رواية جرآة بأسم الحب
البارت الثالث عشر
للكاتب المصري محمد مالك
جميع الحقوق محفوظةوتذهب نشوي وعماد مسرعة الي المستشفي وتقابل الطبيب المختص
عماد .. بابا ماله يا دكتور ؟!!
الطبيب .. للأسف عمل حادثة جامدة اوي
نشوي .. يعني هيعيش ؟!!
عماد ينظر اليها في تعجب بعد سماع تلك الكلمة ونشوي تدرك انها تسرعت وتحاول تدارك الخطأ
نشوي .. قصدي هو عامل ايه دلوقتي ؟!!
الطبيب .. والله ما اخبيش عليكم عنده كسر في العمود الفقري نتج عنه كدمه كبيره في الحبل الشوكي واحتمال كبير يصاب بالشلل
عماد .. ايه ؟!! يبقي لازم يسافر بره حالا
الطبيب .. منصحش بالسفر حاليا غير لما حالته تستقر الاول .. بعد ازنكم
عماد .. استغفر الله العظيم يارب .. ليه بس كدا ياربي .. ليه ؟!!
نشوي .. اهدي يا عماد مش كدا !!
عماد بعصبية شديدة .. اسكتي انتي خالص .. اظن دلوقتي بقيتي مبسوطة ؟!!
نشوي .. اظن انا مش بالجحود دا عشان تقول كلمه زي دي !! واذا كنت انت زعلان عشان هو ابوك انا كمان زعلانه عشان دا جوزي !!
عماد .. جوزك !! اوك يا مرات ابويا
ثم يتركها وينصرف .. ونعود الي صفاء الخادمه وسعيد السفرجي
صفاء .. بقلك شفتها بعنيا وهي بتتسحب داخله اوضة سيدي عماد وكانت ماسكه في ايديها هدومها الداخلية كمان !! وبعد دقيقتين خرجت من غيرهم !!
سعيد .. واحنا مالنا .. ما تجيبيها لبر وخليكي في حالك !! الله يلعن اليوم اللي جيبتك فيه هنا
صفاء ..مالنا ازاي يا عمي ؟!! مش لازم نقول ل جمال بي علي اللي بيحصل من وري ضهره ؟!!
سعيد .. نقله ازاي والراجل راقد في المستشفي بين الحياه والموت !! واحنا نقله ليه من اصلة ؟!! احنا مالنا ؟؟! بقلك ايه يا بت روحي لمي هدومك
صفاء .. ليه يا عم سعيد ؟!!
سعيد .. انا هروحك البلد دلوقتي حالا .. انتي ملكيش عيش هنا
صفاء .. وتروحني ليه بس البلد هو انت عملت ايه ؟!!
سعيد .. هو انا هستني لما تودينا في داهيه بعمايلك دي !! عمال اقلك انكتمي وخليكي في حالك وانتي مش سامعة الكلام ابدا !!
صفاء .. خلاص انكتمت اهوه.. بس اقطع دراعي ان ست نشوي ناويه علي مقلب كبير اوي !!
ونعود الي نشوي حيث عادت الي القصر في ساعة متأخرة من الليل بعد قضاء طوال اليوم مع زوجها بالمستشفي وهي الان في غرفتها حائره حزينه تفكر في امر ما ثم تفتح باب الغرفة وتتوجه نحو غرفة عماد وتطرق الباب ولكن لا يرد ثم تفتح باب الغرفة فلا تجدة بالداخل وتنادي علي صفاء
نشوي .. صفاء .. صفاء .. انتي يا زفتة الطين
صفاء تأتي مسرعة .. نعم يا ست هانم
نشوي .. امال سيدك عماد فين ؟!!
صفاء .. تحت في الصالون مع واحدة صحبته اسمهااااا.... اه .. اسمها صافي
نشوي .. صافي !! وجت لحد هنا !! يوم ابوها مش فايت !!
ثم تترك صفاء متوجهه الي غرفتها وصفاء مندهشة تحادث نفسها قائلة
صفاء .. اقطع دراعي بجد ان ما كان فيه ان في الموضوع !!
تابعوني والبارت التالي .. تحياتي ..
في انتظارك الجديد
ردحذفهي رواية لغز لا يقبل الحل ما بقتش تنزلها ليه ؟؟؟؟
ردحذف