رواية لحظات مؤلمة
البارت الثامن
للكاتب المصري محمد مالك
وتذهب شيرين مع زوجها اكرامي لتناول طعام العشاء داخل مطعم هادئ وجميل وشاعري علي النيل .. نعم فقد قضت ليلة جميلة من اجمل ليالي العمر لتعود الي المنزل وهي في غاية السعادةاكرامي .. مبسوطه يا حبيبتي ؟؟
شيرين .. اكيد مبسوطة طبعا .. ميرسي جدا يا حبيبي علي العزومة اللطيفة دي
اكرامي .. يا حبيبتي من غير ميرسي .. انتي بس تؤمري وانا انفذ علطول
شيرين .. يارب يخليك ليا يارب
اكرامي .. ويخليكي ليا يا عمري
ثم يقبلها في يدها ..
شيرين .. الا قلي يا حبيبي مش شقة مامتك هي اول شقة بعد سلم المدخل علطول ؟؟
اكرامي .. ايوا
شيرين .. والشقة اللي فوقيها علطول اللي تعتبر تحتنا علطول اللي عليها باب حديد وقفول كتير كدا من بره ؟؟!!
اكرامي .. دي شقة اخويا هيثم اللي هيتجوز فيها ان شاء الله
شيرين .. بس ليه دي الشقة الوحيدة اللي راكب عليها باب حديد قبل الباب الخشب وكمان في كمية قفول عبيطة راكبه علي الباب ؟؟!!
اكرامي .. هو اخويا هيثم كدا .. حريص حبتين .. شقته بقي وفيها جهازه وكدا
شيرين .. اها .. بس دا كدا مش حريص حبتين !! دا حريص بطريقة اوفر خالص وخصوصا ان شقته جوه بيت عيلة مش برج ولا حاجة
اكرامي .. اهو دماغه بقي مريحاه.. حاولي يا شيرين تطلعيه من دماغك عشان متتعقديش منه
شيرين .. انا اتعقدت خلاص منه .. الانطباع الاول يدوم يا دكتور .. بمناسبة كلمة دكتور دي .. هو انت عيادتك فين ؟؟
اكرامي يرتبك .. ايه ؟!!
شيرين .. ايه يا حبيبي هو انت مش فاتح عياده ؟؟!!
اكرامي .. لا طبعا عندي عياده في وسط البلد
شيرين .. هو انت قلتلي تخصصك ايه ؟
اكرامي .. جراحة عامة
شيرين .. اها .. ماشي يا حبيبي وعندك زباين وكدا ولا بتهش وتنش ؟!!
اكرامي .. اكيد عندي زباين طبعا .. انا معروف جدا في المنطقة هناك
شيرين .. يا واد يا جامد .. طيب ابقي خدني بقي في مره فرجني علي العياده ووريني الزباين دول شكلهم ايه .. اكيد فيهم ستات طبعا ؟؟!!
اكرامي .. ههههه .. هو انتي هتغيري من اولها ولا ايه ؟؟!!
شيرين .. لازم اغير عليك طبعا مش جوزي حبيبي !! اه نسيت ماما بكره واخواتي البنات هيجوا عندي الشقة عشان يباركولي وكدا
اكرامي .. وماله يا حبيبتي ينورونا طبعا
شيرين .. يارب يخليك يا حبيبي ممكن اسألك سؤال ؟!!
اكرامي .. اتفضلي
شيرين .. هي المرحومة مراتك كان اسمها ايه ؟؟!!
اكرامي يرتبك بشدة ويعرق بغزارة وشيرين تلاحظ ذلك
شيرين .. مالك يا حبيبي اتاخدت ليه كدا ؟؟!! ايه دا !! انت عرقت خالص ؟!!
اكرامي .. لا مفيش حاجة .. اسمها مروه
شيرين .. مروه .. الله يرحمها .. هي ماتت ازاي ؟!!
اكرامي بغضب .. خلاص بقي ..
شيرين تندهش من رد الفعل واكرامي يراجع نفسه
اكرامي .. معلش يا حبيبتي انا اسف .. بس انا مش عاوز افتكر الماضي
شيرين .. انا اسفة يا حبيبي انا مش قصدي اضايقك
اكرامي .. معلش انا عاوز ادخل الحمام
شيرين .. اتفضل
اكرامي يرتجف وهو ذاهب الي الحمام يمشي يترنح وكأنه فاقد توازنه وشيرين تراقب ذلك في دهشة وفجأة ... ؟؟؟!!!!
تابعوني والبارت التالي بعد قليل .. تحياتي ..
بجد رائعه
ردحذفرائعة كالعادة رواياتك مختلفة ومشوقة
ردحذفجميله جدا
ردحذف