رواية ابي زوجني بأثنين في وقت واحد
البارت الثاني
للكاتب المصري محمد مالك
والد راوية غضب لما سمع الجملة ديمنصور .. نعم يا خويا متجوزاك ؟!! انت مين ياض؟!!
جاسر .. اولا انا ميتقليش ياض .. ثانيا انا اسمي جاسر
منصور .. جاسر !! وتطلع مين انت انا معرفكش !! وايه الكلام اللي انت بتقوله ده ؟!!
جاسر .. انا بقول الحقيقة .. بنتك مراتي علي سنة الله ورسولة وانت اللي جوزتهاني بنفسك
منصور .. ايه ؟!!
سليم .. ايه الكلام اللي انا سمعته دا منصور الواد الهلفوت ده يبقي جوز بنتك ؟!! امال انا ابقي ايه ؟؟!
جاسر ..انا مش هلفوت .. احترم نفسك
سليم .. اوعي ياض يغرك جسمك اللي زي الطور ولا الكام فحل جاموس اللي معاك دا انا ادبحكم واشفيكم زي اجعصها دبيحة عندي واعلقكم علي باب الحارة
جاسر .. اتكلم علي آدك يا راجل يا عجوز وشوف انت بتكلم مين
سليم .. بكلم مين يعني ؟!!
جاسر .. انا جاسر عز الدين بطل العالم ٣ مرات في كمال الاجسام
سليم .. ههههه .. طظ
جاسر .. لا باين عليك عايز تنضرب
سليم .. تضرب مين ياض يا ابن السمينة
جاسر .. ملكش دعوة بأمي يا راجل انت انا محترمك عشان خاطر حمايا بس
منصور .. حماك!! حماك مين يا شاطر روح امشي يابني واقصر الشر شكلك مبلبع حاجة وجاي تفوق علينا
جاسر .. انا مش همشي غير ومراتي في ايدي
منصور .. مراتك مين ؟!!
جاسر .. بنتك راوية
منصور .. بنتي مش مراتك انت اتجوزتها امتي وازاي ؟!! هو انتي اتجوزتي من ورايا وانا مش عارف يا بنت الكلب
راوية .. لا ورحمة امي ما حصل انا لا شفته ولا اعرفه
جاسر .. انت اللي جوزتهالي
منصور .. جوزتهالك امتي وازاي ؟!! وفين قسيمة الجواز
جاسر .. اهه اتفضل
منصور .. غريبة ؟!!
راوية .. ايه يا بابا انت فعلا جوزتني للبني آدم ده؟!! .. ثم تنظر له وتبتسم ويتبادلان الاثنان نظرات رقيقة تعبر عن الاستلطاف
منصور .. مش معقول !!
تابعوني والبارت الثالث من القصة .. تحياتي الكاتب المصري محمد مالك.
🌹🌹🌹👍
ردحذف