت وزهقت بجد
ثم يدخل العامل بالشركة عم محمود
محمود .. باش مهندس شريف .. المدير عايزك في مكتبه
ويدخل شريف الي مكتب المدير ويبدوا انه في حالة غضب شديدة
المدير .. صباح الخير يا باش مهندس
شريف .. صباح النور يا فندم
المدير .. ايه يا باش مهندس الرسومات اللي انت عاملها دي بتاعت مشروع القرية السياحية  ؟!!
شريف .. مالها ؟!
المدير .. كلها اخطاء ومش مظبوطه .. انت متأكد انك انت اللي عامل الرسومات دي ؟!!
شريف.. ايوا انا
المدير .. مش معقول شريف ابو المجد المهندس البارع اللي عمل رسومات لأعظم الفنادق والقري السياحية يعمل رسومات بالشكل ده ؟!! دي ميعملهاش طالب لسة في سنة اولي في كلية الهندسة !! مالك يا شريف انت تعبان ؟!!
شريف .. يعني .. شوية يا فندم
المدير .. تحب تاخد اجازة تانية تريح فيها اعصابك ؟
شريف .. لا يا فندم .. انا بعتذر عن الرسومات وهعيد رسمها تاني .. بعد ازنك
ويعود شريف الي مكتبه بالشركة
نرمين .. كان عايز منك ايه؟!!.
شريف .. الرسومات الهندسية اللي عملتها بتاعة القرية السياحية الجديدة فيها اخطاء ومش مظبوطة
نرمين .. هات يا شريف انا هعملهالك
شريف .. بس ..
نرمين .. هات يا شريف كفاية اللي انت فيه
شريف .. شكرا يا نرمين
نرمين .. بتشكرني علي ايه يا شريف بس ؟! صدقني انا تعبانه جدا عشان شايفاك بالمنظر ده .. ربنا يكون في عونك
ويعوظ شريف الي المنزل فلم يجد نور فيتصل بها علي التليفون ..
شريف .. ايه يا نور فينك ؟!!
نور .. هكون فين يعني يا شريف ؟!! في الشغل طبعا
شريف .. انا بقالي تلت تيام مشوفتكيش زي ما يكون ملكيش بيت ولا زوج ليهم حق عليكي
نور .. معلش يا شريف انا مضغوطه جدا احنا بنسابق الزمن عشان نخلص .. شريف باي دلوقتي هكلمك بعدين
شريف .. اف ..
وفي المساء تعود نرمين لتجد شريف نائما وتقوم بتفتيش تليفونه المحمول فتجد رسائل غرام مرسلة الي نرمين ورسائل تدور حول الزواج واخري يشكو من نور وسوء معاملتها
نور تغضب بشدة
نور .. بقي كدا ؟!! قوم يا باش مهندس .. اصحي
شريف .. في ايه يا نور ؟!! بتصحيني بالطريقة دي ليه؟!!
نور .. هي دي اللي مفيش بينك وبينها حاجة ومعتبرها زي اختك  !! ناحل فروتي معاها وعارض عليها الجواز كمان يا خاين
شريف .. ما انا .. انا ااا
نور .. انت خاين يا شريف
شريف .. عايزك تعرفي اني انتي اللي عملتي مني خاين بسبب جحودك وبرود مشاعرك ناحيتي واصرارك الدائم علي معاملتي بكل قسوة وتجاهل لمشاعري  .. انا كنت اوفي انسان ليكي واخلص انسان ممكن تقابلية في حياتك .. لكن الوفاء والاخلاص عاملين زي النبات الاخضر ان مكنتيش ترويهم بالحب والحنان والاهتمام بيموتوا .. عشان كدا انا اخلاصي ووفائي ليكي ماتوا يا نور وانتي قتلتيهم بإيدك
نور .. عمر اللي بتقوله ده ما هيكون مبرر للخيانه .. متحاولش تلاقي عذر لخيانتك ليا
شريف .. طب اديني انتي سبب واحد يخليني مخونكيش ؟!!!
نور .. ااااا.. انك جوزي ومفيش زوج بيخون زوجته او العكس
شريف .. هههههه .. جوزك ع الورق وبس يا مدام.. لكن عمري ما حسيت اني انا جوزك ابدا .. انتي بتعامليني دايما وكأني قطعة دهب من مجوهراتك الهدف منها الزينة وبس .. كل اللي همك المجد والشهرة والاضواء .. انا انسان يا نور وعندي مشاعر واحاسيس ولو ملقتش اللي يبادلني نفس مشاعري واحاسيسي مينتظرش مني ابدا الوفاء ..
نور .. طلقني يا شريف
شريف .. ايه ؟!!
نور .. طلقني يا شريف .. انا بكرهك
شريف .. دا علي اساس انك كنتي بتحبيني في الاول ؟!! انتي عمرك ما حبتيني ولا هتحبي حد ابدا غير نفسك وبس .. لكن تكرهي دي سهلة اوي بالنسبة لك .. لأن القلب اللي ميعرفش يحب يا نور يبقي قلب اسود مليان بالكرهه والاتنين ميجتمعوش في قلب واحد  .. انتي طالق يا نور
نور .. اوك كدا انا فزت بأول جولة .. لسة في جولة تانية مع حبيبة القلب نرمين .. اللي تطلقني انا عشانها..........
تابعوني والبارت الثامن ... تحياتي الكاتب المصري محمد مالك.