رواية جثة من مصدر مجهول
البارت الثاني
للكاتب المصري محمد مالك
يس امام ضابط مديرية الامن للتحقيق معه في الواقعةثائر .. فين بطاقتك ؟
يس .. اتفضل
ثائر .. يس عبد السلام محمد.. طبيب اسنان .. تمام .. افتح محضر يابني
يس .. انا ممكن اعرف انا تهمتي ايه بالظبط ؟!
ثائر .. واحد لقينا في شقته واحدة مقتوله وعلي سريرة كمان.. هتبقي ايه تهمته يا دكتور
يس .. انا معرفش مين دي اصلا ودخلت شقتي ازاي ؟!!
ثائر .. يا راجل !! يعني اتسحبت مثلا من تحت عقب الباب وقتلت نفسها ونامت علي سريرك ؟!!
يس .. لا حول ولا قوة الا بالله .. وانا هقتلها ليه اصلا وانا معرفهاش ؟!!
ثائر .. متعرفهاش ازاي وهي نايمة علي سريرك ومقتولة يا دكتور ؟! ثم يدخل ضابط آخر ويعطية ظرف وثائر يفتح الظرف
ثائر.. وقعتك سودا الست ماتت .. والتقرير المبدئي للبحث الجنائي بيقول ان مفيش اي كسر بباب الشقة او محاولة اقتحام من اي نوع .. يعني القتيلة دخلت من الباب عادي .. اعترف بقي وخلصنا .. قتلتها ليه ؟!،
يس .. انا معرفهاش عشان اقتلها ؟!!
ثائر .. طب مين اللي قتلها ؟!!
يس .. معرفش انا دخلت سمعت صوت واحدة بتتألم ولما ركزت مع الصوت لقيته جاي من اوضة النوم .. دخلت الاوضة مفيش دقيقتين لقيت الشرطة في دهري .. انا معرفهاش ومقتلتهاش
ثائر .. انت عارف مين دي ؟!!
يس.. قلت لسيادتك معرفهاش
ثائر .. طب انا هعرفك مين هي .. دي يسرا امين مصرية امريكية مرات سفير امريكي سابق .. يعني انت وقعت وقعة مطينة بطين .. اعترف بقي متتعبنيش معاك يا ابن الناس مش كل مانقفش مجرم يقلك مش انا ويغلب اهلي عشان يعترف
يس .. معرفهاش ورحمة مراتي وابني انا معرفهاش
ثائر .. تمام نبدأ من البداية .. ثم يخرج بعض الصور .. شوف دول
يس .. ايه دول ؟!!
ثائر .. يا عم شوف بس
وهي مجموعة من الصور تم التقاطها اثناء دخول يسرا الي عيادة يس
ثائر .. ايه رأيك ؟!
يس .. دي صور للقتيلة وهي داخلة عندي العيادة .. بس انا مش فاكر اني شفتها قبل كدا .. جايز تكون جت مرة واحدة العيادة عشان كدا فانطبعتش في الذاكرة عندي .. انا دكتور مشهور وعندي مرضي كتير
ثائر .. عارفين ان سيادتك دكتور مشهور ومعظم زباينك من جنس الحريم .. يا روميو
يس .. انا ما اسمحلكش
ثائر .. اسف .. ودا كمان فيديو تم تسجيلة من كاميرا للمراقبة من العيادة اللي قصادك .. عيادة الدكتور فايز امير للمسالك البولية .. شوف كدا .. مش دي القتيلة وهي داخلة عندك العيادة !! مش دا انت وانت واقف معاها !! ازاي بقي متعرفهاش
يس .. قلت لسيادتك ممكن تكون جت مرة واحدة العيادة ومجتش بعدها تاني فأنا ملحقتش احفظ شكلها انا بيجيلي العيادة مش اقل من ٢٠ مريض في اليوم وان مكنتش اتعامل مع المريض مرة واتنين وتلاتة مش هحفظ شلكة وبعدين تاريخ ووقت تسجيل الفيديو دا امتي ؟!!
ثائر .. قبل حادثة القتل بساعتين .. يعني مش معقول واحدة شايفها من ساعتين لقحت تنساها !! ثم يدخل العسكري ويضع ظرف اخر علي المكتب .. الضابط يفتحه ثم يضحك
ثائر .. هههههه .. انا لسة كنت بقول نقفش الواحد من دول ويحلف بكل الاديان انه مش هو اللي عمل كدا وفي الاخر يطلع هو ..
يس .. قصدك ايه يا فندم ؟!! فيه ايه الظرف ده ؟!
يس .. تقرير المعمل الجنائي بيقول ان البصمات اللي علي السكين بصماتك .. اعترف يا عم روميو وخلصنا خلينا نقفل ام القضية دي .. قتلتها ليه .. مش دي عشيقتك برضوا ؟!
يس .. عشيقة مين ؟!! هو انت عاوز تلبسني مصيبة وخلاص
ثائر .. هو انت بعد الادلة دي كلها ولسة ملبستش مصيبة ؟!! قلي الدكتور فايز امير اتقدم قبل كدا ضدك ببلاغ بيقول انك بتمارس في عيادتك اعمال منافية للأداب وخصوصا مع بعض زباينك من الستات
.. حصل؟!
يس .. حصل
ثائر .. ليه ؟!
يس .. دا انسان معقد نفسيا ومش متجوز وانا شاب وصغير وزبايني معظمهم ستات .. لازم يكون غيران وحاقد
ثائر .. بس دا بيقول ان بيسمع اصوات ضحك سيدات وكلام مثير للغرائز من داخل عيادتك
يس .. قلت لسيادتك ان دا انسان مريض ومعقد نفسيا .. انا من طبيعتي اني اتعامل مع مرضايا بشئ من المرح والبساطة يعني لما الاقي مريضة خايفة ومتنشنة ممكن اقلها نكته مثلا فاكيد هتضحك !! وبعدين الكلمات المثيرة للغرائز اللي بيقول عليها دي . اي مريض بيخلع سنة مثلا او بيخشي ضرس اكيد هيتألم وهيخرج اصوات وانا معظم زبايني من الطبقة الراقية
ثائر .. اه فهمت طبقة راقية يعني اه واوه ونعومة ورقة وكدا يعني .. طيب يا دكتور ..بس التمرجي اللي عند الدكتور فايز بيؤكد ان القتيلة زارت العيادة عندك اكتر من مرة وانك كنت تقف تحكي معاها لمدة طويلة وطول المدة دي كنتوا بتضحكوا وتهزروا .. يعني في معرفة وانسجام كمان ؟!!
يس .. قلت لسيادتك معرفهاش .. وبعدين انا عاوز اعرف .. انتوا عرفتوا منين انها عندي في الشقة ومقتولة كمان ؟!!
الاحداث اشتعلت .. تابعوني والبارت الثالث .. تحياتي الكاتب والسيناريست المصري محمد مالك.
رائع رائع بجد... يسلم الا يادي
ردحذف🌹🌹🌹👍
ردحذف