رواية اغتصاب شرعي البارت العشرون والاخير من الجزء الثاني

رواية حفيدة الشيطان كاملة جزء واحد

للكاتب المصري محمد مالك

[١/‏٥ ٨:٤٣ م] محمد مالك: انا سلمي ربة منزل متزوجة من ٣٠ سنة وقعدت حوالي ١٥ سنه وربنا مرزقنيش بأطفال  المشكلة عندي انا بسبب ضعف في التبويض مخلتش دكتور مرحتلوش ولا وصفة معملتهاش ومفيش فايدة لحد ما ستات جيراني دلوني علي راجل اكدب عليكم لو قلت عليه شيخ لا دا ساحر ومشعوذ بس بيقدر يعمل اي حاجة وينفذ اي طلب مهما كانت صعوبته ودا عن تجربه من الستات اللي راحتله وجبر بخاطرهم المهم رحتله انا وواحدة جارتي كانت ليها مصلحة عنده وقضاها حاجة شبه حاجتي كدا بس كانت لمرات ابنها وبصراحة رحتله من ورا جوزي لانه لو كان عرف كان هيبهدلني ومش بعيد يطلقني لانه راحل بتاع ربنا وحافظ كتاب الله وعارف ان المرواح عند الناس دي معصية كبيرة اوي بس انا اعمل ايه .. انا هموت واجيب حتة عيل يملي علينا البيت ومقداميش غير الراجل ده ولما رحت عند سيد الفاجر .. متستغربوش هو اسمه كدا الناس طلعت عليه اللقب ده عشان كان فعلا فاجر ويقدر يعمل اي حاجة ولما قعدت قدامه بصيلي بعنيه الحمرا وكأنها دم احمر داكن وقالي عاوزة تحملي يا سلمي ؟!! انا استغربت عرف منين بس قلت لنفسي دا ساحر واكيد عارف انا جاية ليه .. قلتله وانا الخوف هيموتني من المنظر اللي انا شايفاه صور بشعة في كل مكان وريحة البخور كانت هتخنقني .. ايوه انا نفسي احمل واخلف زي كل ست .. نفسي في عيل اشيله علي ايدي ويكبر يوم ورا يوم قدامي ويقلي يا ماما ويملي علينا حياتنا انا وابوه .. راح قالي بصوته الغليظ هتحملي بس في بنت .. انا مسألتش ساعتها اشمعني بنت لان بصراحة كل همي اني احمل وخلاص ولد او بنت متفرقش فقلتله عادي المهم ربنا يرزقني بالخلفة وخلاص .. راخ ضحك بصوت عالي وقال خلاص يا سلمي عدي تسع شهور بالكمال والتمام وهتشيلي علي ايديكي بنتك ضلام .. انا استغربت من الاسم .. ضلام !!! يعني ايه ضلام ؟!! فقالي اسمها ضلام وعلي ايديها عتاب وملام وعذاب كتير وآلام ... انا اتخضيت وقلتله يعني ايه مش فاهمة ؟!! قالي مش لازم تفهمي ما دام لازم تحملي ولاني ست جاهله وتعليمي علي ادي وكمان شوقي ولهفتي علي حتة عيل خلوني ماخدش واعيد في كلامي فراح مديني ورقة فيها كلام مكتوب وقالي استحمي بيها قبل الجماع بيومين وتعالي كمان شهرين .. انا اخدت الورقة وعملت اللي قالي عليه بالظبط وبعد شهرين رحتله زي ما قال فقالي مبروك انتي حامل في شهرين في بنت اسمها نيفين ومفيش في طباعها اتنين بس عشان حملك يثبت..  مطلوب منك طلبين .. انا طرت من الفرحة وقلتله ايه هما الطلبين وانا هنفذهم علطول .. راح طلب من اعمل اعمل حاجتين استحالة كنت اتوقع انهم يطلبوا مني دول ضد اخلاقي وديني ......
ايه هما الطلبين ؟؟ ويا تري سلمي هتنفذهم ولا لا ؟؟ دا اللي هنعرفه من البارت الثاني .. تابعوني
#محمد_مالك
[٣/‏٥ ١١:٤٤ ص] محمد مالك: حفيدة الشيطان
البارت الثاني
سلمي قاعدة هي وجارتها ام ايمن قدام الساحر والمشعوذ سيد الفاجر
سلمي .. وايه هما الطلبين يا عم الشيخ سيد؟!!
سيد الفاجر .. اول طلب تاخدي الورقة دي وتروحي قبل الفجر بساعتين عند قبر الست والدتك وتفتحي عليها التربه وتحطي الورقة دي في بقها
سلمي بتعجب واستنكار .. ايه ؟!! بتقول ايه ؟!! افتح علي امي تربتها واحط ورقة في بقها ؟!! انت بتقول ايه يا عم سيد دا انا امي ميته ملهاش اربعين يوم وورقة ايه اللي عايزني احطها في بقها ؟!!.
سيد الفاجر .. هو دا المطلوب منك ولازم تعمليه ولو متتفذش يبقي حملك مش هتكمليه ..
سلمي .. ايوه بس ازاي عايزني افتح علي امي تربتها !!! وورقة ايه دي اللي عاوزني احشرها في بقها؟!!
سيد الفاجر .. نفذي من غير ما تسألي
سلمي .. وبعدين انزل ازاي الترب قبل الفجر بساعتين ؟!! اقول لجوزي ايه؟!!
سيد الفاجر .. مش مشكلتي انا .. اتصرفي يا سلمي
سلمي .. وايه الطلب التاني ؟!!
سيد الفاجر .. اربعين يوم لا تغتسلي من جنابه ولا تستنجي من بول
سلمي باستنكار شديد .. نعم ؟!! انت بتقول ايه ؟!! استغفر الله العظيم .. انت شايفني ايه .. دا انا مسلمة وعرفه ديني كويس .. وجوزي من اهل الذكر وحافظ كتاب الله عن ظهر قلب ازاي عاوزني اعمل اللي بتقول عليه ده ؟!! دا انا بصلي فرض بفرضه .. انت اللي بتأمرني بيه ده معصية .. ان كدا عاوزني اغضب ربنا ؟!!
سيد الفاجر يضحك بسخرية ..ههههههه..  هو انتي فاكره نفسك جايه عندي عشان ترضي ربنا ؟!! انتي لو عايزة ترضي ربنا كنتي رضيتي بالمقسوم ليكي وحمدتي ربنا علي اللي في ايديكي
سلمي بارتباك .. انا باخد بالاسباب
سيد الفاجر .. ودي طلبات الاسياد .. هتنفذيها حملك هيتم علي خير وهتشيلي بنتك نيفين علي ايديكي الاتنين والا ...
سلمي .. متكملش يا عم سيد ارجوك .. يا حول الله يارب .. يلا بينا يا ام ايمن
سيد الفاجر .. اسبوع من الان ويجيلي التمام امسكي الورقة
سلمي تأخذ الورقة ويبدوا عليها الاسي والحزن والحيرة الشديدة وظلت يومين تفكر ماذا تفعل حتي استقرت علي انها لن تستطيع الاستغناء عن بنتها فطالما حلمت ان تحمل فكان حلم عمرها وبعد ان تحقق حلمها يضيع املها ؟!! وكان عزاء نفسها الوحيد ان الله غفور رحيم هكذا اقنعتها ام ايمن التي سنكتشف حقيقتها فيما بعد وما كان هدفها من اقناع سلمي ان تذهب الي سيد الفاجر وان تنفذ طلباته .. واستغلت سلمي ليلة بات فيها زوجها خارج المنزل لظروف عمله وذهبت قبل الفجر بساعتين وفتحت علي امها التربه ولم تستطيع ان تنظر اليها فصرفت وجهها عنها وبيد مرتعشه فتحت فمها ووضعت الورقة بداخلها وقالت بصوت حزين .. سامحيني يا امي .. ثم خرجت تجري والدموع تملأ عينيها فلم تصدق كيف اقدمت علي فعل ذلك .. وبدات سلمي في تنفيذ الطلب الثاني وظلت اربعين يوما وليلة علي نجاسة كما طلب منها سيد الفاجر وكلما دعاها زوجها الي الصلاة تارة تتعلل بأنها مشغولة بالعمل في المنزل وتارة بأنها متعبه وتارة بأنها قد صلت بمفردها وطوال تلك الفترة كانت تستحقر نفسها وتستغفر ربها لعله يغفر لها وجاء وقت الوضاع واحست سلمي بالوجع الشديد وانها ساعة الولادة فذهب بها زوجها علي الفور الي الطبيبة لكي تلد ولكن حدثت اشياء غريبة .. بعد ان ولدت بنتها .. ماتت الطبيبة التي اشرفت علي ولادتها بعد الولادة بدقائق معدودة فسقطت فجاة وسط العيادة وقد صعدت روحها الي بارئها وسط تعجب شديد من الجميع فكانت لا تعاني ابدا من اي مرض او تعب  واما الممرضة التي كانت تساعد الطبيبة اثناء الولادة جأها تليفون بعد الولادة بساعة اخبروها بأن ابنها الوحيد قد صدمته سيارة ومات علي الفور .. اما سلمي حينما احضروا لها نيفين لكي ترضعها ونظرت اليها ارتجفت بشدة واصابتها الصدمه من هول ما رأت ....
ماذا رأت ؟؟ وماذا حدث بعد ذلك ؟؟ دا اللي هنعرفة من الجزء الثالث .. تحياتي المؤلف والسيناريست محمد مالك .
[٤/‏٥ ٨:٤٠ م] محمد مالك: حفيدة الشيطان
البارت الثالث
سلمي في عيادة النساء والتوليد وزحمة وهيصة وبكاء وصراخ شديد في العيادة بسبب الوفاه المفاجأة للطبيبة اللي اشرفت علي ولادتها واللي ماتت بعد الولادة بدقائق وفي نفس الوقت الممرضة اللي كانت بتساعد الطبيبة جالها خبر ابنها الوحيد اللي ضربته عربيه وهو بيعدي الشارع في حالة يرثي لها شبه فاقدة للوعي من شدة الصدمة .. اما سلمي فجابولها البنت عشان ترضعها واول ما ايديها اتمدت عشان تشيلها وعنيها شافتها لاول مرة ارتجفت بشدة ووشها جاب الوان من شدة الصدمة وجالها شبه هيستريا وفضلت تصرخ وتقول ابعدوها عني .. ابعدوها عني .. اعوذ بالله .. خلت اللي حواليها في ذهول ومش لاقيين تفسير للحالة اللي جاتلها بصورة مفاجأة فراح جوزها قرب منها وضمها لحضنه ومسك راسها وقعد يقري عليها قرآن لحد ما هديت وبعدين سألها وقالها ..
اشرف .. فيه ايه يا سلمي مالك؟!!
سلمي .. شيطان مخيف يا اشرف .. مسخ بشع زي اللي بنشوفه في افلام الرعب كان باصصلي بطريقة مخيفة وزي ما يكون عايز يؤذيني
اشرف .. اعوذ بالله.. شيطان ايه بس يا سلمي ؟!! دا انتي اول ما جابولك بنتك عشان ترضعيها وعنيكي جت عليها جاتلك حالة هيسترية رهيبه !!
سلمي .. بقلك شفت شيطان بشع .. صدقني يا اشرف
اشرف .. استهدي بالله .. واستعيذي من الشيطان الرجيم .. ممكن يكون اللي حصلك ده بسبب الشد العصبي والتعب اللي انتي فيه طول الفترة اللي فاتت دي كلها .. يلا خدي بنتك عشان ترضعيها
سلمي تمد يديها لتأخذ نيفين وهي في خوف وتردد لا تريد ان تنظر اليها وبعد تردد اعادت النظر اليها مرة اخري فوجدتها فتاه جميله بيضاء اللون ولكن كانت تبكي بكاء شديد وملحوظ فطنت ان سبب ذلك هو الجوع فضمتها الي صدرها وقامت بارضاعها ولكن نيفين لم تتوقف عن البكاء المستمر صباح مساء مما دفع الابوان الي الذهاب الي طبيب اطفال والذي اجري لها فحوصات عديدة ليعرف سبب ذلك ولكن لم يجد سببا  طبياً ..فالبنت سليمة مائة بالمائة ولا تعاني من اي مشكلة عضوية ولكن استمرارها علي هذا الحال دفع الابوان الي الذهاب الي اكثر من طبيب ولكن النتيجة واحدة .. البنت لا تعاني من شئ وكبرت نيفين واصبح عمرها ١٥ عام  وبدأت تظهر الكوارث والمصائب التي اخبر بها سيد الفاجر .. لعل بدايتها صمت البنت المستمر وعدم اندماجها مع الاطفال الذين هم من سنها دائما تميل الي العزلة والخلوة مع نفسها .. لا تضحك ابدا عندما تشاهد فيلم كوميدي .. تعشق مشاهدة افلام الرعب وخصوصا افلام المسخ والشياطين وتبكي بشدة عندما تشاهد الشيطان او المسخ يموت ولعل اكثر شئ جعل والديها يقلقون تجاهها هو ان البنت لا تطيق سماع القرآن ابدا .. مما دفع الابوان ان يذهبان بها الي طبيب نفسي فأخبرهم انها حالة من الاكتئاب الشديد  وكتب لها الدواء اللازم ولكن دون تحسن وذهبوا الي اكثر من طبيب نفسي وكل طبيب بتسخيص وعلاج مختلف وذات مرة استيقظت الام قبل الفجر بساعتين وذهبت لتطمئن علي ابنتها في غرفتها فلم تجدها فانزعجت وايقظت ابيها وظلوا يبحثون عنها طوال الليل فلم يجدوها حتي فقدوا الامل في ان يعثروا عليها فاضطر الاب الي الذهاب الي قسم الشرطة ليبلغ عن اختفاء ابنته ولكن سلمي خطر ببالها ان تذهب الي سيد الفاجر الذي اخبرها عن مكان ابنتها وقال لها .. بنتك بايته في المقابر .. فذهبت الام مسرعة ووجدت ابنتها جالسة في المقابر وسط الظلام التام فسألتها
سلمي .. انتي بتعملي ايه هنا ؟!!
نيفين لا تجيب
سلمي .. انا عاوزة اعرف انتي بتعملي ليه كدا ؟!! انتي ايه اللي فيكي بالظبط ؟!! الدكاترة بيقولوا انك كويسة !!! مالك اتكلمي ساكته ليه؟!! تعبتينا معاكي
نيفين بنظرات حادة ومرعبه
سلمي .. انتي بتبصيلي ليه كدا ؟!! انا بخاف من نظراتك ليا .. انتي عليكي عفريت .. ايوه انتي شكلك ملبوسة وانا لازم اوديكي لشيخ .. يلا تعالي
نيفين ترفض ان تذهب مع امها وامها تجذبها من يدها بشدة ..
سلمي .. بقلك يلا .. المكان هنا مرعب جدا .. اسمعي الكلام طلعتي روحي يا شيخة
البنت تتعصب وتنطق بصوت غليظ ومرعب .. اخرصي .. كفاية بقي
سلمي ترتعب .. اعوذ بالله من الشيطان الرجيم .. انتي اللي اتكلمتي كدا ؟!! مش معقول !! انا بيتهيئلي .. المكان هنا مرعب جدا ..يلا بقلك نمشي من هنا
نيفين تدفع سلمي بشدة وسلمي تسقط علي الارض ونيفين تتركها وتركض سريعا ...سلمي تنادي علي ابنتها .. نيفين يا نيفين .. ولكن نيفين لا تبالي وتستمر بالركض حتي تختفي عن الانظار ...
وتذهب الام الي المنزل وتظن ان ابنتها قد هربت مرة اخري ولكن تفاجأ ان ابنتها قد عادت الي المنزل وهي الان نائمة في فراشها وطلب منها اشرف الا توقظها وتتركها حتي الصباح فقد استشعر ان هناك مشكلة حقيقية تعاني منها البنت ودخلت الام غرفة نيفين وجلست بجوارها وامسكت بيدها واخذت تقبلها وهي تدعو الله ان يصرف عنها ما هي فيه ولكن البنت ترتجف وهي نائمة ويزداد ارتجافها كلما ازداد دعاء امها لها مما اثار تعجب امها ودخل اشرف ليخبر سلمي ان اختها تهاني التي تقيم مع زوجها المدرس بالسعودية تريد ان تحادثها في امر هام ... وتخبرها بامر خطير ...
مفاجآت خطيرة بالبارت الرابع .. تحياتي الكاتب والسيناريست محمد مالك.
[٥/‏٥ ٦:٤٨ م] محمد مالك: حفيدة الشيطان
البارت الرابع
سلمي تحادث تهاني اختها عبر التليفون وتهاني في حالة انهيار وبكاء شديد
سلمي .. خير يا تهاني مالك؟!!
تهاني .. انا جبت اخري خلاص يا سلمي انا عاوزة اطلق من محسن
سلمي .. تاني يا تهاني ؟!! موضوع الطلاق ده
تهاني .. لا المرة دي بجد انا خلاص اخدت قرار ومش هرجع فيه انا بجد تعبت وجبت اخري
سلمي .. لا حول ولا قوة الا بالله .. اهدي بس وفهميني .. فيه ايه حصل تاني بينك انتي ومحسن ؟!!
تهاني .. قصدك تقولي في ايه اللي محصلش بيني وبين محسن .. كل المصايب اللي تتخيليها حصلت بينا لدرجة ان مفيش يوم بيعدي غير لما تحصل كارثة او مصيبة .. ١٥ سنة وانا عايشة في ذل وارف واهانه لحد ماخلاص مش قادرة استحمل
سلمي .. اكيد اتخانقتوا عشان موضوع الخلفة تاني ؟
تهاني .. ايوه كل يوم يسم بدني بكلام جارح وبيتلكك عشان يعمل معايا مشكلة علي اقل سبب المهم يتخانق معايا وخلاص لا وجاي دلوقتي بيلمح وشكله ناوي يتجوز تاني
سلمي .. انتي مش قلتي ان في دكتور امريكاني عندكم وهتعرضوا نفسكم عليه ؟!
تهاني .. رحنا وكشف علينا وقالنا ان مفيش اي مانع للحمل لا عندي ولا عنده
تهاني .. ما انا قلتلك لما نزلتي اجازة السنه اللي فاتت تعالي اوديكي لسيد الفاجر حل مشكلتك عنده
تهاني .. لا ياختي دا راجل بتاع سفلي ربنا يبعدنا عنه
سلمي .. انا مش فاهمه ايه لخبط كيانك انتي وجوزك كدا دا انتوا حتي متجوزين عن حب ؟!!
تهاني .. صدقيني يا سلمي بقالي ١٥ سنة في عذاب ومش طايقة جوزي ولا نفسي ولا حتي قعادنا هنا ولا هو كمان طايقني خلاص انا فعلا قررت اطلق وخليه بقي يتجوز براحته
سلمي .. اجلي موضوع الطلاق ده دلوقتي لحد ما تنزلي اجازة ونشوف هنتصرف ازاي
تهاني .. يا مسهل .. قليلي بنتك عامله ايه دلوقتي؟
سلمي .. تعبانه وتعباني معاها انا وابوها
تهاني .. يا حرام .. انا زعلانه اوي علي نيفين واللي بيجرالها ده .. طب مفيش دكتور كويس ترحوله ؟!!
سلمي .. وحياتك مخلناش دكتور مرحنلهوش من اسكندرية لاسوان وكل واحد وكلمته وبرضوا مفيش فايدة
تهاني .. طب ودوها لشيخ يعرف ربنا يرقيها ولا حاجة
سلمي .. انا فعلا ناوية اوديها عند سيد الفاجر
تهاني .. ما بلاش سيد الفاجر ده .. انا مش مرتحاله مش هو السبب اللي خلاكي حملتي فيها باعماله القذرة والسفلية
سلمي .. اسكتي يا تهاني اشرف ميعرفش الموضوع ده .. ولو عرف هيطلقني
تهاني .. ربنا يهديها
سلمي .. يارب ويصلح ما بينك انتي وجوزك
تهاني .. علي الله .. تعوزي حاجة ؟
سلمي .. اعوز سلامتك انتي وجوزك بس زي ما قلتلك اجلي الكلام في موضوع الطلاق ده لحد ما تنزلي اجازة
تهاني .. ان شاء الله حاضر .. مع السلامة
سلمي .. مع السلامة يا حبيبتي ..
ثم تغلق الخط وتذهب الي غرفة نيفين لتطمئن عليها فتصعق عندما تجد نيفين تأكل في ذراعها والدماء منتشرة في كل مكان وتغطي سريرها بالكامل تجري مسرعة نحوها وتحاول منعها من ذلك وتصرخ باعلي صوتها مستغيثة بزوجها
سلمي .. اشرف .. الحقني يا اشرف .. بنتك هتاكل دراعها
يأتي الاب مسرعا ومنزعجا ويحاول مع الام منع نيفين من الاستمرار في اكل ذراعها ولكن نيفين تدفعهما بقوة عجيبة وتدخل مسرعة الي الحمام وتغلق الباب خلفها وعندما تبعها الاب والام ليلحقا بها ليمنعاها من الاستمرار في الحاق الاذي بنفسها ولكن نيفين اغلقت الباب من الداخل مما اضطر الاب الي كسر باب الحمام ولكن بعد ان كسر الباب لم يجدا نيفين فقد اختفت ولا يوجد لها اثر داخل الحمام سوي قطرات الدماء التي تساقطت علي الارض من ذراعها الذي التهمته بشراهة ... الاب والام في حيرة شديدة فأين ذهبت البنت ومن اين خرجت فشباك الحمام عليه شبكة حديد ... فأين اختفت ؟!! ويجلس الاب والام طوال الليل يذكران الله ويرددان لا حول ولا قوة الا بالله والحزن والاسي والقلق والحيرة يكادوا يفتكوا بهما حتي طرق باب الشقة قبل الفجر بساعتين الام تجري مسرعة لتفتح الباب فتجد ام ايمن جارتها وصديقة عمرها امام الباب ملابسها مغطاه بالدماء فتنزعج سلمي من هذا المشهد فتسألها ما بها فتسقط ام ايمن علي الارض فتري سكينا مرشوقا في ظهرها ومن خلفها تظهر نيفين وقد اكلت نصف دزراعها  وهي تضحك بصوت عال وبطريقة هيستيرية ولعلها هذه المرة الاولي التي تضحك فيها نيفين ..
سلمي واشرف لا يصدقان ما يحدث امامهما
ماذا حدث بعد ذلك؟؟؟
البارت الخامس والاخير ملئ بالاحداث المثيرة والشيقة .... تابعوني الكاتب والسيناريست محمد مالك.
[٧/‏٥ ١٢:٣٦ م] محمد مالك: حفيدة الشيطان
البارت الخامس
سلمي واشرف ينظران الي ما يحدث امامهما في تعجب واستنكار شديد لا يصدقان ما تري اعينهم ..
اشرف .. اعوذ بالله من الشيطان الرجيم ولا حول ولا قوة الا بالله .. ايه اللي بيحصل ده ؟!!
سلمي .. لا لا . انا مش قادرة اصدق بنتك اكلت دراعها !!! شايف يا اشرف ؟!!
اشرف .. لا حول ولا قوة بالله .. وام ايمن كمان اتقتلت !! مين اللي اعمل كدا ؟!!
نيفين ما زالت تضحك بطريقة هيستيرية وتقول .. انا .. انا
اشرف .. انتي !! انتي اللي عملتي كدا ؟!!
سلمي .. هو انت لسة هتسأل يا اشرف اطلب الاسعاف بسرعة .. ثم تتوجه نحو نيفين تحاول ان تضمد جرح بنتها الذي ينزف بشدة ولكن نيفين تدفعها بقوة فتسقط علي الارض ثم تقع فوقها وتقول بصوت غليظ وحاد وهي تنظر اليها وعيناها حمراوان يشع منهما الشرار .. فاضل انتي يا سلمي ..  هقتلك يا سلمي زي ما قتلت ام ايمن  .. انتم اعداء جدي جاويش امير الجان الاعظم  ولازم تموتي زيها .. موتي يا سلمي ثم تقوم بخنقها واشرف يشاهد هذا الموقف بتعجب شديد ويدرك حينها ان نيفين لبست ببشر وان كل ظنونه وشكوكة اصبحت حقيقة فيتوجه مسرعا لينقذ زوجته التي كادت تموت مختنقة ويحاول دفع نيفين عنها بكل قوة ولكن لا يستطيع .. فتقول سلمي . اقرأ قرآن بصوت عالي يا اشرف فتذكرت انها حينما تكون تقرأ القرآن علي ابنتها وهي نائمة فكانت تلاحظ انها ترتعش وبشدة وبالفعل بدأ اشرف يقرأ القرآن بصوت عال ويردد آيات حرق الجن فتأثرت نيفين بذلك مما دفعها الي ان تترك المكان وتفر هاربه .... وتأتي الشرطة ومعها الاسعاف وتحمل ام ايمن القتيلة ويقضي الابوان طوال الليل داخل قسم الشرطة للتحقيق معهم فيما حدث اماهم ... وضابط القسم لا يصدق ما يرون له وكأنهم يقصون عليه احداث فيلم رعب ولكن اقنعون بأنها الحقيقة .. اما سيد الفاجر نراه يجلس ويحادث امير الجان الاعظم الامير جاويش ..
سيد الفاجر .. ايه رأيك يا سيدنا .. ام ايمن ماتت خلاص وسلمي اكيد حصلتها يعني سرك هيندفن معاهم خلاص .. ومحدش هيعرف الحقيقة
جاويش .. عظيم يا سيد .. بس لسة في واحد عارف السر
سيد .. مين ؟
جاويش .. انت
سيد يرتبك .. ايه هتقتلني انا كمان ؟!!
جاويش..يمعن اليه النظر ولا يجيب وكأنه بفكر في ذلك وسيد يستشعر ذلك فيصاب بالقلق ويبتلع ريقه وفجأة تدخل نيفين
جاويش .. اهلا حفيدتي الجميلة .. ايه الاخبار ؟!!
نيفين .. كنت هقتل سلمي لكن اشرف قري قرآن كنت هتحرق فاضطريت امشي
جاويش .  معلش كفايه عليكي ام ايمن .. سيد هو اللي هيقتل سلمي
سيد .. ايه ؟!!
جاويش .. دا امر يا سيد يا انسي .. بس انا فرحان بيكي جدا يا نيفين اول مره يكون ليا حفيدة انسية وجنية في نفس الوقت امها من عالم الانس وابوها من عالم الجن ابني راعوش اللي مات ما يشوف بنته من الانس
سيد .. انت الخير والبركة يا سيدنا واحنا كلنا عايشين في خيرك
جاويش .. كويس انك مدرك لده وعارف اني انا واولادي من الجان سبب النعمة اللي انت فيها دي كلها ومن غيري متعرفش تعمل حاجة..
سيد .. اكيد يا سيدنا
جاويش .. يومين واسمع خبر وفاة سلمي
سيد .. حاضر يا سيدنا .. طب واشرف جوزها
جاويش .. اشرف .. ده متحصن بذكر الله ومش لاقينله مدخل ..
سيد .. فعلا مش نافع معاه سحر ابدا
جاويش .. بقلك متحصن بذكر الله وحريص جدا علي طاعة ربه .. سيبوا لبعدين
سيد .. امرك يا سيدنا .. ونعود الي سلمي واشرف حيث نشاهد سلمي في حالة انهيار شديد واشرف يحاول ان يعرف منها حقيقة الامر وبعد ضغط شديد اعترفت سلمي بكل شئ فذهب مسرعا الي سيد الفاجر وينوي به شرا اذا لم يخبره بالحقيقة كاملة وبعد تهديد بالقتل اعترف سيد الفاجر بأن ام ايمن حآته منذ ١٥ عام تطلب منه ان يعقد سحرا لتهاني اخت سلمي لانها اخذت خطيب ابنتها منها لأنه احب تهاني حبا شديدا مما دفعه الي فسخ الخطوبة مع ابنة ام ايمن والتقدم للزواج من تهاني فارادت ان تعقد لهما سحرا حتي لا ينجبا وتصبح حياتهما جحيما وتنتهي بالطلاق وعندما عرف سيد الفاجر ان تهاني اخت سلمي وان سلمي لا تنجب ويعشقها حفيد امير الجان ويريد ان يعاشرها معاشرة الازواج وينجب منها طفلة اخبرها بأنه يريد ان يراها وانه بستطيع ان يجعلها تحمل وايضا يعقد السحر لاختها وتضعه هي بيدها في فم امها المتوفاه وبالفعل ذهبت ام ايمن لتعرض الامر علي سلمي والتي فرحت عندما علمت انها ستنجب علي يد هذا الرجل ولكن لم تدرك ان سيد يريد ان يهيئها لجني يعشقها كي يعاشرها معاشرة الازواج وبالفعل نجح سيد في ذلك وحملت سلمي في نيفين حفيدة امير الجان ولكن اراد جاويش ان يتخلص من كل من يعرف حقيقة الامر وهي ام ايمن فجعل نيفين تقتلها بطعنها بسكين في ظهرها والدور علي سلمي الذي لم تتمكن منها نيفين فكلف سيد الفاجر بهذا الامر وبعد قتل سلمي سيأتي دور سيد لأنه الرأس المدبر والمنفذ لكل شئ وحتما سيتم التخلص منه ... ادرك اشرف حينها ان كل هذا بسبب الاعتراض علي امر وعدم الرضا بالقضاء والقدر وان زوجته أخطأت حينما ظنت انها تستطيع ان تغير من قدر الله .. ولكن قدر الله لن يغيره مخلوق سواء بشر او جني وان الاستعانه بالجن في قضاء الامور لا يعود الا بالخسران علي صاحبه .. قال تعالي .. وانه كان رجال من الانس يعوزون برجال من الجن فزادوهم رهقا .. صدق الله العظيم .. قام اشرف بعد ذلك بتسليم سيد الفاجر الي قبضة الشرطة لمحاكمته واختفت نيفين ولم يعرف لها اثر .. اما سلمي فقد طلقها اشرف بعد ان ذهبت واخرجت العمل من فم امها الذي عقدته ام ايمن لاختها ولم تتحمل اعصابها فاصيبت بحالة نفسية شديدة اودعت علي اثرها مستشفي الامراض النفسية لتقضي بقية حياتها فيها اما تهاني عادت حياتها الي طبيعتها ورزقها الله الولد الصالح البار بأبويه .... قال تعالي ولئن شكرتم لازيدنكم ولئن كفرتم فإن عذابي لشديد ... صدق الله العظيم انتهت قصتي ولم تنتهي محبتي الي اللقاء واولي حلقات رواية قطة من صلب ذئب .... تحياتي الكاتب والسيناريست محمد مالك.