رواية اغتصاب شرعي البارت العشرون والاخير من الجزء الثاني

رواية تاجر العذرية

البارت الثالث عشر

للكاتب المصري محمد مالك

جميع الحقوق محفوظة
عمر يخرج من الحمام بعد ان اخذ شاور ينظر فيجد فردوس تجلس علي السرير وما زالت ترتدي فستان الفرح ويبدوا عليها القلق الشديد والانزعاج ويتعجب عمر عندما يراها ما زالت ترتدي فستان الفرح
عمر .. ايه يا حبيبتي .. هو انتي لسة مقلعتيش الفستان ؟!
ثم يداعبها قائلا ..
عمر .. ايه مش عرفة تفكي السوسته ولا ايه ؟!! هههههههه
عمر يلاحظ ارتباك فردوس وخوفها الواضح يقترب منها ثم يجلس بجوارها ويقول
عمر .. مالك يا فردوس ؟! فيه حاجة مدايقاكي ؟!!
فردوس بقلق واضح .. مش عرفة !! حاسة اني خايفة كدا وقلقانه !!
عمر .. شئ طبيعي تكوني خايفة ومتوتره في ليلة زي دي !!
فردوس .. علي فكرة تليفونك مبطلش رن وانت في الحمام !!
عمر .. بجد ؟! مين ؟
فردوس .. مين غيرها ؟! مامتك طبعا !!
عمر .. اها .. معلش ماما اصلها قلقانه شوية
فردوس بسخرية .. ليه ؟! هو انا هاكلك ولا أيه ؟! مش كدا يعني !!
عمر .. اها .. عشان كدا انتي مدايقة ؟!!
فردوس .. لا مش قصدي طبعا .. انا مدايقة ومخنوقة كدا لوحدي .. بس دا ميمنعش ان مامتك بردوا معصباني !! دي عاشر مره تكلمك من ساعة ما وصلنا الشقة !! هي نسيت انك عريس ولا أيه وان دي ليلة الدخلة بتاعتنا ؟!
عمر .. ياستي ولا تزعلي نفسك خالص .. ادي التليفون .. قفلته اهوه .. مبسوطه بقي ؟
فردوس تبتسم .. اكيد مبسوطة وانا معاك .. بس بردوا انا خايفة كدا وقلقانه مش عرفة مالي !!
عمر .. لا متخافيش خالص انا جمبك اهوه .. مش هتقومي بقي تقلعي الفستان دا ؟!
فردوس .. حاضر .. بس دور وشك بعيد
عمر .. ههههه .. من اولها كدا ؟! حاضر يا ستي
وفجأة يشعر عمر بألم في بطنه
عمر يتالم.. اه
فردوس تنزعج .. مالك يا عمر ؟!!
عمر .. بطني وجعاني !! انا كنت متوقع دا بسبب الجاتوه اللي انا اكلته في الفرح !!
ثم يريد القيام وفردوس تريد منعه
فردوس .. رايح فين ؟!
عمر .. داخل الحمام
فردوس.. لا ارجوك بلاش الحمام دا خالص !! كفاية انت مش استحميت ؟!
عمر مندهشا .. هههه .. بس انا لازم ادخل الحمام دلوقتي بقلك بطني وجعاني !!
فردوس .. ضروري يعني ؟!
عمر .. ايه هو دا اللي ضروري ؟!! مالك يا فردوس ؟!! حاسك مش طبيعية خالص انهاردة ؟! وبعد اذنك بقي انا تعبان اوي !!
فردوس .. طيب روح بس متتأخرش وحياتي
عمر .. حاضر .. وانتي بقي اقلعي الفستان دا لحد ما ارجعلك ولا ناوية تباتي بيه ؟!
فردوس .. ههههه .. لا هقلعه
عمر .. طيب .. يلا بسرعة
ونذهب الي ناريمان وزوجها نصر والدا عمر اللذان سيطرا عليهما القلق حيث تحاول الام الاتصال علي ابنها فتجد التليفون مغلق
ناريمان .. بص الولد قفل تليفونه ؟!
نصر .. ههههه .. كنت متوقع انه هيعمل كدا
ناريمان .. بتضحك ؟! طب انا دلوقتي هطمن عليه ازاي ؟!
نصر .. مكلماه ١٠ مرات في ساعتين ولسة ما اطمنتيش يا ناريمان ؟!
ناريمان .. لا ما اطمنتش !! انا قلقانه جدت علي عمر يا نصر
نصر .. يا ستي سيبيها علي الله وبلاش الاوهام اللي في دماغك دي ويلا عشان ننام
ناريمان .. نام انت .. انا مش هيجيلي نوم خالص انهارده !!
نصر .. براحتك .. انا هنام بقي عشان عندي مؤتمر الصبح ولازم اكون فايق .. تصبحي علي خير
ناريمان .. وانت من اهله ..استر يارب
ثم تعيد الاتصال مره اخري ب عمر فتجد التليفون ما زال مغلق
ناريمان .. بقي كدا يا عمر !! تقفل تليفونك في وش امك !!
ونعود الي فردوس حيث خلعت الفستان وارتدت قميص احمر جميل ثم يأتي عمر فتتنفس فردوس الصعداء وتقول
فردوس .. الحمد لله انك رجعت بالسلامة
عمر مندهشا .. مالك يا فردوس ؟!! محسساني اني رحت حاربت وجيت !! يا بنتي انا كنت في الحمام !! يعني الموضوع مش مستاهل القلق اللي انتي فيه دا كله !!
فردوس .. اسكت يا عمر انا في حالة دلوقتي ما يعلم بيها الا ربنا !!
عمر .. وليه دا كله يعني ؟!! اهدي بقي عشان احنا خلاص داخلين ع التقيل ولازم نكون ريلاكس !! ولا عايزة بابا وماما يشمتوا فيا ويقولوا اهوه طلع مبيعرفش !!
فردوس .. ههههه
عمر .. ايوا كدا فكيها بقي !! بس سيبك انتي قمر ١٤ وانتي في القميص دا !
فردوس .. بجد ؟!
عمر .. طبعا بجد .. ما تجيبي بوسة كدا ع الماشي
فردوس .. علي فكره انا جعانه اوي !!
عمر ..اها ..  بتتحججي انتي ؟!
فردوس .. لا والله انا بتكلم جد .. انا هموت من الجوع كمان !!
عمر .. لا بعد الشر عليكي يا قلبي .. دقيقتين واحلي عشا هيكون عندك في السرير
فردوس .. لا ازاي ؟! انا اللي هقوم احضر العشا
عمر .. لا لا .. خليكي مرتاحة في السرير .. انا اللي هروح احضر العشا
فردوس .. انا مش عايزة اتعبك
عمر .. تعبك راحة يا حبيبتي
ثم يقبل يدها ويذهب ليحضر العشاء بعدها ثوان حدث ما لم يكن في الحسبان ؟!!
تابعوني والبارت التالي .. تحياتي الكاتب والسيناريست المصري محمد مالك.